屋子咖啡

Open Now

Now Closed

有次同朋友想找類似cafe的地方 可以慢慢食慢慢傾 所以嚟到呢間小店non peak hour 幫襯之下 等食物的確要多少少時間～叫左個set 有唐揚炸雞 細三文魚鬆飯 一個芝麻醬沙律 細的涼拌青瓜 連一杯水果茶要讚既話我諗價錢合理 $50-60一個set有咁多配菜👆🏻不過！！食物介乎凍同暖之間 但食炸物係凍我真係接受唔到 個皮好似濕咗水咁真係食唔到 雞肉都係太乾完全無口感另外朋友叫的 迷你鮭魚丼都係普普通通 三文魚乾到好似柴咁 無咩醬汁撈飯 普通到無得再普通！整體嚟講表現強差人意 唔想再幫襯！

想試呢間餐廳好耐，不過之前要排好耐隊，所以放棄咗，最近終於都試到！😛·🔸 關西牛肉丼（$68）見到好多人推薦「關西牛肉丼」，所以就跟住叫，冇介紹錯，牛肉好入味，個汁唔會過份濃味，送飯一流🍚！🤤·🔸 和風漢堡丼（$65）一心諗住試下，冇抱太大期望，估唔到又幾出色，漢堡扒夠腍、味道又好！🤩·🔸 玫瑰香梨荔枝汁（$38）哪個女孩不愛玫瑰？🌹 清甜嘅味道，推薦！🥳·🔸 Baileys Coffee (Ice)（$45）賣相好靚，美美的層次感！😆·餐廳環境都幾舒服，店員服務質素都好好，反應好快，嘢食同飲品都好出色，值得再食！😎

同閨蜜去到<<屋子咖啡>>,我地冇叫到lunch set, 各自單點左烏龍麵+$20升級套餐(有沙律，漬物同飲品)同單點甜品 ㅁ ㅁ ㅁ ㅁ ㅁ 我是分隔線 ㅁ ㅁ ㅁ ㅁ ㅁ 咖哩湯烏龍麵配吉烈豚扒 $72 用到讚岐烏龍麵配上淡淡既咖喱湯，有啲似合味道既咖喱杯麵配上葱花芝麻豚扒香脆，但略嫌欠缺肉汁，唔夠味海老天婦羅湯烏龍麵 $72 係鰹魚湯啊海老天婦羅🍤 呢個有啲失望，皮太厚太硬不過作為一間cafe都算係不過不失成個套餐，同朋友一致認為沙律係有驚喜酸酸鹹鹹好開胃清酒香梨窩夫 $48大愛，賣相精緻，打卡一流提子乾，清酒香梨，荔枝(裏面有荔枝肉架），cream同蜜糖食cream唔怕肥，最怕膩，但呢個完全冇呢個感覺，正啊食完之後想返屋企挑戰一下整~hehe

🍱和風漢堡便當份量多到一啲都唔似下午茶牛肉漢堡 唔算juice 但亦唔算乾柴柴醬汁濃厚 有點蓋過漢堡嘅味道🍱七味雞唐揚便當雞球大大粒味道出色 炸得恰到好處值得推介👍🏻🍱抹茶奶綠起初見到兩杯飲品都好失望 原本以為會係靚靚外表點知只係鐵杯裝住同茶餐廳嗰杯免費水相差無幾點知飲左啖 果然唔可以單靠外表好飲👍🏻抺茶同牛奶味相宜唔會搶左對方既味道下次試下熱飲先🤤.🍱桂花烏龍茶好香桂花味 茶味濃甜度適中🍱小倉抹茶窩夫綠茶拼紅豆永遠是絕佳拍檔又靚又好味窩夫好似冬甩 紅豆唔會過甜可惜綠茶味偏淡如果啲cream 再挺身少少再加啲棉花糖點綴就會更perfect喇.*** 兩份便當底都有醃咗嘅青瓜+烚椰菜***便當+飲品+甜品.......$86***便當+飲品..................$58

唔係好想食太飽，又想試下幾樣野食，就決定啦個飯團餐試試店內裝飾好文青，樓底高，比人感覺好舒服同無壓迫感，可以好好坐低享用午餐，過渡一個幸福嘅下午鹽味鮭魚飯團及日替飯團好味道輕食套餐，飯團好有媽媽整便當既感覺，健康，清淡，唔係味精個種所以食落好簡單，唔會超鹹/好多種味！而且唔好睇佢得兩件，實情係超級飽，飯團好重手，跟返餐廳節奏慢慢咀嚼，兩件飯團都已經塞滿哂個肚仔另外嗌左杯咖啡，店員仲畫左個好可愛既屋仔笑哈哈出黎，成餐飯畫龍點睛心情變得更加輕暢

