團日式拉麵

Open Now

Now Closed

💛💛💛黃店推介💛💛💛團 日式拉麵雖然只係一間小店，但都多次表態支持運動，而且唔會抱怨運動令生意減少，仲曾經協助派發生理鹽水💛我哋兩姐妹今日特登黎食「懲罰」佢呢度嘅選擇唔係太多，細妹叫咗個黑蒜油拉麵，家姐就叫咗辛味拉麵。佢係模仿日本食店嘅運作，先喺外面嘅售賣機揀自己要食嘅嘢同比錢，再入店比張單職員等食黑蒜油拉麵（$83）個湯底十分真材實料，黑蒜油嘅味道好濃烈😋麵身偏硬少少，仲有隻蛋同紫菜💛辛味拉麵（$85）辛味拉麵嘅材料都係一樣，只有湯底唔同，不過日本嘅辛味，都唔係好辣咖咋🤣🤣

💛支持良心小店💛荃灣有唔少拉麵店，今次就試試呢間😋店舖特別嘅落單方式😍門口有部自助販賣機，好似日本咁，喺門口自己撳機落單畀錢，然後等店員安排入座揀咗魚介拉麵同波子汽水🥤以$80呢個價錢嚟講，未到好驚豔，但我覺得已經好唔錯😋流心嘅半熟玉子👍🏻夠濃味嘅湯底👍🏻豚肉厚薄同份量👍🏻拉麵嘅質地👍🏻嚟自日本嘅波子汽水👍🏻順便讚下店舖嘅衛生程度及店員嘅態度，令今次進餐嘅體驗十分良好！🥰係我會再幫襯嘅鋪頭💛

老老豆豆我真係第一次喺香港見到成部食券機棟係門口嘅拉麵店，簡直好似去咗日本咁！上面有齊哂拉麵嘅選擇，加麵加料都係靠哂部機，見上面仲有好多種日本汽水，所以我又忍唔住試埋！買完食券入去坐定定等食，真係有日本feel！嘢飲試咗信洲白提子梳打，飲落就係有氣版嘅qoo，另外仲試埋好似好特別嘅抹茶可樂，抹茶味唔算重，反而係可樂味重啲，都算幾特別！拉麵選擇唔算多，我就揀咗櫻花蝦湯底配曲麵，湯底好香濃唔會太油或者過咸，叉燒夠軟淋但就偏肥同較薄，溏心蛋嘅流心程度就剛剛好！比起其他貴價拉麵，我覺得絕對係抵食同埋可以再訪！

依家一得閒就開住個wolipay 黎揾好野食不過中午食得太多 搞到夜晚果餐差啲食唔落想食啲light d既野食 好彩附近有間拉麵店食完再去睇戲因為我地太早了 6點幾就去 好彩仲未開始有人見到門口有部自動販賣機 同日本一樣唯一既分別係~ 今次我睇得明個餐牌囉😂😂最搞笑既係 戳左一陣 部機都無反應😂😂😂最後發現... 未開機😂😂😂信洲白提子梳打 $22好好飲 有一陣QOO既感覺不過呢支係汽水黎見到大家都話魚介好味但我係日本食過一間 真係勁勁勁落足料重口味到.. 我真係食唔到 今次都唔敢試叫左個辛味拉麵 , 直麵 $85少少辣吊下味~ 正哦特別係個温泉蛋 好滑 好貼近日本既味道我覺得直麵好食啲 佢比日本食果種幼少少 但都好彈牙仲有少少少少蛋香 而且軟硬適中💛💛💛係香港食一碗拉麵竟然係八十幾蚊個人感覺 比豚王、一蘭果啲更抵食💛

係荃灣揀左間黃拉麵食一食，黎到先知呢度好似日本咁用自動售賣機先係自動售賣機買完野食，等店員有位就帶我地入去我地嗌左兩個拉麵，分別係櫻花蝦拉麵同埋激辛味噌拉麵。先講第一個，櫻花蝦拉麵。我個人覺得呢個幾好味，湯底夠濃厚，拉麵配搭埋櫻花蝦一齊食就有淡淡既蝦香味流心蛋係偏生的（即係幾流心下），有人中意呢種，有人中意熟少少個蛋黃"傑身"少少既，呢樣就見仁見智啦第二個係激辛味噌拉麵。其實本來想食辛味噌拉麵，但係我地去到已經賣曬，咁就試下佢個激辛有幾辛！我本人都算食得辣既（當然仲有好多人比我更食得啦），覺得呢個辣度可以接受，會覺得幾辣下，但又未辣到食物到，喜歡食辣既可以挑戰一下塊叉燒係好味既！未至於去到入口即溶果種，但佢食落係有淡淡既燒過既焦香味（但係由於激辛果碗比較濃味，個焦香味就比個湯底蓋過左）

