屋子咖啡

Open Now

Now Closed

喺大圍差不多10年周不時都會去屋子前排見佢裝修應該係轉左手環境係靚咗好多好日式但係食物非常之唔掂$79 下午茶個蓋飯 比三色豆人食 得個半碗飯都唔知有無 食食吓仲要食到有沙杯嘢飲仲要另外正價買 味道OK 但係杯野唔熱仲要有三分之一都係泡黎埋單俾咗130幾都唔知食咗啲乜近排真係多咗唔少打卡Cafe 極overprice 大佬你收呢個價錢啲食物質素做好少少得唔得屋子上一手都係偏貴不過食物質素都OK而將軍澳分店記得係OK嘅大圍呢間搞乜？

今日首次光顧屋子大圍店。店舖啱啱裝修，店內店外顯露住日式風格。店內座位不足二十人。如果想堂食可能要早到，或作好要等候嘅準備。樓面有時會出現唔見侍應嘅情況，建議每枱可以加設鐘仔以便食客向侍應求助。屋子不設套餐，可以自由配搭主食前菜甜品飲品。今日我哋點左咖哩吉列豬扒配山藥飯同埋香煎三文魚配茶漬飯。吉列豬扒粉夠薄身，而且非常脆口，值得一試。而三文魚外表金黃，內裏濕潤，唔會煎得太過火，送茶漬飯啱啱好。只係食物份量略嫌太少，男仔可能會唔夠食。

星期六日緊係同朋友去cafe chill下🥰今次就黎到大圍搵食啦🤤大家應該對呢間野唔陌生😌係大圍都有兩間分店架 今次要介紹既係位於積信街嗰間🤓呢間舖都係啱啱裝修完 12月先開返🤧好好彩安排左我地坐榻榻米☺️好有feel啊😍打卡一流😎係啲食物🤣menu都有好多唔同野食可以揀😛完全要去幾次先食得曬想食既野😋💕桂花烏龍奶蓋茶小清新🌸個奶蓋完全唔會膩😌都幾厚下🥰飲完唔會起痰🤣同個桂花烏龍好夾 飲到淡淡既桂花味😋推薦！💕草莓鮮奶油戚風🍓呢個蛋糕有少失望☹️而且都唔平 但覺得好普通🥲個士多啤梨就係得上面既薄薄既四片🥲不過個戚風食落去都幾軟熟既💕茉莉花奶油天使雙層窩夫(🎄限定)呢個窩夫好有驚喜😍😍😍首先賣相已經好靚好啱打卡😎然後面頭仲有啲焦糖脆脆🥰有少少甜 但一齊食就ok🤭個cream好有茉莉花味🤤而且都係唔膩架😌個窩夫都係即叫即整😍好正🥰因為呢個係聖誕限定 但我覺得都可以試下叫佢其他既雙層窩夫❤️

今日與太太行山後，興致勃勃到屋子咖啡店吃飯。發覺店舖經過裝修，店外和風味濃厚很多。推開趟門的一刻，店內比裝修前更簡約，牆身的顏色跟從前一樣，牆上的掛相被移走了，開放式廚房附近的藏書閣換成了日式餐桌，客人需要屈膝而坐。店內仍舊播放輕音樂。餐牌上是全新的午餐選擇，主菜點選了咖哩素菜和一顆洋蔥豚肉煮，米飯試試山藥泥伴飯和梅子伴飯，配菜會是北海道牛蒡丸子和紫芋甘栗餅，配以美式咖啡及桂花烏龍茶。簡約的圖畫一顆洋蔥豚肉煮、山藥泥伴飯、紫芋甘栗餅一顆洋蔥豚肉煮的豚肉肥瘦的比例令人失望，脂肪佔咗8成，洋蔥🧅吸收太多肉汁，令洋蔥味變得太淡，溫度控制得宜👌🏻山藥泥伴飯的山藥是室溫，可惜味道太淡😔，加上是糊狀，感覺不太好😌紫芋甘栗餅外脆內軟，紫芋和甘栗的味道交替在舌頭上，非常好👍🏻咖哩素菜、梅子伴飯、北海道牛蒡丸子咖哩素菜是簡單的薯仔和紅蘿蔔配以日式咖哩汁，普通家常菜😅梅子伴飯雖然是簡單一粒梅子配以白飯，卻非常清新，是進食濃味的咖哩汁的其中之一種食法😁北海道牛蒡丸子也是平實的食材😊桂花烏龍茶和美式咖啡是飯後享受輕鬆音樂的最佳選擇👍🏻

