兩姊妹涼皮有限公司 (柏樹街) (Moved) New Location

第一次食，門面已經好多人等緊，都好香花椒味，價錢可能差唔多啦，我冇比較其他鋪頭。但第一次食我就，食到一半有隻小強。唔知講咩好，可能我真係唔好彩。默默地將嗰半鬥dump咗。

一進店內已聞到濃濃的花椒味，口水直流。必點特制涼皮。木薯粉和薯粉做成的滑溜粉皮，要配特製的椒油香醋同食，涼拌最正，大酸大辣，非常開胃，加上滿滿的莞荽，食完真係慾罷不能

每次經過兩姊妹店都大排長龍，今次終於醒目提早叫咗外賣自取。兩個月冇食，個心囉囉攣，所以一次過叫晒招牌涼皮，同埋大部份小食，終於可以過到口癮。涼皮：小辣多麻，加青瓜、雞蛋乾，分汁，兩碗。其中有碗汁佢地忘記比多麻。 涼皮清爽，但總係平時覺得佢地撈埋個汁好食d入味d。小食椒麻雞：椒麻味唔算突出，少許失望小食青瓜雲耳：青瓜吸哂醬汁味道小食蓮藕：十分爽脆

招牌兩姊妹涼皮🍃(微辣)$29  ✨：8.5/10  好滑好涼 比期望更好😍冇加餸 但係都已經有幾多配菜有脆豆 青瓜絲 花生碎好鍾意脆豆 口感好好之餘 味道都惹味 想另外買嚟當小食😂😂分量夠 食完幾滿足辣度唔高 平時冇食開辣 微辣都唔辛苦 尤其佢好涼浸浸 辣得好舒服如果平時食得好辣 可以再要辣啲 會過癮啲食到最後 就見到有啲油 不過預咗 ok嘅😂 係值quota 食完想再食😚另外最好自備餐盒餐具 我今次冇諗到(TT)對唔住地球先生

一間想食好耐既店，或者係希望越大，以致失望越大，除左雲吞幾好食之外，其他都好一般，椒麻雞份量又小，雞肉亦鞋，招牌涼皮的確無咩特別，秋癸都唔好食，自己煮點豉油芥辣重好食過佢，試過就算，唔會有下次

去完旺角特登去尋覓兩姊妹門面係大愛嘅中國風招牌兩姊妹涼皮+牛柏葉+肥腸 （中辣）上網煲咗少少食評，見大家都話個辣無乜料到，所以我都試吓中辣（平時譚仔食開5小）果然辣度偏低，不過涼皮幾滑；牛柏葉熟度剛好，索埋辣汁更好；肥腸切到同牛柏葉差唔多，又有少少腸味，正！！椒麻雞本來試酒香雞腳但賣晒 大部分係去咗骨嘅，仲有一隻雞鎚底下有青瓜心，善用食材👍🏻👍🏻用嚟墊底/伴菜/又可以refresh一下最緊要讚吓佢哋部機有得打「自己盒」即係好多人會自攜食物盒去買❣️愛護地球由我做起❣️不過下次都要帶密實盒去，帶咗普通外賣會，返到屋企啲汁漏咗啲🫣#太子 #太子美食 #太子黃店 #旺角 #旺角美食 #元朗 #元朗美食 #元朗黃店 #長沙灣 #長沙灣美食 #長沙灣黃店 #屯門 #屯門美食 #屯門黃店 #涼皮 #香港涼皮 #兩姊妹涼皮有限公司 #椒麻雞 #yummy #yummyfood

係太子行過想買外賣返屋企食，諗住食辣嘢所以就行去兩姊妹涼皮，見到都多人等緊外賣。我就叫咗招牌兩姊妹涼皮(中辣)同椒麻雞(中辣)，因為我唔食荽茜同花生，所以都叫咗走荽茜，花生。等咗大概10分鐘就有得拎。平時食開譚仔中辣嘅我就覺得兩姊妹個中辣唔夠辣，可能下次要叫大辣先得。涼皮同平時食嘅好唔同，兩姊妹嘅涼皮係厚身啲，食落煙韌啲。同埋佢個調味係偏甜，唔會覺得好重口味。椒麻雞都唔錯，雞肉嫩滑，調味都足夠，仲有幾嚿青瓜墊底，但都唔係唔夠辣。同埋佢個份量少左啲，同屋企人share食兩嚿就無，唔係好值$52。除左價錢之外整體都唔錯，下次行過都會再買！

今日想食四川麻辣野、諗起一直未試過兩姊妹粉皮、見人氣都唔錯、喺附近有間分店就特登去買個外賣，叫左椒麻雞大辣、涼皮加$2要（香香大辣）店員話香香大辣（+2）係香啲同埋再辣啲～～我本身譚仔米線可以食到大辣/特辣。食後感覺：粉皮本身質地做得好好Q彈爽滑，辣度等如譚仔小辣左右，以前因為在國內工作食開咗嗰種味道，but我睇過訪問係話跟四川師傅學習？比較接近當地味道？er 我個人認為仍然偏港味多一點⋯另外，香香大辣加咗$2我覺得有d多餘、叫椒麻雞特登試吓普通大辣，試吓佢哋兩者有什麼分別，老實講分別不大。建議叫返普通就可以😌，涼粉同涼麵上面一定會有啲炸黃豆，鬆脆帶少少鹽巴、唔錯👍總括嚟講係幾好食，但對於食得辣嘅朋友仔🐷鍾意四川麻辣嘅朋友，我覺得叫嘅時候最好要叫勁辣la

