Video
Read full review
2018-04-25
160 views
德島產雞肉生茶麵 $118睇店名就知要叫咩食物 享受宇治系甜品前先叫個麵食生茶麵未有聽聞過 睇賣相我估係麵條製做過程加入類似綠茶粉元素製作而成 可能本身個湯夠味所以無食出綠麵既特之處 何況仲有唔少既芫茜同蔥吊味 幾個月前先去過德島...隔離既讚岐 即係話無緣一試真德島雞無從比較 不過味道方面就真的假不了 肉質實在而不韌甚有咬口 唔走嫩滑路線反而雞味甚濃 賣相有啲似拉麵主材料常客豚肉既棈緻版 雞肉邊明顯可見燒過既痕跡而且火喉甚佳無過焦 食落口果份炙燒風味不得不加分麵量其實唔多 大食既朋友仔可以考慮加$30轉套餐跟飯團同特色煎茶並分別有唔同口味選擇 價格方面高左啲始終行日式精品路線 雖則我係揀左最貴果款生茶麵食完上網research返原來宇治園係日本百年老店過江龍黎香港開鋪不過數月 睇店面唔大但係店鋪口又有堂食以外既雪糕茶飲蛋糕同其他精品發售 我都分唔清係仍然試業中定已經成為香港旗艦店焙茶芭菲 $88宇治系甜品既signature之一 唯一係相機食先有啲困難 影大頭淺景深又突出唔到layering 影高瘦杯全身又好似少咁個focus pt入返正題 首先係焙茶雪糕味濃又夠冰感 雪糕面有脆粒
德島產雞肉生茶麵 $118睇店名就知要叫咩食物 享受宇治系甜品前先叫個麵食
生茶麵未有聽聞過 睇賣相我估係麵條製做過程加入類似綠茶粉元素製作而成 可能本身個湯夠味所以無食出綠麵既特之處 何況仲有唔少既芫茜同蔥吊味
幾個月前先去過德島...隔離既讚岐 即係話無緣一試真德島雞無從比較 不過味道方面就真的假不了 肉質實在而不韌甚有咬口 唔走嫩滑路線反而雞味甚濃 賣相有啲似拉麵主材料常客豚肉既棈緻版 雞肉邊明顯可見燒過既痕跡而且火喉甚佳無過焦 食落口果份炙燒風味不得不加分
麵量其實唔多 大食既朋友仔可以考慮加$30轉套餐跟飯團同特色煎茶並分別有唔同口味選擇 價格方面高左啲始終行日式精品路線 雖則我係揀左最貴果款生茶麵
食完上網research返原來宇治園係日本百年老店過江龍黎香港開鋪不過數月 睇店面唔大但係店鋪口又有堂食以外既雪糕茶飲蛋糕同其他精品發售 我都分唔清係仍然試業中定已經成為香港旗艦店
焙茶芭菲 $88
宇治系甜品既signature之一 唯一係相機食先有啲困難 影大頭淺景深又突出唔到layering 影高瘦杯全身又好似少咁個focus pt入返正題 首先係焙茶雪糕味濃又夠冰感 雪糕面有脆粒豐富左口感 白玉亦係一定無得輸既standard絶配 葉狀餅乾相對普通不過present上又幾夾 雪糕下有唔少得既紅豆 另有脆片同埋好少見既培茶蛋糕係中層 最底就係抹茶啫喱 如果啫喱可以凍身少少更完美
芭菲杯通常以用豐富既用料吸客 咁岩遇著同時有質素既不妨一試
抹茶法式西多 $68
留肚食日系甜品 友人提議另一份甜品叫法式西多 點知食落真係有驚喜成份french toast既日式點在大量綠茶粉同綠茶忌廉 西多份量睇落唔多其實幾填肚 疊成三層配綠白雙粉視覺效果一流 相機今次食得好滿意
味道方面 西多烘得軟軟熟熟 搭配有味濃既蜂蜜糖漿 糖漿量可自己控制 意外既係蜂蜜同綠茶配異常地岩key 個人食法係盡落蜂蜜每舊西多都沾多多綠茶粉一併享用
無論係飽滿賣相味道同價錢方面 呢份甜品都相當值得大家考慮 除非閣下一心要食傳統宇治甜品
Post
