UMI

Open Now

Now Closed

//15 01 25 晴天🌞20:00 西灣河 太康街@umi.izakaya_hk蘇豪東新地標 ☺︎想同朋友飲返杯清酒🍶，舒舒服服咁傾偈位於 西灣河｜蘇豪東 新開嘅居酒屋🏮就一定可以滿足你以上嘅要求“ 𝘜𝘮𝘪 𝘐𝘻𝘢𝘬𝘢𝘺𝘢 & 𝘚𝘢𝘬𝘦 𝘉𝘢𝘳 ”🔻甜蝦刺身 HKD$45 /3pcsꕀ甜蝦質感細綿 味道甜美🔻北海道帶子刺身｜三文魚刺身 HKD$78 /5pcsꕀ北海道帶子甘甜 肉質緊緻飽滿加咗檸檬汁後 增添多一種清新感覺三文魚厚切爽滑、唔腥🔻和牛粒 HKD$98ꕀ油脂分布平均 自帶淡淡脂香肉汁經咀嚼後 會不斷爆發於口腔內🔻軟殼蟹卷 HKD$128ꕀ裏面會有軟殼蟹｜牛油果｜青瓜一軟一脆嘅口感 食起嚟十分豐富🔻海膽壽司 HKD$158 /2pcsꕀ海膽𝘤𝘳𝘦𝘢𝘮𝘺 甘甜 附帶微妙嘅海水鮮味🔻𝐔𝐒𝐃𝐀肉眼扒 HKD$188ꕀ肉眼扒熟度控制得好 外層煎得焦香肉質柔嫩多汁 無渣 牛味濃郁再配上蔥花、炸蒜粒、芝麻及微甜燒肉汁 令整體味道即時更多層次 充滿驚喜嘅配搭ꕀ

西灣河新開海邊日式居酒屋💰HKD$358就可以任食日式料理.前菜方面叫左牛肉沙律,牛肉好嫩,沙律菜夠新鮮清爽😉炸豚肉餃子,炸蠔,章魚燒,牛肉可樂餅雜錦天婦羅-有蝦,秋葵,南瓜,茹,茄子,青椒.即炸熱辣辣,粉唔會太厚,唔會好油.😋串燒有雞翼雞腎,雞軟骨,粟米,茹,五花腩魚生擺盤好靚.刺身有三文魚,油甘魚,帶子,甜蝦,三文魚籽再加埋鰻魚牛油果卷,碎吞拿魚腩卷主菜每人可叫一款,牛扒,鯖魚.肉質好淋. 唔飽仲有魚生飯同烏冬.

呢兩個舖位已經吉咗好幾個月，近排見到開咗新餐廳，係居酒屋，見到all you can Eat覺得好吸引🤩首先上嘅係餃子，唔係好夠熱😅醬汁感覺亦都唔係好日式我本身係為咗任食串燒先至嚟，不過原來串燒嘅款式得好少🥲上菜嘅速度普通，可能因為我太早到，晚市剛剛開門，我就入咗嚟🤭刺身，鮮甜嚟講就普普通通，如果雪凍啲再爽口啲應該會好味啲，但係本身今日嘅天氣已經好凍🤣居酒屋嚟講天婦羅炸得算唔錯👍🏻如果唔係怕熱氣嘅話我會encore🤣燒冬菇同青椒，甜甜地嘅醬油有啲唔係好日式卷物嘅飯真係好凍😅 蔥吞拿魚冇蔥嘅香味亦都冇吞拿魚嘅香味🥲鰻魚卷還可以串燒，係我入呢間餐廳嘅原因，但係佢嘅串燒實在火候唔夠，亦都好唔日式，胡椒鹽又唔夠，用醬油嘅又太甜😅整體串燒感覺似係炒餸唔夠鑊氣🤣三百幾加一，唔算抵，因為除咗天婦羅，其他野我都冇乜衝動去encore😅

好耐冇去Soho East食飯，經過呢間新日本餐廳，裝修好靚又新淨，見價錢合理就同朋友入去試吓🧐🧐可能真係新開冇耐唔多人知，7:30pm我哋先係第一枱客，啲卡位都好闊落，我哋五個人坐好舒服！8點前仲有happy hour，即刻叫返杯sake 飲先🍶Menu都唔算超多選擇，魚生、串燒、炸物各有幾款可以揀，如果可以有埋圖片就更加幫到大家做選擇喇！😎前菜我哋叫咗雜錦魚生沙律同埋炸雞，唔知係唔係廚房未做得熟手，都等得有啲耐，不過傾傾吓偈就好快過。兩樣嘢都好好食，魚生好厚切🤤尤其是個炸雞真係好Juicy，下次再嚟必點！🤤主菜我哋叫咗軟殼蟹卷、辣三文魚卷、鵝肝鰻魚炒飯（唔記得影相）、雜錦串燒、雜錦天婦羅同埋刺身三點。食到辣嘅朋友千祈唔好錯過辣三文魚卷，佢哋用咗墨西哥辣椒Jalapeño🌶️，超級惹味，係我嘅favourite！（有六件，但食到一半先記得影）另外雜錦天婦羅亦都喜出望外，個炸衣好薄好出色！其他食物都水準以上，睇得出廚房係有心機做！臨走時同啲員工傾偈，佢哋話一月中開始會開放埋shabu shabu，係一人一鍋嘅buffet，咁就有機會再返去試吓喇！