十二味 (赫德道)

Open Now

Now Closed

今晚唔想煮飯，所以就諗住買外賣自取，行過見到十二味勁抵，又有乾鍋，又有白飯，仲有青瓜或者木耳跟配都只係$200十二味香辣鍋有：嫩牛肉、雞翼、午餐肉、蓮藕、薯仔同油麥菜，叫咗小辣，超好送飯。牛肉好軟柔，雞翼勁滋味，蓮藕同土豆好爽脆，而且配上白飯，感覺絕對唔會係油膩，份量更加係超級足料，專登夾咗一碗第二日帶飯！另外叫咗份紅糖糍粑同埋Q彈魷魚鬚，紅糖分開另上，糍粑拎到返屋企雖然凍咗，但係口感都幾煙靭，魷魚鬚落咗孜然粉，燒得剛好，一口size十分滋味。

之前食過呢間黃大仙嘅分店，感覺都幾好。今日經過尖沙嘴見到呢度都有得食，朋友都係愛辣🌶之人，舉手贊成再食多次。好快就揀好心頭好：水煮牛肉、紅糖糍粑。之後見到炸串又幾特別，除左牛肉之外，羊腸、羊腩筋都係坊間少見，橫豎有套餐，唔洗左揀右揀，決定要埋呢款小食。 炸串套餐 ($58) 🍢有成6串咁多，分別係羊腩筋、羊小腸、同牛肉粒，各有兩串。個人最愛係羊小腸，脆卜卜，仲有好香嘅孜然味。而羊腩筋亦都幾唔錯，有咬口，但又唔會太韌，細細粒，非常易入口。水煮牛肉($158) 🥘比想像中大盆，滿滿紅色嘅水煮湯異常吸引。視覺刺激味蕾，睇到已經流晒口水。牛肉非常軟腍，入口鬆軟。個人喜好: 水煮食物一定要配白飯，白飯能中和麻辣味，但同時又能夠突出水煮食材嘅香味；如果唔想食飯嘅，都唔驚唔夠飽，因為水煮牛肉裡邊，原來有唔少煙煙韌韌嘅寬粉。寬粉掛湯，索滿湯汁，入口Q彈惹味。紅糖糍粑 ($48)🍮呢個係我食川菜嘅必選甜品，糍粑(年糕條)入口非常軟糯，炸得啱啱好，外脆內軟，沾滿黃豆粉，略點微暖嘅紅糖伴食，唔會太甜，豆香加埋糯米嘅香口，好食到要同朋友爭食。菠蘿汁($25) 🍍微酸帶甜，正好用來解辣。 兩個人食到飽飽，食埋甜

講開食酸菜魚月不嬲都有一間心水嘅選擇就係十二味 價錢唔貴份量又多又好味——————————酸菜魚嘅份量非常多 而且個金湯好好味入面有大量嘅薯粉 萵筍 仲要有香菇最重要有得揀少油 食完都唔使驚太肥膩水煮牛肉叫咗小辣 味道啱啱好入面亦都有薯粉青瓜同埋油麥菜薯粉吸晒啲辣汁好正識咗咁多辣嘢梗係要叫返個四季豆加埋肉碎炒特別香 份量都好大份食川菜必叫紅糖糍粑啱啱咋出嚟熱辣辣配黑糖份量唔多兩個人食啱啱好—————————-講到最鍾意嘅川菜十二味一定係我嘅首選

Lunch我去咗尖沙咀嘅十二味，午市套餐好抵食！我哋叫咗3個午餐一齊食：麻婆豆腐、酸菜魚配粉條、乾煸四季豆，午餐仲有飲品可以揀，揀咗可樂同維他檸檬茶。十二味嘅麻婆豆腐做得幾正宗。豆腐嫩滑，醬汁麻辣香濃，配埋香噴噴嘅蔥花，味道非常正宗，令人回味無窮。酸菜魚配粉條，魚肉鮮，酸菜酸辣開胃，粉條煮得剛剛好，入口滑溜溜，非常適合搭配酸菜魚一齊食。另外，乾煸四季豆炒得香，帶有微微嘅辣味。最後，甜品叫了紅糖糍粑。紅糖糍粑口感軟糯，紅糖味道濃郁香甜。食完一餐嘅正餐，食返一個甜品就開心。

