十二味 (將軍澳中心)

Open Now

Now Closed

午市尼講酸菜魚餐都算抵死😚$70左右有成個餐 有埋野飲 仲要有碟小前菜❤️酸菜魚夠酸而且麻香 如果再叫都會叫中辣多麻 因為佢都唔算好辣 試過幾次會覺得叫中辣最好 味道會香啲魚既份量都唔會太少 🐟另外試左口水雞 佢個汁加飯一齊食係好好食！如果午市想平平地食個酸菜魚 衣間 都會係一個好推介

(自費食評) 非常吸引的招牌菜😍土豪版酸菜魚(內含粉條) $376我覺得一個人自己也可以吃得完，因為他們的粉條份量不算太多，但是，他們的粉條非常粗，好有咬口又滑又爽口今次我們選擇了小辣，因為我們不可吃太辣的。如果大家網友們可以輕鬆吃辣的，可以選擇其他不同的辣度，例如，中辣，大辣。如果不能吃辣的網友們，可以選擇走辣(不辣，只有酸的) 也可以賣相感覺上非常豐富，有一種大滿足的感覺雖然賣相辣椒比較多，但是如果小辣真的不太辣，只是賣相辣。不過，吃得久的話也會開始感到有很辣的感覺他們的魚肉切得非常大塊，大大塊，淡淡肉，又沒有魚肉，非常美味。如果2人吃的話，可以加配白飯$12更好味了，加配白飯一定會有飽的感覺他們的粉條賣相，非常好。很好味。如果份量多一點更佳。

十二味一直都非常惹味，味道相對其他貴價餐廳都完全不失禮，只是裝修比較簡約。試過幾間分店，品質都很一致，都沒用味精。川式口水雞- 必吃之選，有異於其他餐飲的口水雞，十二味的是辣味十足。雞肉滑滑，配菜份量都足，只是要小心最底的醬汁有點鹹。麻辣香鍋(午餐)- 加錢配什麼肉類不是最重要，基本"鍋"底本身的蔬菜就非常好食，爽口甜香。麻辣香鍋比口水雞少些辣。水煮牛肉- 都好味，跟很多餐廳的水煮牛肉質素、味道及做法接近。蔥油拌麵- 除了白飯唯一拌上面辣菜的主食。油香很足。

天氣凍，就想去食辣嘢，今次來到將軍澳中心既十二味試下。聽講佢哋既川菜都幾正宗。🐠酸菜魚配桂花冰釀$81酸菜魚份量都幾大，不過酸菜冇咩味，魚都幾滑無骨。另外酸菜魚入邊都有少量嘅菇同萵筍，萵筍爽，比較特別嘅係鍋上面有幾片菊花點綴，有中國特色。底部亦有紅薯粉，都好入味。🍶至於桂花冰釀我就完全唔識得欣賞，味道比較怪，口感會有一堆細沙既感覺，味道較淡。牛肉麻辣香鍋配可樂$64🥙麻辣香鍋味道濃郁， 大大碟，有蓮藕、薯仔片、木耳、芽菜配搭埋一齊炒，有鑊氣而且爽口。🌱前菜木耳只要叫午餐就會送前菜，酸度合適，開胃，而且爽口。味道方面都不錯，食物份量又多，中午幾抵食。不過服務態度就有少少差。入去食個時見到旁邊有好多空位，中間就啱啱有食客食完但枱都未執，佢就叫我地坐個度。問佢可唔可以坐旁邊既位，又唔理我哋🙄，係要我哋坐埋個堆人入面😅同格離超近👎🏼

在港的朋友肯定都听说过平价川菜十二味！量大便宜还好吃哈哈！听说了好久终于这次和朋友一起吃啦！1⃣️飘香毛血旺（158hkd）推荐指数：🌟🌟🌟🌟🌟评价：我们点的中辣，辣度刚好～我觉得是点的所有菜中最赞的！里面配料超多，还有鱿鱼，午餐肉和我最爱的大肠等等！超级下饭哈哈，比酸菜鱼的分量更实在些！2⃣️人见人爱酸菜鱼（268hkd）推荐指数：🌟🌟🌟🌟评价：还是点的中辣，但是感觉还是不够辣哈哈，能吃辣的朋友可以点辣一些！端上来一大盆我都惊呆了哈哈，但是里面鱼肉有点散，味道也还是好吃的。不过没有内地太二好吃～3⃣️酸辣木耳（43hkd）推荐指数：🌟🌟🌟🌟🌟评价：这个小凉菜酸酸辣辣脆脆的特别解腻，分量不多，但是对于凉菜来说足够啦！我们四个人去吃点了上面三个菜没吃完～大概人均130hkd+，非常划算啦！下次再去他们家解锁别的菜单！

