十二味 (卓爾廣場)

Open Now

Now Closed

手機QR code 落單有問題，焗叫侍應姐姐落單，黑面同十萬個不願意，最後冇落漏單。未食完因外面有客排隊，亂收我們未食晒D碗碟。埋單想睇單然後比錢，冇單睇只係話左總數然後叫我碌左卡先，到時自然有單出, 我問如果碌左卡唔啱數，點搞？然後個阿姐黑面唔出聲！我黎食餐飯唔知點解要受氣……九流服務再請我都唔會再去，試過其他分店好好，佢地keep住咁家態度離執笠不遠巳……

朋友極力推介十二味，就去幫襯下先！點知真係無介紹錯，店內環境整潔，光線充足，十分闊落，店員親切熱情，令人心情愉快地進食！點了酸菜魚餐，一上枱已經發覺好大碗，唔會因為係午餐所以份量減少，而且魚片份量仲好多，湯底有濃濃炸蒜味，酸辣味道剛剛好，唔會太酸，而且魚片滑溜無骨，連平時唔多食魚既我都一試愛上朋友唔食得辣，所以點了走辣，但都唔會味道過淡，都有微酸微酸既感覺 ，而且午餐仲包了白飯一大碗及飲品一包，以咗平既價錢，食到咁既質素，真係好正

自從疫情之後少咗好多出去食飯 今日同朋友聚會都係買外賣上佢屋企度食 嚟到屯門蔡意橋嘅呢間十二味係川菜餐廳 餐廳裝修新潮 座位闊落 下次一定要嚟堂食下啦川式口水雞 份量唔大 麻辣汁唔太辣 不過非常惹味 雞肉嫩滑用嚟送飯一流麻辣香鍋 可以選擇唔同配料啱曬我呢啲嘴刁嘅人呀 我就揀咗蓮藕 豬頸肉 鹵豬手 蓮藕非常爽脆 同時有索曬麻辣汁嘅味道 香而不太辣 麻味喺個口度非常刺激 又夠曬惹味豬頸肉肥瘦適中 薄切嘅豬頸肉更加爽口鹵豬手嘅外皮非常軟嫩 又有咬口 肉唔多 不過幾好食

今日去完屯門行山 朋友話想食啲刺激嘢於是就嚟到屯門卓爾居嘅呢間十二味到買嘢食啦 餐廳主打四川菜 晚市時間好多人等緊外賣 製作需時 大約等咗15分鐘就有啦大盤花菜酸辣木耳 椰菜花分量好多 裏裏外外索曬醬汁嘅味道 非常惹味 揀咗唔辣 用嚟送飯都幾好食 唔會太冧帶點爽脆 口感唔錯 仲有 五花肉 好有家鄉嘅味道叫左個秘製醬香鍋 同時都係唔辣 南極甜蝦 非常巨型 不過冇剝殼食嘅時候有啲麻煩 蝦肉爽口彈牙鮮甜十足 非常新鮮 鮮魷 同樣地好爽口 加埋醬汁非常惹味 用嚟送酒一流呀嫩牛肉 牛肉分量都幾多 質感軟嫩 火喉控制啱啱好

滋味川菜十二味 (卓爾廣場) (屯門)屯門石排頭徑1號卓爾廣場地下G1B號舖原來十二味係咁多間分店嘅，屯門終於開咗啦，裝修非常新，最鍾意佢牆上面寫住嘅民以食為天同埋讓世界愛上中國美食，今日Billy👨🏻‍🎓帶我食好嘢，投桃報李，等我哋一齊辣辣佢。慾望酸梅加$8甜甜酸酸超好味，超級西胃同埋解辣熱情果梳打加$8最鍾意熱情果嘅香，飲甜野最開心全數麻辣香鍋$46就嚟佛誕啦食下素先，雲耳薯片芽菜全部都係爽口嘅，加上少少辣就好開胃，食素都飽牛肉麻辣香鍋$56牛肉就梗係Billy食㗎啦，青春期要食多啲，唔使15分鐘就清碟霸王辣子雞$138最好味係呢碟，食到停唔到，腰果炸子雞，立美剛剛好，唔會太霸道，成碟辣椒🌶️伴碟勁震撼川式口水雞$68呢碟前菜就一般水準紅糖糍粑$48煙煙韌韌超好食😋我自己個人就鍾意就咁點紅糖，唔點佢嘅酸汁

