TwoTwo Chicken (Closed)

因為都係港島返工, 放工近近地去大坑搵食, 經過見到呢間炸雞, 裝修同一般炸雞店好唔同, 係半開放式設計, 有一行bar檯向街, 都幾好feel!唯一唔好就係座位比較狹窄!睇完餐牌, 同朋友點左四川麻香炸雞&甜辣炸雞各半隻, 韓式香辣海螺冷麵,韓式香蔥餃子四川麻香炸雞&甜辣炸雞各半隻 ($88/半份)(半隻約五件左右)四川麻香味係香港分店限定, 當然要試一試, 炸雞較乾身, 麻味重, 表面佈滿花椒, 如辣味加重會更惹味甜辣味是韓式炸雞常見口味, 肉質較四川味嫩滑, 有甜味中和下仍不乏辣味, 加上芝麻點綴, 唔錯!韓式香蔥餃子 $58 一份有六件, 醬汁是甜酸味道, 配炸物相當搭配, 但切記趁熱進食, 因凍了, 餃子皮容易變得乾硬,影響口感! 韓式香辣海螺冷麵 $118海螺肉質夠實, 最怕淋芝芝口感, 加埋醃製過嘅酸青瓜, 都幾開胃, 不過唔食辣嘅朋友, 唔建議點, 又或者記住點小辣, 唔係會食得好辛苦, 個人最唔鐘意係椰菜冇整熟, 有啲苦雖然性價比唔算高, 但係大坑想搵搵新意, 都不妨試一試!

前日又約咗朋友去銅鑼灣行街買嘢，順便去中央圖書館搵D參考書看，看到差不多七點左右才先走人，又係時候搵食，我朋友話不如食雞，咁我叫佢開個Apps查查附近有冇呢類餐廳， 咁好彩又有仲係韓式炸雞於是就拿拿聲起動去到見餐單款式都幾多選擇呢度點雞仲可以半隻，唔似其他韓式炸雞舖一定要全隻，所以我地就可以點多D其他口味，於是要咗香蒜炸雞半隻，甜辣炸雞半集&四川麻香炸雞半隻同韓國海鮮雜燴麵，飲料梗係飲樂天汽水因為我地係叫半隻雞所以上碟可以全部一次擺晒買相唔錯，件數大約每款5件左右，咁又幾好唔會食剩，我就先食甜辣炸雞入口肉質嫩滑醬汁香燶唔算太辣，再來係香蒜炸雞未食已聞到濃濃蒜香味面層已見厚厚香蒜，細細啖咬一口已感受到強烈攻鼻，慢慢再食就會覺得好嘢味再來係四川麻香面層已見到麻辣椒籽，咬落皮脆肉香漸漸口裏有小小麻痺好似食緊麻辣火鍋咁又幾刺激簡直太好味食完1件又1件停唔到口，正啱我地食得辣人食，最後食埋碗海鮮雜燴麵才算食韓式晚餐材料豐盛有青口&獅子卷&泡菜&蝦柳&青爪同蛋黃，湯底開胃小辣。

星期四晚兩個女仔收工後喺大坑周圍行下，無意中發現呢間TwoTwo Chicken，被佢半開放式嘅裝修吸引咗入去。😍打開Menu有六款雞揀，當中麻辣炸雞係為香港而創嘅特別口味，所以我地叫咗麻辣同我最愛嘅甜辣各半份。店員貼心問我地需唔需要小食，所以就決定試埋openrice勁多人讚嘅韓式香辣海螺冷麵。閒日夜晚坐滿八成人，以大坑咁靜嘅地區生意非常唔錯。而令我最最最鍾意嘅係舖頭不停播唔同嘅韓文歌，例如岩岩hit完嘅鬼怪都有在play list之內！成個感覺好似去咗韓國一樣。☺️等咗大概15分鐘，主菜上場喇！兩款口味嘅炸雞配上雜菜同碟送上，而每半份大約有5件甜辣炸雞 $88（半） 先講我最愛嘅甜辣炸雞，食入口先會感到甜味，辣味後來慢慢浸出嚟，口感非常豐富。醬汁稠度偏濃，非常開胃，不過對於食開小辣嘅我味道偏辣。四川麻香炸雞$88（半）表面沾上四川辣椒粒，由於岩岩已經食完辣雞，只係試到麻味，呢個crossover配搭非常新鮮！韓式香辣海螺冷麵 (HKD 118)其實岩岩炸雞嘅辣味仲未過，將冷麵同醬汁撈好後一啖食落口，即刻辣到飆汗。冷麵非常爽口，但由於我唔太食得辣，所以最終被辣到無晒味覺。所以提醒大家唔

