URBAN Café Commune (新城市廣場) (Closed)

假日，自然睡到自然醒。起來逛街，看到urban 便想歎歎下午茶。等了一會，才可入座，不過其實是在空位的。沒打緊，90分鐘限時，應該容易有位的。看了看餐牌，叫了類近all day breakfast 的d 餐。主要就是有牛角包，主打食物，自然要試試。另外叫了鹹蛋醬炸薯條。跟餐龍蝦湯不俗，桃茶也夠濃。主菜牛角包非常好吃，既香口又鬆化，其他炒滑蛋、香腸、蕃茄、煙三文魚也不錯，但沙律菜，太健康了，不合我們的口味呢。但薯條就真的失望透了。鹹蛋醬非常一般，也太厚身了。最可惜是薯條不脆，好像放了很久一樣。幸好叫了牛角包布甸，稍甜，但特別，味道香濃，挽回一點分數。

今日同朋友早左落堂,大家都想去買衫換季,咁就急急腳去左沙田行街🙊去到5點鐘左右,2個大頭蝦先記起全日都未食過野落肚,去左醫肚先！我叫左個雨衣甘蘭既沙律,配埋餐湯,應該係龍蝦味?唔係好分到,雨衣甘蘭一句都係我喜愛既菜,配埋大大塊cheese,同埋粒粒麵包都好有咬口,好食到不得了😆同埋佢好大份,好似食極都食唔晒咁🙈仲有杯桃茶,本身好怕桃味既野飲會太甜,糖水會搶晒d味,所以一向好少叫,但今日又唔係好想飲coffee or奶茶,所以就叫左桃茶試下,飲落又ok ar,淡淡地,有d水果味👍🏻

今日放工同朋友試試沙田新開嘅鋪頭～記得佢一開張嘅時候 啲人塞滿晒個門口😱不過今日我哋五點鐘去呢個時間冇乜人坐得好舒服～不過呢度地方唔係好大 所以唔係坐得好多人所以食飯時間真係要等幾耐下na我諗我今次就叫咗個烤肥雞牛角包～我之前喺旺角嗰間分店食過就嫌個包同啲雞太凍所以今次就問一問有冇得整熱啲之後侍應哥哥就話入邊啲雞就唔建議加熱但係個牛角包加熱少少都可以嘅所以就叫咗加熱嘅版本試吓na～果然好味好多😋😋😋如果下次朋友仔叫下呢個餐嘅話都記得叫個包加熱也我覺得呢度啲服務態度同埋嘢食都幾唔錯～所以都絕對值得再幫襯😜😜😜

屋企冇飯開，唯有撞入新城市睇下有乜食！見到呢間新開，menu又得得意意，一於試下新野套餐係餐湯+飲品+主菜，以而家既新城市廣場價位黎講算正常架啦好想食意粉，就叫左個「上得山多終遇虎蝦意粉」蝦都爽甜，唔似雪藏野，意粉烹調時間控制ok，係爭少少調味，整體係醬汁單調左d，只有番茄酸味，冇乜層次感。始終唔係一期，坐得舒服自在唔洗趕住交枱，性價比ok！

近期已經好少出沙田新城市食早餐既我地，咁岩要出沙田買野，所以就試下搵D新餐廳食下!呢間係旺角新世紀都有，之前想食但因為好多人所以就冇排隊食到，今次終於可以試下!由於下午點幾2點的時間，所以都要等左一陣先有位食!入到去聞到D雞味好吸引，所以就叫左一個雞既沙律同埋一個All Day Breakfast!個餐仲有湯同埋一杯野飲既!我地揀左檸檬薄荷梳打，而佢個是日餐湯應該係龍蝦洋蔥湯吧!?不過個湯既味唔太濃，所以感覺唔似飲緊龍蝦湯!湯都未飲完個All Day Breakfast已經上枱啦!本身我自己唔太中意食牛角包，所以都對佢冇咩期望，點知咬落去脆卜卜，又唔會好油，好好味呢!令到我對牛角包改觀!炒蛋、炒菇偏淡，其他果D都OK!肥雞沙律菜配薯條，個雞既皮脆卜卜好好味，同埋好香香草味!近雞皮果D肉都比較juicy，但中間D就有D乾身!但總括個雞係幾好味既!下次要再試下其他野食先!P.S. 之前我都有買個呢間既泡芙食過都唔錯架!

