梅丘壽司の美登利総本店 (青衣城1) (Closed)

係呢間餐廳食過幾次晚餐，第一次食午餐，午餐有啲set都幾抵食，不過唔係好多款set，所以唔一定揀得啱。今次就試咗特盛手握壽司盛合，午餐有跟茶碗蒸同味噌湯，而壽司有我鍾意食嘅赤蝦，三文魚，吞拿魚溶等等⋯記得以前嚟食嘅時候覺得所有刺身都好鮮甜，今次底色就反而覺得質素一般，同其他壽司店比較質素差唔多。唔知係咪lunch set嘅關係⋯？反而有驚喜嘅係玉子燒壽司。（之前食晚餐會食佢嘅貝類，好新鮮好爽口！） 提提大家可以加入做會員，以後嚟食有9折，仲即刻可以用現金coupon！

呢間心思思一直想食好耐。今次見午市有最中意食既吞拿魚飯又唔洗排隊。即刻二話不說入左去先講！去到基本上望都無望個menu就選左佢黎食。位子都座得幾舒服，又唔會話食用時間幾耐。服務員都眼明手快。見一落完單師傅先係個枱度開始切魚生。好快就黎左以下既吞拿魚生飯。個飯佢都整得好靚，分左3層。第一層吞拿魚粒同魚蓉。新鮮，撈飯一流。第二層係最最最重點，有大拖羅！呢幾片野有d出名既連所鋪已經賣過百蚊，仲要無咁多片同好食！食完有去日本食大吞既感覺。去唔到旅行唯有食好西止渴下！最後赤身亦夠多份量同都係新鮮好味😋。總體而言$198 有呢個質素絕對超值。有機會會再去食！

原本抱著朝聖的心態度美登利，因為他在日本的壽司是相當吸引而好味道的。 在門口等位看看餐牌已經嚇一跳。。 為什麼價錢那麼貴？ 但一場嚟到，姑且試一試。。。 點了個壽司定食，和鰻魚定食， 壽司一放進口，已經非常不對勁... 我是堂食，不是外賣，為什麼紫菜已經全部冧曬？？ 最令我失望的是壽司飯的水平，這是做壽司最基本的功夫，壽司飯是硬，沒有彈性，而且非常乾。。 所有魚都沒有味道， 更莫論是鮮味。。 太太說最保險的就是食鰻魚，但是鰻魚丁點味道有沒有。。 不用說千兩， 連元氣的水平也比佢更好。。。 真係極度失望!!

生日飯其實喺呢間舖頭食飯係第二次，上次喺沙田，上次係食晏晝，諗住可能因為set lunch，所以啲質素會差啲，但今次黎青衣食晚餐，都係好普通。如果用性價比嚟講，其實真係好低😂唔怪得知冇乜人食，完全唔使排隊🥲如果用飽肚嚟計，每人冇$200都唔使落樓，本身期待嘅拖羅，換來嘅只係失望 其實啲壽司嘅賣相係好靚，但估唔到donki 嘅拖羅都好食過佢。如果你唔睇價錢，佢係正常嘅壽司🍣，但係如果你睇埋價錢，你會對佢好失望🙍

去開青衣，午餐揀咗依間，聽聞都出名，就試試。眼見人手唔太足，得兩三位侍應走曬全場，今時今日咁嘅經濟，都理解明白，唯有自己主動啲！我同友人一齊Share以下套餐：特盛手握壽司盛盒$188坦白講，真係好麻麻。海鮮刺身片配烏冬御膳$108依個Ok嘅整體評分比預期的差

呢日去到青衣城，咁耐都未食過美登，今日就一於試吓佢。佢個位都算幾多，大部份都係卡位，坐得幾舒服。我哋叫咗兩個lunch set。一個係烏冬刺身丼飯餐，另外一個就係壽司午市套餐。個烏冬就普普通通，清湯烏冬上邊有兩塊魚片咁。而個茶碗蒸就整得幾好，識落味道濃郁，有鮮味。 不過主打重點嘅刺身丼就一般般啦，有少少失望，佢嗰啲角切真係好零碎，尤其是吞拿魚角切佢係細塊之餘仲要勁薄。而呢個壽司套餐都一般般。 整體食物大部分食落去都算新鮮嘅，但以咁嘅價錢黎計我會期望高少少，佢入邊有兩三舊壽司刺身比較乾，完全估佢唔到。另外服務有待改善.....