好耐都無約屋企人出黎食晚餐喇🤭就返佢附近食拉麵🍜依間拉麵店最大特色就係用自動售賣機型式經營👍🏻相信好多人都已經黎到感受過呢種體驗由於天黑關係太暗影得唔係咁清楚🙏🏻只好用文字簡單說明😆先點選想食嘅拉麵種類🤔然後按一下制👆🏻再點選拉麵曲或直條、走蔥、走荀、走蛋。。。點選晒全部拉麵、飲品。見到個畫面顯示價錢總數目💡再入錢落部機度💰💰💰跌張飛出黎就可以入去揾位坐低等食😋魚介拉麵我就揀咗直條較幼嘅拉麵🍜湯底好入味配合埋溏心蛋、叉燒同紫菜😋話咁快就食完櫻花蝦拉麵屋企人話好足料👍🏻特別櫻花蝦🦐而且個味噌湯底淆得適中唔會過鹹😮連湯都飲晒全熟桃味汽水山梨葡萄梳打

要成為習慣 就行到邊食到 咁先維持到個黃圈 今次食呢間拉麵真係幾正環境一流 門口個㩒㩒機有種令我置身於日本街頭嘅感覺 買完飛仔 入去坐 有大電視播日文歌 幾有氣氛 有得睇有得聽講返正題 個麵好味 我揀咗曲麵(另外有直麵) 湯底濃 跟埋啲蔥同埋荀 真係食到lam lam lei 不過個溏心蛋就有少少過熟 但都有流心嘅特別特別要講埋 店員嘅服務態度真係好好

門口有部自助機落單，張$20紙入幾次都detect唔到。最後用$100紙，佢退番幾個$10硬幣，店員主動唱番紙幣。據說部機只出硬幣，所以佢地都會主動幫你唱番錢。門外有張長凳，等位都唔怕攰！仲可以同fd自拍下打卡🥴🥴叫左個魚介曲拉麵，湯底好濃，筍好食，溏心蛋又正。舊肉就半肥瘦，兩大塊。個人覺得整體份量多d就最好啦😅不過有得追加，麵90g/130g，亦可以自選添加其他配菜。不過就無其他小食（e.g餃子），整體值得推介！會再去食！

一間餐廳，能夠搵到卓頭或者創造一款招牌菜實在不容易，我搬左黎荃灣成年，係不同平台就聽得多，但係試就未試過啦。今日剛剛好門口有錶位泊到車，咁啱又係搵野食，好啦，就試下啦！餐廳門口以一部拉麵販賣機，見到有位坐之後就自己落單，我地就點左一個黑蒜油拉麵同埋魚介拉麵，試野就當然係試多幾款啦，一個選曲麵，一個選直麵。入到去啦，廚房係以開放式設計，抽風極差，入到去就感覺到好大味，不過調轉角度黎講，咁樣就重可以增加食慾啦！首先魚介拉麵，魚味非常濃郁，配料是凍的，非常欣賞佢的筍同溏心蛋，溏心蛋係有下苦工的，絕對合格，半熟的美味口感，令人難以忘懷，麵的口感也非常好，彈牙，而且有麵香味，推介。黑蒜油拉麵，湯好重蒜味，而且你好係可以食到蒜粒，湯好濃，叉燒黎講都可以，夠大塊，而且係半肥瘦，有口感，我地兩個都快食晒，清光啦，會再黎幫襯。