可能因為食過出面既牛油果飯太出色，我唔知呢碗野叫唔叫正常$72 要加一既牛油果飯唔係鋪滿飯面都唔緊要，無唸過得4分1過牛油果都無都唔緊要一食落去， 硬過粒紅蘿蔔😅真係嬲嬲地忍唔住寫食評我出面食牛油果飯都係想食d 淋d 既je..唔夠熟個飯不如暫停呀！佢個餐牌仲要比之前食貴左10-20%以前$62 個飯+$20 有沙律有杯咖啡依家 淨飯$25-30 再選主食$52 up野飲散叫$40 up 埋單舊幾水再加一我都明你係打卡玩文青但d 野可唔可以值少少， 唔好咁離譜🤦🏻‍♀️甜品會好d 既不過所謂窩夫我以為係脆個款窩夫其實係實的的雞蛋糕加pat 厚 cream 係上面Cream 既味道都ok 既但下面既窩夫無咩誠意

梳乎厘係即叫即整，所以要預番15-20分鐘🤔。梳乎厘有好香嘅蛋味，幾綿滑，加埋燕麥同榛子，令口感更加有層次😋😋。同埋梳乎厘甜度適中，啱晒啲怕甜嘅人食🤤。🍽燕麥榛子梳乎厘: HK $55好味指數👅：🌸🌸🌸🌸🌸窩夫係微暖，唔算太熱，有淡淡嘅焙茶味😋。不過窩夫個口感似食緊冬甩，唔似平時係街食開嘅窩夫🤔，都算外脆內軟嘅🤗🤗。同埋窩夫甜度適中，啱晒啲怕甜嘅人食🤤。🍽木槺焙茶窩夫: HK $45好味指數👅：🌸🌸🌸🌸

裝修過後，環境好咗，但食物無論種類及質素都大大下降。小咗好多小食撰擇。柸咖啡難飲咗。甜品都難食。睇嚟有排都唔再嚟。order 咗個鐵觀音waffle 🧇. 上面honey comb硬到食唔到。食到都一定牙都爆。再試柸咖啡。真心比之前差咗。唉…

大圍有兩間屋子咖啡 呢一間係大啲嗰間佢好似冇幾耐之前先裝修完 以白色日系裝修為主Menu選擇真係睇到你揀唔到 因為佢係可以自己配搭 主菜 飯 料理 湯 跟著每個有成十幾款 加埋有無數個組合另外亦好素食friendly 有成個素食menu 超多選擇最後我都係俾佢個夏威夷蓋飯吸引咗 因為幾多配料 同埋唔洗諗咁多嘢 😂▶️素牛肉夏威夷蓋飯 ($78)好有趣地全部蓋飯都係素食配料有秋葵 粟米粒 紅蘿蔔粒 枝豆 車厘茄片 紫椰菜絲🌈七彩繽紛旁邊有芝麻沙律醬 底係白飯 素牛肉唔係一片片 而係兩塊 其實比較似豆乾或者烤麩咁賣相💯打卡啱晒味道上 素牛肉食落遍鹹 上面放咗芝麻幾香 質地少少似麵更 好淋又有少少’肉汁’ 之後個邊有啲脆 係冇牛肉味嘅 不過佢鹹鹹地 配白飯幾好食😋全部配料都好fresh 亦幾爽脆 秋葵好得意 有啲黏黏地嘅嘢🥕🌽🥬唯一係枝豆唔夠香豆味 車厘茄唔算好多汁🍅🍚白飯幾好質感 粒粒都好飽滿 珍珠米口感食落有啲似壽司飯 好似有加壽司醋 食落少少酸甜咁配上芝麻沙律醬有種日式風味🇯🇵不過其實唔使落好多醬 因為個素牛肉已經夠鹹 醬係純粹令個飯冇咁乾👍🏻-食物質素高😋賣相好好 同埋睇得出佢好用心整

近排遺忘了屋子，真係好耐冇去過屋子食午餐，今日專登帶埋家人去食，大圍店，新裝修，環境好日式，我哋叫咗三個午餐，炸雞(上面有蛋沙律醬，好好味呀)，關西牛肉煮，味道尚可同以前差唔多，醬油蛋漢堡，一般般正常味道啦，套餐我哋加了紫蘇伴豆腐，手羽餃子(好好味😋😋😋)年糕(煙煙韌韌)，去到屋子梗係必叫甜品，另外加了黑糖蕨餅都係煙煙韌韌唔係太甜)，烤香蕉巧克力奶油華夫，雲呢拿雪糕好好味，有啲杏仁香脆可口👍🏻👍🏻👍🏻最後加咗杯美式咖啡，完美嘅午餐