The review of this restaurant was a bit mixed so I decided to try it myself.In view of the dinner ban, the lunch set was served till 5pm. Basically, most of the items were the same price as the A La Carte though the lunch set includes the steamed egg custard and miso soup.The Egg Custard was surprisingly rich.There were many pieces of tuna in this rice bowl. However, the non-fatty tuna was a bit too frozen though the fatty tuna was good. Moreover, after the meal, I was just right full with the r

去完迪欣湖就去左青衣搵食😋之前去日本因為怕排隊冇食到美登利，估唔到第一次食係喺香港😂我地星期六4點零鐘去到都仲有lunch set食, 青衣分店既lunch set係去到5點架, very nice👍🏻有一點提一提大家：要寫個餐既號碼落檯面張單度先叫職員落單呀📝豪華三色丼配烏冬御膳$138另收加一：一開頭最快黎除左兩杯茶，就係我個魚生飯嘞。海膽一啲都唔腥，好鮮甜好好味呀😆（即刻覺得冇揀錯，喺香港真係好易食到腥既海膽😂）三文魚子同吞拿魚蓉都唔少，足夠撈哂成個飯，飯下面原來仲有四五舊玉子壽司嗰種蛋架，成個魚生飯我都食得津津有味，非常滿足呀😋題外話：平時我唔食wasabi, 今次食到一半有勇氣加丁丁咁撈黎食，好味度數再提升⬆️⬆️⬆️至於烏冬同茶碗蒸就正常發揮，我食幾啖魚生飯就會想食返啖烏冬暖下個胃😂茶碗蒸食到一半個陣以為得面頭舊冬菇咁寡，原來食到落底先有兩隻蝦😂美登利鰻魚壽司天婦羅御膳$188另加一：鰻魚好好味，唔覺有骨；天婦羅蝦炸得岩岩好，冇得彈😌男朋友個魚生飯我就冇食到，聽佢講都好味架👍🏻呢個set有味噌湯，一打開蓋見到個色勁濃，一飲，果然好咸😂😂唯一要讚係我地食完哂啲野先飲都仲係熱既，唔係

美登利喺日本就食得多，香港都係第一次，係青衣城想食日本野，把心一橫就試下美登利喺香港嘅質素係點🤪《刺身定食》❤️❤️刺食都算新鮮，食落唔會有好大驚喜，每片刺身都唔算厚，以價錢黎計就唔算抵食《鰻魚柳川鍋定食》❤️❤️❤️反而呢個鰻魚飯就有意想不到嘅感覺，鰻魚望落件數就唔算多，不過個蛋吸收晒鰻魚精華，要黎送飯好好食

因夜晚有約喺青衣城，所以我們就提早啲啲喺下午時候就去青衣城行吓！行到去G/F我們見到喺日本好出名嘅「美登利」壽司店喺度有分店，所以我們就入去食個午餐！我們叫咗兩個極上吞拿魚丼同自選刺身丼配烏冬御膳「豪華三色丼」！喺落完單後，店員就攞咗跟餐嘅日式蒸蛋同麵豉湯畀我們，日式蒸蛋蒸得啱啱好，非常滑溜！麵豉湯嘅味道都幾鮮味，而且昆布相當足料！極上吞拿魚丼祇係賣相已經非常吸引，肉質超鮮甜軟滑，而且都幾大件厚身，所以口感相當豐富！至於自選刺身丼配烏冬御膳我們就揀咗「豪華三色丼」，三色丼嘅海膽係超級鮮甜，三文魚籽就粒粒都極之鮮味飽滿，而吞拿魚腩蓉就好芳香軟滑，真係超正呀！至於烏冬嘅湯底就略嫌有啲鹹，而烏冬嘅麵質就好煙韌彈牙！

