三少爺 (Closed)

尖沙咀嘅金巴利街其實會好少行到入去，唔係朋友帶去食蝦湯麵都未必知道乜玉泉忌廉都有ZERO，真係果日先食麵先知，應該唔多餐廳有賣<三少爺蝦湯麵> $90入面有蝦，切片豬腩肉，魚片，雞蛋，通菜，豆卜湯或有濃郁蝦味，據稱用上大量蝦肉跟蝦殻餚製，每一口都有鮮甜味，不過湯有少少唔夠熱而麵有幾款選擇，我選了米粉吸湯不錯，基本上配料都好味，最愛豬腩肉的入味軟腍，反面隻蝦有少少不夠彈牙<瑞士汁雞批> $35隻雞批肉汁豐富，而且啲瑞士汁入哂肉身裡面，好正

在尖沙咀這個鬧市中還是會有一家人情味十足的小店，近年香港每個景點也充斥不少國內遊客，每次一踏足尖沙咀也有種想早點回家的意慾。這天跟L小姐準備要到尖沙咀換越南盾到越南旅行，所以迫不得已要來這走一敞。L小姐說想吃點越南菜先打一下底，她說在報紙中看到這家三少爺，所以帶了小妹來，但地點卻是在韓國街，在韓國菜中找這越南菜。店內裝潢並不大，大概可以容納下15-20人左右，店內並沒有水吧，所以沒有奶茶咖啡等供應，但有樽裝的維他奶或汽水等。店舖只有兩至三位店員，店員們都會主動推介店內的特色，例如熬煮多時的蝦湯麵，東南亞特色喇沙，越南撈檬粉，最重要是那炸物生炸雞脾。店員說三少爺主打的是東南亞的食物，並非單一的越南菜，所以要來嘗嘗那蝦湯麵、喇沙湯麵及越南撈檬等。二少爺 東南亞風味喇沙 $73在餐牌上會有每一種粉麵及湯底的介紹，東南亞風味喇沙湯，用上熬煮3-4小時的雞湯底及其他香料混合而成，入口微辣。這個短短的介紹已經可以讓第一次吃的人也可以多些了解。點了個東南亞風味喇沙湯，這個色澤不似椰奶紅油般，這個是咖哩湯底更重，入口味道是咖哩味濃郁，每一口也是會上癮的味道，香濃的咖哩湯頭，微辣易入口，不會太嗆喉。蝦子

一向都甚鍾情馬拉街頭美食，但香港比較少有，今次在尖沙咀韓國街發現了一家新開的，蝦麵是招牌菜，當然要一試！三少爺蝦湯麵 $90我地係馬拉食開蝦麵同喇沙都是半油麵半米粉的，咁樣食最正可以吸到d湯之餘又有油麵既香而且口感更豐富。可惜係香港食過幾間都無得咁樣，但呢度竟然可以！未食已經加分！店家稱他們的湯頭以7斤海蝦殼及蝦頭長時間淆製，喝下尚算湯郁，吃得出海蝦的鮮甜，不會過咸，不自覺地會喝清光海蝦爽滑味鮮，更出色的是滷豬肉，肥瘦相間，口感鬆化，味道甘香入味。芝士蝦春卷 $48啖啖鮮蝦肉，味鮮彈牙，沒多混入其他東西，真材實料，每啖都嚐到芝士香，令口感同食味都更豐富！小店炸雞脾 $35其貌不揚，本身還心想中伏了吧..意外地一咬下勁酥脆，味道都唔錯~最後叫左兩罐野飲，都係平時食店比較小有既zero cream soda同罐裝椰青水~

