團日式拉麵

Open Now

Now Closed

食拉麵係門口先揀食乜，汽水機式落單法...日本咩😐，咪講笑幾可亂真當去日本放一碗麵假期😂㩒完機張單拎入去比店員，搵個位坐底等食!!呃下自己嚟個快充，一拉門強勁日本潮流音樂，身體都跟咗節拍走。特別字句揀咗兩款拉麵，🥢櫻花蝦拉麵$88大量櫻花蝦， 濃厚湯底，薄切滑口豚肉，油份同肉部份比例完美，好可惜唔記得追加麵&豚肉🥢辛味拉麵$85唔辣嘅下次要試激辛😎溏心蛋流心到不得了，果然做得好出色。麵可揀曲麵直麵，配料餸追加，配料仲有筍、紫菜。嘢飲無乜特別🥢靜岡抹茶可樂$18🥢富士山可樂$22

吃在荃灣 --團日式拉麵🍜💕櫻花蝦拉麵（$88）---------平時好少去荃灣完左sem得閒就同朋友喺荃灣搵下好西食🙈呢間餐廳落單係自助形式 㩒你要嘅款式 入錢 之後就可以入去坐定定等野食😍---------今次我叫呢個櫻花蝦拉麵係呢間餐廳嘅招牌菜式之一 果然無失望呀😍湯底好合我口味 仲有櫻花蝦嘅香味 鹹度適中 唔會口渴😊麵條都煮得剛剛好 唔會太軟 仲有少少咬口添😁叉燒有三大塊 每塊都有燒過所以好香 脂肪部分都唔會太多 因為我好怕食太肥嘅叉燒 所以值得讚！😍👍另外要讚嘅係溏心蛋🥚切開一半之後啲蛋汁就把把聲流出黎 見到都流晒口水😍好食到想食多隻吖💕總括嚟講性價比高 值得一試👍👍----------價錢：$88評分（10分滿分）賣相：7味道：8性價比：8回頭率：7--------餐廳資料名稱：團日式拉麵地址：荃灣大屋街18號金豐閣地下1-2鋪前往方法：荃灣站B1出口

係荃灣既一間小店，唔知係咪位置隱蔽，食飯時間都唔係太多人食。鋪頭門口機比你咁買咩拉麵食，好似日本既拉麵店。同男朋友去食，叫左碗魚介拉麵，同黑蒜油拉麵，湯底唔會好咸，咸淡味道剛剛好，叉燒冇驚喜（唔知日本食個d會入口即溶），唐心蛋係原隻，同埋真係整到流心，成碗拉麵都好有日本既風味。但係價錢就略嫌貴左少少，平均一碗拉麵要$8x。個人覺得好食過大型既連鎖拉麵店，同樣價錢我寧願食哩間都唔食連鎖拉麵店👍🏻

門面裝修真係好日本feel，有一部拉麵自動售賣機比客人入門先揀好食物。好記得個日落緊雨，行到去門口，待應已經開定門等我地入去，去到座位已經預先準備好水，餐具同紙巾係檯面，服務幾好。裝修有少少日本拉麵店感覺，坐落都幾舒服唔會太逼。本身以為間拉麵剩係賣噱頭，點知食落又幾有驚喜，賣相幾有心思，個溏心蛋可以話好掂，出門坊間好多拉麵鋪d溏心蛋好多時整得唔入味或者太熟，呢間無論味道定蛋既流心程度都處理得好好，真心推薦。不過有一樣缺點係個湯太少啦，食到一半要覺得已經無乜湯剩，個湯底咁正（我中意濃味），希望下次食可以比多少少湯啦。

餐廳門外設有自助落單拉麵販賣機，只需簡單4部曲，就可以揀食咩同俾錢，好方便呀！！！😈 由排隊自選食物到煮好大概用咗15分鐘，等到啱啱肚餓就有野食，good timing 🤓 濃郁湯底嘅黑蒜油拉麵（$83），油而不膩，拉麵唔會太腍，少少偏硬，食食下笑起上嚟排牙變得黑黑地，好搞笑☺️☺️ 溏心蛋原隻上，一咬，蛋黃迫不及待湧曬出嚟😂比我仲心急，好鍾意呢個口感質地😋😋鮮蜆味噌拉麵🍜（$103）好足料，蜆鮮甜無沙，值得推介😏😏全店無加一服務費，因為大多數都係自己服務自己🤪