其實之前已經食過佢旺角嗰間分店今次就食咗青衣嗰間今次點嘅份量有啲多 (2個人食)(火炙魚鰭肉 火焰帶子)(生松葉蟹 中吞拿魚腩 大吞拿魚腩)大家係咪睇唔出我點左大吞拿魚腩呢🤔以下係餐牌嘅相 大家可以估下邊個係連問店員嘅時候 佢哋都唔係好肯定咁答到我邊夠係大吞拿魚腩😂😂 所以我覺得大家可以唔使嗌(牡丹蝦 赤貝 比目魚鰭肉 鯛魚 火焰帶子 油甘魚)其實呢碟入面全部味道都冇問題😋 仲要性價比勁高👍🏻 但係我最意想唔到嘅係 牡丹蝦嘅蝦頭竟然係凍哂☹️ 佢有將牡丹蝦蝦頭炸完先上碟 但係佢已經放到凍哂 唔係一般嘅攤凍咗或者攤到暖左唔再熱辣辣☹️ 佢直頭係凍哂🤦🏻‍♀️(大赤海老 活章魚 時令墨魚)呢幾樣都幾好食😋(三文魚子 海膽 章魚吸盤)有睇我上一篇關於美登利旺角分店嘅食評就知道我已經仲過一次海膽伏😂😂😂今次醒水唔再嗌最貴嗰隻海膽 反而叫咗最平嘅嗰隻海膽軍艦👍🏻 我覺得味道唔錯性價比幾高👍🏻👍🏻 如果大家要來食海膽其實嗌最平就OK🙈以上嘅熟食冇咩特別 茶碗蒸味道正常唔會太’鞋’ 兩款味噌湯都好足料其實我同朋友都有嗌到抹茶雪糕同芝麻雪糕雖然冇影到相但係味道真係唔錯 佢嘅抹茶雪糕唔會太苦 幾啱啲平時冇食開

因為美登利的名氣，決定過來一試虛實。果然一試便知龍與鳳。點選了2個set lunch，極上吞拿魚丼$198+10%刺身定食$178+10%兩款賣相都尚可接受，但各刺身的味道真的很一般的一般，而且有很大陣剛解凍完的雪藏味道。這樣的價錢，卻沒有相等的味道，實在有點失望。中午12點多到來，客人不多 ，職員主動添茶，但在bar 枱的師傅們的閒聊對話略為大聲，可以稍為收斂一下ok。另外，店內提供的免費酸薑反而令人喜出望外。

朋友推介美登利lunch set好抵食 一於試試佢 留意番lunch set嘅時間 有d分店得星期一至五 望下menu先我揀左個一人前壽司盛合 $138 咩都有哂 啱晒我呢d選擇困難嘅人 lunch set有面豉湯同蒸蛋 個面豉湯好有驚喜 整得幾好飲 唔會太咸個蒸蛋食完都飽左3分1壽司set到啦 有8舊壽司加6舊頹頹青瓜小卷吞拿魚好厚 最驚喜係玉子 咬落去好juicy 絕對唔係乾同實 其他都不過不失啦本身呢個類似嘅雜錦壽司set正價餐牌都2百幾 而家百幾蚊就食到 都幾抵ga

特登帶亞媽去青衣美登利，因為之前去日本覺得美登利係超級平靚正。喺日本要排大隊，但青衣哩間，我去兩次都唔多過三枱客。第一次去食嘅時候，喺日本都係食哩個set ，唔好諗咁多就要呢個乜都有，好抵食，都算新鮮，拍得住喺日本食嘅質素，不過紫菜淋左嘅。第二次帶亞媽去食就出事。五色刺身價錢吸引，諗住大件夾抵食，不過質素強差人意。玉子好甜，而且凍到牙都痺。我最期待嘅吞拿魚極瘦，仲變埋色，咁都仲俾人食。其他刺身正常。天婦羅蝦卷令人超失望。成條蝦唔熱不特只，仲係淋左過左氣。一定係午市炸多左，晚市照用。我覺得哩間分店簡直係陀衰家有損美登利嘅品牌。好在服務加番少少分，退左個天婦羅蝦卷，經理有禮貌地道歉，希望佢哋會改進，因為我真係好鍾意食壽司。

好味的壽司店不多，由於不能去日本於是專程去一向口睥不錯的美登利大快朵頤。之前在日日本及香港都嚐過美登利，絕對高質及抵食。menu有好多盛合選擇，不過散叫卻可以選自己喜愛的。只是壽司都有數十種，令人眼花瞧亂。必試吞拿魚及火炙壽司，每種壽司都用料新鮮，特色是刺身切得長長的，十分慷慨。火炙壽司被火槍燒過後把魚油逼了出來，魚香更濃。三文魚配上芝士更是驚為天人。另外還點了鹽辛、活赤貝、帶子、芥未八爪魚、香蔥吞拿魚，油甘魚、牡丹蝦等等。壽司及刺身種類多不勝數，絕對可以滿足所有食家的 需求。