梅丘壽司の美登利総本店 (雅蘭中心) (Closed)

星期五夜晚旺角差唔多每間餐廳都人潮滿滿要排隊，咁啱雅蘭得美登利可以即刻入座，所以誤打誤撞入左去試下🤣環境唔錯，乾淨衛生，座位闊落👍🏻食物質素就不過不失啦，刺身都算新鮮而且份量夠大🤭都算合格✅🍣特上手握壽司盛合 ($235)如圖，份量十足，唯獨拖羅質素一般😢但整體賣相味道都可以✅🍣海鰻青瓜卷 ($65)海鰻品質唔錯，鰻魚汁調配適中🤤配埋清新嘅青瓜同玉子非常夾，推薦！🍣5點刺身盛合 ($288)見到個賣相以為自己去左日本😍刺身勝在都幾新鮮，$288嚟講質素都非常合理👍🏻個人最推帶子，好鮮甜😋🍣池魚刺身 ($88)抵食高質之選！首先賣相擺盤已經好有誠意，原條上👍🏻肉質新鮮帶少少煙韌口感，食多幾件都唔會覺得膩，推介✅計埋其他散件叫嘅壽司，四個人食都係每人二百幾埋單，價錢質素合理👌🏻味道無太大驚喜，不過不失，勝在份量一啲都唔慳🥶未試過嘅朋友都可以嚟試下呀😝

/好耐冇打過食評啦😅其實Album 入面儲埋好多好西同餐廳未得閒同大家分享 黎緊密啲些牙返先😝今日就同大家講下Sushi😋最近有間日本黎嘅連鎖壽司餐廳排長龍不過我就仲未有時間去食所以就食住都係來自日本嘅梅丘壽司の美登利総本店我同男朋友就叫咗特選手握壽司盛盒($275)另外仲有鹽漬檸檬手握壽司盛盒($90)海老三寶 ($78) 炸蝦卷($70)每件壽司都好新鮮 不過價錢就唔算平🧐兩個人嘅話大概$650左右埋單🤓-裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)唔信我嘅可以自己去試試😂

梅丘壽司の美登利総本店，簡稱美登利，由於價廉物美，可說是遊客心中的名店，去東京時必去的「飯堂」。初到香港先大排長龍，而且我嫌價錢偏貴便一直沒去，直至最近未能出遊日本，而且不用再排隊，便決左去試試，一解思「鄉」之愁。-🍣特選手握壽司盛盒$275包羅萬有的一款，有鰻魚、海膽、三文魚子、帆立貝、牡丹蝦、玉子燒、吞拿魚等、各款食材都很新鮮，而且鰻魚超級大件，愛吃鰻魚之人必點。.🍣 特上手握壽司盛盒$235跟特選盛盒內容很似，有海膽、三文魚子、帆立貝、牡丹蝦、玉子燒、吞拿魚等、最大的分別是沒有鰻魚及多了吞拿魚卷，相對飽足感會更大，如果不是特別愛吃鰻魚，單點這一份已經很足夠。.🍣貝類盛盒$2488款不同的貝類壽司，包括帆立貝、象拔邦、鮑魚、赤貝等。食材新鮮，但壽司飯太鬆散，有幾塊夾起時已散開。.🍣炸蝦卷$70份量很充分，蝦及飯都相當紮實，炸蝦加上芝士味道很相配，值得一試。.🍣平盛卷$48內有海膽、三文魚子及吞拿魚蓉，食材食鮮，而且價格合理，只需$48，唯一可惜的是紫菜已經軟掉，扣了點分。-❗️總括而言，味道不錯，但定價偏貴，比起在日本吃貴很多，如非像現在不能去日本，否則不會再去了。

任何時候都想食壽司🍣呢間過剛龍好受歡迎👏🏼次次都迫爆門口，但我男友每次都會一早嚟等定位👍🏼😆環境，衛生，氣氛，服務都值得讚揚😁三文魚盛合係No.1 🥇推薦，有六件大，六小件細，而且每一件塊三文魚生都好長，係平時食嘅兩陪，細小嘅卷呢，唔只個面有三文魚同魚子㗎，睇唔到嘅入面，成個都有蠢文魚，好味😋又抵食，百幾蚊又唔多件。 第二推薦喺魚生拼盤，又係抵死之選，每樣試下，好新鮮呀，最正帶子，份量都幾多㗎，全部都好fresh，肥美，連幾件甜蛋都唔得了其他壽司🍣就正正常堂，無咩評語俾到，當中呑拿魚會係最好食😋