夜晚凍凍地🥶就好想食啲熱辣辣嘅嘢，屋企附近就有一間十二味，入去食酸菜魚暖吓個胃都好好🥰。我哋叫咗三樣嘢，原本諗住試埋乾鍋，但由於阿媽唔食得辣，所以叫咗個椰菜花，酸菜魚都揀咗小辣。口水雞🌶️🐓 3.6/5酸辣嘅醬汁，配上嫩口雞肉，雞塊唔係好大，好快就咬到骨，但係都幾入味，相對比較鹹。酸菜魚加寬粉🐟 4.2/5相信佢哋用咗鱸魚，魚肉比較實淨，唔會一夾就散，冇骨嘅魚肉片，加上酸菜嘅湯底送入口，正😊😊。鍋入邊仲有寬粉，萵筍，金針菇。雖然嗌咗小辣，但係都見到有唔少嘅辣椒麻椒，飲湯嘅時候都會有麻麻嘅感覺，都會食到流鼻水🤧。我哋嗌咗三至四人份量嘅土豪酸菜魚，份量足夠。炒椰菜花 3.5/5炒椰菜花，見到有小小嘅豬肉，炒得好香口，但係都有少少鹹同油膩。🤓🤓相信都係用咗豬油去炒。地點:位於將軍澳中心商場門口側邊嘅舖頭，依個位平時都會經過，相信都係方便住客😗。環境:開放式嘅餐廳，相信都係為咗排走啲油煙味，用咗比較中國式嘅裝修風格，深啡色嘅木系家具🪑。價錢:平均每個人$180 ，酸菜魚都幾抵食，平均一個餸嘅價錢都係百零蚊。服務:冇乜特別，要求要咩都會有效率地完成。

十二味真係唔會令人失望，一路都係食開麻辣味嘅香鍋，今次黎個唔辣嘅，味道真係冇令人失望，夠鹹香得黎又夠入味，連配菜嘅蓮藕都入味。紅糖糍粑煙煙韌韌，外脆內軟，又唔會好濟，就係飲品可以多少少選擇就好

香鍋真係好好食呀～之前係其他分店食過佢地嘅午市套餐覺得幾抵食，但係因為得兩個人，試到嘅嘢唔多，今次同幾個朋友黎可以試多幾樣嘢，最出色都係個麻辣香鍋，d配料夠曬入味，辣得黎又夠惹味，就係份量有少少多，之前午市套餐冇咁大盆，所以就叫多左幾樣配菜，送飯或者就咁食都好正，推薦推薦！

門口收銀個有口音嘅阿姐服務態度極度惡劣,各位鍾 意貼錢買難受俾個阿姐西面就去食啦。—一入餐廳就俾個收銀阿姐呼喝,落左單後等成30分鐘,食完第二個餸,第一個餸都未到。禮貌咁問阿姐,佢西面行開完全唔睬人。—埋單嗰時,收銀阿姐刻意咁唔俾我哋睇銀碼,又唔俾 張單俾我地睇,問佢可唔可以睇完銀碼先碌卡?西曬面好似人哋欠佢幾百萬咁,張卡有密碼,個阿姐又逼 我哋入密碼,仲要個樣西完全唔望顧客。—終於明白點解入座時有個阿叔企喺度同個阿姐對罵, 真係個個客都俾人不禮貌對待。門口個阿姐係咪冇糧出?老細自己搵人扮下客試下收銀阿姐個態度有幾惡劣,就會知間餐廳點解會咁差。—最重要係啲嘢食唔係好食,多油多味精,仲要食完成肚氣,無下次。