門面好簡單，夜晚經過都未必留意到，好彩朋友帶我黎。店內好佈置簡約，舖仔細細都有幾多位，平日夜晚都滿座🙈小店黎講食物都算幾多選擇，種類以日式為主。炭烤雞塊丼（$63）海老天婦羅湯烏龍麵（$72）食物味道正常，不過不失。主食加$20，有沙律同飲品。餐飲㨂左抹茶奶茶，味道ok又唔會太甜。

奧爾加的生日飯食到二月底，放工出左大圍食飯。呢間店係大圍站A出口附近，主打食日式料理。飯或麵可以加$20 升級搭配椰菜絲沙拉 及飲料一杯海老天婦羅湯烏龍麵$72 （+$20 椰絲沙拉+抹綠奶茶）海老天婦羅炸得好鬆軟，點沙律醬食好正湯烏龍麵椰菜絲沙拉我好鍾意呢種酸酸甜甜既味道最抵讚都係杯抹綠奶茶，口感幼滑，綠茶味清新，好似去左京都既感覺。

大圍有不少的咖啡店，我們今次去一間在大圍站行大約十分鐘路程的咖啡店:屋子咖啡，座位不多幸好我們入去時有人離開，我們坐下見到餐牌款式都不少，但熱的咖啡今日沒有只有凍飲，我們二人最後就叫一人一杯咖啡加一個甜品，每人最後結帳七十多元都可以。我的桂花拿鐵桂花味的確好重但咖啡味十分弱有點失望，朋友的小丸子榛子咖啡來都十分漂亮，榛子味都有但都是可能拿鐵關係咖啡味少，如二杯的咖啡味多點會更好。甜品柳橙香蕉窩夫和柚子雪芭，比心目中細而且窩夫沒有蛋香同比較硬，但橙和蕉的配沒想到不錯，雪芭都十分好味道。

好多人嚟懲罰黃店，疫症時期仲座無虛席.之前成日經過都以為係甜品鋪，因為門口係無餐牌.今日經過咁啱見到人地食緊鰻魚丼，仲要好多鰻魚.即刻入去試下.所有料理或麵，都可加$20轉套餐.叫左鰻魚丼，點知嚟到同隔離檯唔同，原來鰻魚丼有2款，一款係泡、一款係普通.鰻魚綜合泡丼（$65）：有2個鰻魚.泡飯汁係鰹魚汁，好鮮甜.泡飯仲加入飯素，食落口感富豐.咖哩湯鳥龍麵配吉列豬排：（$72）淡淡日式咖哩，烏冬係稻庭烏冬.豬排都好脆，肉質唔會韌但豬排好薄薄嘅厚度.

呢間店之前去開大圍朋友帶去食過, 印象中就係間好溫暖既小店, 重要係多人排隊既小店. 難得又去大圍就再去一次. 搵資料見到佢係附近開咗間分店本來想去新店的, 但去到已經無晒位, 咁就去返本店睇下啦. 好彩唔洗等就有位.間店仍然都係充滿住溫馨既感覺, 我點咗咖哩湯烏冬+熱桂花拿鐵咖啡, 朋友點咗咖哩丼配吉烈豚扒+熱抺茶拿鐵咖啡. 我既咖哩湯唔係好濃但好夠味, 烏冬都好清爽, 吉烈蝦外面既脆粉偏厚身既, 但好脆! 熱桂花拿鐵咖啡有淡淡桂花唔錯, 不過偏甜. (甜度送上時已經調好)睇朋友既咖哩丼配吉烈豚扒都唔錯. 賣相亦都一流! 見到隔離枱點咗甜品, 醒起佢地甜品梳乎理好出名. 但可惜同朋友食完晚飯後重有事要做無時間食埋甜品. 留待下次有機會再去大圍時再試吧!

