孖寶 (Closed)

晚餐是平及高質素原來早餐一樣是日去上水行華山，出發前去上水舊墟食，較方便原本我想去廣城冰室，最愛厚蛋治。但友人話食過，貴又服務態度差我想起孖寶小館。晚餐食過幾次，平靚正。早上8點45分，已坐滿9成，估唔到咁多人。餐牌有太多選擇，每一款吸引，搞到我有選擇困難症最後我揀了$34餐$34真好抵，花茶是可免費跟餐我最愛玫瑰花茶和花茶杯沙律菜，醋不太酸雜菜湯螺絲粉，湯夠味!原來燒牛肉是火腿的朋友，好味。食家完飽肚，有氣力行山!

餐廳佈局很有心思，其中一邊牆是長長的黑板，用粉筆畫了些公仔、寫了些字句，還張貼了幾張吸引的菜式圖片，細看之下，還看到一些小朋友筆跡，很可愛。我們2人各點了一份晚餐，另外點了一份小食。煙三文魚凱撒沙律的生菜很爽脆，煙三文魚也弄了個花樣，絕不馬虎。紐西蘭肉眼有7安士，味道香濃，吃時口裡溢著牛的油脂香味。白酒煮大蜆是意料之外的好吃，肉厚肥美，煮得剛好熟，口感滑溜。餐茶除了咖啡奶茶之外，還可以選擇特色花茶，都是不用加錢的。初時我以為是普通的茶包，但原來是用香料、花、果皮等材料混合沖泡，味道獨特。這裡的晚餐價錢不貴，$78-$148﹐食物也不錯，聽職員說，他們每天早上都會到街市購買新鮮食材，是用心經營的小店。

呢排網上好多呢間餐廳評論甘岩又去上水搵食，所以食食但是結果有d失望，伏再次証明出名唔代表好味由於要等位，一早已經係門外睇好見到門口有個牌寫住 廚師推介 < 德國豬手配 蜜糖芥末醬 >雖然要散叫，但見廚師推介都決定食Well🤷‍♀️點知大失所望價值178的豬手，份量比想像中細應該得半隻左右(Ps:圖中嘅漢堡係另外點,因為枱面實在太細放不下)點知食落去仲出事整隻豬手非常乾，係超級乾果隻因為太乾嘅關係，所以變得非常韌好似食緊啲柴咁仲要好大陣嘅著豬騷👎另叫咗一個晚市套餐漢堡配薯條冇對比冇傷害對比德國豬手的確好味但係以呢個價錢同味道，我會簡隔離街果街cafe跟餐可簡果茶今餐最可取的地方餐廳細心用杯架隔將茶同茶渣分隔薑味濃仲可以加熱水沖多一杯1

第一次係上水舊墟搵早餐食，見哩間唔錯，就決定黎試試佢。叫左一個A餐和一個C餐。A餐揀左黑松露炒蛋、貝殼粉同埋桂圓紅棗。炒蛋好香黑松露味，唔算滑，但可接受。餐包好松軟，正😋貝殼粉煮得岩岩好，唔會煮到發脹曬，又唔會未熟，真係岩岩好👍🏻桂圓紅棗係茶包，好香紅棗味，淡淡地，唔會好甜，岩曬少糖人士，即係我。C餐揀左炒蛋，燒牛肉，雞扒同埋桂圓紅棗。燒牛肉味道好香，唔會太咸。雞扒有點過火，唔夠嫩。總體來說，早餐性價比超高👍🏻推薦👍🏻

半年無食過是日同學生日，想在上水區食飯，我推介這間我叫了至愛的墨魚汁意大利飯，其他交給同學們話事前菜叫了洋蔥圈和雞翼洋蔥圈漿太厚雞翼是我們食到中段才上，我們已遺忘。有驚喜的雞翼，即焗，蜜糖味濃同學叫牛扒，我推介蘑菇汁，因為蘑菇味濃薄餅夠脆，芝士厚身牛油果飯，味道怪怪食完發現無牛脷，原來漏單。牛脷厚身，午餐肉味濃睇openrice, 有人寫黃色經濟圈，我不知真定假，好在無黑人憎的年儂牆食物質素好，自然有人光顧6人請一人，每人$150，抵

一日一黃店 北區抵食西餐呢間最主要就係 係牆上面貼住張收據 海報等等捐錢找數真漢子 唔懲罰你都唔得啦.人均大概$50-$70 跟湯 麵包 飲品呢日叫左⭐️香煎三文魚扒意粉配檸檬牛油汁 午餐$68 下午茶$58👍🏻魚扒 幾厚身 份量真係唔錯 同抵食👌🏻味道個汁小小酸酸甜甜西餐價錢算平 會再去.#孖寶小館 (上水)地址：上水新成路109號地下.⭐️評分：味道：4/5環境：4/5服務：4/5抵食：4.5/5.

