孖寶 (Closed)

終於可以同爸爸拍拖食西餐🥘，去咗屋企附近嘅《孖寶小館》食午餐。星期六2點都算多人，不過唔洗等。爸爸食咗［ 香辣蕃茄乾海鮮意粉］🍝，有3隻新鮮蝦🦐🦐🦐，彈牙爽口，香辣蕃茄乾🌶️🍅，非常惹味，辣得好過癮，意粉炒到啱啱好，唔會太油，而且有口感。我就叫咗［西班牙黑毛豬架🐷配薯菜🥦］，黑毛豬架非常厚，但原來內裡嘅肉非常鬆軟，而且粉紅色肉好靚，又有濃郁豬香味🥰。睇落好似慢煮而成黑毛豬肉！連薯條都炸得好香口，絕對唔係番炸果啲。食到咁滿足，只係$160，真係超級抵！下次再黎！！！

食過幾次水準都係一直維持到，天氣咁熱都要行過黎咧邊食，大大力支持黃店💛下午茶時間好抵食 比午餐平$10 唔包餐湯/餐包但都包野飲，叫左二份餐欖油素菜意粉(野菌、甜椒、洋蔥、蒜) $38一上枱個意粉已經聞到好香，而且佢真係食香味俱全 素菜但味道好足又唔會好乾僧僧下午茶黎講份量都好足，係驚喜之選紐西蘭肉眼(七安士) 五成熟 $88睇賣相好似普普通通但一切開 軟熟多汁 放入口 咬落根位都唔覺韌，而且肉味出眾而且薯條本身上枱前已經調咗味唔似一般就咁炸薯條跟餐叫咗一杯 凍榛子鮮奶咖啡 +$15有咖啡香 唔會太甘 又夠滑 最重要係無冰 慢慢飲 味都唔會變淡 抵讚另一杯係 熱加勒比之夢 Free係洛神花果茶 唔係剩係得個香味同酸，帶果香

今日忙完一日，晚餐想食好少少。由於無堂食，只能叫外賣。最近食得牛多，今晚改口味試下西班牙黑毛豬架配牛肝汁。首先外賣員好快送到，所以食物都新鮮熱度夠。呢個黑毛豬架相當厚切，黑毛豬架有濃香肉汁鎖住得好好，唔會煮乾到柴皮咁，咬落去有煙韌感但拿捏得剛剛好，總的是比較滿意。今晚個餐湯係南瓜湯，算是味道濃美，但美中不足是熱度相對不足，的確打左唔少折扣。餐飲是凍奶茶，沖得都幾香滑。呢個外送晚餐算唔錯既，不過可以改善。

都有段時間沒有約小鬼食飯了, ‪今晚突然好想去「孖寶小館‬」所以收工齊齊入上水.💃🏻小館同我上次來時一樣, 仍舊保持整潔舒服西餐格局, 就因疫情關係多了不少隔板.研究一輪後我們各自選好今晚晚餐。🍴蘭度豆忌廉湯好特別餐湯用了蘭度豆磨碎煮成，口感綿密豐富。🍴香煎三文魚配檸檬牛油汁 $118通常食到的香煎三文魚扒都比較熟所以乾身鞋口, 這裡做的香煎三文魚扒嚐了一口即刻令我😍心心眼, 廚師對火喉拿捏恰巧, 魚皮煎得香脆肉身竟軟嫩帶汁, 肉質滑溜賣相漂亮, 蘸點檸檬牛油汁更加提味。👍 🍴七安士紐西蘭肉眼扒 $1583成熟牛扒拿捏得剛剛好非常準確值得一贊，細嫩軟腍且不失嚼勁, 配上牛肝菌汁整口牛扒的肉味精華在我嘴巴裡起了交融作用。伴碟的鮑魚都不要小看口感軟嫩有鮑味。👍🍴烤蜜汁雞翼 $58今晚同食肉獸大作戰，牛扒同三文魚過後我哋再戰雞翼，事關我哋望到隔離碟雞翼太吸引了！熱騰騰香氣十足，皮脆肉嫩淋滿蜜糖汁好食到爆燈。💡💡🍹靚女店長服務殷勤，為我們送上餐飲是提子梳打同菠蘿梳打，食飽飽有助解渴解膩爽爽！