話說突然想食麻辣香鍋， 咁就去咗將軍澳嘅十二味， 其實佢嘅香鍋雖然冇以前咁好食，將軍澳呢間都算仲keep到少少少少水準，牛肉嘅份量都幾慷慨， 送飯完全夠曬👍🏼👍🏼不過，佢嘅前菜「木耳」食到底嘅時候發現有隻蚊浮咗出嚟， 第一時間梗係攞相機影低佢先啦！然後我就叫服務員過嚟，同佢講有隻蚊有啲核突喎？！大家估下服務員有咩反應？對唔住都冇，攞走咗碟嘢，直接換個碟新嘅比我...我想講咪又係嗰個汁😂 所以新嗰碟...我都冇點食到...（ 其實講句對唔住有咁難咩）大家又點睇呢😂😂😂#十二味功夫 #十二味 #十二味twelveflavours #將軍澳美食 #將軍澳 #香港特色 #麻辣香锅 #麻辣乾鍋 #麻辣 #黃怪獸 #黃怪獸覓食 #hk90s #hkfood #hkcafe #hkfoodie #hkfoodblogger #foodie #foodblogger #food

一餐飯4舊水，竟然被俾侍應喝，再被同一個收銀個劃眼線大嬸不禮貌對待，大嬸以為自己做咩行業架？對眼望住其他野同客講串串貢搵交嗌，見到有人頂唔順同個阿姐講”真係火都嚟”,個阿姐唔知講左句咩，個男人直接走左。埋個單，我同朋友無原因地俾呢個眼線阿姐黑面，未見過咁嘅服務態度，反應唔切，埋完單即走，寫評係希望各位客知道會俾人當係狗咁對待。食物冇乜特別環境又逼，憑咩嘢要客人受氣？無人得罪個大嬸架！無禮大嬸唔通係老闆？

好中意食十二味，亦都食過好多分店。將軍澳呢間因為近屋企都有來食。但味道真係分店中最差，除咗干煱OK，其它如酸湯肥牛、尖椒雞等全無水准。店員對堂食客態度差。試過兩次先來評論，但唔會再有第三次！

辣辣辣！😄其實唔係好辣，可以ORDER小辣中辣大辣每次食十二味我都必選呢一度餐，又香又多鹹酸菜嘅鹹酸菜魚🐟，啖啖肉，魚香又滑肉質幼嫩，仲有一些菇做配菜，酸菜一啲都唔酸，個人覺得連個湯底都可以飲唔會有重味精麻辣雞配白飯，個人覺得份量就少咗啲，味道還可以，可能因為係凍食，雞嘅口感唔太滑飲品方面我冇影相😄但我叫咗一杯生果茶，裏面有百香果蘋果，橙有少少生果碎件🥤夏天飲一流😁🌟繁忙時間都要等位，不過係自助落單都算方便

上次fat boy去朋友屋企食飯，我哋叫咗好多嘢，包括埋十二味。十二味係將軍澳都開咗一段時間啦，我都無機會試，今次終於有機會啦。我哋叫咗個香鍋同埋辣子雞。先講吓個香鍋啦，個香鍋可以揀幾隻味，再加幾個配料，我哋成班fd揀咗醬香，同叫咗大約$300。原先以為好少，但點知d料勁多，多到食唔晒，同埋都好夠入味。下次fat boy 可以同女友叫一個晚餐食。而個辣子雞，個味都幾好，不過d雞太細太少，好似食唔到咁……下次唔會叫

偶爾想食辣野，都會食十二味。食過幾次係將軍澳的十二味，菜式份量大，正宗川菜！每次叫香辣鍋都會叫田雞，自己係屋企難處理，都係出面食好。田雞好食，最中意食埋佢d骨，易咬好食。大腸好大條，都幾乾淨。牛百葉都係必點，爽口彈牙。花菜有點太多油，但味道好食。最好味係炒黃豆，香香脆脆，次次都會食哂d豆不過個香辣鍋係唔包飯，如果香辣鍋包一碗飯就更加好啦！十二味的涼粉口感滑溜清爽，但係有少少太甜。葱油拌麵都幾好食，不過都係多油左少少。