UCC Coffee Shop (Closed)

曾經有段時間去同一間餐廳，後來卻因著其他原因而不再去。UCC Coffee 是其中一間，那時只是為了它的窩夫吧。今天去位於沙田店的 UCC Coffee，只是為著午餐而來，沒有特別那種食物。餐牌上多元化食物，當然有意粉、扒類、沙律、窩夫甜品、湯頭以及它的專有的咖啡吧，當然除了散點外，還有午餐牌可供選擇。在不想据扒下，香草魚柳意粉（八十二個大洋）是首選吧，從來吃魚柳意粉不會太有飽的感覺。魚柳的香滑，加上香草作為調味，使魚柳另有香草的香味，沒有魚骨，煎得幾香吧，意粉幾爽口吧。追加一個沙律吧（十八個大洋），有粟米，蜜桃，青瓜，jelly，長通粉等選擇。選擇沙律，是因為可以多吃蔬菜。蔬菜的清爽，桃的清甜，讓今餐增添不少滋味。熱咖啡是今餐的餐飲，香濃而有甘苦澀味的一杯，為今個午餐劃上句號，也可讓自己坐多一會。UCC 也許太久沒來過，來一趟可回味一下昔日的味道。

今日是情人節，我早一晚心血來潮諗起，不如同上年一樣去返呢度食晚餐，事關之前食情人節晚餐都係比人割，況且食咁耐，又想食沙津吧d薯蓉，第二日五點半左右喺app 拎飛，大約6點45分叫飛入座。我地例牌叫沙津吧，有湯同飲品，40蚊都抵 ，d薯蓉仲好有薯香味，唔係溝粉果d，真材實"薯"，d粟米夠鮮甜，不過今次啫喱得一隻味,同冇左我鍾意食嘅千島醬有點失望 Honey 叫左個雜扖餐，我試左d雞扖，味道麻麻，冇乜雞肉味 而我叫了我鐘意食嘅焗芝士菠菜三文魚螺絲粉，份量夠，三文魚味道唔錯，芝士都香濃，不過d汁煮得略為油膩。今次連大大碗沙津又食得飽飽 ，很滿足!!

晚餐揀左牛肉什菌飯仲加左35蚊食沙律意粉既醬汁略甜、唔好比咁多會更好牛肉既牛肉味唔重，好在唔會UN下次黎唔會再試佢沙律就OK色澤光鮮，食落索索聲，夠新鮮菜類同配料既選擇都OK多自己拎，可以拎滿滿既一碟不過食唔哂就唔好拎咁多

同朋友分別叫左(安格斯肉眼扒)上餐時見到立即晒嘴囉，重从見過安格斯肉眼扒有咁大舊肥肉，整块扒有三分-厂之一食吾到的，D根勁多咬到咬吾開，另一份餐是(牛仔骨拼煙肉露筍卷)一試嘩咁大整蠱阿！點解D汁可以咁鹹，本來我哋計劃用餐後再叫甜品的，但最終放棄了，吾想咁早死，晚上11點幾在家中就又呵又嘔了，實在忍吾住一定要上來寫返個食評先對得住自己。價錢吾平但質素就差到你意想不到的

三個人去食ucc,待應提左人均要最七十蚊。講番正題，我地叫左茄汁海鮮蛋包飯、一個白鮮蝦帶子意粉。兩個跟餐有自助沙律吧⋯⋯我好鍾意食薯仔沙律，因為薯蓉真係薯仔做，有蛋肉同粟米，唔漿住個口。味道就好甜之後講蛋包飯，我嫌佢個汁偏酸，個蜆肉偏老。之後個白汁鮮蝦帶子意粉，有少少辛辣，好惹味。帶子仲好滑，好味

