合一咖啡屋餐廳 (Closed)

星期日，今日是睇戲馬拉松日，換著戲院一套接一套睇又笑戲又悲戲日體驗多種情緒非常過癮 ！睇到餓了身在平日很少來我油麻地。正在想吃什麼好的時候，"叮"一聲想起這間在open rice勁多like的餐廳！就試呢間啦！餐廳在酒店內二樓，入到去心情很平靜，剛才睇戲的所有情緒都一掃而空，牆上貼著聖經的金句，令人安心 。原來這是一間基督教和天主教合辦的咖啡廳。一望menu價錢不貴，好少見到還有60幾70幾就有一個lunch set的西餐廳！已經是兩點多肚子餓得咕咕叫，我們快速地點了兩個lunch sets。 Lunch set 香草蕃茄雜菜意大利粉 $66紅彤彤的蕃茄意粉上桌，很吸引！味道濃郁，不錯不錯! Lunch set 卡邦尼意大利粉配溫泉蛋 $76這是朋友點的。卡邦尼意粉到處都吃到，上桌特別吸睛的是鋪在意粉上的溫泉蛋。期待篤穿蛋漿滲透到意粉的口感，輕輕用叉子篤穿蛋，原來蛋過熟，叉子輕易把整個蛋黃叉起... lol 朋友說口感還好，普普通通，不過以價錢來說算很好了！最令人歡喜的是，跟餐加$12就可以選任何drink list上的飲品！ 摩卡歐法加杜 $12毫不猶豫選了affogato

在油麻地的彌敦道是車水馬龍的地方 但原來隱藏了一間寧靜而舒適的cafe悠閒地坐在玻璃窗旁用餐 可以和朋友來一個慢活的下午。點了一份豐富的全日早餐 有香草包、 辣肉腸、法蘭克福腸、黑松露醬炒蛋、香脆煙肉、茄汁豆 和 煙三文魚在一旁的小沙律淋上黑醋汁很開胃 肉類煎得香脆 只是炒蛋比較遜色一點喜歡吃包的我被迷倒了 決定要一試這可愛的小漢堡！ 漢堡扒真的不錯㖿！只是整個包食下去的時候偏乾薯條是香脆的 即使放涼了還是香脆無比~雞翼有4隻 炸得外面香脆內裏嫩滑 配上黑醋汁沙律 取得平衡 沒有油膩感而且開胃！雖然食物並不是全部也很美味 但也不錯在這個地段 這個價錢 已是物超所值的 而且每份下午茶餐也包一杯飲品或西湯

樓上咖啡店開到成行成市，在油麻地當然也不難找到一家，這一晚與朋友在附近行過，於是就上去試試～環境寬敞，整晚聽到的是笑聲滿滿，適合大夥人的聚會。想獨自一人，可以坐近窗口位置邊吃飯邊觀賞旺角鬧市的街景。或與大班朋友聚會聊天都可以，相信會是大夥人聚會聊天的好地方！讓我⋯⋯看看餐牌吧～希臘沙律 $88沙律菜、火箭菜都十分新鮮，另外配料豐富，有橄欖、青瓜、栗米和小蕃茄仔，一客沙律的份量不少，可當作是幾人的前菜。藍青口香草忌廉汁扁意粉 $118鋪面有木蓿芽，內面夾雜大量不同種類的蘑菇；醬汁豐盈濃郁，不會吃到好乾，每條意粉都掛滿香草忌廉醬汁，感覺清新有營。黑松露菌蘑菇意大利飯 $128相信今次吃的黑松露是破天荒咁多又濃郁，皆因幾乎每粒飯都沾上黑漆漆的黑松露，如果喜歡黑松露的朋友就不可以錯過！份量足料！添加了很多的蘑菇⋯⋯榛子朱古力。$40飲品價錢大眾化，與一般的Cafe收費差不多。賣相不俗，有濃郁的榛子朱古力醬，打成一杯類似沙冰的特飲，簡單又美味～

