屋子咖啡

Open Now

Now Closed

今日星期六 下晝12點點左右黎到 本身都想黎試呢間好耐 今日一入黎就有位 諗住咁好彩 點知原來先係失望既開始一入到黎坐底叫野食 嗌左兩杯咖啡 一個南蠻炸雞飯 一個燒豚飯 等左一陣就上左兩杯咖啡 之後就繼續等 期間其他食客講野個聲量都好大聲 嘈過酒樓 店員亦都冇控制個聲量 如果想食cafe 坐下chill下既可以自己諗下黎唔黎之後等左成八個字左右 啲野食都未黎，連後過我地入黎既食客啲野食都已經黎左 咁我就問究竟係咪煮緊 店員就話部機壞左 我心諗：下？ 要我問你先同我講？嘩部機壞左其他人啲野食又會出到？ 如果係炸野個機壞左咁個燒豚又點會出唔到？ 同埋部機壞左你唔會通一通知食客睇下換唔換第二樣野食架咩？ 如果我唔出聲問係咪就等到收鋪？結果到後過我地黎既人都食晒我就再問佢 佢就話催左架啦喎 一啲唔好意思都冇 最後等左成個鐘先黎 成肚火都食唔落了 以後唔會再黎食野

【簡約風仲有榻榻米座位如置身日本🇯🇵】喺大圍唔知食咩好，就去咗呢間想食好耐嘅CAFE🤣佢門口睇已經好靚，走簡約風🇯🇵入面有張榻榻米嘅枱打卡一定好靚🎌.🍴明太子拌飯➕十勝燒豚肉➕木魚花玉子燒（💰: 113)呢款係推薦自選提案SET，有勁多款飯揀🍚今次揀咗明太子拌飯，明太子辣辣哋好啱撈飯😋十勝燒豚都好夠味，油脂分布平均，唔會話好肥膩😚木魚花玉子燒好大浸木魚花味！加埋大大舊玉子都幾JENG🥰.🍴紫薯地瓜舒芙蕾（💰: 60)舒芙蕾比我想像中大舊好多！空氣感超足夠，口感綿滑😆地瓜味都有，成個甜品仲唔算太甜😚仲配咗雪糕，一凍一熱🍦舒芙蕾係即叫即整㗎，大家下次可以早啲叫佢上得甜品(特別係多人果陣)😋-🔖MENU選擇好多，甜品好吸引😛.💡座位偏少😚可能要等一陣！特別係WEEKEND⏰.💡大圍仲有另一間屋子空間🥰-💎推介指數: 💎💎💎💎💡性價比:✨✨✨ (CAFE價錢😛)🍴ENCORE指數: ⭐️⭐️⭐️⭐️ (SO CHILL😚同埋甜品好靚😍)

本人係素食者，在外國生活已經3年無返過香港，原本非常期待返黎食好野，發現屋子咖啡有素食menu所以去試，好興奮咁點左2個set，結果素食牛肉上左正常牛肉，秋葵上面有木魚，我強烈表達對素食者來講係非常嚴重既錯誤，佢只係輕輕道歉就走，最後比錢時再跟店舖負責人再表達，佢反而怪我無表明我係食素，請問係素食menu上面點食物係要表明我係要素食既？而素食menu的菜式入面有魚請問咁樣夠唔夠專業？我話要一個正式既道歉，而負責人問我係咪要free甜品，完全無法溝通，我話唔需要任何野，佢話多謝我既支持??(黑人問號) 我表示一定唔會再支持，black listed!!!

星期一中午來到試食呢間人氣餐廳，時間來得早不用等位！我哋叫2個午餐組合，可以自選前菜、主食和飲品。組合1:飯素伴飯、南蠻雞唐揚、紫蘇伴豆腐、西柚冰茶（+$8）炸雞有約4塊，上面淋上沙律醬，口感內嫩有汁！紫蘇伴豆腐就是有一塊紫蘇葉在豆腐上，加上醬油，口感尚算不錯！組合2:飯素伴飯、醬油蛋漢堡、紫芋甘粟餅、西柚冰茶（+8）醬油蛋漢堡上有生蛋黃可以拌勻後再食，漢堡食落似蒸肉餅，口感較鬆軟；紫芋甘粟餅外皮香脆炸得，都幾好食！西柚冰茶份量較細，但酸酸甜甜幾開胃。

