Video
Above information is for reference only. Please check details with the restaurant.
坐得幾舒服，每次想同同事搵個地方坐得舒舒服服傾吓偈，又可以食到啲好食嘅嘢，都會揀呢一間餐廳。價錢嚟講都算係合理，因為始終呢度係商業大廈，方圓10里又唔係太多餐廳可以選擇。今次叫咗呢一個丼飯，魚生幾新鮮，好鮮甜，又有湯又有前菜好抵食，上菜速度都唔錯，啲人服務都幾有禮貌，加茶加水都好快。美中不足係每一次嚟都一定要排隊，如果唔係就真係要好早嚟。同埋某啲枱嘅位個冷氣真係特別大，問過職員，佢話係教唔到，只可以坐其他枱。
continue reading
前排係觀塘做完野見肚餓但又好想食日本野😚最後我去左海街丼食tea～呢度主打日式丼飯，今次我揀左特上海寶丼，可以變做茶漬飯，食法好特別〰️而且估唔到都幾足料，有好多真蟹肉，海膽雖然未算非常鮮甜…但甜蝦彈牙又肥美，整體材料相當豐富🥰餐廳超級貼心❤️店員用保暖壺裝住魚湯，我係食左一半丼飯之後再倒入鰹魚湯，鮮味提升左好多，因為用左保暖壺所以d湯仍然熱辣辣🙂↕️本身以為透明既係Jelly，但原來係啫喱醋黎架😱店員好有耐心咁講解食法，餐廳以木系風格返計，座位亦舒適🫶🏻另外佢地既材料都係由日本直送，如果係附近返工既可以一試😌@umimachidon.hk 📍海街丼觀塘海濱道77號海濱匯1樓13-14號舖
continue reading
行經海濱匯，試下日式料理做晚餐,招牌菜是刺身同定食，一於試下先～刺身兩點（吞拿魚、帶子）$110吞拿魚刺身：新鮮肥美,入口即溶,搭配醇厚的醬油；帶子刺身:帶子肉質鮮嫩彈牙,搭配清爽的山葵醬,讓人回味無窮。土手煮定食$145裡面有牛筋、豆腐、牛肉和魔芋雜燴，牛筋軟嫩,豆腐綿滑,牛肉鮮嫩,魔芋軟糯,層次豐富,滋味迷人。黑芝麻羊羹芝士蛋糕:黑芝麻香醇濃郁,羊羹綿滑細膩,芝士蛋糕濃郁柔滑,三重口感層次分明。百香果梳打:清新酸甜可口的百香果香氣,搭配微微的汽泡感,清爽解膩。
continue reading
今日去開保險公司搞保險啲嘢，就過咗嚟呢頭。呢邊都幾隔涉，牛頭角地鐵站行過嚟都仲要成8分鐘，仲要冇瓦遮頭，夏天咁行都幾辛苦。橫掂離開呢度就順便喺度食埋嘢，行咗幾層淨係見到呢間日本嘢就試呢間。叫咗個海寶丼，有油甘魚、吞拿魚、三文魚、三文魚魚子、扇貝仔、青瓜等等，海鮮都幾豐富同都幾多，可以每啖壽司飯都配到海鮮，而且食落都新鮮冇魚腥味，有時最驚嗌海鮮丼佢會俾啲唔靚嘅部位你。另外個海鮮丼仲包麵豉湯同前菜沙律，都夠飽肚。
continue reading
日本東京過江龍海街丼，必食新鮮日本直送海鮮丼飯。全港愈開愈多開店，最近就在觀塘設新分店，打工仔有福了!!👨💼👩💼海鮮丼食法亦有特色，先加入醬油及芥未品嚐新鮮刺身。中途再加入特製壽司醋果凍，味道酸酸甜甜，勾起海鮮鮮味又好開胃!!最後剩飯時再加入一直保溫鮮魚湯混成茶漬飯，暖番個胃，一丼三吃超吸引!!🍲🐟- 醬汁吞拿魚丼 HK$200 🐋🍚吞拿魚夠新鮮!!吞拿魚赤身用日本辣油淺漬，濃郁吞拿魚香氣與辣油混為一體，超惹味!!配料吞拿魚蓉油脂富豐，配搭咸香多汁三文魚籽，香氣四溢!!- 三文魚親子丼 HK$190 🍣🦐🍚厚切口感大滿足!!油脂十足三文魚配搭閃閃發光三文魚籽，鮮度十足!!再加上一隻甜蝦，肉質爽彈又香甜，超滿足!!
continue reading