見到呢間拉麵店使用自助拉麵機，即刻聯想起日本啲拉面店🍜。使用方法非常簡單，按下需要的拉麵即可，但就需要預備現金付款🤑。我個人就好曲麵多過直麵，因為好似比較入味🤤*必須出示學生證才可以享有優惠-魚介拉麵 （$58）- 學生價🐟-湯底充滿濃郁的魚香。配料方面有半隻糖心蛋、兩大片紫菜、同兩片油脂均勻焦香非常的豚肉，仲有大量木魚碎。-櫻花蝦拉麵（$58）- 學生價🦐-比起魚湯味，我更喜歡櫻花蝦湯底味道更為濃郁，比較其他拉麵店的櫻花蝦湯底的拉麵，味道通常比較淡，但這個非常濃郁。半隻糖心蛋、兩大片紫菜、同兩片油脂均勻焦香非常的豚肉，仲有大量櫻花蝦。🌸🦐-題外話：黃到發金既拉麵店，門口派發鹽水仲推出學生優惠。💛-特別喜歡這個包長筷子的招紙特意拿了放在書桌枱頭時刻提醒自己- 在成功之前不要放棄。❣️

讚1. 湯底係合格既，幾香，雖然個人偏好綿身少少，但已經好過唔少連鎖拉麵店。拉麵爽身。筍乾入口無渣。2.服務幾好噃，見到隔離檯個女仔坐高檯有啲唔舒服，侍應即刻叫佢坐番正常位。3.環境幾骨子，勁多達磨係鋪頭入面彈1.不過叉燒實在係有啲鞋

佢似足日本拉麵店禁門口買飛 OK就試吓啦魚介拉麵 湯飲落魚味唔算好濃 都有魚香味 湯嘅質感唔算好厚身 叉燒厚度適中 味玉好滑醬油味好香蛋味都好濃 美中不足 係拉麵冇得揀軟硬度 中規中矩嘅拉麵辛味拉麵 望落去好似好多辣油禁 但 食落一啲都唔會好辣仲好有辣椒油味 好多拉麵店都會有餃子 但係呢間冇剩係得拉麵 而且拉麵都係得四種口味 略嫌小小美中不足

路過荃灣，看見拉麵店門口擺放一部拉麵販賣機，我想起幾年前在日本火車站食拉麵的狀況，因為非常非常好食，所以勁回味。估唔到在香港俾我發現有同類的拉麵店鋪。拉麵販賣機有四款拉麵的選擇，還可以選擇走蔥，走蛋，走筍。店員會非常細心的端上一杯水，另外一個人就安排左bar 位。🍴魚介拉麵魚味非常香濃，味道非常好味，尤其流心蛋，真的非常嫩滑，好好味。拉麵的質素非常高，完全食得返幾年前我在日本食拉麵的味道🤤🤤🤤

放工想搵良心小店食，但公司附近冇，呢間算近，所以一試。本身唔算好鍾意食日式拉麵，因為覺得太咸，但味濃我係接受嘅。而呢間店算係喺香港食拉麵令我加分嘅一間。我點咗碗魚介湯拉麵，首先欣賞嘅係湯好香木魚味，面頭會加木魚碎同木魚粉，湯濃香得嚟唔會木鹹，食完唔會覺得勁口喝❤️🐟，反而湯我都飲晒，所以令我對拉麵有改觀。二，平時食拉麵嘅筍同樣都會好鹹又老，但呢個完全冇呢啲問題。蛋即到熟度適中👍🏻。另外我好鍾意佢哋嘅叉燒係火炙過❤️，豬肉夠淋、脂肪食落口都會化。而美中不足嘅係我個人其實鍾意食有咬口嘅麵，但唔小心點錯幼身麵。但總括嚟講，無論店同食物質素都唔錯，會下次再選擇幫襯。

一向都鍾意幫襯小店，呢排就更加鍾意幫襯良心小店，所以專程黎到呢間小店食日式拉麵😋門口已有身處於日本嘅感覺，因為要在售票機先買食物，再交俾店員再安排入坐。魚介拉麵 $80可選曲或直麵，我選了曲麵。湯底魚香味濃，真材實料唔喺味精湯，曲麵可以掛到好多湯汁，好味又彈牙！配料蔥花、木魚、荀有好多，勁足料，而且糖心蛋喺一整隻，好滿足！燒過嘅豚肉叉燒好香而且好入味，呢個價錢食到高質拉麵真係難得。下次再想食拉麵我會再去食，唔想成日都只幫襯大集團嘅拉麵，喺咪？