宇治園 (Closed)

知道海港城開咗宇治園時，一直都好想試，環境很好，店面雖然不大，但空間感十足，舒服寧靜。坐抵之後，店員放抵一壺玄米茶，好香茶味，好飲（結帳時先知每位茶錢$10），因為已經有茶了，所以order咗一個抹茶大福卷套餐 - - 抹茶卷蛋+飲品$98（只有套餐，不可單點）同抹茶脆脆杯$70。2者的味道都可以，可惜抹茶味唔夠濃，有點失望，幸好大福卷套餐內所點嘅煎茶夠香濃（還有冷抹茶、焙茶、咖啡等等可供選擇），挽回不少分數。最後想講，店員嘅服務真係好好，多次提醒茶品可加水添飲，非常有禮。

呢間回頭指數極高😛抹茶控🍵必定要去一趟🤗抹茶提拉米蘇🙊🤤 好香抹茶味 抹茶粉下係香滑既cream 底層香軟抹茶蛋糕 食到睇唔到口啊😍🤟🏻好正！套餐跟杯冰抹茶👍超可愛既飲管托🤣.另外，天使之淚💧配焙茶 透明啫哩 加黃豆粉 黑蜜 甜甜地 都幾好味 食完可以飲杯熱焙茶解膩😀========================三個90後吃貨會不斷開心share美食💓*喜歡睇我地美食分享的，不妨按👍及share，讓更多人睇到我地既post🙆🏼‍♀️*🚩Instagram: 3bad_foodies📍OpenRice: 3bad_foodies 歡迎在不同的平台 繼續留意我們的推介🙆🏼🙇🏼‍♀️大家亦可以向三個吃貨介紹美食👻我們一定會去試👅#愛吃也愛分享 #三個90後吃貨 #3bad_foodies#三個90後吃貨_尖沙咀美食推介..=======================宇治園 (尖沙咀)尖沙咀廣東道3-27號海港城港威商場4樓4201-4202K號舖

德島產雞肉生茶麵 $118睇店名就知要叫咩食物 享受宇治系甜品前先叫個麵食生茶麵未有聽聞過 睇賣相我估係麵條製做過程加入類似綠茶粉元素製作而成 可能本身個湯夠味所以無食出綠麵既特之處 何況仲有唔少既芫茜同蔥吊味 幾個月前先去過德島...隔離既讚岐 即係話無緣一試真德島雞無從比較 不過味道方面就真的假不了 肉質實在而不韌甚有咬口 唔走嫩滑路線反而雞味甚濃 賣相有啲似拉麵主材料常客豚肉既棈緻版 雞肉邊明顯可見燒過既痕跡而且火喉甚佳無過焦 食落口果份炙燒風味不得不加分麵量其實唔多 大食既朋友仔可以考慮加$30轉套餐跟飯團同特色煎茶並分別有唔同口味選擇 價格方面高左啲始終行日式精品路線 雖則我係揀左最貴果款生茶麵食完上網research返原來宇治園係日本百年老店過江龍黎香港開鋪不過數月 睇店面唔大但係店鋪口又有堂食以外既雪糕茶飲蛋糕同其他精品發售 我都分唔清係仍然試業中定已經成為香港旗艦店焙茶芭菲 $88宇治系甜品既signature之一 唯一係相機食先有啲困難 影大頭淺景深又突出唔到layering 影高瘦杯全身又好似少咁個focus pt入返正題 首先係焙茶雪糕味濃又夠冰感 雪糕面有脆粒

已經來過多次，每次都享受用餐和品茶的快樂，以及周到貼心的服務，值得稱讚！ 每次用餐後，也會買一些小食回家 最喜歡焙茶！這次雖然是星期日，但剛好不用等位，很是開心。推薦這裡的焙茶軟雪糕，感覺比日本的甜度低一點點，更適合我的要求。

開左一段日子, 終於有時間黎啦. 下午茶食時間. 試個抹茶芭菲. 食落去不過不失. 抹茶雪糕相對比較甜, 抹茶味唔算太突出. 反而塊餅乾幾好味. 紅豆唔多, 只是食到中段先感到有幾粒紅豆. 只能說一試無防.不得不講呢壺茶. 一坐底就人人有份. $20 淡到呢... 好似沖左好多次咁拎出黎. 可以選擇的話, 我寧願比多少少錢. 換個壺好少少的茶. 感覺尤如飲水, 只是加了丁點茶味. 最後係埋單後, 佢會送一條綠茶蛋卷(忘了影相). 跟朋友分左黎食. 個卷綠茶味唔濃. 淡淡的味道幸好幾脆. 怕甜的可以一試呢個

