Up a Notch Homemade Pasta & Pizza

Open Now

Now Closed

下班後和朋友相約在旺角晚飯。Up a Notch以輕工業風裝潢，有現場live音樂，氣氛好好。除了多款食物外，也有不同飲料。❈ 牛油果蟹肉塔 HK$138以厚厚的牛油果碎作為底層，上面放有蕃茄粒、蟹肉絲和藜麥，口感清爽新鮮。❈ U.A.N 小食拼盤HK$178小食拼盤有四款食物，雞翼4件（水牛城，蜜糖芥末），炸豬肉餃子（4件），炸薯條。全部都是炸物，很惹味。❈ 巴馬火腿自家製薄餅HK$158即叫即造的自家製薄餅，薄餅已預先切食六塊，每塊都有巴馬火腿和大量的火箭菜。❈ 意式豬面頰肉蛋黃醬意大利麵 HK$148這是經典的卡邦尼意粉，特別用上意大利蛋黃醬煮，意粉掛有滿滿的醬汁，味道濃郁。和豬面頰肉一起吃可以中和一下。☆分類標籤#nuttylife

我哋四姊妹今日黎幫二姐慶祝生日🎂嗌左一個二人餐，幾個散叫，蝦意粉勁好食！餐廳經理知道我哋慶生都非常識做，特別好招呼，我哋嗌左餐，有甜品，可以寫埋靚靚happy birthday 🫶🫶🫶我哋幾個同壽星女都食得好開心啊，呢度打卡好靚，有個夜景巨幕，整出黎都幾襯，地方闊落舒服，估唔到星期一夜晚都幾多人食，有七八成入座率，而且有位靚女唱歌, live都的確幾好聽！仲可以點歌！呢個價錢，可以呀！地點都算方便！會再來慶生！

旺角少數有水準既西餐廳，食物飲品外觀味道都不錯，下次可再試其他食物。Shirley's lover，酒味不太重，恰到好處，少少甜味而且有花瓣點綴明太子忌廉蝦球手工幼麵，外觀味道都好，但麵過熟，麵質感太黏太淋小食拼盤，炸八爪魚粒好食Margarita Pizza 有蕃茄乾，濃厚蕃茄味芝士味而且皮夠薄脆

如其他評價所說，環境舒服，有人唱歌，但會較嘈不宜大班人士傾計。當日我2個人，我比原定時間早10分鐘入座，職員開頭有講以入座時間計。坐左大概一陣職員已查問幾時齊人，話驚上唔切菜。到我地差不多食完時，職員提醒用餐時間夠，我地見周圍都有吉台，就問可否坐多陣，職員表示可以既但話其實周圍無乜大台，我諗都係想催我地走。食物同飲品都係好食既，擺盤又靚，但係職員表達既態度令客人覺得不被重視，只重視夠時間就做下一單生意。

Up a Notch Homemade Pasta & Pizza同朋友為咗餐廳既海膽意粉慕名探訪，點知發現要叫chef’s tasting menu 先有得食海膽意粉, 無得散叫🥲 咁就唯有試嚇啦! $988 for two, 服務員會好細心介紹每一道菜! 覺得叫ala carte menu 會抵啲~😛舖頭大, 環境好特別, 一邊係浪漫花牆, 有大螢幕同liveband表演, 另一邊充滿bearbrick, 形成強烈對比, 星期五去餐廳都坐哂滿人!————————————————感想:❆ 香煎鴨肝 Pan Fried Foie Gras 鴨肝味濃郁🦆可以打隻蛋,撈勻佢先再搽埋魚子醬擺喺麵包上麵食❆ 西班牙紅蝦薄片 Carabinero Carpaccio 薄片切好既紅蝦非常鮮甜, 質感彈牙，配埋蛋魚子醬同埋麵包脆食, 每一啖都好有滿足感🦐❆ 海膽蟹肉扁意大利麵 Sea Urchin Linguine 意粉汁加咗兩隻北海道海膽海膽落去煮, 面頭都有一隻海膽做裝飾!撈埋魚籽同蟹肉食，每一啖都掛汁同口感層次豐富, 充滿海膽味🧡❆ 紅酒燴和牛臉頰肉 Braised Wagyu Beef Ch

