梅丘壽司の美登利総本店 (青衣城1) (Closed)

青衣壽司店選擇唔多,美登利絕對係一個唔錯同高質既選擇,價錢中等,但味道都ok平成卷手卷入面有海膽,三文魚籽,呑拿魚蓉,本身好鍾意海膽同三文魚籽,所以呢個手卷可以滿足晒兩個願望,海膽好鮮甜,價錢$48算合理佢地有好多盛合選擇,不過我同朋友最後揀左散叫,可以揀自己鍾意既壽司,散叫都好似盛合咁上,排得好靚,三文魚好長好肥美,其他壽司味道都ok另外重叫左火炙帶子同火炙三文魚芝士,帶子都係普通果種好味啲,而火炙三文魚芝士既芝士比想像多,呢個味道都ok整體黎講算係ok,唔算勁好味但都唔係好差,響青衣壽司店黎講算係一個唔錯既選擇～

要到青衣城辦事, 於是看看有沒有推介食店, 看到美登利立刻訂位, 剛開業時已經想試, 不過之前太多人, 現在終於有機會嘗試.   店舖出名用料新鮮，材料大部分由日本豐州市場直送，還選用山形縣飯粒及瀨戶內紫菜, 而味道比起本地連鎖壽司店優勝, 水準中上, 加上價錢相宜. 全日定食$98-$178, 有湯, 漬物, 飯, 二人點了刺身定食($178), 還有活章魚軍艦($12), 吞拿魚細卷($55), 鰈魚裙邊壽司($25), 比目魚鰭肉壽司($35), 還有店內綠茶非常美味, 跟其他壽司店不一樣.兩人合共$336,每人$168,日本壽司來說很化算.

新年之後基本上無喺街坐低食過嘢，home office又要湊住小朋友，煮都只能煮簡單餸菜🍛🍜，不過就有機會試多咗好多超正外賣🤩話說呢日經過  突然好想食 🍣，拿拿聲落一期地下  總本店 ，事關喺網上知道依家 ！ 和心會員85折，非會員都有9折！唔使收加一仲抵過堂食🤩🤩有折喎緊係叫返份想試好耐嘅銀座盛合🤤有齊三文魚, 極上中吞拿魚腩, 極上大吞拿魚腩, 海膽﹗壽司即叫即整，魚生🍣既新鮮又大件夾起舊飯魚生幾乎可以圍起一圈咁長！咁多件加埋都係$268再九折即係$241.2😱外賣自取實測抵食指數：⭐⭐⭐⭐好味指數：⭐⭐⭐⭐⭐

東京美登利就食過，而家冇得去日本個，食住香港美登香利先！星期六下晝去，好多位，唔洗等，果然冇乜人出街食飯叫左佢最經典壽司set🍣，有兩件中拖，油甘魚，帆立貝，生蟹棒，蝦，原條鰻魚，海膽，三文魚籽，碎呑拿魚手卷，兩件玉子。份量啱啱好。最好食係中拖，有鮮味，入口即溶，最難食係生蟹棒，清水一樣味道。。。叫多左個三文魚🍣set,有不同口味三文魚，啱晒香港人，我就覺得灸燒做得唔好，太熟，三文魚又唔夠肥美。叫多左幾件單點壽司，大拖冇想像中肥美，赤貝一般，最好食係灸燒油甘魚！

行開青衣城，經過見到，可能係因為疫情關係，好少人。亦都係因為咁，決定入去試吓。其實之前初初開張嘅時候已經想食，不過嗰陣時經常排長龍，所以一直未試過，今次見人少少，就去試吓。基本上係隔一張枱先至會有一個客人，感覺上安全。睇完餐牌，諗左一陣，最後叫個極上吞拿魚飯，好快就已經嚟咗湯同埋蒸蛋，隔多幾分鐘，主菜上場，見到同餐牌張相一樣，好多吞拿魚，係吞拿魚嘅唔同部份，好新鮮。份量都多，另外仲有湯同埋蒸蛋，個蛋幾好味，個湯就有啲古怪，可能我一向不大喜歡味增湯。另外環境清靜，感覺上都好乾淨。會再去食。