收工特登係天后落地鐵入大坑買two two返去食見d cm話香葱炸雞好味，，我就買左半隻試下加一個海鮮湯麵、、我住北角個頭，估唔到返到屋企隻雞仲好暖，，完全唔洗再叮熱👍🏻好好味、味道特別！半隻真係唔夠喉👍🏻個湯麵幾辣嫁！但都好好食！好岩冬天俾我暖下胃！two two d員工好細心、特登同我講湯麵包左兩層保鮮紙，怕我拎得遠會倒瀉！好有心！雖然係要特登入黎幫襯！但只要食得開心！我一定會多多幫襯架😘😘😘

剛剛韓國返黎。係個邊每日都食two two。知道香港開左間。當然要黎支持下。but一條友食唔到幾多。所以只叫左半隻原味炸雞除左知道韓國雞出口唔到香港。大部份都一樣。呢到環境好休閒，今日黎到仲要無咩客人，所以食得都好舒服😄👍🏻 我本人不嬲鍾意食雞胸位。呢到都做得幾滑👍🏻雞既味道同韓國亦無乜分別。keep到水準😉另外叫左一罐ceylon tea。低糖好飲呢餐整體都好滿意。俾90分👍🏻👍🏻👍🏻👍🏻👍🏻👍🏻😄

長假開始 訓到而家先落街叫外賣 第二次幫襯 無無聊聊就打下食評喇叫左一隻蒜味炸雞 返去打機食 一路行返屋企個袋都傳黎好香ge蒜味 哈哈我從來食嘢唔會聽人講話好食就喺好食、要試過先知龍與鳳 好味既蒜香 我地大坑居民真係眼見一間一間餐廳執粒、食物選擇已經越黎越小！陰公豬外賣包裝好貼心 除左外賣盒造型得意、有個紙袋 就算明知我地係街坊買外賣返屋企 都會貼心準備濕紙巾同手套 外賣包裝一d都唔省皮個蒜香雞亦好好食 加埋貼心外賣造型 一間好有誠意既餐廳👍🏻

同朋友特登入嚟大坑搵食、行開見到有間餐廳幾靚、幾開洋！就入去試下la！叫左半份雞、薯角同餃子第一道先嚟薯角、同其他餐廳好唔同、薯角好香口！再嚟係半份雞、個汁都幾野味、唔算辣、岩曬我地呢d想食辣但又唔食得太辣ge人👍🏻👍🏻👍🏻👍🏻👍🏻👍🏻原來間餐廳叫two two⋯⋯就咁睇個logo真喺唔識讀😁一問先知原來呢間喺特許經營、首爾有三百多間！香港得一間、我會再嚟食、推介推介！😁😁😁😁😁😁👏👍🏻