不愉快經歷…. 限時90分鐘，由入座至離開起碼有職員同你講左7-8次90分鐘用餐，有種不停叫你走既感覺，最後當然唔使90分鐘就埋單走人，真不爽！食物質素還好，但冇免費水供應， 水要叫支裝跟酒店一樣。live band 太大聲，整個環境好嘈，呢個價錢仲有好多選擇🤪

環境較浪漫 適合情侶 有live band 既可以點歌食物中規中句 需要每人都要有單點項目 好像又沒有寫最低消費 三人叫了2人set 比waiter 哥哥建議多加一個湯才可以, 還有點催我們下單 ， 說什麼要跟次序上 先上starter 後上主食 所以催促我們叫了set後再下單， 感覺有點不爽 😂 因2人餐份量也不少 三個女孩子 好像吃不完嘛那天晚上人沒有很多 所以沒有趕我們坐著聊天埋單人均都要三百多 但食物有點低於預期 性價比就拉下去了

這餐廳有live music，也有很的大螢幕，其實氣氛幾好的。如果約一班朋友傾計，其實比較嘈，唔係太適合。但唔係傾計，純食下嘢 relax下，其實係ok 的。食物方面，portion唔大，但有心思，味道ok，酒精飲品也很有心思。

坐咗成個鐘車🕑🕝🕒🕞🕓紅雨走嚟間餐廳me time+做功課仲兜嚟兜去, 人又多🕰️🛎️喺門口望落就覺得舖頭大✓要擺設有擺設要打卡有得打卡☁️☀️裝飾乾花同埋花牆🌹🌺🌷🌸💐竟然仲有勁大個電視屏幕！😯還有傑倫順住歌單一首一首咁播🥺🥰Bearbricks😁有細路玩完乜都有，情侶又得環境很大弊在又貴又細份啦，個甜品望落low grade....🥸🫣前菜都百幾蚊，就唔捨得再嚟喇，試過其他🙏👌🏼環境就公道講句 真係夠大幾Chill，可以做自己嘢 ；）

尋晚初次黎呢間餐廳，冇乜特別期望嘅，所以一路都冇影相 📸～ 結果好有驚喜、好食到想寫個好評、讚個好👍🏼 ！叫咗個 $888/2位 tasting menu，仲有折：龍蝦湯、松露蘑菇湯、香煎鵝肝、香煎北海道帶子、海膽蟹肉意粉、M5和牛西冷、甜品食得出食材係有質素、足料 😍尤其係個海膽意粉 (真係食過有啲俾個黃色cream醬就話係海膽意粉)。前菜個帶子無論 Size 同鮮味、兩個湯絕對係童叟無欺 😆也特別喜歡個湯，端上時仲係熱辣辣，飲到好暖心。和牛西冷、鵝肝都冇煮老哂，juicy！好感動 🥹總結：性比高、味道好！

琴晚同朋友去咗呢間餐廳慶生，總共叫咗三樣嘢食！包括馬拉盞手工幼麵、小食拼盤、同埋燒春雞。三樣食物都滿意的，小食拼盤好夠熱。口感豐富嘅燒春雞好多肉汁，仲有沙律菜環境方面，有live music show較熱鬧，成個氣氛幾好的

整體成個體驗都唔舒服，俾個外型同宣傳呃咗嚟體驗添，平時好少寫食評，但今次真係忍唔住首先駐場歌手唱歌真係麻麻，而且中途係咁咳…真係戥佢擔心😥啲嘢食本身都唔平，我嗌咗個肉醬意粉好油又冇咩味啲侍應叫咗好多聲先唔情願過嚟，我同友人其實都已經叫咗兩個主食加小食再加嘢飲…即係估唔到其實想要杯水都要收錢…話依度啲水堅持一定要買，但過咗一陣我又喺第二台度見到有人用普通容器斟水，所以我都唔知係咪雙重標準🫠總之整體感覺真係麻麻