合一咖啡屋餐廳是一間由 天主教徒 和 基督教徒 合辦的餐廳, 顧名思義是鼓勵 基督徒 在主內合一與共融 , 彼此建立及見證主愛 ~ 開設在一所精緻酒店內, 餐廳的佈置以平和、寧靜為主調, 頗開揚的環境 ~ All Day Breakfast $88包括有 : 自家製香草包、西班牙辣肉腸、法蘭克福腸、黑松露醬炒蛋、香脆煙肉、茄汁豆、煙三文魚, 第一次吃原條煎香的西班牙辣肉腸, 外邊皮煎脆, 食落每一啖鹹香惹味, 味道辣辣 地很香口, 一邊食西班牙辣肉腸 , 一邊食麵包是味覺上好配搭 ~ 跟著是黑松露醬炒蛋, 蛋炒得滑嫩, 有奶香兼黑松露醬落得適中, 不會搶味 ~ 煙三文魚有稍稍煎香過, 有煙燻香之餘煙三文魚本身亦很油潤 ~ 每份餐都會包普通茶啡, 喝特色飲品便需要補錢, 這杯凍摩卡咖啡要補 $12, 咖啡上有鮮忌廉, 攪拌後喝會覺得朱古力及奶的味道較咖啡為重 ~ 內心平靜, 看什麼都會覺得美 ~本篇完 ~

這是跟兩位好友渡過的第幾個生日了? 大概有五、六年了吧，三人不管多忙還是會抽空一個晚上聚一聚慶祝彼此的生日。我們的相處模式也許不是最好的，但是這樣靜水流深的友情始終值得。我們訂了8:30的枱，但去到的時候我們的枱還沒有準備好呢。在門口呆站了7,8分鐘才入座。幸好是窗邊的位置，比較安靜也算是景色不錯。壽星女說想喝的凍抹茶鮮奶 Green Tea Latte $36。賣相不錯，但不是很大杯呢。然後三人點了四樣食物，份量剛剛好。BBQ醬燒豬肋排 $178我一直都不是豬肋骨的愛好者，因為肉很少，要切又要咬。但這次有朋友代勞切，我就不客氣了。醬是酸酸的配上烤好的豬肋骨，還算挺惹味的。旁邊還有一些薯條和沙律。加州風味薄餅 $148牛油果 + 芝士 + 烤雞肉。這配搭簡直就是無敵。我可以說這是四款食物中，最對我胃口的。味道與口感都很好。芝士足，牛肉果也算是夠熟。香蒜蜆肉辣椒意粉 $88這也是我個人喜歡的意粉類型，意粉較硬和乾身。加入蜆肉與蘑菇，再配合橄欖油、蒜蓉、辣椒等調味，非常惹味開胃。煙三文魚牛油果沙律塔 $108這道是比較讓人失望的一道。因為前面的豬肋骨的調味已經是偏酸的了。這道沙律又是加了醋

同家人出黎食飯，去左呢間在二樓的咖啡西餐廳，為於商務酒店裏，環境不錯，好適合一家大細連同bb前黎。叫了一客燒牛肉沙律，沙律菜很多很清爽，牛肉燒得香口，加了蜜糖芥末醬好好味呀～仲意外地有洋蔥圈，熱辣辣新鮮炸起，正！又點了一客小食水牛雞翼，辣度不錯入口刺激，雞翼炸得香脆不油膩。吞拿魚三文治烘過，芝士已經滆了，望落已勁吸引，厚厚的吞拿魚，下面有蕃茄生菜，加上脆口法包，又點會唔好食。蒜香意粉，炒得好有鑊氣，蒜片香口，蘑菇鮮甜，簡單又好味。另一個意粉同樣選了蒜香口味，但加了辣椒同蜆肉，味道另一個層次，食多幾口其實幾辣下，越食越惹味。點了咁多澱粉質又點可以唔點肉，要了一客德國咸豬手，外皮香脆內裏肉滑夠咸香，中間層脂肪勁正，油已經迫哂出黎，食落爽口㗎。仲叫左豬仔骨，炆得很淋很易切開，bbq醬落得超多好入味。至愛牛油果而追加了這個pizza，牛油果下得很多，仲有雞肉，羅勒葉同芝士等十分香口，餅底勁脆，又係好好味。自己點了薄荷茶，夠清新剛好清清口腔。凍latte，父親說很滑很creamy。仲有呢個凍cappacino，奶泡打得很厚好飲喎。五個人叫左勁多野食左千幾蚊好滿足呀～