前排同朋友去左尖沙咀食正餐兼行街街，其實我地食完個正餐已經十分滿足，即系十分飽😝但系吾好忘記，女人系有第2個胃的，於是我地繼續向住甜品店進發。收得情報最近有間抹茶專門店開左系尖沙咀港威商場，而且呢間系日本系真系有分店，真系有一定既吸引力啊。呢家抹茶真系愈黎愈多人食，香港有吾少甜品店都爭相賣出各式各樣既抹茶甜品，競爭十分大，而我諗比較受歡迎既會系吾止一陣熱潮、而系可以維持長時間受歡迎既抹茶甜品。而宇治園比較特別，佢又未至於系hit到去到要大排長龍戈啲，但比我既感覺會系高質的。去到吾洗等就有位了，不錯。每次食抹茶甜品，店內既裝潢都差吾多，以木為主黎營造和風既感覺。而我自己比較欣賞佢系「前後」既方式去擺枱櫈，中間就有條長走廊，咁比人感覺就有私人空間多啲同埋舒服啲。抹茶芭菲 $88坐低幾乎吾睇餐牌已經諗定系想食啲咩，平時都系有蕨餅、焙茶、抹茶雪糕等等，而我最心儀既當然系抹茶雪糕，仲要系配埋芭菲真系一流！抹茶雪糕茶味十分香濃，上面仲有少少抹茶粉令味道更濃，另外都系平時芭菲既配料，紅豆、脆米、抹茶蛋糕、抹茶啫喱。不過佢既脆米同平時食芭菲入面既脆米吾系好一樣，呢個系類似食穀物片既形狀等等，抹茶蛋糕加

抹茶芭菲…差過另外兩間號稱京都百年老店之宇治園剛開幕前盛況空前，座落海港城旺中帶靜勁難搵既位，仲有人氣子華宣傳，點知……半開放式環境都唔太好，無私人空間，仲有小蒼蠅飛過，尖沙咀蒼蠅特別罕見…滴汗！我唔鍾意抹茶雪糕太奶味，同麥記差不多，第一啖食落心涼了一半！ 中間層次不夠其他兩間（京x屋及中村x吉）, 最底綠色啫喱更無味，簡直搖頭，真的是一次就夠了！好失望香港分店做成咁，我本身無去過京都那間，如果去那邊都未必試總店。

今日身體檢查完，來了這間店吃下午茶。座位不算多，只有20個位左右。但由於今天是平日下午，所以只等了5分鐘就有位。由於未吃午餐，所以首先叫一個黑豚肉生茶麵。麵是綠色的，沒有什麼特別。黑豚肉很有豬味，而且肉質很林，都頗好吃。而湯底亦很清甜。來這裏，不得不吃甜品。所以叫了一個抹茶餡蜜。其實這裏的甜品不是抹茶就是焙茶，其實個人兩者都很喜歡，唯有下次再試焙茶系列。這個甜品有水果(橙、藍莓)，另外有紅豆、小丸子、椰果及抹茶雪糕。另外亦提供一個黑糖，非常美味。

今日見完客到尖沙咀午餐，在海港城搵食的時候，發現以前一家韓國餐廳已變成宇治園，作為抹茶控的我表示十分興奮！*德島產雞肉生茶麵（$118）因為還未午餐，所以點了一個主食的生茶麵；麵條煙煙韌韌的，很有咬勁；湯底有點像茶漬的味；雞肉很有趣的卷起來，質感像雞胸肉，很瘦，但又不會太鞋。*冰抹茶（$45）配煎茶大福（$28）最近天氣反常，今日熱得不得了，所以點了冰抹茶；抹茶很香濃，沒有甜味的，所以附上了糖水；個人覺得加一半左右的糖水味道會更好；因為太餓了，所以加配了一個大福；大福中間是抹茶蓉和忌廉，口感軟糯，不會太甜。*抹茶芭菲（$88）芭菲可以一次過滿足到不同口感和味覺層次；抹茶軟雪糕很幼滑，茶味濃；雪糕上有少少玄米粒，又脆又香；上面放了一片葉子形狀的抹茶餅，是香脆的；還有兩粒白玉，煙煙韌韌的；厚厚的粟米片脆脆的；再食下一層有蛋糕，沾了雪糕很濕潤；蕨餅真的要一讚，是我吃過最最最軟滑而且抹茶味濃的一個。又餅又蛋糕又蕨餅的芭菲真的超飽肚！*茶芥（$10）宇治園沒有收加一服務費，但就有收茶芥；茶一點都不馬虎，茶味清新解膩。因為還有少少時間，所以走進了旁邊的禮品店。有很多不同的抹茶產品，有食的，有飲的；

又一間日本抹茶起家過江龍登陸尖沙咀港威商場，呢間宇治園係1869年京都開業，都快接近150年做茶歷史一上電梯左面就係餐廳，而右面係一間專賣抹茶，茶葉，零食手信等店舖餐廳環境簡潔乾淨，幾有和風感覺一坐底侍應就奉上一壺熱茶仲係用上生鐵茶壺，飲落都幾清香今次跟朋友嚟到，大家都未食午餐就點了鹿兒島產黑豚肉生茶麵$108湯頭清甜不油膩，而黑豚肉都幾嫩滑，主角生茶麵係加入宇治抹茶，食落爽口彈牙仲帶微微茶香抹茶芭菲$88令我有驚喜面上係抹茶曲奇及抹茶軟雪糕，入面內層仲有紅豆、白玉、抹茶寒天、抹菜蛋糕等其實都幾豐富，抹茶雪糕好濃茶香帶一點回甘，食落軟滑仲有少少奶香焙茶餡蜜$78朋友就好喜歡，焙茶超濃帶香，因為焙茶炒過，所以唔會有茶苦澀回甘味道，加入餡蜜仲淡淡香甜仲帶有濃濃的煙燻味最後仲係店舖見有抹茶粉賣，回家又沖了一杯來試，一小匙沖上熱水，茶香味都濃，不錯喔!!