上網搵到呢間孖寶，大受好評加上知道是黃小店便懲罰佢地光顧下。點知。。一入到去覺得好奇唔洗量體溫，但每張枱都有消毒酒精方便人客消毒。有細心位先黎個薯條配黑松露，唔記得影相，因為好好食，值得一試有叫set dinner 就有龍蝦🦞免費，口感味道都ok .之後有叫洋蔥圈，但無咩洋蔥味，炸粉味就厚，旁邊有沙律🥗菜，醬汁好醒神青口配忌廉汁，第一啖好咸，好重鹽味，第二啖都係覺得好咸就即刻無食，忌廉汁食唔出，都係好咸。蜜汁雞翼最好食，厚厚的蜜糖配上皮面夠脆身，外脆入軟意式pizza,上面有黑色既汁但食唔出咩味，薄餅都正常的西班牙黑毛豬架，肉質好厚但有點韌，而薯仔能再煮淋小小會好，因太硬身，而且無味。我有朋友之前食過皮好脆口，所以今次再食，點知。。塊皮好淋，帶點硬，味道比之前仲咸左，同上次食的大不同，係唔係個大廚今日放假。總結：要加強服務方面，同職員拎碟同刀叉都好似唔想做咁因爲有朋友生日，買左蛋糕，才要向職員拎刀叉，但職員不願意的分開拎比我地，仲要兩個圍住講要刀叉，未知是否生意太多而唔想做，係有點失望😞而且仲發現收污糟碟時，其中有一隻無用到，職員即放回乾淨的碟上再重用，衛生嗎只有一位職員是有禮貌的，帶

6月凡惠顧set dinner每枱有半隻龍蝦送每晚有限量 送完即止哇 小編系龍蝦迷 即刻走左入去食😻😻叫左兩個dinner set 😍😍1. 露筍牛油果帶子risotto 食至lam lam 脷丫 飯唔太creamy 呢個combination 無敵好食 🤩🤩2.香煎威爾斯羊架叫七成熟就剛剛好啦 煎得好香羊味濃 但唔系好蘇 好正✌🏻✌🏻3. 龍蝦🦞正丫喂 芝士焗嘅 好邪惡不過好香 好多肉 你唔會忍到口 食左先再減肥Dinner set送餐茶 餐湯 好抵食

好少會同朋友係上水食飯，因為好食既餐廳唔多。每次上水食飯第一時間諗起一定係孖寶小館好食之餘又坐得舒服。今次決定叫啲之前冇食過既菜，就係西班牙黑毛豬架、吉列豬排漢堡、香煎牛脷。餐湯甘筍南瓜湯配蒜蓉包，湯好creamy👍🏻以為個吉列豬扒漢堡一定會將塊豬扒用好多麵粉炸，但好驚喜咁發現完全唔係。豬扒食落唔韌而且juicy，配搭埋芝士、蕃茄、生菜、洋蔥，配上咁多蔬菜，炸起炸豬扒唔會覺得好膩。佢地個薯條我更加係每次都讚不絕口，新鮮炸起絕不欺場。西班牙黑毛豬架：本身對佢唔算高期望，可能咁樣反而有驚喜，因為佢塊豬扒好厚，第一眼感覺好韌，但食落完全唔係嗰回事，有咬口得嚟都保持嫩滑。宜佢個薯仔焗過，加左少少鹽更加惹味，食到停唔到口。香煎牛脷： 同燒牛舌唔同，呢個厚切牛脷好腍，似慢煮過，再將表而煎到焦脆，十分出色！店舖貼心地為每張枱提供酒精搓手液，又拉起隔板間格開每天枱，令食客食得安心又放心。今次又多左一個原因令我更加中意佢地。

放假先黎落大雨 唯有留係屋企寫下食評消磨下時間啦 相信好多北區人對孖寶小館都唔陌生 孖寶小館係區內出名既黃店 而且食物水準非常高 一路都有好多捧場客上個星期同屋企人去左孖寶小館食lunch 今次之前 我已經黎食過無數咁多次 貪佢夠同聲同氣 我地叫左個pizza同松露薯條share黎食 兩樣都好好食 特別係個松露薯條 好白松露味 同埋係我最愛既粗薯條呀！薯條應該係即叫即炸 外脆肉軟我自己就點左個carbornara 都係同樣出色 好creamy 食物賣相唔錯 好適合用黎呃like價錢方面 性價比非常高 大件夾抵食非常推介俾對黃店有份堅持同執著既你地！老實講 以呢個價錢有咁高既質素 就算佢係咪黃店我都會支持（黃店就加多一百分啦！）黎緊我都會多d帶屋企人同朋友去食呀！