12點到達的時候已經有人在門口排隊，然後12時半可以進入店舖。進入時空間不大和之前的裝修差不多但好像多了點裝飾，但發現新年的參考不同了。主要是沒有飯團，因為之前在OpenRice或是其他平台也看到飯團的賣點很漂亮，但在詢問店員的情況下發現真的沒有了。那麼辦法變選擇其他套餐。焙茶梳乎厘 要等大概20分鐘，但都值得，有好濃焙茶味，好鬆軟，配茶雪糕都係茶味，口感軟滑，好creamy(о´∀`о)鰻魚飯因為和牛肉飯的價錢差不多，所以性價比較高。上碟的時候也很精緻萬元的味道也不錯。秋葵沙律因為價錢也不便宜的關係，份量也不少，而且上面的炸雞貌相也很，很多秋葵。中華冷麵麵質滑，湯汁亦不錯，蛋白一點沒有預期中漂亮好像之前是用其他玩上碟的，但今天只用了透明玻璃碗如果打卡的話就不建議。海老天婦羅炸粉過厚，口感較硬，但烏冬唔錯，有咬口。整體來說食物質素不錯，打卡一流。環境亦舒適，適合和朋友傾吓計。順帶一提，我們點了水，使用膠杯承載的，但一看之下發現有很多黑色不明物體在杯底，這扣了點分。而且座位不多，門外有不少人排隊，不好意思在店舖裏坐得太久。

今次黎到大圍懲罰黃店！朋友住附近，覺得屋子咖啡唔錯就帶我黎食。我地兩個都嗌咗同一個lunch set：咖哩湯烏冬拼吉列豬排 （$73 另加一）凍抹綠奶茶午餐份量超級足！烏冬有咬口，豬排炸得好脆好香口，又唔會有咩油膩感。另外又有白蘿蔔同沙律做伴菜，成餐飯感覺更清新！雖然咖哩湯唔「結」，但都好有味！唔會食完覺得好heavy. (不過私心想有濃湯版一試🤤）抹綠奶茶味道唔錯！唔會得綠色但無抹茶味！就算放到啲冰融咗都唔會無味。Weekdays下晝兩點到，都同朋友坐咗差唔多兩個鐘。絕對係性價比高、又勁悠閒嘅文青cafe!

原來諗住去大圍食bagel點知賣晒 咁就唯有轉戰屋子生活啦🤥 之前都食過一次 環境都吾錯😌下午茶時間仲有tea set! 叫左一個栗子窩夫 一個漢堡扒便當🍴 便當比較麻麻 雖然用上珍珠米 但完全冇汁 好乾😂 仲有半隻全熟蛋咁🤔 旁邊有三舊半塊的漢堡扒 上面有小小燒汁 雖然系熱熱地 但份量比較小🤢 肉質一般 同埋入面有d乾🤧 搞到成盒飯好dry 🙈相反甜品比較出色 栗子容吾會太甜 入面仲有小小cream咁😋 窩夫係好實在的 比較似蛋糕質感😆 切落去就會知😂 同埋入面有啲雪糕 提升成舊嘢的甜膩感😝 不過一齊食又多重口感 比起個飯好好多! 得閒經過都可以試下呀!

成個香港都係二噁英，身邊好多朋友啲皮膚都生到一撻撻。城市既空氣比催淚彈污染到唔適合香港人呼吸，呢個星期五決定約埋三五知己放工跑上山抖下氣。由樂富出發，跑上獅子頭俯瞰一下呢個唔再熟悉既香港，再係世界花園落山。落到山黎都成9點，打開和你eat睇下仲有邊間黃店未閂。見有一間叫屋子咖啡既，但睇佢網上menu好似得咖啡同甜品，無正餐食，不過得返呢間咁夜都未截單，就去試下啦。呢間講過見到警暴好憤怒同疼心，決定唔會再招待黑警公安。揾到間舖，見坐得好滿，要等一陣，睇下啲人食咩，發現原來有serve烏冬啊咖喱啊定食啊茶漬丼啊飯糰咁，睇黎呢鑊做完運動都變肥仔了。（建議返餐廳更新一下網上既餐牌。）各自嗌左個主食加飲品再加甜品。$72 關西牛肉定食$42 黑芝麻豆腐奶昔$55 燕麥梳乎厘做完運動食咩都好味，特別個梳乎厘真係好香好軟綿，邊邊果個少少脆既皮最好食。杯奶昔飲落味道似黑豆漿但感覺好健康。餐廳既logo係一個屋頂加一隻咖啡杯，中間加兩點，整個睇落就好似係個開心笑既樣。希望香港終會有呢一日大家笑得出黎，煲底見。

一個星期六嘅下午，喺大圍站周圍行來行去唔知食乜好，行到油站附近，老公話不如試吓依間Cafe啦。喺外面睇幾靚，好簡約好日式細細間咁，可能係假期啦都要等一陣先至有位，如果大啲就好囉因為入到去好少位，選擇亦不算多。我哋一人要咗個set，黎到真係有少少有驚喜，好精緻啊，每樣少少味道好好，杯咖啡都好唔錯。如果可以唔使排咁耐隊，我應該會個個月來一次。