今日陪bff去探嬤嬤，探完就諗住係附近搵下有d咩好食😋見到依間舖頭，食西餐，望落都吾錯，價錢又合理，所以就入左去試試🤤有好多選擇，店員就推薦我地食黑毛豬胺同和牛漢堡，不過我好想叫個煎牛舌小食，見人地個包好大，兩個女仔怕食吾曬，諗住都係留翻下次先食😋第一個上嘅係餐湯，佢個餐湯一啲都吾馬虎，係我最鐘意嘅西蘭花湯😍好濃郁又吾會太膩口，又有奶油香，真係好吾錯，配埋佢焗到脆卜卜嘅香草包，真係好正🤤.佢個牛舌煎得好香好香，用左最香最肥美，又夠曬腍身嘅舌腩🥰入口就溶左一半，愈食愈香👍🏻.第一個上嘅主菜係黑毛豬胺，切開見到都仲係好多汁，中心位有小小小小粉紅🥰真係煎得岩岩好，好有水準，煎豬扒最怕太乾身冇肉汁，佢依到完全冇依個問題，豬胺加上佢個自家製肝菌醬，冇得頂🤤後來叫多左個炸薯條配黑松露醬，薯條夠香脆，吾係空心薯條，個黑松露醬都好香，直情係港女必點💁🏻最後黎埋個檸檬牛油汁配三文魚扒，個皮煎到又香又脆，切開入面仲係濕潤嘅粉紅色，同豬胺一樣火候控制得好好，配上佢個檸檬牛油汁，味道好清爽，又吾會太搶戲，吾錯吾錯👍🏻整體黎講，食物都好有水準，飲品食品嘅選擇都好多，一次絕對食吾埋主打菜式，睇黎都要去多幾次先得🥰

支持一下小店！今日係上水果邊做野，就上網搵下有咩好食！見到今地介紹呢間西餐就決定去食下！夜晚7點幾去到，店內坐滿人，我地等左一陣就有位了！係等位既時候見到店鋪門口有寫餐廳推介，有蘆筍牛油果帶子意大利飯，聽落幾吸引。入到去就叫左意大利飯，意大利飯上面有三粒帶子，帶子嘅size都幾大粒，配埋牛油果食落幾特別幾creamy，感覺幾健康😆另外店員仲推介左加拿大黑毛豬胺，豬胺好厚份量都幾大，食落好有肉汁配埋牛菌汁一流！小食就叫咗烤蜜汁雞翼，雞翼外皮好脆，新鮮熱辣辣，配埋蜜汁，甜甜地幾好味！今次呢餐果然冇介紹錯，食物質素都幾高而且價錢都唔算貴！

係和你eat到睇到上水僅有嘅幾間黃色小店 就打算黎食個tea~ menu唔係好多選擇 叫左紐西蘭肉眼配薯菜同埋火腿芝士忌廉意粉 送兩杯花茶🍵 本身期望不大 但呢間西餐真係唔錯👍🏻👍🏻1. 紐西蘭肉眼配薯菜 （七安士）叫左六成熟 冇overcook! 口感唔錯幾juicy 薯條係新鮮炸嘅 2. 火腿蘑菇忌廉芝士意粉冇乜特別～都ok~3. 桂圓紅棗 甜甜地幾好飲Tea break好抵食 埋單都係$126😂😂

下午來到餐廳坐滿哂人，店員態度很好很有禮貌，等候約5-10分鐘就安排了位置比我們😊Tea set好抵食，大部分set都平lunch $10，但今次去未到下午茶時間，所以只好叫Lunch set🙈－－－－－－菜式1. 芝士牛肉漢堡 4.5/5👍🏻等左約15分鐘，漢堡包終於送上🤤每一條長薯條都灑上味粉，香脆之餘仲好夠味😋漢堡包外觀睇已經感覺到鬆脆，麵包經過烘底，入面再配上芝士、蕃茄、紫洋蔥、生菜，一啖食落去好滿足！加上牛肉好Juicy，有牛味唔會煎到好乾，小店冇收加一服務費，真係幾抵食☺️

其實上水都有很多隠世美食，行經孖寶小館門外，見到入面裝修幾別緻，而且睇到門外嘅餐牌都幾吸引，一於食呢間!餐牌上面都有好多唔同款式嘅食物，有選擇困難症嘅我哋真係樣樣都好想試，最後店員誠意推介“加拿大黑毛豬鞍”，咁就點埋呢樣啦。黎到嘅時候已經見到豬鞍好厚好有份量，真係迫不及待要試!!! 豬鞍真係好鮮嫩又多汁，煮得剛剛好，加埋牛肝菌汁，真係好好味。另外，仲點左露筍牛油果帶子意大利飯同埋炸薯條配松露醬。意大利飯軟硬適中，非常creamy，加埋牛油果一啲都唔膩，仲好夾添，而且帶子好大隻，非常鮮甜!炸薯條即叫即炸，非常脆，加埋松露醬是完美的配搭!值得支持嘅小店，性價比高，會再來唷!