係外賣app order自取，屋企已經煲好飯，本來成件事好開心，點知返到屋企一打開個盒，即刻驚呆了，食物賣相非常不佳，眼見已知中伏，食物勁乾，特別係肉類，我不求食物香味俱全，但至少唔好over cook到食物表面全部係黑色一塊塊嘢。我唔知餐廳廚師係以咩準則覺得呢份餐可以拎俾客人食，好失望，已經唔係用失準來形容，浪費了食物，辜負食客對餐廳的期待，唔會再有下次，對呢個品牌大失所望。

今日一時興起好想食辣嘢，於是朋友就介紹咗我去食呢一間餐廳啦，呢一度嘅毛血旺非常抵食，入面嘅配料餸菜非常之多，有金錢肚，鴨血，豬大腸，午餐肉，牛柏葉，魷魚，另外我仲加咗要紅薯粉添，呢一個份量非常之大碗，我同朋友兩個人食絕對足夠！我好鍾意食呢一度嘅魷魚，魷魚非常之有口感，而且加埋呢個麻辣嘅香味一齊食真係非常之過癮

心思思想食辣🔥，咁啱見到✨十二味✨做緊午市套餐，$56就有川式小菜+白飯+飲品，好似幾抵食，於是就去試下喇❣️座位之間幾闊落，手機掃碼下單。落完單好快就黎左前菜（青瓜，木耳），同紙包檸檬茶🧃🥢牛肉麻辣香鍋（小辣）$56以一人餐來說，份量絕對係多！雖然有好多土豆、蓮藕、芽菜，但牛肉都唔少，我同豬先生每人都食到5～6塊👍🏻 愛食辣既人，一定建議最少要揀中辣或以上。我地就覺得小辣唔夠過癮😂 而且唔係好食到麻。川式口水雞（中辣）$56呢個真心大推❤️ 首先個口水醬既麻辣度剛剛好，夠香辣惹味🤤 雞件份量都預期中多，平時出去點一份口水雞都未必有咁多舊👍🏻👍🏻 夠我地2個ko碗白飯😂總結：以$56有大大碟餸同🍚，一盒紙包飲品（可以加錢轉飲其他，都是大大杯！），仲唔收加一，絕對係性價比高，夠哂經濟實惠😎 下次要再試下水煮牛肉同酸菜魚先😝

外賣霸王辣子雞，$138， 碎雞肉10小件，細到找唔到，一盒全滿辣椒🌶️，辣椒🌶️抄到全黑色，找來找去 ，也找到極少碎雞肉，無下次。建議不要叫，真心搵笨，浪費$138

🐳最近經常煩惱晚餐外賣可以有什麼選擇，之前堂食過這餐廳，覺得很不錯，這一次試一下外賣🥡🐳川香回鍋肉(辣)+蒜泥青瓜+白飯💰88外賣盒很結實，也有一點保暖，份量也很多，肉，蔥和辣椒都很豐富，雖然隔了一段時間才吃，但還是很惹味，不會太辣🌶，剛剛好。青瓜爽爽酸酸的，很開胃🤩🐳乾煸四季豆(辣)+酸辣木耳+白飯💰78我很喜歡四季豆，因為口感很好，雖然食材很便宜，但做出來很好吃😋，炒得很香，微辣。木耳吸收了醋和辣椒的味，酸酸辣辣，爽呀！