唔知大家仲記唔記得香港人Foodie好耐之前整合過幾個早餐post呢？做新界東做到上水嘅時候發現有早餐嘅黃店唔多，當時見到孖寶小館覺得喺一個咁近中國嘅地方有間西餐早餐真係好難得。但光陰似箭日月如梭時移勢易，孖寶小館附近已經多咗幾間唔同嘅早餐選擇，今次先帶大家食孖寶小館啦～班尼迪蛋英文係Egg Benedict，英國人好鍾意食，仲係復活節嘅應節食品，通常係金記豬柳強嗰塊包+煙肉+水煮蛋。孖寶小館呢個就將多士代替咗豬柳強塊包，煙肉嘅部分就轉咗做風乾火腿、燒牛肉或者煙三文魚，小編就揀咗燒牛肉。食Egg Benedict最精彩就係篤爆隻蛋嗰吓，一篤！篤唔爆嘅！原來小編太溫柔，再大力少少就爆咗，小編都影唔切呢個咁神聖嘅時刻😂 塊燒牛肉都算厚，有啲黑椒喺個邊邊度，幾有咬口同幾香。不過沙律上面啲黑醋汁就少咗啲啲。幾好飲，但泡沫咖啡竟然無拉花😭 不過拉花又唔重要嘅，咁忙邊得閒慢慢拉😂 食完早餐之後小編睇過吓啲正餐餐牌，發現啲正餐都幾抵食，有飯有意粉有扒鋸，大家可以去試吓😆

小店一間，店舖不大，但因為有隔板，而且枱面有提供消毒酒精俾客人，所以都食得安心。Lunch set配包同湯，個包都幾有誠意，唔係是旦拎個餐包，而係有香茅味嘅麵包。至於個湯唔記得侍應話係咩豆湯，但好香好特別，食到啲豆蓉，好有口感。懷孕嘅關係，個紐西蘭肉眼叫咗全熟，但意外地一啲都唔鞋，反而好Juicy至於屋企人就叫咗個黑毛豬架，第一啖食落去好有豬頸肉嘅感覺，肉質鮮嫩，幾有驚喜！至於個意粉都好彈牙，不錯。最後想提一提佢杯榛子咖啡。一般餐廳，都唔敢期望杯咖啡好飲，但呢杯咖啡好香濃，好飲！

叫左個美國厚切穀飼豬肉眼配燒汁食豬扒最怕食到過份鬆肉既豬扒同柴皮無汁 去呢度食就夠穩陣 孖寶小館既豬扒仲要係厚切 梗加正 因為係穀飼豬 呢度豬扒唔係痴住成堆肥膏位既豬 肉質煎得啱啱好 厚切豬扒都可以好易切開 配試燒汁入口香甜惹味 豬扒夠爽脆彈牙 起度食就唔洗驚食到嚡口豬扒啦 平平地去食塊扒唔錯〰️ *塊扒影相前切左黎食 所以先睇落咁小😆#gmt飲食推介#gmt黃店 * 捐錢俾星火#gmt上水#gmt甜品#yellow上水

星期日中午十二點前來到這裏食午餐，十二點過後開始多人，還有人要在外面等位。點餐之後先上的是餐包和餐湯，是日餐湯是蘑菇忌廉湯，蘑菇濃度很高，忌廉相對比較少，使得這湯味道分外香濃，值得推薦。欖油菠菜雜菌蕃茄意粉，意粉軟硬適中，菠菜雜菌份量充足，味道配搭得宜，好味。炸魚薯條的炸鱈魚香脆可口，魚肉味濃有口感，份量充足味道好。加拿大黑毛豬鞍，肉質好，不韌亦不太淋，調味剛剛好，配上汁料不會太淡，亦能突顯肉的鮮味。主菜都很好味，更值得一讚的是餐茶有多種選擇，即使配花茶也不用另行加錢。我點了一個花茶：加勒比之夢，微酸有花香味，開胃醒神，花茶的雙層玻璃杯精美，喝到一半我才知道原來另有茶隔可以隔開茶渣，果然是既精美又實用。這間餐廳的午餐做得精美，味道好，值得一再光顧。