彌敦道人多車多自由人多，想找一家餐廳好好的吃一餐不容易。五六年前同學聚會去過佐敦分店，原來已經改頭換面了。油麻地分店向樓上發展，位於二樓，有電梯，即使有bb車一樣上落方便的。轉眼間，當年同學已位位成家立室，由一人變三人四人，united有一獨立房間，gathering值得考慮！食物維持當年質素，最記得的是這個蒜片意粉，當年在衆多同學中自己搵錢最少，唯有扮食素，點一客最便宜的微笑帶過。至今索價$68，依然是餐牌中最便宜的。但我覺得味道真心不錯，意粉彈牙有緻，蒜片爆香，加少少黑椒和辣椒仔，當年吃得津津有味，現在一樣，每一啖回憶無限。現在生活多了點零用錢，可以點多幾道菜請家人吃一餐。這是爸爸的牛油果辣肉腸pizza，十分足料，芝士很香。媽媽的黑椒蜆肉意粉，黑椒味突出，大量蜆肉，而且辣勁十足！平時我吃意粉多數加辣椒仔，但這次不加都好夠辣，十個正！點了一份水牛城雞翼大家share，辣辣的超級棒，意想不到還配大量沙律菜！燒牛肉沙律，份量亦是極之大～燒牛肉好juicy，還有三個大大的洋蔥圈！下次來會再點這一道，一碟有齊炸物，牛肉和菜，很合我心意。這裡作為cafe，咖啡的選擇當然不少。我這一杯是最普通

今次試這間位於佐敦的意菜 (其實都歸類西餐啦)😂-此餐廳非常適合一啲好耐無見嘅👫朋友又🤔煩惱食咩嘅人因為食物質素唔失禮，環境也比較清靜去👄閒聊‪#‎請客或聚舊指數非常高‬ 👍-環境👀 :先想講講環境與服務，因為餐廳喺某小酒店2F，所以由入堂到再步入餐廳係舒服嘅然後由面帶笑臉😊侍應哥哥安排坐位，室內環境乾淨簡潔再配上落地大玻璃，而每位員工都非常有禮貌與細心 (先羸啦)👏食物👅 :<煙三文魚牛油果沙律培>🍽$108阿媽平時好少食生冷嘢，但比佢食左2/3碟各蔬菜配搭得非常平均，🐟煙三文魚碎上而下面正正就是牛油果，好正啊~ ( ‪#‎必食‬ )<扒大蝦伴蟹肉意大利飯>🍛$138這意大利飯我媽一路食一路話好味，可能是芝士🧀分佈得非常好吧(因為我媽係 ‪#‎芝士控‬ )大蝦🍤非常新鮮，醃得非常適中，也沒搶去蝦鮮味<白酒忌廉汁煮青口>🐚$138忌廉青口喺好味嘅，可能因為個汁煮得，由其另配蒜蓉多士非常脆口🍞，點佢個汁食一流

每次同朋友油尖旺行街食都唔駛擔心因為依區太多野食每次可以試唔同既今次黎食依間cafe 地方都算幾大係一間酒店入面抹茶控既小妹見到有抹茶飲品第一時間點左「抹茶鮮奶 Green Tea Latte」 $33抹茶味都算濃，而且都幾大杯而朋友就點左「凍薄荷朱古力」 $40小妹試左啖，都幾好味薄荷味同奶味都較重滿滿的cream，要快啲飲如果唔係cream 會溶依間係有教會背景cafe見到周圍都有放關於基督教或天主教既野店員都幾好因為我地坐果張檯唔大但野食又大碟無位放所以加開一張檯係我地旁邊放野食我地仲點左「BBQ醬燒豬肋排 」$178有好多汁，個Ribs肉再稔啲就更好啦旁邊配有沙律菜可以消除油膩感另外仲有「蕃茄龍蝦汁海鮮闊條麵 」$128龍蝦汁同闊條麵拌得好均勻一黎到已經聞到好香入面有蝦、青口好滿足，食完到好飽嚕本身打算再叫甜品食但已經食唔落啦😆