星期六也是工作天，為了令自己開心一點，早上便跟男友來個即興的小約會（見到面時其實已經是吃lunch 的時間，哈哈）今天碰面的地方又是沙田，simplylife 吃悶了又不想飲茶，便openrice 了一下。原來新城市有間ucc，又記得男友喜歡吃沙律吧，便用新城市app 預先訂位！去到時過了兩張，雖能即時補台，但亦只得bar 台了，但因為下午仍要上班便將就將就啦！加$33 便有個Salad bar set，配一杯飲品，但不是menu 上所有東西都可以加的喔！娜娜只負責等食，由男友去「不」沙律 男友選了啫喱、薯蓉、車厘茄、桃、菠蘿、吞拿魚和螺絲粉等等，別看相中小小的一座沙律山，我倆吃完這個前菜已飽了一大半！剛起床不久，娜娜沒有太大食慾，便選了份煙肉生菜蕃茄三文治。別看它平凡的樣子，味道可是很不錯！除了餡料，連那片普通不過的烘底麵包也好好吃！男友要了份特色什扒，或許是製作需時，我們也等了好一會兒！除了什扒，還有些少茄汁意粉墊底，和3片蒜蓉包，賣相肉質各樣也是不錯的，可惜來到的時候我們已吃飽了8、9分，沒胃口了，連蒜蓉包也沒吃到！但環保不浪費的娜娜可是有打包的喔沒有想到平時大大食的娜娜竟然被一

與弟弟一家大小去食午飯，去登記處攞枱，不稍一會就有位了，就坐後隨即點餐，食物味道一般，不過不失，份量足夠，但價錢略貴，不過美中不足是家餐廳員工態度很差，首先遇到的是沒禮貌的接待員，三個大人帶一個兩歲多的BB，其實梳化位是放便照顧BB，當時的只有一枱客，我們要求坐梳化位，該職員即時黑面回應這是五六人枱，有人嚟時要換枱！算了，最後我們坐她安排的四人枱，但不久回頭一看，另有三位客人就坐上她剛說的「五六人枱」，看來只是不許我們一家坐吧！算了，還以為只是個別員工的問題，怎料連落單的也是黑口黑面的，難度客戶得罪他們嗎？看來是一家趕客的食店，真的印象難忘，下次要來前還是再考慮清楚吧！

今日同肥豬去新城市食tea, 因為想食ge餐廳要等好耐,所以頭奇黎左UCC café 試下, 本身無咩期望, 叫左一個tea set 蜂蜜檸檬法式多士同埋炸薯角.個tea set 跟橙汁$66都唔平, 蜂蜜檸檬法式多士一黎到我地第一個反應係,咁細碟ge@@ 個薯角仲大, 樣貌亦唔討好, 因為太肚餓所以無理咁多即刻食, 一食落好有驚喜!!!! 仲係熱ge多士粒外表小小脆, 裡面好軟熟, 加埋蜜糖同淡淡檸檬味, 好好食!!!! 估佢唔到咁好食!! 仲有配埋一球雲呢拿雪糕!! 唔洗三兩分鐘已經比我地KO左!! 如果再多1d檸檬汁會更好. 不過而家咁樣已經令我地好滿意了! 另外叫ge薯角就無咩特別, 份量好多幾抵食.

 上星期已經話想食呢度0既salad bar，但最後無食到，所以今日專登去補番。雖然唔係第一次食，但對上嗰次已經係N年前係尖沙咀分店，今次就試下沙田呢間。原本諗住6點前到拎位，點知港鐵有故障，好在最後都唔使等好耐。近排呢個季節係食熊本士多啤梨0既時間，好多餐廳或者超市都狂做promote。UCC 呢度都唔例外，但由於有Salad Bar食，所以無試。今次叫左個煙肉香腸pizza ($83)和煎三文魚扒($103)+ $40 有餐湯,飲品同salad bar話明專誠嚟食salad bar，收到碗即刻出去拎。d選擇其實好普通，只係諗住玩下。有粟米粒,紅腰豆,蕃茄仔,生菜,桃,菠蘿,薯仔沙律,長通粉沙律,啫喱仔,提子乾，仲有兩款沙律醬俾你選。不過我見我哋叫左兩個main course，驚食唔曬，所以夾左好少jar，我見有d食客超勁，成座山咁餐湯係蘑菇粟米雞蓉，同平時d罐頭湯無咩分別。煎三文魚扒，拼埋意粉同蒜蓉包。原本諗緊叫雜扒，但諗住健康d食三文魚，有Omega 3 ma...點知，原來份量超少，連配菜都少過人，我見隔離枱0既雜扒份量超多。好在，嗰三文魚都煎得唔錯，唔會好乾，都幾juicy，