小弟曾多次於旺角 MOKO 食過，覺得味好，新鮮，質素好。今日見沙田新開，就決定試一試。一句講晒，垃圾。星期六，lunch time 11:45 am 左右，無乜人，坐低叫咗” 3 小時慢煮烤雞半隻” 和” 炸魚薯條”.一黎上碗湯，由於係龍蝦例湯，都算正常，但個碗係茶餐廳碗，已經覺得。之後，上雞，上魚，先講隻雞！ 個皮係暖，啲肉係凍！ 係凍呀！慢煮，煮到凍呀！ 好叻呀。好似我係超市買番黎即食咁。 雖然係肉嫩，係無乜雞味，無乜調味。再講條魚！ 個炸魚果皮啲油到呢，根本就唔識炸野，低級錯誤，炸油都唔識逼番出黎，又唔識隔油離晒譜。作為連鎖店，啲食物同旺角果間差太遠，都唔明呢間店點管理！ 幾年內都唔會返轉頭再試，如果大家都食urban , 真係坐火車多兩個站去moko 食。

絕對有驚喜嘅一次， 這分店開不久，在附近購物行街 無意見到有分店好多人排隊 本身諗住隨便食啲嘢 太餓 所以試下都冇壞 如果係伏大不了以後唔去啦嗌左兩個飲品 , 一個係mocha味道還算可以，一個朱古力 都係冇特別。 兩份扒，睇個menu個名好搞笑 叫火燒後欄 一於睇下佢咩料然後一個唔記得叫咩藍羽什麼沙律 見佢啲配搭我幾鐘意 , 一個係唔知咩蝦意粉 好似酸甜辣既口味 , 係一setset咁嗌嘅， 價錢唔貴 包是日湯 飲品。湯同沙律黎左先 好新鮮既菜 口感 味道 帶酸甜 有芝士 但一啲都唔覺得佢好膩 , 簡直係愛上左 , 而湯係龍蝦湯 雖然冇乜特別 個人鐘意飲既關系 係ok既 然後就到意粉 本身都覺得意粉呢啲黎黎去去都係咁上下唔會有咩特別， 我就輕輕食左啖 冇諗過佢真係幾有心機去煮呢個意粉 真係好少有 個味道係蕃茄酸甜度不高但會帶辣味 好正 反正我個人黎講好鐘意 蝦亦都好爽口 完全唔會老。 再上牛扒，好大一塊啊 如果細食既人 唔好學我嗌咁多野 真係會食唔哂 除非你身邊個啲食得多嘢啦 個扒好嫩 亦都唔覺得好油膩 佢有啲菜係度 俾你可以中和個味 口感 做得好細心 我去有啲餐廳要5 成

凱撒慢烤肥雞菠蘿牛角三文治🥪（呼～個名都好長下）菠蘿牛角係無菠蘿，係牛角包個面加上菠蘿包個皮係上面，令到個包甜甜地 不過就有啲韌，唔夠酥脆。餡料方面，有滿滿既雞肉，醬汁都十足🈵甜品方面就食左，綠茶蛋糕🍰都唔錯，甜度適中，亦好creamy ～🍑凍桃茶，比想像中好味哦！唔係死甜味

新城市廣場三期裝修多時終於漸漸接近尾聲， 近期就見有兩間連鎖店接連開始營業、 今次便試了在於中層樓梯附近的Urban， 買完一袋兩袋的一田超市、 看看時間原來接近tea time所以乾脆就吃了他們的下午茶套餐， 輕食的蛋糕類以至重量級澱粉質都有、 價錢有HK$48至HK$78不等連上一杯簡單之飲品， 如另外挑選飲品便另加上HK$15. 當然勿忘記另付加一服務~肚子不算太肚餓所以就在玻璃櫃上緊嚟一件簡簡單單之蛋糕，Mix berry 入口芳香很有果莓味道、 甜中帶點兒輕酸味， 而且口感軟綿很像戚風蛋糕之質感、 三扒兩撥下很快便已報銷了~另外加上HK$15, 叫來一杯焦糖咖啡、 焦糖醬的味道輕輕蓋過了咖啡果酸， 那份甜好讓我將辛苦了半天的家中辛勞也跟隨蓋著、 以HK$六十餘元之埋單, 換來半刻閒坐都算值得。