是日係行街吃飯日行左成日街，在旺角步行過黎大約五至十分鐘，因為此餐廳係樓上店，差D經過左都唔知，幸好都有個招牌做提示，終於都坐低食晚餐啦。一入到餐廳，比我想像中寧靜，唔係少客人的寧靜，餐廳係滿座的，而是唔似平時所去的西餐廳Cafe咁嘈吵，覺得好舒服。我地睇左個餐牌好耐，都選擇唔到食邊樣好，因為太多選擇，樣樣都好吸引 因為我地都諗左幾耐，友善的服務員都行過黎好溫柔咁問我地諗好未，最後我地叫左:蕃茄龍蝦汁海鮮闊條麵: 比外面所食到的份量大份，整得好入味，並唔係淋淋汁上面個種，整個闊條麵都有蕃茄茸，龍蝦汁味道雖然唔強烈，但勝在本身蕃茄味已經好濃同海鮮份量幾多，唔係求其比幾舊你個種，闊條麵軟硬度剛剛好，整體上我幾鍾意BBQ醬燒豬肋骨: 份量一樣大份，但味道就普通，我本人比較喜愛d肉同骨一食就容易分離，佢就煮得剛剛好，所以要有少少牙力先分得開d肉凍薄荷朱古力: 好重薄荷味，飲落口都重有朱古力味，好透心涼，都幾唔錯，價錢同味道都值回票價熱綠茶鮮奶: 重綠茶味，加上配鮮奶都好夾，飲落口唔會漏同結既感覺其實我都好耐無食哩類型既西餐廳，過往我都係去其他普通cafe，但就時常無感到有驚喜同特別好味既感覺，

落雨天無咩do，出去咖啡廳hea下，星字頭例排無位，去左樓上cafe合一，環境靚又靜，位又濶，喺度hea仲正。要左杯latte，熱飲34個大洋，咖味香濃但唔夠奶，好大杯抵飲，拉花又靚，坐左一個下午抵到爛，其間完全無趕客。

行開呢頭又落大雨，見上面有個coffee shop，上黎時冇諗過咁細間coffee shop樓上鋪啲食物都咁有質素，咁好好咁有要求～叫咗個pizza雜錦大會＄148：啱晒我呢啲食肉獸，入邊有好多肉，有火腿，Salami莎樂尾腸，辣肉腸，同埋烤雞，啖啖肉～ 最值得一讚係佢地個批拍得住意大利嗰種正宗pizza，好脆好薄，問過餐廳老闆，佢話係佢哋自己整出嚟嘅底～炭燒美國安格斯肉眼扒＄238：好大塊，燒得黎仍然保持到肉汁，好好味～冰凍摩卡＄46：見到個Menu有個手指公圖案，所以就試吓，賣相好靚，冇諗過陪就算配朱古力，咖啡味都仍然甘香咁濃郁，咖啡味都冇因為係沙冰以溝稀到，果然值得推介～總括：非常有驚喜，冇諗過咁細間嘅樓上鋪食物質素咁好咁有要求，好有誠意，值得推介～