今日想休閑啲 求其入左大圍朝屋子咖啡前進係大圍A出口過馬路 之後見到大圍小館轉左 過對面一路直行 見到坤記過對面轉右行前多少少就到啦 識路就六分鐘都唔使😂拉開趟門 走日系風格 坐位唔算少 坐得都幾舒服 但得一個榻榻米位置 我諗真係要好好彩先坐到 下午茶會有另外一個menu 明太子山藥泥冷烏龍麵便當$ 79山藥泥係一門心思。以我認知有餐廳係會用磨芝麻個種研磨缽去磨山藥 慢工出細貨 味道都特別好 另外再配上明太子醬有少少辣 兩者拌勻一齊食又幾夾薯條少汁醬 又炸得唔夠脆 麻麻地二軒茶屋大福白玉華夫 $63依個簡直令我驚喜 整個賣相都不得了 面頭塊麻糬好煙韌 麵包食落有胡椒味好特別另外麻糬下面有一大pat 培茶忌廉 好重味打得又夠滑身 第二層麵包又再有紅豆加奶油同有幾粒圓子💛 員工有禮貌又有笑容加有水準嘅食物再加一個簡單舒服嘅地方先成就到屋子咖啡 回頭率極高

去大圍揾到間日式餐廳🍴裝修主要以木為主，十分簡約。雖然座位不多，但有一個小區域係榻榻米，即刻好似置身日本🇯🇵晚餐可以自由配搭不同組合，有飯和麵，飯仲有不同配料選擇～我Order了醬油燒鰻魚+醬油蛋拌飯南蠻雞唐揚+飯素拌飯抹茶鮮奶油布丁🍮白飯粒粒分明。鰻魚加上醬汁配搭，很好吃。炸雞上的醬汁是雞蛋加沙律醬弄成，不會太油膩。😋抹茶布丁上的抹茶粉回甘的，配搭底下的布丁，中和苦澀味。🍵

這餐廳，自從我2015年與舊同事嚟過食午餐，食唔飽後，已經冇再嚟過。今日約了兩位親友，上Openrice搵餐廳時，見到食評唔錯，心諗，難道已有進步，又番嚟試吓先。等位等咗半粒鐘，坐低落完Order後，等咗好耐，食物才上檯，三個人、三個餐，但餐廳就把食物放在兩個食盤上，即係有一個係冇食盤的，仲要自己搵番自己叫的食物，我叫了鰻魚配貓飯，鰻魚在A盤上，貓飯在B盤上，古古怪怪似的，都算了。落單時已叫的飲品，只上了一杯，另兩杯，在我食飽後都未上檯，等了一陣，不對勁了，跟侍應追單，侍應問我叫了甚麼飲品？我說熱Latte、凍屋子咖啡，順便落多兩款疏乎厘（即舒芙雷）講完後，又在呆等，（最慘係，水都冇杯），食物碗碟又唔收走，等到谷鬼氣，再跟另一位店員追飲品，終於有嘢飲了。知道這餐廳都是要呆等的，趁等候期間，同表姐出去附近士多買點東西，當時姨甥女仍在餐廳坐著的，幾分鐘後，我們買完嘢回來，甜品都未到，姨甥女告訴我，店員見到我與表姐外出時，已即時拿賬單給她，姨甥女告訴店員 甜品都未上噃！好像驚我們走數似的，接二連三給我們的感覺都很差。港台兩邊住，也是正港台灣人的我，老實講，這類西日式餐廳在台灣通街都係，即使

