Twomoms

Open Now

Now Closed

佢竟然係我叫完外賣返到屋企個炸雞係脆！生醃鱸魚好食到爆炸 完全唔鹹😭 仲有個豬肉拌飯😭救命呀好食到爆炸😭超級足料啲肉又多啲配料又出色個醬又唔喊！要努力做落去🏋️🏋️🏋️🏋️好耐冇食過好食嘅韓國嘢喺元朗🫶🏻對唔住，食晒無影相

The most authentic and yummy rolls Iv had in Hong Kong. The ingredients are fresh. The price is very reasonable. What a treat! The kimchi is second to none 😋. The place is very clean and tidy.

今日一試甜酸炸雞便當，好好味，份量又多。即使係拎番屋企食都仲係脆的，雞又juicy, 大家可以一試鋪頭老闆應是正宗韓國人. 期待下次試其他菜式食完才發現忘記影相,哈哈

呢間元朗小店開左咁耐都未食過，主要賣韓國定食，小食等等。呢間店冇堂食，只有外賣，今日就叫左呢間店的外送。定食有豬、牛、雞，可以揀辣同唔辣。叫左個牛肉定食（由於本人唔好洋蔥，所以走左洋蔥）牛肉定食主食係牛肉+雜菜+菇+韓國粉絲，白飯，小食有泡菜、醃蓮藕、豆、水蛋。味道可以，份量剛好，但外送要$78，貴左啲。

夜晚收工去元朗雞地淘寶4PX 店攞野，發現旁邊有間叫Twomoms 既韓國外賣店，餐牌好似餐廳咁多野食，但價錢💲都🆗️，揀左牛肉定食🍱，入去落order，發現原來有期間限定食物，即轉試下個韓式年糕餃子湯🍲，老闆娘(估係韓國人)話天氣凍❄做比大家試，攞左上車🚘即熱食，費事返屋企凍左，真係堅好食👍💯，似韓國食既感覺，食完暖晒。又一間食店可以做飯堂。不足之處係只做外賣，不過又時係車食都可以啦。

夜晚放工路過，想買個便當返屋企食。一心係諗住去隔離台灣嘢嘅，點知見到呢間新鋪開張，黃色嘅主包非常之吸引，就停低腳步，睇吓係賣乜嘢食。原來舖頭主打家常韓式便當，其實都幾令人好奇，因為便當都係日式嘅多，韓式嘅比較少。餐牌上面嘅選擇亦算豐富很多基本嘅韓式料理都有提供。仲有啲得意小食，一次一定試唔晒。最後我揀咗炸豬扒便當，因為好好奇同日式嘅炸豬扒便當會有啲乜嘢唔同。首先先講包裝，佢個飯盒同紙袋都非常精美，俾人第一嘅印象都很好。除豬扒外，仲有椰菜沙律、蒸蛋同埋泡菜，感覺家常又有誠意。豬扒厚身但唔會好油膩，拎到返屋企都仲保持到脆度，整體而言非常之有驚喜！下次一定會去買埋牛肉嘅菜式，希望一樣有韓國正宗嘅味道。

好耐冇去雞地搵食😋，見天氣涼❄返，走出yoho mall 外面睇睇👀。發現新開左間韓食外賣店，位置有D隱蔽，買左個韓式牛肉拌飯，58蚊，韓食都算平，老闆娘原來係韓國人添。去買埋杯珠奶🧋，急急腳返屋企開餐。打開見到好多拌菜，有隻流心煎雞蛋🍳，牛肉同枯，加埋D醬，撈埋好香。不過D醬少左D。可以試下叫多醬。牛肉好正👍唔係用肥牛，好似韓燒食果隻牛肉，醬汁又甜又辣又香，差不多成個拌飯食晒。平民化價錢有正宗韓國菜食，如果有位坐就最好，不過都會繼續支持。🥰

由韓國人主理的小店，只有外帶，沒有堂食。飯卷只有一款：火腿紫菜飯卷（$38），每次都係即刻製作。飯卷紫菜好薄身，飯卷餡料有🥚厚厚玉子、🥕紅蘿蔔絲、煙燻火腿條、🥒青瓜、醃漬和醃製蘿蔔，飯卷面放上芝麻，包得好結實，唔會一食就鬆散。米飯唔會太黏口或乾身，青瓜同醃漬物，令飯卷食落爽口，整個飯卷唔會好重味，有少少麻油香，配搭剛好。由於飯卷好結實，正常食量嘅女仔，食一份飯卷已經好夠飽～老闆娘好親切有禮，我地喺店出面等外賣，佢整好飯卷就拎出黎比我地，用韓文講多謝。❤️😊

正宗好食韓國菜，CP性價比極高。先見到兩個韓國女士(講韓文)派傳單，有一個用廣東話講多謝晒😂，就試下買個辣豬肉定食。之後見佢地立即入去炒，等了大約十分鐘ok。之後見一個韓國男客人講韓文叫野，好有韓國feel。回家一打開就已經覺得包得好靚，又好多餸，原來堅係好食，係果隻韓國味，我估係韓國家庭的煮法，重有D韓式配菜，飯都好似係珍珠米，韓國日本餐廳果隻，我最鐘意。原來元朗都有正宗韓國野食。我一定有下次。支持小店。