沙田可以食倒既早餐種類唔多, UCC都係我常去既選擇.平日食開腸旦多士, 今日就試下魚柳配多士加咖啡食後感:多士微暖, 外層微脆.................. 如果多士可以熱d同脆d會好d炸魚柳外脆, 厚肉, 唔會腥, 配埋沙律醬, 味道尚可沙律新鮮度一般重點係佢地既咖啡.....夠香夠滑總結: 食物勉強一食, 但咖啡很好

又再一次食ucc！不過今次食第二間分店！食個tea😂😂ucc 環境 服務態度就唔洗多講！都係一流😊😊今次叫左2樣野！薯條😝 我本身個人都特別中意食架喇☺️好好味😁😁其實又5會話好特別嘅！之後再叫左個窩夫😁都係my favourite 抹茶紅豆味👍👍唔錯嘅！值得推介！

一直都很想試這裡的沙律吧，因為自從pizza hut取消了自助沙律吧後，就沒有再吃過了。今天剛剛在沙田便決定一試。聰明地先用手機攞位，約晚上8時多入座，門外仍很多人在等位。餐廳椅座位不多，餐桌之間的空間不大，座位太矮不算舒適。我們兩個女生點了一個海鮮蕃茄湯意粉和墨魚汁意大利飯，當然少不了招牌自助沙律。晚餐點主食加40元便可享用自助沙律吧一次，另配餐湯和飲品。為免浪費，我們只加了一個沙律套餐。沙律沙律吧種類不多，都是普通食材，但勝在樣樣都新鮮好味。必食薯蓉、通粉和jelly。其它還有粟米、車厘茄、紅腰豆、吞拿魚、杏桃、菠蘿和生菜。本來很餓，吃完整碟沙已半飽，開始後悔點了兩個主食。墨魚汁意大利飯 $85這個有驚喜，飯很黏味道很濃郁，墨魚份量很足不馬虎。 份量額大，但因味道不錯所以一口一口地吃個清光。蕃茄湯海鮮意大利粉 $93蕃茄湯普通，略嫌蕃茄味不夠濃。但值得一讚是海鮮份量很多，這個價錢來說亦算新鮮肥美。有蝦、有帶子、青口、魷魚和蜆。總括來說，餐廳食品用心不馬虎，沙律吧的確有睇頭，吸引了不少人光顧。不過上餐速度有點慢，吃完整個沙律主菜也未到。提提大家，兩個正常食量的女生真的可以不用點兩個主

西餐不嬲都係我既最愛，夠哂有味道而唔會淡。行經沙田就去左沙田既所以就去一試。去到雖然多人但係都唔太逼既我覺得。之後叫左幾樣西式野食黎食，都唔會需要等好耐。首先係一個焗飯，佢同平時係某地方食既"焗豬"真係唔可以相提並論。因為呢間既焗飯係真係焗左。十分好食。而佢入面既雞粒同埋芝士都係非常之咁多既。之後食一個墨魚汁意粉。真係十分之足料，份量好多絕不偷工減料，仲食到成嘴都係黑色。之後仲有一D甜品小食，都係好好食好新鮮。呢個價錢有咁既份量同埋質素，我認為絕不欺場。呢間實在可以值得再去。

因為有電話apps預先攞位好方便，去到好快就有得食。叫左個海鮮蛋包飯同咖哩牛肉飯，同埋加左一個拎一次嘅沙律bar。沙律選擇都幾多，剩係食沙律都食到飽。個海鮮蛋包飯好好食，好多汁，同好多餸；咖哩牛肉飯都唔錯，個咖哩好入味，d飯同牛肉都幾香。整體黎講野食都幾好。

Tea time before shopping, some many people shopping in new town city. We wait for around 25 mins... Mixed steaks was too oily. Tea set selected chicken spagetti like homemade simply put some grilled chicken on top of boiled spagetti. The tea set waffle served with greetea icecream and sweet red bean were match and taste good. The seafood salad is soso not too bad....