睇到雜誌介紹話大坑開左two two⋯⋯今日day off特登同老公入黎食，順便慶祝相識2000日😍😍😍我記得係韓國食過甜辣炸雞，愛懷念的我們，當然不得不點個甜辣試試，另外staff介紹下，我叫多半隻香葱雞雞，staff仲講笑話，唔岩食唔準嬲嫁😂😂😂點會嬲呢，個香葱雞雞真係好好食，有d芥末蜜糖，好食過甜辣👏👏👏👏👏👏👏值得一讚係雞係可以半隻半隻咁叫，食曬兩個味，唔同韓國咁要全隻叫，反而貼心咁可以俾人試曬兩個味，我地已經book定左位下星期同家人黎再食👍🏻👍🏻👍🏻👍🏻👏👏👏👏👏

今日公司開個死人ot開到8點半 心情已經唔多好 因為我係cwb做野 最近聽同事講話大坑個頭開左炸雞 話好出名 試過都好食咁我收工就過左黎試試佢 叫左一隻原味 原來仲有沙津仔係隔離 都叫做無咁熱氣 果然雞係出色 皮真係好薄 好好食雞胸都做得好滑 食到好野味 個原味本身都好出味 唔駛怕無味 果然出色出色比個雞王佢做😂😂😂😂😂😂😂食完將我ot既不快心情都解決左希望下次可以同朋友黎食埋其他味 因為一個人食左一隻都真係好滿足了值得一食

同男朋友好耐無入過黎大坑，真係轉變不少，今次係特意入黎幫襯下two two chicken...因為男朋友係韓國都係two two fans..我地點左半隻香葱半隻甜辣炸雞，哇，一食下，佢話同韓國一模一樣我地本身未食前都會怕有分別，點知完全無，staff好貼心主動了解我地口味，非常親民，又會同我地傾下題外話，nice爆走前我地再外賣多半隻香蒜炸雞，staff話可以連外賣盒叮35秒，但返到去我地都係就咁食，好特別呀個蒜味，我媽子聞到咁香都食埋一份今次幫襯two two令我地過左一個快樂既週末，最重要係男朋友當左自己去左轉韓國

一個字 正。麻辣炸雞超正，外賣盒亦好可愛，超愛 今次第三次幫襯，因為太太喜歡食麻辣，為左哄下太太就買隻麻辣雞，又香又好食，雞胸位都好滑，抵讚，推介推介，大坑位置黎講，價錢亦好平，好野一定推介俾香港人既，成日都想堂食，因為堂食應該會仲正，我食過香葱，照燒，每一次都只會外賣一隻味，希望可以把味道試得真一點，今次麻辣亦令我太太食得特別開心另外值得一讚店員，店員會細心講解每種雞既味道，因為黎過三次，店員認得我都會同我好nice咁吹水 ，等外賣亦唔洗怕悶親

韓式炸雞店多到飽和，已經冇邊間可以提起興趣去，唯獨呢間除外，因為Two two chicken係韓國好出名的炸雞連鎖店，可惜去韓國多次我都未食過，而家香港大坑有分店，都抱住期望去試。大坑店面細細，菜式選擇都唔多，有幾種炸雞同拉麵意粉。主打的炸雞可以選一隻或半隻，心多的話仲可以來個雙拼，我對原味的韓式炸雞已經完全失去信心（太似KFC），所以就選了香蒜+照燒汁各半隻（$78半隻），話就話半隻，但每邊只有4-5件，分量偏少。初頭以為香蒜係炸蒜片，原來係一pat生蒜蓉蓋係炸雞上面，越食越辣又嗆鼻，唔怪得點菜時侍應都話幾濃味，原來係指辣味，跟住仲聽到佢同另一枱客講：呢隻仲辣過甜辣果隻，我心諗：你唔早講😑。至於炸雞本身已食唔出咩味，只知咬落唔乾身，炸粉都唔厚，已經比出面好多間好一點。如果係嗜辣同蒜蓉怪，不妨一試。至於照燒呢，個汁太heavy太杰，有點似食緊醬油膏咁，味道亦偏甜，整體感覺一般，唔太推介。