好耐冇約舊同事出黎食飯傾計，搵到呢間好近地鐵站又出名既壽司店。我地大約7:30PM到達，拎左飛，等左10MINS左右已經有位。唔洗等太耐，很好！環境好好，好岩2-4位朋友聚會，傾下計，食下野。服務也很好，會周不時幫我地加茶，唔洗叫先郁！最緊要係食物種類選擇也很多。我地2個人都叫左6 款壽司同埋1碗烏冬。1. 烏冬 - 普普通通，沒有什麼特別，當天想食，所以叫了XD2. 炸蝦卷 - 脆脆的，蝦也很新鮮，非常正！3. 香葱呑拿魚腩軍艦 - 可能我自己食唔慣魚蓉的食物，所以我覺得麻麻地4. 海鰻青瓜卷 - 普通的5.  帶子壽司 - 好鮮甜6. 大赤海老 - 蝦大隻 , 夠曬新鮮 7.  蟹肉蟹膏軍艦 - 蟹膏好正呀 ，仲有蟹肉 !! 成舊食真係不得了XDD呢間壽司店值得再去！

上個星期約食lunch，朋友同我兩個人都鍾意食日本野，於是今次食lunch去左旺角雅蘭呢間梅丘壽司の美登利総本店try try。叫左個壽司拼盤，再叫左個set lunch，係細三色丼加細烏冬。矛影到set lunch相。set lunch有個前菜燉蛋，好滑好好食，我可以再食多兩個 😌細三色丼有海膽，有魚，ok。細烏冬就剩係得烏冬同紫菜，雖然好食，但覺得爭咁d野 （人類永遠是貪心的）。性價比ok✋去到壽司拼盤，整體一般，呢個價錢會expect更多。覺得set lunch性價比比較好。

經過旺角諗住食下午茶，但又想食日本野，見到日本過江龍美登利，於是就入去試下，叫左個壽司set,有齊三文魚腩，拖羅，蟹柳棒，帶子，三文魚籽飯，甜蝦玉子，同穴子壽司。二個人下午茶份量尚算足夠，價錢合理

早排朋友介紹食美登利壽司 , 食過返尋味 , 唔夠 2 個星期又忍唔住要再嚟食下啦 !! 🤣🤣星期 6  6:30 pm 嚟到已經要等 2, 3 張枱 , 食完大概 8 pm 外面已經企滿曬人等位 , 所以如果想食嘅記住早少少嚟啦 ~ 餐牌 (部分) 選擇非常豐富 , 壽司種類 比一般壽司店多 , 而且好多一般喺 omakase 會食到嘅食材例如白子 , 鮟鱇魚乾 , 真正北寄貝刺身 , 呢度都有得食 , 個人認為其實可以喺度叫相關食材 , 自製一個 omakase 😂😂蟹肉蟹膏沙律 (半份) ($55) 一大堆蟹膏好正呀 !!! 下面有蟹肉 !! 一啖一啖擺落口真係不得了😆😆 , 唔會覺得膩 , 呢個係必點 ,而且價錢絕對唔貴 !特級香蔥吞拿魚腩卷 ($85) 呢個卷係非常抵食 👍👍 !! 每件都有大大堆吞拿魚蓉同埋吞拿魚腩刺身 , 非常足料 , 刺身又高質 , 好好食 !! 難得喺香港食到高質嘅吞拿魚刺身 !! 喺一般嘅壽司小店都唔係太喜歡食吞拿魚 , 因為好多運到落黎香港嘅吞拿魚刺身都唔新鮮 , 呢度嘅吞拿魚刺身同 omakase 嘅吞拿魚刺身有得揮 , 呢個都係必點 ! 😋😋平

過江龍梅丘壽司美登利，太好啦，想去日本試好耐，而家飛機都唔洗搭就有得食，環境都幾舒服，枱同枱之間又唔會太密，仲要係屋企附近，以後食飯又多一個選擇。今日同娘親去食左個lunch set 都幾抵食，質素就不過不失啦。舊拖羅新鮮就一般般，但勝在舊刺身都幾大舊，合格！三文魚火焰壽司好食，入口即溶，脂肪同肉比例恰到好處。丫，唔記得影個烏冬，個烏冬好食呀，口感彈牙，湯汁味道剛剛好，唔會太濃又唔會太淡👍🏻very good!總括黎講性價比都幾高，好啦食飽飽要出去行街啦！