自從沙田第一城進行大裝修後很久都沒吃鍾情於抺搽、焙茶雪糕類了。今天經過尖沙咀的港威商場4樓，特地去來日本京都《宇治園》回味一番。 今天點選了焙茶繪卷 HKD 58，味道很好，棉棉的很滑，甜中帶有淡淡的焙茶味，像在喝焙茶搬。另外還增添加了一條長身的脆餅卷，帶出另一程甜度，豐富了其層次！ 兩旁位置就是賣抺茶類產品小商店，有多種產品，而另一旁就是餐廳可容納數十人，有時在角落的地方享受寧也蠻不錯。下次一定要試試其他抺茶雪糕款式和抺茶飲品！

一直都好想去宇治園試吓佢啲甜筒雪糕，今次去到尖沙咀食飯，就同朋友去食埋甜品。由於我哋趕時間，因此沒有坐低享用甜品，而選擇左外賣。去到已經有好多人排隊買緊，同埋等緊雪糕。餐牌上大部份雪糕都係以抹茶、北海道牛奶同埋焙茶口味為主。除咗雪糕之外，仲有沙冰系列。我就比較喜歡牛奶味道，而且仲有北海道牛奶口味選擇，食落去有好濃郁嘅新鮮牛奶味道，而且非常香滑質感，軟綿綿好Soft，食到底部仲可以連埋脆卜卜嘅甜筒一齊食，更加有口感。除此之外，仲有其他款式嘅甜品、飲品選擇，而且雪糕硬度適中，果然係來自日本嘅高質素雪糕店。

食完飯就去到海港城，見到一間新開㗎宇治抹茶專門店，我呢個抹茶控🍵一定要去試吓。鋪頭位於當眼位置，就算係下面幾層都見到佢嘅門面裝修，裝修設計以綠啡色為主，入面亦都有座位可以供客人坐，亦都可以外賣。我哋食完飯就想食下甜品，見到佢嘅甜筒雪糕咁多款式，真係好想試吓，最後我揀咗招牌雪糕抹茶繪卷，而且雪糕可以自己揀選味道，仲有北海道牛奶同埋焙茶味道選擇。我叫嘅抹茶繪卷賣相非常吸引，同餐牌嘅圖片一樣，雪糕上面有抹茶粉，仲有一條特製嘅鬆脆卷，點小小雪糕嚟食非常Creamy，食落去有好濃郁嘅抹茶味道，苦澀嘅味道帶點牛奶甜味，正。除此之外，仲有其他款式嘅飲品選擇，有咖啡、煎茶、豆奶同埋拿鐵等等。

During the Chinese New Year, I decided to return to Uji-En to purchase some candies to treat guests that would come over. As you see, Uji-En has a nicely sized shop that sells not only tea but their special candies and other sweets. But while I was there, I was intrigued in two items which I  brought home with me.The first was this: a box of matcha cream rolls ($98).  It was packaged in a slim transparent plastic box with a silver elastic around it.The ingredients and nutritional content was lab

自細是個日本控，無論是日劇、音樂、動畫、日本料理都特別鍾愛，日元匯率下跌，自然多了機會去日本旅遊✈️雖然旅覽過去的城市不算多，但近年特別喜歡有古典特色的京都，物價雖高，但寧靜的特質令人身心放鬆。除了古色古香的寺廟參拜，能陶冶心靈的茶道🍵也無法抗拒想起那杯在宇治吃的抹茶芭菲也令人心擴神怡最近香港又有一家京都老店在尖沙咀海威商場粉墨登場原址是韓國冰凍甜品，果然還是日本甜品較合港人口味吧！店面簡約很有京都古典特色右邊設堂食區，悠閒地歎杯抹茶加甜品實是賞心樂事臨近新年要準備很多事情，只好先來個抹茶雪糕，歎茶就留待下次吧！凍櫃內甜品選擇很多，有布甸、蛋卷、蛋糕等抹茶繪卷：抹茶味香濃，能吃到香甜牛奶味，口感頗幼滑，上面撒了點抹茶粉，賣相精美，而繪卷內的抹茶忌廉餡也很好吃，很合我的口味吃罷繪卷想要回味的人，可以走到店子左邊👈這裡有售抹茶、焙茶、繪卷等宇治園商品，可以買回家放假時慢慢歎