本身想去另一間Cafe食但太多人，所以轉戰呢間屋子，我哋叫咗：✿主食：明太子拌飯 $28-其實只係白飯加一pat明太子🤣無咩特別，不過咸咸嘅明太子都幾啱送飯。✿料理：醬油蛋漢堡 $52-幾鍾意呢道菜💛醬油蛋汁撈飯好正，漢堡扒好結實，啖啖肉好味道😋✿溫配菜：大阪章魚燒 $35-章魚燒都足料，食到有粒粒章魚🐙，正常發揮啦～✿料理：一顆洋蔥豚肉煮 $58-呢款都唔錯🤗原個洋蔥煮得又腍又入味，好食過啲豚肉，甜甜嘅醬汁都好啱撈飯食。✿冷配菜：柚子醋冷蕃茄 $35啱夏天食，蕃茄的甜配搭柚子醋的酸，食落十分開胃👍✿甜食：燕麥榛子疏乎厘 $60即叫即整好新鮮熱辣🔥加埋冰凍嘅雲呢拿雪糕一齊食好正！疏乎厘口感綿滑，仲有啲燕麥粒幾香，不過略嫌欠榛子味。✿熱百利甜酒咖啡 $43✿ 凍桂花烏龍茶 $43-飲品中規中矩，個人認為咖啡嘅甜酒味可以再濃少少🤏烏龍茶嘅桂花味就幾出。整體食物質素良好，而且選擇多多，可以自由配搭，豐儉由人。星期六下午兩點去等候了約15分鐘，尚可以接受。不過餐廳附近裝修，環境較嘈吵，愛寧靜人士要注意⚠️

✨大圍唔錯嘅定食cafe✨.7月星期六2點左去到大圍嘅屋子咖啡，當時門面仲係佈滿棚架裝修緊，所以冇得係門前打個卡；因為我哋唔介意坐吧枱，大概等咗20分鐘就能入座( ˶˙ᵕ˙˶ ).▫️醬油蛋拌飯 $25▫️關西牛肉煮 $58▫️麻油柑橘沙拉沙拉 $35▫️豚角煮 $55▫️紫芋甘栗餅 $35▫️燕麥榛子舒芙蕾 $60.定食方面，最推薦關西牛肉煮，幾好食😋.仲有豚角煮都唔錯；.紫芋甘栗餅同醬油蛋拌飯個人覺我還好，.至於麻油柑橘沙拉沙拉性價比略低，只係非常普通嘅沙律而且份量唔多🙈.甜品高度推薦，我哋都覺得好好食❤️.如果鍾意我嘅𝐏𝐨𝐬𝐭 (˶ˊᵕˋ˵)希望你可以𝐅𝐨𝐥𝐥𝐨𝐰我 @fibee3b.

查看OpenRice發現屋子在大圍有兩間分店，另一間叫「屋子空間」似乎是有connection 的。最後決定去了「屋子咖啡」，有幸安排到塌塌米座位，空間寬躺, 充滿日式的佈置。因為今日晏晝食太多野，晚餐入座時叫了一個dinner set + 一份餐廳職員推介限定甜品（Menu上是沒有的)。料理：鮭魚竜田揚 $95米飯：醬油蛋拌飯 +$5 (如選米飯/飯素拌飯不用另加錢)冷溫配菜（八選一）：大阪章魚燒 $0美式咖啡(熱)+$8跟Dinner Set 可選黑糖蕨餅/小倉抹茶奶油布丁+$25原本想試試openrice推介的木糠焙茶窩夫，不過職員說已沒有這款，但推介了限定甜品，所以就叫了「蜂蜜蜜瓜窩夫」 $69 +另叫了一杯Mocha(熱) $43職員友善，平日晚上入座都8、9成滿，食物質素尚可, 大圍區內算是不俗，整體滿意會再來。▫️屋子咖啡 (大圍)📍大圍積信街49號安信樓地下P號舖人均消費～$130

收左工約左朋友食飯但係又未夠鐘，唯有搵間 coffee shop 食番個下午茶邊食邊等☺️。隨手上網搵左一間，見到都有唔少人讚，決定就試一試啦😋。裝修都比較接近日式，以木製枱櫈為主，入到去感覺好舒服同輕鬆。🍠紫色地瓜麻薯戚風 一黎到個賣相已經好靚好吸引😍紫色地瓜泥做得非常綿滑而且食入口仲好香濃❗️就好似食緊一整舊紫薯☺️戚風蛋糕焗得好軟熟🥺軟熟到一路食一路傾側🤣最正既係蛋糕入面仲有麻薯粒粒🥰一件蛋糕有多重口感😋😋呢件蛋糕作為下午茶真係好好食完都唔會感覺好膩☺️☕️烤焦糖奶蓋咖啡 焦糖咖啡就飲得多面頭烤過既就比較少飲第一啖最先試到既係烤焦糖奶蓋💕奶蓋味道少少咸再配上甜甜既焦糖造成左一個對比😌而咖啡味道就偏濃 較重咖啡味有奶蓋既中和下咖啡香得黎又唔會難入口🥰