好耐冇食辣，收工同同事即興去食。尖沙咀店夠大，不過有時都需要等位～.招牌必食酸菜魚酸菜魚超大碗，鱸魚🐟魚肉無骨，而且仲要每一件都係大大舊魚，無骨入口嫰滑，配菜有萵荀、酸菜、雞髀菇，最緊要係湯底味道夠麻香。.大盆花菜必食推介！以豬腩片用黎出味，炒得好有鑊氣，少少辣

餐廳位置位於尖沙咀赫德道1-3A地下今日收工就決定同朋友試吓呢一間係尖沙咀赫德道嘅餐廳，我哋喺公司行過嚟都係好近大概都係3分鐘非常方便我哋今日夜晚好彩有book位，因為見到夜晚呢一間餐廳都幾多人食下原來，平日嚟講都算多人，如果大家想黎食嘢嘅話，真係唔好懶一定要記得預約，因為我見門口都仲有幾台人排緊，咁熱嘅天氣下真係唔想排隊🌶️經典香辣鍋，我哋今日就揀咗小🌶️，因為朋友喉嚨有少少痛唔食得太🌶️！我哋就揀咗幾個唔同嘅配料，包括有金錢肚鵪鶉蛋豬頸肉油麥菜腐竹同埋寬粉，一嚟到嘅份量都俾我哋預期中多，我哋兩個女仔都差唔多食唔晒，寬粉嘅味道朔晒所有汁，煙煙韌韌非常好食，金錢肚亦都好夠味道，正！另外朋友大讚佢嘅最近肉唔會太油膩，辣辣地嘅口味非常正，好耐冇食鵪鶉蛋，呢一個組合嘅調味真係唔錯 鍾意食辣嘢嘅朋友一定要叫呢個經典香辣鍋，佢仲有好多唔同種類嘅配菜可以選擇！🌶️極品麻婆豆腐，麻婆豆腐非常香滑，而且食得出廚師嘅鑊氣，豆腐再加埋肉碎嘅配搭，其實真係好正，忍唔住食完一啖又一啖！🌶️西班牙檸檬啤，呢個係店員介紹，話非常好飲，啤酒俾人嘅感覺通常係好苦，但係加檸檬就有一個好Fresh嘅味道, 配埋辣嘢食，簡直係一流，

今日咁啱去開尖沙咀，朋友話想食辣，尖沙咀都其實有好多唔同既選擇，我哋上網睇左邊間好食，二揀一之後就決定食呢間十二味！呢間餐廳有好多唔同既分店，口啤都唔錯，而且餐牌既選擇都算多！我哋去到時間大約係19:00，人數都多，差唔多全滿，好彩我地都有訂位，同店員確認左confirmation之後就可以入去，成個過程都算快，店員亦都非常客氣，好熱情，咁咪我哋介紹佢哋嘅餐牌，問我哋係咪第一次去，非常好！比較推介嘅嘢食有極品麻婆豆腐，麻婆豆腐做得非常好食，豆腐亦都非常有豆味，再加埋好少辣嘅調味，其實真係非常方便送飯，我哋叫咗唔辣，所以餐廳都可以就返唔同程度嘅朋友，呢個位其實都相當唔錯，因為有啲辣嘅餐廳係冇提供走🌶️呢一個option! 口水雞亦都非常好食，本身份量都唔算太細，對得住呢一個價錢其實，雞嘅肉都比較嫩，唔會係太乾或者太柴嘅口感，呢個係我同朋友都非常覺得唔錯，口水雞亦有青瓜做配菜，青瓜本身爽口，而且食落都非常脆口，冇諗過叫口水雞都會有青瓜食！見到有好多唔同嘅食客都有叫佢嘅酸菜魚，隔籬枱都有叫，好香，有機會下次會再返嚟或者試吓喺佢唔同嘅分店都幫襯吓先！