在日本吃過最好吃嘅大拖羅是在美登利😂，所以美登利一在香港開店便立即朝聖。香港的大拖羅固然不及日本吃到的，但還是比其他連鎖店的高質。而壽司都是一件件計算，所以吃不夠一直加單呢。

聖誕節吾想食聖誕大餐，所以决定食日本菜。之前想試呢間店，所以就選擇。因為可能假期，為免不想等位，所以吧枱都照坐。其實打開本menu發现比想象中少選擇，壽司种類吾太多;但刺身真係感覺新鲜。不過價錢感覺就貴左d。下次選擇食午餐定食，價錢無咁貴

風聞此店多時，終於平安夜入青衣試菜😋。2人行叫左1個dinner set $238, 1個tuna🐟set$268 和1個帶子刺身$80，期待🤩。佢個dinner set, 分前菜，小吃和主菜， 各可三選一。 前菜要蒸蛋， 小吃要刺身3點和主菜要壽司5點。 當個姐姐放底個蒸蛋，😳 呆了， 如此奢華的蒸蛋 (蒸蛋嘅表面有海膽， 大大粒的三文魚子， 裏面有一隻蝦和幾片菇)，👏 又滑又多料，好好味😋。刺身三點 (三文魚，吞拿魚和甜蝦， 各2件， 仲有幾粒三文魚子)， 新鮮味道正常，👌。 壽司五點 ( 三文魚，牡丹蝦， 海膽，三文魚子和 吾確定~立魚， 仲有玉子蛋伴碟)。 海膽鮮甜，👍。特上吞拿魚壽司盛，只有八件🍣( 拖羅toro 和 maguro, 各4件)和六件鮪魚蓉maki。 有兩件拖羅， 其中三分一部份， 媲美大拖羅甘油滑creamy, 入口即溶，正🤩。 這個份量加質素，🤑高CP值。帶子刺身， 賣相打咭一流， 新鮮但味淡，👌。埋單連加一$641。 好想再 Encore， 下次去佢旺角店，希望一樣高水準啦!

2019年11月28日是日晚餐跟媽媽共餐，一見到有晚餐套餐，就二話不說吃套餐。這個晚餐好像只有青衣分店有。食物（總分10分：8分）我選了柚子醋漬鮟鱇魚肝 、刺身跟鰻魚卷。媽媽選了茶碗蒸、天婦羅跟鰻魚卷。柚子醋魚肝味道好特別，吃起來好像吞拿魚，是我喜歡的味道刺身好新鮮跟大大塊。肥美到爆🥰🥰🥰 鰻魚卷上的鰻魚超好味😋，大大塊，跟中間的青瓜超配搭。 媽媽說茶碗蒸正常呢，不是很特別，天婦羅就不淋油，好吃的環境 （總分10分: 7分）今次去的時候是比較少人，安排的座位都寛敞，坐得都好舒服😌。服務 （總分10分：9分）店員服務都有求必應，而且態度都好好。總括來講，食物水準一流，會再來吃晚餐。（是衝住鰻魚卷來🥰😋）下次試下刺身壽司先。

今晚同男朋友收工去青衣城睇戲，見青衣城有美登利，一向都鍾意食壽司的我當然想試下啦，六點鐘去到唔洗等直入，响套餐同散點之間諗左一輪，最後叫左八件壽司，招牌刺身丼同蜆肉味噌湯。先來個湯，味道ok但蜆有少少沙。跟住再來壽司，三個字，唔新鮮。叫咗兩件帶子一啲鮮味都冇，反而係雪藏味。個海膽有尿押味。 感覺啲魚生個溫度唔夠凍，有可能影響到佢哋嘅新鮮度。仲要佢哋係冇比Wasabi，一定要問先至俾。叫咗個兩件軍艦，個紫菜淋哂同埋唔好味！呢一件事對一件軍艦來講係好重要。整體來講，係十分之失望。個招牌刺身丼份量夠，但刺身都係唔新鮮嘅價錢亦都唔係相宜。唔會再有下一次了！

之前同朋友行街时見到这店，我聽朋友话这间店是從日本来香港開，而向日本好好味，所以我就決定揾日试下，但真的失望，因为完全無驚喜普通料！蒸蛋幾滑，烏冬還可以，可惜屋企也食到！不好意思，我未必会帮親。