今日約左朋友行街，行之前就諗住食過快嘅午餐。平日通常都去厚福街攪掂，貪個度多選擇。由尖東出發，經過金巴利街，見到依間新開既三少爺，喺門口睇過個餐牌，我同朋友覺得都可以，又唔洗等位，就入去試下。我地叫左個三少爺蝦湯麵，炸雞肶撈檬，加大少爺雙炸share,本身睇中左日日自家製飲品，但老闆話而家無做，被迫叫左罐zero (其實係因為午餐既關係，所以飲品係送的）。老闆話炸雞肶係生炸，所以要等耐少少，我話可以，心諗估唔到依家仲有生炸雞肶，變得有d期待。幾分鐘後，就先上個蝦湯麵，唔理三七廿一，試下個蝦湯先，食得出係真材實料，落左好多蝦殼蝦頭煮湯底，有濃郁既蝦味（我知道係因為平日我媽咪煮麵，都好鍾意喺街市買成斤既蝦做湯底）。個湯好明顯唔係開粉開出黎，飲完都唔覺口渴。略嫌不足係麵既份量略少，如果男仔黎食應該唔多夠。無幾耐就上埋炸雞肶撈檬同大少爺雙炸，雙炸即係炸蝦餅同芝士蝦春卷，個人比較芝士蝦春卷。炸到卜卜脆，加埋芝山，比較特別，炸蝦餅就一般般。跟住試埋炸雞肶，生炸果然唔同d ，咬落去仲好juicy，加上個粉漿唔厚，食到停唔到口。本身都飽得七七八八，點知個撈檬都有驚喜，唔似一般餐廳擺支魚露喺將檯到比你落

在尖沙嘴韓國街吃飯是我每星期都會做的事，所以新餐廳 ”三少爺“ 就這樣被我發現了，三少爺在韓國街但不是韓國餐廳，因為這樣他開張以後就特別 draw 我的 attention!!!經過跟我韓國料理控的朋友好幾輪的談判，她終於跟我一起去 三少爺嘗試一下 Oh yeah~ 小店在週五的晚上客人都是滿滿的 店員服務超級好，我估計是店家啦，一到門口就馬上安排座位，同時也拿了 menu 做出介紹，讓我們知道他們的主打食物，還有特別詳細介紹他們的主打食品如何處理，讓我們容易去選擇自己需要 店員讓我們去考慮再給我們下單，我看看了既然餐廳叫 三少爺，那 我們就點 “大少爺”，“二少爺”，和 ”三少爺“ 試試咯，飲品方面我們就點了 罐裝椰青水咯。 由於店員知道我們是 share 來吃而並不是一人一碗點，她馬上就跟我說，他們出菜會一分一分上，這樣就可以保持食物的溫度和質量。真的很貼心耶！先上來的是大少爺，大少爺其實就是雙拼 “炸蝦餅” 和 “芝士蝦春卷” “炸蝦餅” - 蝦餅的 batter 很薄，不會有太多粉裹在外面的感覺，蝦膠很爽口彈牙 很新鮮，店員說，他們的蝦膠會在我們下單時多打幾下，這樣吃起來的口

東南亞各地的湯麵如喇沙，蝦湯又或是檬粉，在香港真真正正做得比較好的數數手指只有兩三間。今日被我發堀了一間開業不久的小店。雖然位置不在大街大巷，但我相信有麝自然香，如質量能保持，一定儲到一班粉絲的。招牌「三少爺」蝦湯麵湯底濃縮，聽聞是用了大量蝦隻和蝦殻餚製而成。搶先嚐了一口，初初的感覺是帶有淡淡鮮味，但慢慢就在囗腔內滲透出來，變得濃郁芬香。我放棄了油麵，米粉之類改為金邊粉，是直接由越南入口的，成本頗高。幼滑且卦湯力高。餡料有豬腩肉，魚片，雞蛋，豆卜和通菜。豬腩肉要經過十多小時的工序，一絲不苟。肉質軟腍，肉味濃郁、不覺肥膩。豆卜㓎透了蝦湯精華更顯美味。小食雙拼的生炸蝦餅和芝士蝦春卷是店員推介的。生炸蝦餅造型有別於其他餐廳，像網球大圓轆轆。入口勁彈牙，蝦味濃，即叫即炸。芝士蝦春卷有驚喜，外層用了米紙包裹，中間流芝心，多種層次口感。古法豬頸肉肥瘦適中，入口不感到肥膩，軟嫩肉汁多。叧一款炸雞中翼，只少少調味不過火。炸得外酥內滑。下次如想食東南亞正宗麺類又多一間選擇了。