終於都有機會試下呢間拉麵店。這裡無論是店外和店内的裝潢很日式，店内播著日文歌曲🎶，門口仲有一部拉麵售賣機🍜完全有種令人置身在日本🇯🇵拉麵小店的感覺。拉麵有分直麵同曲麵，配料亦可以選擇走蔥或走竹筍，由客人隨自己的喜好選擇❗️點完就可以入去交飛比師傅。👉🏽櫻花蝦拉麵🌸🦐🍜 $88個湯好濃郁，櫻花蝦，蔥既量非常多。 麵底選了曲麵，看起來有點像公仔麵，咬落彈牙！🥩叉燒有2塊，肉質是半肥瘦食落有溶係口的感覺，煙燻左好香口，好食到差點連相都唔記得影😚，🥚溏心蛋都做到有流心既效果，最好趁熱食要小心怕會辣親個咀🤭！成碗麵食完不會太口渴。富士山柚子梳打🍊🍶$22好好飲，入口好清新。這裡的飲品全由日本進口，好想試埋其他味道！*我食既時間太約是下午1點左右*，客人唔太多比較寧靜只收現金💵地址:荃灣大屋街18號金豐閣地下1-2號舖營業時間星期一至日 12:00-15:30，18:00-22:30團日式拉麵

這間拉麵店已光顧數次，此拉麵店特色之處是在店門口有一部自助售賣機，食客需要於此機選擇食物及付款，操作簡單。進入店舖將剛剛購買之食物票交給店員，然後入座即可。拉麵湯底味道濃郁，麵軟硬適中。環境簡約。整體而言，值得再去。

今日去開荃灣做野，行行下見到呢間店幾得意，鋪面就好似去左日本既拉麵店甘。好得意門口隔離就擺左部販賣機，要同日本一樣，係門口買完飛揀好哂食咩先入去坐。買飛途中店員亦有出黎問洗吾洗幫手識吾識禁揀完就入去坐等食嚕，叫左個辛辣曲麵再加多2塊叉燒，個湯底好紅食落都真係有啲料到食下停下再飲啖水然後再繼續，店員都好好見我食到有啲辣都幫我refill左2次水哈哈總括黎講環境係幾得意幾靚，但麵既款式吾算太多選擇，貪得意一試都可以，但距離地鐵站都有一段距離，如果要專程黎食就未必會係令我覺得好好食到好想再黎嚕。

只要一有時間黎到荃灣，我都會忍唔住想番黎食番個拉麵〜🍜🍜上次期間限定 出左個🦀拉麵，燒過嘅蟹膏加蟹肉再加埋個超濃蟹味嘅湯〜以性價比絕對超值♥︎搞到我成日心掛掛想起佢個蟹拉麵〜等左兩個月多，店主終於要推出新嘅作品啦登登燈凳✨就係鮮蜆拉麵啦 (全部限定都係我最愛嘅海鮮〜太有福了吧😌 )湯底好鮮甜蜆味好濃〜比蜆一啲都唔孤寒〜肥嘟嘟嘅蜆佈滿成個碗〜多到我夾麵都有啲困難〜見到店內多左好多員工，有開業已經係度嘅師傅，又有多左好多新人 ，但服務態度同食物質素都一樣keep 得住個水準👍🏻👍🏻哩樣真係超讚！希望哩間小店可以keep 住水準做落去♥︎等我可以再試多啲新口味😍

去完紗廠個肚餓到都咕咕聲😂～ 我依稀記得荃灣開佐間新既拉麵舖👅 難得入到黎就梗係要試下啦😚.餐廳效仿日本係門口擺佐部自動拉麵售賣機，要首先買票之後先可以入座🙈 喺香港有呢個體驗真係好特別所以即刻有拍照留念😂 呃係人係日本都好（ff下🙈）.拉麵都有五款簡，一樣都係會有得俾你揀要直麵定曲麵，同埋配料要求☺️ 比完錢之後就會出飛仔比你，入到餐廳店員就會問你攞飛仔之後安排入座，之後要做嘅嘢就係等啦😂.櫻花蝦拉麵 🍜 $88 （直麵)一嚟到就已經聞到勁香櫻花蝦味😍 個湯係用蝦味醬料同蝦油烹調而成 而且可以見到舖滿左櫻花蝦係面 一啲都唔手軟😍 即刻飲佐頭啖湯先～ 果然飲落勁濃郁而且蝦味出晒黎🤤 因為我揀咗直麵所以更加索味同有彈性 但係每一啖都充滿蝦味～ 超正👍🏻 因為我都痴線嘅關係所以我地兩三下就食完，但都表示好滿足😚.魚介拉麵 🍜 $80（曲麵）湯底除佐用鰹魚湯，仲用佐肉碎烹製，令到口感更加豐富同湯底更加濃郁，所以食落都好大陣鰹魚味😚 而且叉燒都大大塊，又唔肥膩.總結，由湯底同自家製既溏心蛋同叉燒都係佢地自家製，超級有誠意仲要份量一啲都唔手軟👍🏻 強推！！未試過用拉麵自動販賣機既，可以過去試下過