出開青衣就想係返青衣城醫肚，知道「過江龍」梅丘壽司登錄青衣，當然要試下！！佢坐落係青衣城地下一層，附近好多野食，不過日本野始終都受歡迎，黎到已經無咩位！坐低即刻叫野食，首先一定要試佢個「特選壽司手握盛合」，佢由十件壽司組成，包括鰻魚，海膽，三文魚，吞拿魚，魚子，墨魚，蝦等，一次過滿足晒所有人願望！每件都份量十足，飯團又實又好口感，擺出黎已經好似一碟藝術品，食果下又係極上享受，必食對介！另外，我地點左份炸蝦卷，又係無得彈！唔單止每件內裡既蝦又新鮮又香脆，每件上面又有件炸蝦，絕無偷工減料！最後叫左個烏冬，無他，純粹因為果下想食烏冬！普通啦呢個！不過Ｄ壽司堅好食！下次要再試其他壽司！

難得去青衣，當然要去日本人氣店美登利朝聖。Book 左8:30 去到竟然大把吉枱等住我，但奇怪係隔離食店排哂長龍，伏味超濃。坐低左15分鐘，仍然冇人端杯茶俾我，完全冇服務可言。而且wasabi 要問先比。想點呢吓。之後叫左以下食品：超削的兒童餐（$78)囝囝問我做左要切難隻蝦先？而且熟蝦完全冇蝦味，完全唔知自己食緊乜。炸蝦卷，唔知點解要淋上類似章魚小丸子的source 上去，完全蓋過本身的炸蝦味。太卷（$98): 簡直失望到極點，以為好似日本咁大大舊舊又多魚生，sorry，完全冇日本的味道！原來只係一件普通到唔普通的太卷但收你完全唔合理的價錢！唔知咩set ($235): 蝦完全冇鮮味，右邊黃色嗰舊亦唔知咩黎（餐牌冇呢舊野）。但又係完全冇味。其他壽司不過不失。三文魚盛：一如既往，繼續冇鮮味，說真的，x 氣、x 長 真係好味得多！還有點左其他壽司，但唔想再寫。。。總括而言，伏味勁濃，唔會再光顧。

青衣城雖然食肆不少，但是有水平的日本菜其實 …但這間令我眼前一亮 一個人有時間，就總想去喝杯清酒，吃件壽司～最近去吃了兩次晚餐套餐，實在性價比高！ 一客 海膽三文魚子燉蛋或者安康魚肝，加天婦羅盛合（ 有蝦、魚塊、冬菇、帶子等），再配有海膽、牡丹蝦、三文魚子等的壽司，才$238一位！ 有胃量的話再配一兩客自己喜歡的壽司或小食，實在優哉悠哉 甜品份量比較少，質佳。用料新鮮不錯，處理得宜，上菜速度快，整體水平很滿意一人獨酌的話，推介他們自己100ml的classic sake， 黑瓶子金字很有型清酒口感和味道都不錯， 順候又不會搶去食物的風頭，一個人剛剛好。 另外試了300 ml的生眝清酒，對我來說比較偏甜，也可以。一頓飯如果有酒就不算便宜，但是說不上貴， 因為物有所值。整個dining experience感覺非常良好，可以不斷重遊

日本美登利未吃過，但聽說是性價比高的好選擇，要吃壽司在日本其實有太多太多好選擇，所以即使去日本多次，也總是因緣際會沒有吃到。那天在青衣城剛好經過，就即管試試，最便宜的set lunch都要128以上，加了錢叫了呑拿魚蓉海膽丼和帶子蟹肉丼餐，各跟茶碗蒸和烏冬一碗。環境光亮寬敞，加上客人不多，是坐得舒服的。老公的呑拿魚蓉海膽丼，呑拿魚蓉不錯，，但海膽一般，整體不過不失。烏冬不錯，麵質煙韌有彈性。我點的帶子蟹肉丼（圖片前方）有點失望，帶子薄薄的幾片，蟹肉很鹹吃不出鮮味，失望。茶碗蒸非常熱，等了幾乎半小時才可入口，足料滑嫩總括而言，質素中等，味道和食材一般，唯有稱讚是環境舒適，服務也殷勤，只是價錢實在略高，沒有太大誘因再特地前去光顧。