食過好多次十二味嘅午市，有套餐非常抵食👍🏻今次嚟到位於尖沙咀嘅分店食晚餐，水準依舊有保證🉑餐廳入口上樓梯先係用餐空間🍽位置好大，見到有唔少家庭朋友喺到聚餐🫂餐廳整體以紅黑為裝修主色，幾特別✨川味口水雞 $73一上菜就好吸睛，將雞件擺到好似一個波咁😂味道方面好惹味，入味得來唔會太重太鹹，不過雞肉略嫌有少少靭🥲✨極品麻婆豆腐 $73揀咗小辣🍽豆腐味唔算太重，但採用咗個人最鍾意嘅滑豆腐！超級滿意！配上入味嘅牛肉粒，兩者加埋口感好有層次😋✨清炒綠時蔬 $68呢個真心驚喜之作，冇諗過川菜嘅餐廳普通一個炒菜都咁出色🫶🏻蔬菜非常新鮮，普通落油炒已經好足夠👍🏻😋鑊氣之作✨蘋果汁 $25用啤酒杯上好別緻✨✨熱情果梳打 $28因為怕糖漿太甜所以揀咗少甜🫶🏻啱啱好！✨米飯 $12值得一提嘅係餐廳有好多唔同嘅酒精飲品選擇✨

酸菜魚是我們一家人最愛的美食之一，所以我們特地去了一家以酸菜魚為特色的餐廳。從餐廳門口的紅燈籠看來，這間餐廳極具古色古香的感覺，讓人彷彿置身於古代的氛圍中。進入餐廳後，我們爬了一段樓梯來到用餐區。這裡的空間非常寬敞，客人的用餐區域彼此有很大的距離，並且每張桌子都有足夠的私密性，讓人感到非常舒適。我們到達餐廳時已經是晚餐時間的六點鐘左右，已開始坐不少客人。我們決定試試他們的外賣酸菜魚。酸菜的酸味和脆爽的紅萵筍都非常美味，但最讓我印象深刻的是寬粉的口感。寬粉軟嫩入味，搭配酸菜魚的湯汁，相得益彰。整個菜餚的份量非常大，足夠讓我們一家人享用。唯一美中不足的是魚肉比較散，不夠結實。

花椒辣味🌶️既野食真係嗅到都想食, 而每次經過十二味都有陣辣香味飄出黎, 今次真係忍唔住急住返屋企都要買個外賣返去食!1/ 二人餐十二味香辣鍋🥘 $228有齊哂牛肉, 雞翼, 午餐肉, 土豆, 蓮藕同油麥菜, 而呢個餐仲配有木耳同兩碗白飯, 辣度亦有得選擇, 我地就選左最細既辣度, 食落好惹味又過引！最緊要係辣汁完全深入到每一樣餸菜內, 撈埋飯黎食我覺得兩碗白飯係唔夠架😂2/ Q彈魷魚鬚🦑 $28價錢反映雖然有十串魷魚但肉既量唔多, 不過同樣好惹味！3/ 紅糖糍粑🍮 $48呢個我就認為好抵食！因為有成8條糍粑！咬落去煙煙韌韌, 亦因加左紅糖令呢個糍粑甜入心但又唔會過溜👍🏾

人見人爱酸菜魚(粉條)🐟$276 ⭐️⭐️⭐️⭐️⭐️酸菜魚好大碟 份量3人食都夠 魚都好大塊沒有腥味 湯頭好夠酸同辣 落左好多香料 好足味 萵筍軟硬適中 又夠入味 粉條必食 吸哂啲湯又好煙韌 好食夫妻肺片 $68 ⭐️⭐️⭐️⭐️呢個價錢黎講真係好食夾大份 入面有牛舌 牛展同肺 肉質唔錯 唔會太硬又有咬口 個汁都好香辣 啱晒送飯紅糖糍粑 $48 ⭐️⭐️⭐️⭐️望落金黃色 炸得好香脆 糍粑面有黃糖 另可點黑糖漿 黑糖漿好食 不會過甜西班牙檸檬啤🍋🍻$72 ⭐️⭐️⭐️⭐️酒味冇啤酒咁重 淡淡檸檬香 唔想飲啤酒既可以試下藍妹生啤（一杯)🍻$58 ⭐️⭐️⭐️⭐️⭐️冇諗過$58咁大杯🤣 抵飲～