之前已經聽到好多人話呢間好好食，今日滿心歡喜由旺角行過去太子想試一試，第一啖已經覺得有啲失望，叫咗大辣都唔係好辣，同埋感覺上粉皮同醬料係分開兩層，唔夠入味，粉皮質地都唔夠彈，如果唔順路真係唔使專登行去試，如果普通當一餐lunch都可以嘅

兩姊妹涼皮有限公司今日出去太子針灸，見到一直想食嘅兩姊妹喺附近，於是去搵下。跟住Google地圖行，話已經到達，我再問人，佢話喺我後面條街，原來有兩個招牌，我眼望到就係無「兩姊妹涼皮有限公司」嘅招牌名，遠望以為一堆紅衛兵，搞到我唔敢行過去！😂😂😂招牌兩姊妹涼皮$29（8/10）叫左中辣，唔算好辣，辣中帶少少甜！麵超冰涼，爽口彈牙，其他鋪頭涼皮可能要搵海關，全部都唔涼，反而呢度真係會超冰涼，唔會呃人，非常正！@twinsliangpiltd地址：太子柏樹街15號地舖#兩姊妹涼皮有限公司 #涼皮 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfood #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong

招牌兩姊妹涼皮 $29 （加$10 豬肚絲）本身涼皮配有少許芫茜、蔥、青瓜絲、花生碎、豌豆🥢先講最好食既主角-涼皮😍呢款係涼拌，涼皮入口冰涼😍彈牙滑嘟嘟，其他鋪頭就算涼伴其實都係微暖，而且口感似粉皮，淋淋地完全唔Q彈，但係呢碗涼皮唔算太厚而且唔會漿住個口，似食緊彈口既啫喱🤣因為第一次食，辣度今次揀左bb辣，岩晒想過下口癮又唔食得辣既朋友仔🤣惹味得黎真係冇乜辣味🙈加埋青瓜絲更加清新，夏天食真係一流🥰美中不足既係揀左豬肚絲，食落偏韌，有幾條咬都唔係好咬到🙈不過涼皮實在太好食，有機會我都會再食，下次唯有揀啲唔好咁有咬口既餸🙈例如木耳/雞蛋乾🙈

見到好多人係門口排隊慕名而來試下<兩姐妹涼皮><招牌兩姐妹涼皮>叫左兩碗，試左個中辣同埋小辣， 辣度唔算太辣，食得辣既人不妨試下大辣，辣得黎帶少少甜味，好惹味，值得一試😋配料叫左金錢肚同牛栢葉，都係唔錯ge配搭之後外賣去到海旁附近食靚景襯涼皮係咪末試過呢😉

我諗呢間係我食過全香港最好味嘅涼皮 未食過的 一定要去食下❗我次次食都係點 招牌涼皮😋面質超冰涼 爽口 彈牙 （出面食個d涼皮係暖架或者麵質一般 太粉~...）可以加餸 我就加左豬耳~ 雞腎 配料我覺得無咩特別 有d腌5夠味~ 比較有嚼勁😋涼皮撈埋配料 青瓜絲~ 脆豆~ 口感好豐富 👍🏻調個個醬料都好好味 😍正 食涼皮個涼皮同個汁先係重點啊~P.S 得外帶渣

以前有得立食，但而家佢收起咗張長枱仔，唯有外賣返屋企/去公園食。*招牌兩姊妹涼皮 $28招牌不愧係招牌，當然厲害。首先，份量多，滿滿一碗。涼皮厚身、半透明，質地滑捋捋，口感似啫喱帶少少煙韌感。基本配料有蔥粒、芫荽、青瓜絲、脆豌豆、花生粒，我最欣賞脆豌豆，卜卜脆又唔過硬，而且炸得唔油。醬汁唔會太重口味，我揀BB辣，真係一啲都唔辣😂*雞蛋乾 (+$6)份量偏少，得五六片薄片，口感上同涼皮唔係太夾。*好多青瓜絲 (+$3)完全冇改錯名，好多好多青瓜絲，好似食緊青瓜麵咁，同滑捋捋嘅涼皮係絕配。

夏天30幾度，熱辣辣有時真係冇乜胃口🥵呢個時候最啱食啲清爽嘅嘢，路經兩姊妹見有涼皮就試試佢招牌兩姊妹涼皮（$28）涼皮面頭鋪上大量青瓜絲、芫荽、蔥花，再撈入麻辣汁🌶涼皮口感滑嘟嘟又薄，加上麻辣汁麻麻辣辣好惹味😍而且涼浸浸夏天食就最啱啦💕以三十蚊都唔使嘅價錢抵到爛惹味口水雞（$47）份量都合理嘅，麻辣調味得唔錯，雖然冰鮮雞但都冇乜雪味夫妻肺片（$48）有金錢肚、火雞雞腎、豬耳、豬脷，份量都幾多