早前的一個晚上, 我和朋友在尖沙咀的一間小型越南菜餐廳吃晚飯。我本身很少接觸到越南菜式, 只是知道它們好像是出名吃札肉和湯河粉。看到餐牌, 我被蝦湯類那一欄吸引了, 餐牌上寫著那個湯底是用了十四種香料淆製而成的。店員亦推薦蝦湯類麵。 前菜方面, 我們先點了一個胡麻豆腐沙律。 沙律用了我至愛的日式芝麻醬。主菜方面, 我點了一碗越式扎肉蝦湯麵。湯底非常濃郁, 蝦味很突出, 湯麵使用了油面, 上面亦有豆卜。扎肉切得很厚身, 它是輕微煎一煎才放上碟上供我吃的。

尖沙嘴經過韓國街發現有間新開既馬來西亞菜🤔🤔🤔咁就試下啦..餐廳主打三少爺蝦湯麵😍😍咁就叫左個主打菜同埋兩味小菜....首先三少爺蝦湯麵黎啦，哇😍😍用料超足呀...老闆聲稱用足料蝦頭去熬製而成ga 個湯，飲左啖湯😍😍十分鮮甜呀，而且仲有幾樣送tim，正呀💪🏻👍🏻因為新開既緣故仲送左隻雞翼tim👍🏻👍🏻跟住就試左個蝦餅😋😋本身我好鍾意食蝦餅既，呢個蝦餅都好有水準呀😇😇整體黎講...好食😋😋😋

油少旺區 要開一間有特色既小店其實難度都高 平靚正 不在話下 仲要有特色先吸引到客人入黎幫襯 實屬困難其實一直以黎都對東南亞風味既食物有興趣 一黎甜酸為主較開胃 二黎味道新鮮感大唔似中西餐咁普遍路過俗稱韓國街既金巴利街 見到新開左間東南亞餐廳 竟然進駐韓國街？！ 而且都唔少人食喎 望下menu 主要係食麵食同小吃 望落都幾吸引行街行到肚餓叫多少少無問題丫整返個沙律試下間舖啲野新唔新鮮先田園沙律 $30真係估你唔到咁大碗 認真30蚊我平時食既應該得幾啖就食晒但呢碗最少值50蚊既份量而且用既材料都好新鮮 起碼夠凍 有好好保存 再者佢既胡麻沙律醬相當重手 我鐘意！炸雞脾 $35我見隔離幾枱都叫 所以心郁郁又試下睇下點解咁多人叫先！！一黎到見份量都唔少喎 一隻大碼既炸脾 而且細心地係切好先上碟 方便進食咬落係好似台式酥雞咁既口感 鬆脆非常但雞肉仍然保持到幼嫩香滑 廚房技巧好好怪唔之得咁多客人都叫啦 我覺得好食過近期出名既某炸脾三少爺蝦湯麵 $90推介麵食 主打其實係個湯底 用上鮮蝦再配上湯同其他材料足材煮理三少爺入面有蝦、豬腩肉、魚片、雞蛋、通菜同埋豆卜充滿馬來西亞風味 我真係連湯都飲埋 無味

二人，七點半晚餐，有幾枱客人，不用等位。員工悉心介紹餐牌內的食物。讚！點了招牌三少爺蝦湯麵$90（包汔水或紙包飲品），有3隻細蝦，豬腩肉，魚片，豆卜，蛋和通菜。蝦湯很濃，很有蝦味，偏咸。麵是油麵。豬腩肉和魚片好吃。整體感覺上不是越食越上引果種。芝士蝦春卷喇沙$73（包汔水和紙包飲品）。麵底是幼河粉，有咬口。湯底是不算濃的沙喇湯，有蝦米仔。春卷是即炸，熱辣辣脆卜卜，好味。總結，一般質素，價錢偏貴。不過其他小食好似賣相幾好，和其他檬粉只是$50至$63未試。

之前聽apple daily 介紹左呢間野一直都想試，今日終於抽空黎食搵左陣路，原來係韓國街附近，餐廳唔大，不過都叫乾淨聽講佢既招牌蝦湯面用左好多蝦，所以黎之前十分期待材料十分豐盛, 有蝦，豆卜，五花腩，仲有通菜不過面底就算少，食完唔算好飽，叫係岩岩好湯底略帶點辣，尚可接受蝦味都算濃不過都幾多油下，怕肥人士表示好有罪惡感每個餐會送汽水或者紙包飲品價錢略貴，$90一碗抵唔抵食見人見志不過如果中意蝦味既人一試都無仿