本身抱住好大期待去食，點知去到食乜都瘋狂比人𥄫住你幾時食完，由一開始到最尾都係咁提住你幾點要交枱，我地4個女仔嗌左個tasting menu再加兩個主食同三杯野飲，本身諗住未必食得曬就淨係加左一個主食，店員行過嚟同我地講至少每人一個，但係Menu同事前都完全冇提過最低消費，到最後野都未食完就逼住我地上甜品同趕住埋單逼我地走，好差，野食又唔係真係對得住價錢 ，服務態度好差，有live band但完全冇辦法享受住咁食，以後都唔會再嚟！

喺IG見到Reels介紹呢間餐廳，俾IG影果個海膽意粉吸引到，所以就book咗佢同朋友一齊食！估佢唔到，個舖喺旺角，其實唔會太有expectation，最後啲嘢真係好好食，當日仲有live band,好有氣氛，最重要係，啲服務真係好好，我哋幾個朋友都係想搵間餐廳坐低食吓嘢傾吓偈，佢每一個侍應買來無論上菜、定係斟水，都會揀啱時候，盡量唔阻礙我哋，呢樣真係好加分！當日我哋係嗌咗Tasting Menu, 有晒前菜、湯、主菜、甜品同埋嘢飲，當日做緊888兩位，仲有OpenRice八折，性價比非常之高。根據侍應所講，佢哋有藍帶廚師同米芝蓮一星嘅廚師，食得出所有嘢都好好食，同埋好俾心機去煮，每上一道菜都同我哋介紹返嗰度係咩菜，等我哋知我哋食緊啲咩。會推介朋友去食。餐廳環境方便，啲枱唔會放得太密，坐得都舒適嘅。不過因為佢係open kitchen，所以間唔中都會有油煙味，呢樣係我唯一唔鍾意嘅地方。我哋當日仲有朋友生日， book枱嗰時都冇特別講，但係當我哋上甜品嘅時候有同佢講過一聲，侍應好好請壽星女咁坐杯酒。當日嘅侍應係好好客，如果你想同佢講嘢佢會好welcome咁同你傾，但係如果佢覺得阻住你佢自

之前食過呢間餐廳一次，見環境不錯，咁啱女生朋友正日生日，就打算帶他們來打下卡，點知令人有點失望🙈🙈🙈入門口的時候問咗餐廳可唔可以點甜品蛋糕做啲生日慶祝，經理拍哂心口話可以加$20寫字。中間經理跟侍應不停車輪的chur我們點餐，因為我們三人個本身下午已經食咗個3磅蛋糕其實有啲飽，而且另外兩個朋友本身食量比較少，所以在一開始點完pizza後，都想睇睇個pizza份量有幾大，先再決定要唔要再點多個飯，定叫小食或者其他食物，因為本身都留咗quota係比生日蛋糕甜品。經理及侍應多次行埋來chur我哋要再叫其他食物，問他們拎水水話冇提供，如果要就要開礦泉水，我自己後來諗起我袋有水拎來送藥飲咗一啖咁大把，即刻沖埋來話唔飲得外來飲品，但其實本身食的藥唔可以用礦泉水的，餐廳又只能提供礦泉水！然後再隔幾分鐘，經理又行埋來勁chur咁話話每人最少要點一樣嘢，再後面又有店員話要每人都要點餐，想叫的心太軟話要套餐先有，串我哋唔叫set，猛話set for 2其實 3個人食啱啱好😂😂😂但其實壽星女本身唔食得牛，佢個套餐主食係食牛的，所以先冇叫到套餐，而且以正常人的理解，叫Set for 2本身都係會比較適合兩個人