寒冬裡最好就是吃點辣食來促進一下血液循環為身子帶來滿滿的暖足感了說到吃辣，首選當然是韓食了想要回味正宗的韓食，就當然是要選TwoTwo Chicken了去是時候時值聖誔節店內也點綴上了聖誔氣氛開放式的吧枱很有談心的氣氛店裡還貼心地準備了電話充電線離不開手機的低頭星人開心死了來到TwoTwo Chicken選吃炸雞絕對是亳無懸念的店裡還貼心地準備了手套本來還以為盒子裡的是紙巾呢照燒汁炸雞 (HKD 78/ 半隻)所有的炸雞中最愛這款了照燒汁很惹味，但又不會過咸而且很入味，配合鮮嫰的雞肉令人齒頰留香香蒜炸雞 (HKD 78/ 半隻)香蒜味道極為濃郁但略為蓋過了雞的鮮味不過雞肉仍是很鮮嫰多汁韓式香辣海螺冷麵 (HKD 118)早前盛傳的極辣泡麵與這道有異曲同工之妙剛吃進口裡只感到甜甜辣辣但辣味及後便漸漸湧出終致令人辣到飆汗，甚至流淚雖然是冷麵，但吃完後卻感到十分熱辣！！韓式芝士湯麵 連2隻雞全翼 (HKD 58)本來以為只有芝士泡麵但想不要還有2隻雞全翼這樣算來這道還真的超劃算的而且芝士亳不吝嗇每條麵都掛上厚厚的芝士，極為惹味Ginger beer & Ginger ale (各HKD 18

我係住附近既。之前返屋企時已經見到有間韓式店唔知係食咩，但估佢都係食雞同飲啤酒。因為間式似酒吧感覺。今日放假訓。又唔想出街就睇OpenRice 睇下食咩好。睇左附近既野食就醒起有間韓式食店就睇下有咩食。見到有幾種炸雞。甜辣炸雞等等，最特式有麻辣炸雞，仲有意粉同意大利飯。咁就落街買。落到去已經見到有一對情侶坐係到。見到有D枱已經訂左枱。我揀左原味炸雞同泡菜雜菌意大利飯。等左10分鐘就有了。店員比外賣我既時候已經聞到好香同埋包裝得幾好唔係求其袋比你。裝雞個紙盒好可愛。仲好細心有濕紙巾同手套Tim個原味雞好味我第一件就食雞胸唔*鞋*開頭係到諗點解可以唔*鞋*咁勁。食食下先知係春雞。炸完都可以咁滑。同埋總係有陣香味。個泡菜飯我覺得麻麻，偏甜。不過總括好食，會再幫櫬

是次出訪大坑，是因為某某友人工作比較忙碌，為了就她便來到這裡來！靜靜的環境，點上自己喜歡的食物，與友人談談天，這個店舖是不錯的選擇！炸薯角因為我們還要等友人放工，所以就先點個小食，熱騰騰的薯角，薯仔味十足，炸得脆卜卜，一件接著一件，一件件“傻仔”就好快被KO了！甜辣炸雞香噴噴的甜辣炸雞，層有著一層秘製醬汁，甜甜辣辣，每一啖都有醬汁，非常惹味！雞肉頗嫩滑，連雞皮一起入口都不會覺得太膩！伴碟還有一些椰菜，一邊食炸雞，一邊食炸雞，大大減低食炸雞的罪惡感呀！香蒜炸雞香蒜炸雞一上枱，已充斥著濃濃的蒜香味道，這些香蒜就像即磨香蒜一樣，味道強烈，絶對是蒜頭控的首選！一口咬入炸雞，雞肉有肉汁，不會很乾，個人就覺得蒜味辣了一點，但米仔就食得津津樂道呢~~~韓式香辣海螺冷麵冷麵旁，伴著掛滿著韓式辣醬的椰菜，當中還有海螺肉把冷麵夾起，再夾中間的配菜，然後自行把冷麵及配菜混在一起，一啖一啖，味道很不錯，很開胃！