呢間真係為數唔多我最鍾意嘅酸菜魚，分量十足，魚滑鮮味，湯底入晒酸菜同花椒香味，真係飯唔停🫣，配料有炸左既杏包菇，鮮上加鮮，仲有趣卜卜既萵筍，唔少得既當然仲有紅薯寬粉，最難得嘅係唔會煮到林晒或者硬未熟。口水雞偏麻辣，作為前菜亦都係非常開胃，雞肉非常入味，配料有少許炸花生，整體都唔錯喎。原本想叫多個甜品紅糖糍粑，但係已經食飽咗😅下次要叫多一兩個朋友嚟先可以叫多啲嘢食，因為佢每一道菜份量都好多，價錢亦都合理😁

尖沙咀呢間川菜館 —「十二味」已經回訪過幾次～～餐廳主打新派川菜，由四川大廚主理👨🏻‍🍳！午市有提供多款套餐選擇，十分抵食🤩🤩🍲酸菜魚(配粉條) $114✨賣相好吸引！魚肉大大片🐟，肉質嫩滑入味～酸菜爽口酸甜🥬，寬粉煙煙韌韌、好掛湯！！配上用豬骨、鰂魚同鱸魚骨熬成的湯底，鮮味十足❤️❤️🥒蒜泥黃瓜 $43✨黃瓜口感爽脆，蒜泥份量都好多🧄！！調味啱啱好，蒜味濃郁～作為開胃菜就啱哂👍🏻👍🏻🥣ㄠ妹兒冰粉 $28✨冰粉晶瑩剔透，質地Q彈爽滑🤤🤤味道清甜，帶淡淡桂花香～食完透心涼！！🍹熱情果蘇打 (+$8)✨口感清新，熱情果味香濃！消暑一流☀️☀️最後仲買左包餐廳出品的「麻辣香鍋醬料🌶️」，下次試下喺屋企自己整先😆😆

自從開始學　吃辣之後就開始上癮，一直都心思思想吃下川菜，但又怕自己吃辣BB班會受不了這麼刺激🤫但逛街總有一間十二味在左近，真心吸引，膽粗粗就來了🤪 十二味主打正宗川菜，酸菜魚份量十足，叫午市套餐的魚肉量已經很滿足，用上二十個月雲南老埕酸菜、四川酸菜及廣東鹹酸菜炮製,非常惹味。 麻辣香鍋超級香口，配料可以自選，自由度超大，店員有詢問能吃辣的程度，貼心提示如果不能吃辣可以點醬香，但說明麻辣香鍋怎麼可以不吃辣🤤另外水煮牛肉個人覺得不過不失，牛肉是挺嫩滑，但配料均是辣椒和芽菜，不夠吃🫠 特別推介要點紅糖糍粑，炸得剛剛好，外脆內軟，配搭紅糖和黃豆粉超級好吃。

“十二味”晚飯食過好多分店但第一次在尖沙咀食午餐抵食到爆午餐包主菜/白飯/飲品/小食質素味道仍然保持👍🏻酸菜魚$78重點新鮮冇骨/魚肉滑嫩湯底酸辣剛好配料萵苣/菇已索湯好入味😋水煮牛肉$78上檯已傳來麻辣香味紅紅的🌶️🌶️油蓋過嫩滑牛肉配料仲有芽菜/青瓜麻辣雞翼肥腸香鍋$88揀咗小🌶️麻麻香香雞翼和肥腸炸得鬆脆香口香鍋配料還有爽口蓮藕片/雲耳/油墨菜/薯仔條....好惹味配白飯一流熱情果梳打 餐+$8熱情果清新香味，不會太甜，食🌶️野解喝一流柚子茶 餐+8 柚子酸酸甜甜好開胃配食香鍋一流😋整體午餐份量都好足夠，CP值超高👍🏻