天氣凍冰冰，成日好想食辣嘢，今日諗住買個外賣上朋友屋企度食，係佢附近就揀左呢間十二味。好，睇吓有咩好食先。川香回鍋肉，有辣有唔辣，當然揀辣啦，肉片炒得好香，夠惹味，仲要半肥瘦，有好多配料去炒，正！大盆花菜，主角係椰菜花，好爽脆，麻辣味好正，初先以為得菜，竟然有用肉片去炒，抵食！前菜仲有，酸辣木耳，片片都大塊厚身，跟餐配白飯。紅糖糍粑，非常喜歡呢個甜品，超Q彈，煎到金黃色嘅糍粑，配上紅糖漿，好味味。

疫情洶湧之下，盡量留喺屋企食飯又或者外賣回家就至安全啦！最近得知「十二味」終於要喺屯門插旗，仲要喺正屋企附近嘅卓爾廣場添，聽到呢個消息真係好興奮，以後近近地都可以食到🤣.【招牌自選香鍋 $38】分別有經典香辣同秘製醬香兩味，如果你重口味又偏愛辣，建議選擇經典香辣，仲有大中小辣可以選擇添～.揀完鍋底，再揀配菜，每款材料由$22-$52，最少選擇五款以上。.建議配搭：午餐肉 $42 酥脆香口台灣魚腐 $48 軟彈肉嫩土豆 $22 薄切爽口薯粉 $22 掛汁力強.【蒜泥黃瓜 $38】青瓜清脆爽口，食落Chap Chap聲，加上蒜泥嘅加持，作為開胃小菜實在不錯～.【酸辣土豆絲 $68】酸辣土豆絲，酸酸辣辣又清脆，送返真係一流！.【紅糖糍粑 $48】作為四川嘅經典小食，自然大受歡迎。紅糖粉嘅香甜加上軟糯煙煙韌嘅口感，再蘸上紅糖漿，又脆又香，好有風味

前晚收工買外賣返屋企食 兼 睇 冬奧😂搵左間近近地嘅「十二味」🤣🤣川香回鍋肉(小辣) + 蒜泥青瓜 $88呢個回鍋肉相當正！有少少辣帶出個味道！兼 辣辣地非常之惹味😋而個蒜泥青瓜好重蒜味，好正！又爽脆又清新！做前菜一流🤤乾煸四季豆 + 酸辣木耳 $78四季豆整得非常香！亦無豆青味，易入口！撈飯亦都一流😋酸辣木耳酸酸辣辣咁，食完非常開胃😂紅糖糍粑$48食完飯當然要食返少少甜品啦😊糍粑好煙韌又好脆！好味😋

因為最近武肺嚴重，夜晚都無堂食， 但又想食下唔同既外賣無咁悶，於是就黎左十二味 (卓爾廣場)食酸菜魚外賣$200。雖然外賣，但首先份量係正常,睇圖就知有好多酸菜,魚就有兩三片咁,魚唔會太腥，$200呢個價錢絕對唔敢投訴個湯底好辣好惹味，冬天食真係好暖身。另外值得一提係十二味 (卓爾廣場)真係好方便,屯門地鐵站坐輕鐵過黎都係15分鐘左右十二味 (卓爾廣場) 裝潢擺設都好靚,有隻好瘦嘅貍貓擺係鋪頭外面,好CUTE CUTE呀,打卡一流

有時候突然想吃一些重口味的東西，聽說十二味這一家有很好吃的川菜，不能現場吃，外帶也不錯。🥢水煮牛肉份量足夠，我點的是小辣，不要被紅紅的湯嚇到，辣度對我來說剛好。牛肉嫩滑，除了牛肉，也有滿滿的豆芽和川粉。回家後轉到鍋子裏，一邊加熱一邊吃，麻辣過癮！🥢酸辣土豆絲不太過酸，土豆絲爽脆，開胃清爽！🥢紅糖糍粑一條條金黃色的糯米條，外表脆脆，內裡軟糯。每條都包裹著滿滿糖粉，淋上紅糖漿，香甜Q彈，現場現造現吃肯定更好吃！