屋子咖啡的佈置簡約舒適，真的會令人有置身在日本的感覺。店家很細心，為食客準備了口罩袋。造型很特別的一碟甜品。圓形的窩夫上放了一球焙茶雪糕，再插上脆餅。另外用香滑鬆軟的忌廉蓋著半份甜品，忌廉奶味香濃又不會過膩。再灑上木糠餅乾碎和焙茶粉。單看擺盤，就已經看得出店家的心思。不知道粉漿是不是加了糯米粉，窩夫的質感軟得來帶點煙韌，口感跟一般的窩夫不一樣，非常特別 另外，最有驚嘉的是焙茶雪糕，茶味非常濃郁又不會過甜。整體嚟講都非常滿意

難得出到大圍咁遠，揀左間門面靚靚地嘅Cafe食，晚飯時間需要排隊，入座時店員指示略為唔夠清晰。♥️鰻魚丼 $69有4-5塊細細舊鰻魚，肉質都滑冇骨，但冇咩鰻魚味，鰻魚汁得少少，完全唔夠味撈飯。♥️咖哩湯烏龍麵配吉烈豚扒 $72豚扒同炸粉比例岩岩好，外皮薄脆，肉汁豐富，咖哩湯有啲淡，整黎講普普通通。♥️燕麥榛子梳乎厘 $55梳乎厘整得幾好，甜道適中，唯一不足食唔到榛子味係邊個位🤷🏻‍♀️。♥️小團圓丸子榛子咖啡 $42咖啡得苦澀，完全飲唔到有榛子味，杯面放左3粒日式小丸子，賣相打卡係幾好睇既，但味道就有待改善。

今晚約了老朋友在這裡飯聚聊天。平時客似雲來的「屋子咖啡」今晚出奇的少人，或許是平日晚上的原故吧！我們二人分別點了明太子綜合泡丼和紫蘇梅子綜合泡丼。個泡飯好熱，梅子綜合泡丼就更有特色，吃下去很清新，是香港少有的日式餐廳會提供的。非常出色！甜品我們點了木糠焙茶窩夫（配焙茶雪糕），焙茶味既濃郁又不太甜，很好吃。

享受完行山樂，在大圍尋找美食。在積信街經過屋子咖啡，門口白色外牆甚有特色，望進店內客人正悠閑地享受下午茶，食物賣相吸引，抱住試試的心態入內。下午茶的價錢極之吸引，一杯飲品+一個飯或烏冬+一個窩夫，只需$82另收加一，十分超值。我們每人一個下午茶，份量比一個午餐還豐富。雖然店員工作非常忙碌，仍保持友善的態度及有禮貌，實屬難能可貴。和風漢堡便便當漢堡外面少少脆，鎖住肉汁，加上肉面上面的醬汁，好味野菜沙拉冷烏冬簡簡單單烏冬配以自家調製胡麻醬，清爽彈牙，好抺綠奶茶小倉抺茶窩夫清酒香梨窩夫

平時都有飲過唔少間okay嘅咖啡店，偏偏冇間響大圍站附近有，今日去咗大圍，google得到嘅答案係屋子，咁openrice search下啦，睇啲甜品呢間舖好似okay咁喎，又有折咁order杯奶啡試下新嘢啦，啱啱好行到就有得拎。拎走大約5分鐘後先飲，嘩！咖啡渣味！我努力飲多兩啖，然後問老公幫唔幫我飲😂，佢平時冇乜要求，麥記latte已經覺得好飲，但佢今次係咁嘅樣🤢，然後掉咗！早知去麥cafe買起碼唔會有望失😂

🥐因為實習嚴重耽誤咗我嘅吃貨人生‎꜀( ꜆-ࡇ-)꜆@幾時先可以再去食食食 (嗝）因為屯馬線最近去好多大圍哈哈overall 來講質素真係幾好，性價比高，環境都幾舒服。不會未至於會想再去~𓎩𓌉𓇋 ‎咖哩丼配吉列豬排 ($68)好有家常料理嘅感覺！咖哩比較稀，不過加埋飯係幾好食。至於個豬排都好穩陣，外皮脆脆酥酥，肉汁都夠(˶ˊᵕˋ˵)好耐冇食咖哩所以都幾滿足𓎩𓌉𓇋 ‎咖哩湯烏龍麵配雞唐揚 ($75)個烏冬真係幾好食，整體來講冇乜特別，中規中矩。不過件雞有啲太油～𓎩𓌉𓇋 ‎木糠焙茶窩夫 ($45)甜品有驚喜!!! 首先個焙茶雪糕好大嚿好濃味，窩夫都好脆，唔會因為雪糕搞到林晒٩ ( ｰ̀֊ｰ́ )و成個配搭好完美，令人想繼續食～甜品來講，算係幾好(๑꒪⌓꒪๑)ﾉ🍺值得再試desss!