日本好多店舖都有拉麵自動販賣機係咪喺香港好少見自助拉麵售賣機呢？呢度有一部！就係咁我地兩個入左去食.我叫左一碗魚介拉麵🍜🐟拉麵麵質彈牙湯底夠濃叉燒表面有燒偏肥但係唔算太油不得不讚係佢隻蛋！流心得黎又唔會太咸算係近期食過最好既蛋～.而另一碗係櫻花蝦拉麵一黎到見到成碗鋪滿櫻花蝦而叉燒同蛋就同魚介拉麵一樣.比較特別既係平時一般拉麵店只有麵既硬度俾你選擇呢度就有直麵同曲麵揀口感唔同大家可以因應自己要求去揀～

世衞建議成年人正常每日的鈉攝取量，不多於2000毫克。我相信呢度一碗拉麵已經超標。就拉麵店而言，我覺得佢既服務同環境係好的。但係我今日食既呢碗黑蒜油拉麵實在太重口味，鹹到痴咗線，嚴重程度係：當場飲完汽水+1杯水，回家再忍唔住飲1公升水。第二日都仲有口渴的感覺。太可怕！［頭盔：黑蒜油拉麵，可能其他好淡口我唔知］好多人話「嘩！門口有日式售票機」好特別唷～特別在於香港少見啫。間舖係有誠意既。但是日啱啱總數係101蚊。你話搵1蚊俾，定係俾一張大紙找返一大堆神沙先？落雨天要企响門外搵個1蚊出黎無疑就比較麻煩。入到去店員服務殷勤，馬上企到門口迎接，拿走半邊單據，下麵去。同時枱面已經擺好餐具和水，值得一讚。餐具套寫住「自由就是做想做的事!!過想過的生活!!」店內居然還播放著「人中之龍」遊戲插曲等日系MV。感覺相當熱血啊！講返個黑蒜油拉麵($83)首先，炸蒜係好味既，令成個麵昇華咗一大個層次。曲線亦都掛湯力十足，口感彈牙煙韌，富蛋香。鹼水味是有的，但响可以接受的程度，最少冇「壓」味。缺點是湯面頭會火速凝固一層油，同時由於蒜味太多過於突出，令本身的湯頭味道被搶。食落猶如硬生生啪晒蒸扇貝上的一大堆豉油蒜蓉

哩間拉麵店門口就放左一部拉麵販賣機，落完單入完錢拎住張飛入去鋪頭就可以等食🍜好似飛左去日本咁過癮🤣佢地加埋限定激辛拉麵有5款拉麵可以選擇💁🏻‍♀️揀左魚介拉麵$80🐟個湯底好濃好入味，仲有大量木魚絲🤤麵底小編揀左曲麵，覺得口感好一般唔夠彈牙，大家可以試下直麵🧐叉燒有兩大塊，上面仲搽左啲秘製醬汁幾惹味，不過略嫌太多肥肉同埋唔夠淋😕另外見到佢地有我最愛嘅汽水靜岡抹茶可樂$18就即刻加左支🤩一啖拉麵一啖抹茶可樂咁食真係好爽呢～

Taste:4/5Environment:3/5Service:3/5一開始就俾門口嘅拉麵售賣機吸引住 因為好似猶如翻咗去日本咁 相當之有風味 但之後喺上網查返原來個售賣機係嚟自台灣 不過都無所謂！因為餐廳已經營造到日本嗰種氣氛 相當抵讚 魚介拉麵同櫻花蝦拉麵 湯底同食材用料方面都相當似日本 味道都相當接近 湯底夠晒濃郁 食得出魚嘅鮮甜同蝦嘅鮮味 而且個賣相都唔差架！ $100內就可以食到一半嘅味道絕對係物有所值 下次再嚟荃灣會再幫襯！

今日黎到荃灣食拉麵 #團日式拉麵🍜好欣賞部放係門口用黎點餐 #自助拉麵售賣機簡單易用點餐既時候 拉麵有得揀要曲麵/直麵我揀左曲麵， 大BB揀左直麵最後我地一致認同曲麵好味好多😍#櫻花蝦拉麵🍜。 $88#辛味拉麵🍜。 $85#富士山抽子梳打。 $22 #靜岡抹茶可樂。 $18追加 #溏心蛋 $10荃灣大屋街18號 金豐閣 地下1&2號舖拉麵店就唔係地鐵附近，可能無甘就腳而店內環境都唔錯 幾舒服好可惜試唔到松葉蟹味僧拉麵 售罄😭