此United Cafe Bistro所位置於的彌敦道483號是一棟新的服務式住宅，說白一點即是新的精品酒店。頭二層好像也是餐廳，第三層開始便是酒店大堂，再上便是住宅，所以這新開的Cafe也有不少住客光顧。咖啡室地方寬闊，但始終是新餐廳之餘，又不是地舖，要建品牌也需時啊。光看價錢好像也不是太划算? 例如$128元的黑松露蘑菇意大利飯好像比市場價格高了$20-$30元，但誰料到竟然是增量最少50%，看下數張圖便知道。飲品價錢$30餘元，但原來我點了那杯熱抹茶Latte也是增量的......那真的划算啊。價值$78元的焗芝士吞拿魚開邊三文治非常大堆頭，除了主菜三文治外，還配薯條和黑醋沙律菜。經烤焗的三文治多士脆底塗滿牛油，加上大量吞拿魚及半塊芝士，口感和味道層次相當豐富，還有蕃茄和生菜減低油膩感。這就是增量最少50%的黑松露蘑菇意大利飯，無論是Cream、蘑菇等也非常足料，每一口也盡是Creamy而夾帶大量蘑菇片的意大利飯，非常香濃和滋味，味道還掌控得不錯呢，有四星評價啊!傳統卡邦妮扁意粉也是香膩Creamy之選，這晚真的向膽固醇挑戰。扁意粉軟硬度適中，還保留應有的韌度，醬汁香幼、濃郁，盡

同朋友之前行完旺角要去搵食，跟住行下行下黎左油麻地附近，見到間cafe既餐廳就上左去探料，大家覺得價錢ok就入左去坐喇～因為係樓上cafe所以門面唔算好特別，不過內在環境同地鋪既cafe做得似模似樣。內裡環境寬敞，燈光柔和，周圍都佈滿左聖經金句同擺設，明顯老闆係位教徒，希望將福音傳揚比身邊既每一位，另外仲有窗邊位可以坐～我同朋友好好彩咁坐到窗邊位，望出去彌敦道既街景，而且坐係依到特別安心溫暖。款式都幾多，店員推薦我地點一個小食，之後再每人點左一個主食加雞翼，估唔到我地食到咁多野～焗芝士吞拿魚開面三文治，第一次食過之後就愛上左！兩份吞拿魚開面三文治再配左個著條，三文治相當大份，吞拿魚同塊豬仔包既口感做得岩岩好，濕潤既吞拿魚醬再加上鬆脆既豬仔包口感，口感層次豐富，完成做到個平衡。又薯條亦好抵讚，炸得香脆又新鮮，食落毫無油膩感，推介一食！香辣水牛城雞翼，雖然話就話香辣，但食落辣味相當輕，佢係帶麻既感覺，唔好辣既人士都會接受到，外脆內軟，食落幾惹味。黑松露菌蘑菇意大利飯，黑松露好香身，同意大利飯完全地溶和一齊，口感軟腍帶啲黏稠感，飯粒硬度適中，蘑菇數量頗多，口感亦好軟淋，好中意依種黏黏地既意大

感謝天父～賜我飲食～豆丁在飯前會講這一段說話。原來學校每天午餐，所有學生在飯前要一同禱告。今天剛好與朋友來到這家天主教和基督教合辦的餐廳，就會想起豆丁在飯前的禱告。來到二樓的餐廳，就座後，細看餐牌，先向職員落單。環顧餐廳內部，没有明顯十字架標誌，只是牆上掛了不同的福音，圖文並茂。與朋友談談心，聊聊天，沙律上來了。 日式鮮蝦蟹籽沙律 餐湯　意式雜菜湯　味道很清，是蔬菜清新酸味。（不是夾硬落醋／茄膏果種強烈酸味的貨色）　 法式香煎新鮮原隻鴨胸配鵝肝醬 French Style Pan - Fried Fresh Raw-Duck Breast with Foie Gras Mousse 到此用餐前，在網上查看這餐廳各款食物的評價，鴨胸的評價不錯呢。所以在三款主菜之中，選了鴨胸。 鴨胸真的好厚好大塊！鴨胸表面有黑椒，望著厚厚的鴨胸肉，看著手上的餐刀，鴨胸！我來鋸你了。 可能這把刀不夠尖銳吧！要來回拉鋸多次，才可成功切開第一塊鴨胸肉。鴨胸都頗大件，即是要分切多几片，就要鋸多几次！！！！！鴨胸肉雖厚，但中間仍有一點點粉紅色，還有一絲血水滲出，是剛熟透的証明。鴨皮有微微的甜味，配上少量的黑椒。鴨