在上水行完街見到哩間裝修非常有特色的西餐廳🍴同朋友試下先🧐😉起初以為係餐廳廳。一進去就充滿西餐餐廳的感覺。食物款式也有11款以上，有扒類、小食之余還有pizza 😍我和朋友點了兩款主食和一份pizza 兩款飲品。1⃣️加拿大黑毛豬胺非常好味😋肉非常厚、本以為會煎得唔夠熟因為太厚，熟度剛好煎得又唔會焦。肉汁鮮甜帶少少爽口🥳2⃣️紐西蘭肉眼扒（7安士）。七成熟個人覺得剛剛好，因為唔喜歡食太生的肉類。不會太生又有牛肉的鮮美😬pizza 是意式風情薄餅。d芝士真係可以拉絲😱超級正🥰飲品是1⃣️熱的泡沫咖啡☕️拉花圖案是我最愛的人。2⃣️紅豆冰🤪外面大多數是用花奶、但孖寶小廚係用鮮奶個人覺得更加好飲，紅豆半半有多😊

年初來過吃晚餐，對這裡的沙律及pizza回味無窮，一直想找機會再來吃，今天終於得償所願了✌️原來今次轉了新Menu，沒有之前那款沙律，我們就點了另一款，亦絕不遜色，水準一樣是這麼好👍煙三文魚凱撒沙律🥗$88足料好味，三文魚及沙律菜也很新鮮，沙律醬汁醒胃😋欖油菠菜雜菌蕃茄意粉$78用上幼嫩原條的菠菜，很特別，意粉彈牙👍瑪格麗特薄餅$88材料有辣肉腸，青椒等，芝士夠濃厚，餅底薄脆😋烤蜜汁雞翼$58擺盤美觀，雞翼烤得剛好，非常惹味👍檸檬雜果花茶 及 加勒比之夢花茶(跟餐)花茶芬芳四溢，味道濃郁

上水除左葯妝店同葯妝店以及葯妝店之外，好食既餐廳真係買少見少第一次黎到孖寶小館，餐廳係一間西餐廳價錢都係走貼地既平民路線門口畫左一啲圖畫，點綴左門口單調既玻璃晚餐既價錢相當大眾化，幾貼地除左晚餐果意粉之外，餐牌上都有一啲小食同pizza選擇依個粟米湯幾好飲，甜甜地，小朋友實鐘意不過手快有手慢無，我地叫左一個餐先，嗌到第二個餐果時餐湯已經全部售罄紐西蘭肉眼要五成熟，無煎得過熟，切果時無咩血水流出，溶雪做得幾好pizza有拉芝既效果配上小小黑醋汁，中和反無甘漏，餅底都幾脆卡邦尼意粉普普通通，不過以份量取勝雞亦炸得幾香脆，不過個蜜糖汁比較甜左少少

又係幾個朋友聚埋去食飯好彩我地都大概都七點頭到有張枱啱啱走就可以啱啱好坐低啲枱都放得密既 不過個格調同裝修都算靚隔多一陣就可以睇到可觀既人龍喺店外排隊小食可以照加28蚊轉套餐 就有湯有包有野飲包冇配牛油 但係夠軟熟都唔需要咩配料湯有啲存疑 一開始落單話係南瓜 個湯落枱就話係甘荀定其實係南瓜甘荀湯呢？飲落係覺得南瓜既不過 希望味覺冇錯( ´▽｀)小食叫左牛脷 同雞翼同行友人話係好食既 切落去都唔覺韌雞翼意想不到有六隻蜜糖味好重 個味唔錯再加少少蒜加返少少口感不過特別有一隻係咁既樣。。。主菜係豬手！配菜既沙律係好食既！薯條有少少辣粉 都特別既 個汁甜甜地 都係蜜汁既味道 配豬手都好夾豬手個皮望落都脆既 不過就好有咬口口腔入面既咀嚼肌係有啲攰既 但抛開個皮 個肉係夠味 質感都係可以接受既最後仲有個burger 全日最好食既應該就係佢配菜都同豬手一樣 就唔多講啦包入面都足料既 除左芝士 牛肉 蕃茄 仲有酸瓜個包面都烘得脆既 但又唔會好乾都好食既飲品 建議從簡整體黎講 中規中矩 價錢都屬中價可以黎試一次既 但就唔會有咩特別驚喜