呢間餐廳係大圍都幾有名氣，呢日終於搵到時間試下佢😋😋店內裝修非常日系，好舒服，入到嚟個人都覺得放鬆啲。我地叫咗鮭魚+茶泡飯醬油雞蛋漢堡扒+茶泡飯最後見到佢d甜品相好靚都忍唔住叫咗個清酒甜梨荔枝華夫試下😆😆食物味道都正正常常，反而個甜品幾有驚喜。甜品好精緻好靚，啱晒打卡。👍🏽👍🏽👍🏽味道方面，梨配荔枝好夾好清新，連埋啲cream同窩夫食啱啱好。😍😍之後會想再嚟試吓佢多啲唔同甜品～～

建議：如果要排隊等堂食，記得問店員拎定飛仔 🎫同Fd子們係大圍食完飯想搵個地方繼續坐下傾計，就行左去#積信街 ，附近既甜品店都好爆，最後路經#屋子咖啡 襯住無咩人等決定一戰😌 拎完飛仔係門口傾左陣計等左🔟分鐘左右就入得。舖頭入面既氛圍同外面既繁忙完全唔同，除左成個感覺好和式🇯🇵 仲感覺到好舒服悠閒❤️ 真係好有遠離煩囂既感覺。今次試左：▫️蜂蜜檸檬抹茶 (HK$40)▪️焙茶奶蓋茶 (HK$45)▫️大阪章魚燒 (HK$35)▪️二軒茶屋大福白玉華夫 (HK$63)落完單之後好快就上齊。先講下飲品方面🍵 整體味道屬正常，不過#試伏專員 就覺得#奶蓋 既質感一般，比較稀而且無咩味，#焙茶 底就中規中矩。輕食同甜品都各自叫左1️⃣樣，#章魚燒 🦑味道正常，但食落似係現成貨加熱，所以無咩特別感覺。反而華夫系列有少少驚喜🧇 賣相幾得意，上枱時已經感受到好鬆軟。一片大福皮直接放係華夫面，再灑上抹茶粉💚 中間就係2️⃣塊華夫夾住#白玉 ，口感上都幾豐富，華夫既脆邊加上夾心既白玉#煙韌感 配搭上唔錯❤️

空間唔大 張枱都比較細 cafe黎講唔算好嘢食方面 兩個人叫咗兩個牛肉烏龍麵 一杯草莓拿鐵 同一杯熱綠茶拿鐵 烏冬口感好煙韌 半熟蛋外觀好靚 有少少蛋香味 撈埋牛肉同埋烏冬一齊食係好夾 湯底都清清淡淡好適合我地 推薦放假想chill下嘆個早餐嘅人士試試

👸🏻如果想搵一個寧靜嘅空間，同三兩個朋友傾下計，食個下午茶，咁大圍呢間日系咖啡店就啱曬你啦！餐廳座位唔算好多，但係每張枱之間都有返足夠空間分隔，坐得舒服。-🍴下午茶套餐 便當組合 $79有5個便當同6個配菜選擇 可以各選1💁🏻‍♀️ 今次同行嘅朋友仔就簡左十勝豚烏冬便當同大阪燒醬薯條🍟啲薯條係幼身個種，食落脆卜卜，份量都唔少架～連埋大阪燒個汁同木魚碎會食唔停口！另外加配左焙茶牛乳，牛奶甜味中和左焙茶嘅苦位，呢個組合冇得輸！🍴下午茶套餐 甜品組合 $69甜品組合方面就可以係4款甜品同3種飲品各選1💁🏻‍♀️我就簡左鐵觀音焦糖脆脆雙層窩夫，聽個名就覺得係個好特別既配搭🤣窩夫面頭既忌廉好滑，加上鐵觀音嘅茶味十足，一齊食好夾！切開中間仲有啲甜甜地嘅焦糖脆脆，令到味道冇咁單調，口感更多層次！杯跟餐嘅西柚冰茶有啲似淡淡地嘅芬達😂不過入面真係有西柚果肉嘅！上次試過桂花烏龍茶都唔錯，如果唔係揀茶嘅甜品會揀返飲烏龍茶🤣