早兩日放假同老婆去左尖沙咀食晏聽朋友講三少爺幾好食一試之下果然名不虛傳！老婆食既係招牌蝦麵一黎到湯底已經好香而且好足料女仔絕對夠食聽老闆娘講佢日日都用大量鮮蝦熬湯底本來我都唔信但食完之後幾個鐘都冇口渴真的假不了阿不過價錢都唔平，接近100蚊一碗。。成日食就唔會，但間中都可以回味下相比之下我個鹵水雞脾飯就一般了首先等既時間耐，接近四個字！而且味道唔突出，當然唔係難食，不過不失啦！始終招牌都係蝦湯麵，提議想試三少爺既朋友都係食番佢招牌菜好了至於小食冇試過，因為價錢唔平！好似40定60蚊兩舊蝦餅Anyway,服務態度好，老闆娘talk得！下次仲會黎

三少爺．蝦湯有味道海鮮，是我杯茶湯，亦我所欲也，尤其是海鮮湯和朋友到新開張的三少爺搵食看到報章訪問寫明「每日用7斤蝦煲的湯底」頓時令人食慾大增三少爺蝦湯麵：味道可以，內有魚片、雞蛋、豆卜、通菜比較欣賞的是豬腩肉，皮彈有肉香湯底有蝦味，可以一試豬頸肉：燒得香脆，有肉汁，夠香口大少爺雙炸：即蝦餅與芝士蝦春卷蝦餅有咬口，也彈牙，芝士蝦春卷內有粟米，味道OK炸雞脾：聽說是秘密武器！切碎上，入口酥脆，皮香口肉亦醃得入味，秘密應該來自醃製香料！細碗撈檬：撈檬汁是自家製包括很多香蔥，味道靠得住是開胃的其實，味道，真的是很難掌握新開張的食店，首先要了解食材的真味這是成功的第一步...

日前品嚐三少爺招牌蝦湯麵。湯頭很鮮甜、美味,令人回味的。配料的魚片也不俗，本人嫌肉片過硬，如能鹵得肉質綿軟，那便一讚。但作為一碗招牌蝦麵且叫價90元，衹是三隻中小型蝦，且蝦肉質素差、不鮮甜，一吃便知是雪藏貨色。對於一個蝦麵迷，面對一碗虛張聲勢，又本末倒置的蝦麵 --- 沒有好蝦，實在極為失望。

新年倒數去左尖沙咀慶祝，但我地又無特登book餐廳，又唔想去商場排隊等開飯，比我地搵到間新開越南餐廳試吓。其實位置唔難搵到，係韓國街近凍肉店個度。餐廳格局簡單，雖然無豪裝，但坐得都舒服。餐牌都多野簡，有飯，麵同撈檬。一入到去老闆娘非常熱情，不停介紹佢地招牌蝦湯麵比我地，甘就當然要試下啦，我地就叫左三少爺蝦湯麵$90，香茅豬排撈檬$55，再加幾款小食。三少爺蝦湯麵... 老闆話用成7斤蝦殼煲左6個鐘，成本都佔左$200幾蚊，飲左一啖湯，好清甜，魚片吸晒湯底味道，好好食，食得出連魚片都係用靚野來，唔係雪藏好耐個種。另一重點係舊腩肉，肥而不油，肉質嫩，聽講都係花好多時間整，油麵彈牙，軟硬度剛好，講真$90 一d都唔貴，全部都花工夫整。豬排撈檬..... 上菜比佢嚇親，舊豬排成個碗面甘多，豬排好香口，夠juicy,外皮煎到少少焦，入面仍然多汁，旁邊蔥油唔好睇少佢，撈理麵度，好好食，蘿白絲都係鋪頭自己整，突然覺得師傅好忙，哈哈。豬頸肉$30同街外面既豬肉有d 唔同，肥膏無甘多，食第一啖有驚喜，肉嫩滑但外皮竟然係少少脆皮，老闆話係因為煎左，再切開。蝦餅$48又係師傅手工整出來，自己撻蝦膠，即叫即整