喺旺角行完街 即慶去咗美登利食壽司 平時呢間店不嬲好多人等 咁啱嗰日等咗2張枱就有位 開心😄由於自己好鍾意食火灸壽司 所以叫咗火灸帶子同三文魚 2款壽司都好大舊 仲要好新鮮 上面嘅三文魚籽入口即溶 一啲都唔腥 怕魚籽腥的朋友真係可以一試！本身自己都有啲怕海膽有腥臭味 除咗喺日本基本上都唔會喺香港叫海膽食 但估唔到呢度的海膽軍艦都幾好食 喺香港嚟講算係高質的海膽刺身😊！呢間美登利位置方便 食物質素整體亦唔錯 推介大家得閒去試下呀！🤪

美登利喺東京就經常去，喺香港就反而未食過，疫情下唔使排隊就去一去。價錢方面比日本貴係當然，只希望物有所值。朋友極力推介蟹肉蟹膏沙律，$98一份，蟹肉同蟹膏都非常多，冇介紹錯。壽司方面，握壽司上面嘅刺身比其他地方大塊同厚身，我叫左油甘魚同鰈魚裙邊，都新鮮但係鰈魚就唔夠脆身。軍艦大小就差唔多，所以相對上就冇咁抵。手卷方面，平成卷有齊海膽，魚子同吞拿魚腩，當係滿足哂我三個願望，$45都算ok總括：可能我自己慣左喺日本食，有得比較之下價錢方面令人叫得唔係好痛快($160叫左6件壽司)，不過價錢同質素都尚算成正比，就當到此一遊啦

我和堂弟各叫了一個午餐一起吃。一個特盛手握壽司盛合，配上茶碗蒸和味增湯。茶碗蒸真的很香，蛋夠滑身。壽司非常新鮮，赤身、三文魚、虎蝦壽司尤其出色。堂弟叫了鰻魚壽司天婦羅御膳，鰻魚壽司大大件，夠兩人份，非常肥美魚生飯味道不錯。天婦羅種類很多，皮夠薄身，食材有蝦、秋葵等，賣相不錯。每個午餐大約兩百元左右，我們兩點後入坐不用等位，適合來這裡慢慢吃一頓飯，好好聊天。這裡的裝修雅致，店員都有用日式裝扮，可以一試。

今日嚟到雅蘭、見到間新開日本野，突然間好想食，甘就膽粗粗試一試，點知出乎意外地好味。一開始見到餐牌，覺得有啲貴，求其點左個set，點知嚟到啲食物，樣貌新鮮，食落更加美味，呢個價錢食到呢個質素，絕對超值

呢個餐廳一直都比我bookmark左好耐今次朋友生日🎂終於有機會試因為疫情關係 只可以wall in我地6點黎到 得我地一枱人環境好舒服😌 係自助落單我地點左火灸三文魚盛合三文魚好鮮甜 每片都好厚🤤🤤而飯團微暖 😌食到少少醋既味道我地叫左一個set 之後就散叫壽司首先講拖羅 真係一片係平時出去食既3片咁😱😱入口即化 完全冇筋👍🏻👍🏻大推另外海膽方面 賣相有啲散一上枱 我都有啲失望☹️但食落 完全令我驚喜好甜 好鮮 真係好好味😋😋真係唔會比佢既賣相呃到朋友叫既蟹膏 佢話十分鮮甜 （平時佢對蟹膏既要求都幾高）🤭所以大家中意的話 可以試下服務態度非常良好不斷會添茶 同 好主動收拾食物 但唔係趕你走個種😌😌

喺雅蘭睇完兒童牙醫💸💸💸, 拿拿聲食埋lunch返屋企, 去到二樓美登利, 坐得ok疏落gei. 有午餐menu但啲刺身丼同壽司拼盤好似唔太啱心水😂.>兒童烏冬壽司餐 (HKD78)好啱小朋友食嘅set, 最吸引Dan仔梗係枝益力多吧, 烏冬對4歲嘅佢黎講比較大碗. 蟹籽, 熟蝦壽司最後都係我食, 茶碗蒸更啱佢口味.>茶碗蒸>中呑拿魚腩壽司勁長又大塊拖羅, 有厚度, 名副其實啖啖肉, 下次要重點食li款.>香葱呑拿魚腩軍艦>大赤海老壽司超肥美赤海老, 入口勁鮮甜.>火炙油甘魚壽司厚切又新鮮.>炸蝦卷估唔到咁大件, 首先天婦羅炸蝦係勁大條gei, 以新鮮嘅菜仲有芝士, 壽司飯同蟹籽包住, 抵食.>蟹肉蟹膏細卷原本揀蟹膏軍艦, 揭揭下menu見到細卷, 每一口細卷都有蟹膏.>以為嗌咁少壽司for 2個大人要追加, 點知... 好飽呢😂 👍🏻. 食物質素都拍得住日本食嘅味道(話哂搭過一程飛機算非常高質), 會encore.