今日嚟到呢一間餐廳我大約大半年前嚟過， 記得食物質素和服務都做得幾好， 所以今日再同屋企人嚟， 最深刻上次食個既羊仔柳。松露薯條+ 香煎牛脷我哋叫咗兩款小食， 松露薯條用咗厚切嘅薯條， 灑上少少黑椒做調味， 伴松露沙律醬， 個醬汁好香松露味。香煎牛脷係用厚身嘅牛脷煎， 唔會煎得太老， 肉質幾淋， 幾有牛味。自製餐包+南瓜湯 加拿大黑毛豬鞍扒餐廳標明餐包係自製嘅餐包， 食落去比出面嘅麵包較為鬆化， 南瓜湯夠熱， 南瓜味都好濃。豬鞍扒切得夠厚， 豬扒邊煎到有少少焦香， 肉質鬆軟， 保持肉汁， 配牛肝菌汁， 呢個配搭幾夾， 配菜仲有煎薯， 意式黃青瓜和意式青瓜等。芝士牛肉漢堡漢堡嘅size都好大個， 個漢堡包都有搽過牛油和煎過， 除咗塊牛肉漢堡之外仲有生菜，蕃茄，芝士等其他配料， 牛肉漢堡 肌肉質都幾濕潤 ，唔會煎到乾曬。蘆筍牛油果帶子意大利飯煎帶子其實都幾考功夫， 小弟試過煎帶子失敗， 入返正題， 將牛油果做意大利飯嘅醬汁， 啖啖都食到牛油果嘅味道， 味道唔會太濃。

看食評不錯，首次光顧。差㸃以為自己不會吃西餐！叫了幾個餐:牛扒上抬時只暖，牛扒乾的，像返熱，完全不像煎出來的！失敗！！再來兩客意粉，頭一碟:生硬。以為上水街坊喜愛這口感，第二款已叫煮耐一點。结果，你有你想，我有我煮:又是一樣的生硬。算吧，心想吃完走了算，無下次。叫餐飲，凍檸水。簡單不過的飲品，結果再令人失望:由於檸上是巳加糖水的。飲一口完全無糖，以為個人重口味，叫服務員攞糖水以為OK啦。落完都一樣，試下糖水:完全無味。再叫攞糖水，試味，水一般。問服務員是否糖水有什麽問題？獲回覆這是老板娘主理，他們管不了 隔離枱客都看不過，也不滿她們的服務態度之餘，亦投訢她們的意粉也是生硬的。并表示雖然她們也是這餐廳老僱客，但也覺食物質素及服務巳越来越差，以後也不會再來。看來這餐廳要做居民街坊生意的，應好好反醒一下了。

大半年前嚟過呢度食飯，覺得呢度嘅出品好有水準，好合我口味今次難得再嚟上水，就特登番嚟呢度試下，睇下水準係咪依然咁好上次嚟好似未有set dinner，今次就有個精選嘅餐牌，三心兩意嘅我就唔駛左揀右揀餐湯係好香濃嘅南瓜湯，仲有份好香嘅自制麵包香煎牛脷大大塊煎得香脆嘅牛脷，火候做得好，內裡保持軟滑嘅肉質，唔會好韌，非常有水準炸薯條配黑松露醬薯條即炸所以非常香脆，黑松露味道突出，配搭薯條係一個非常滋味嘅小食芝士牛肉漢堡呢個漢堡真係令人有啲難入手，因為份量真係太豐富，好難一口食咗佢漢堡肉夠嫩夠多汁，芝士味道香濃，蔬菜中和番肉嘅油膩感，令人食完一啖又一啖，非常滿足加拿大黑毛豬胺配牛肝菌汁呢個黑毛豬胺原本嘅質素已經好好，所以就算就咁煎好嚟食已經非常好味，我覺得醬汁只係一個小點綴豬胺肉質軟滑，咬落仲食到肉汁，肉味香濃，而且夠厚身，係一個非常高質素嘅肉扒露筍牛油果帶子意大利飯好鍾意用牛油果整嘅意大利飯，比起用肉更有果香味同獨特口感加上大大件嘅帶子，呢個有少少奶香味嘅意大利飯真係好飽好實在食咗咁多鹹食，最後想飲番杯甜甜嘅朱古力作結尾不過見隔離枱嘅花茶好似好特別，下次再嚟都要試下先得