URBAN Café Commune (新城市廣場) (Closed)

小弟曾多次於旺角 MOKO 食過，覺得味好，新鮮，質素好。今日見沙田新開，就決定試一試。一句講晒，垃圾。星期六，lunch time 11:45 am 左右，無乜人，坐低叫咗” 3 小時慢煮烤雞半隻” 和” 炸魚薯條”.一黎上碗湯，由於係龍蝦例湯，都算正常，但個碗係茶餐廳碗，已經覺得。之後，上雞，上魚，先講隻雞！ 個皮係暖，啲肉係凍！ 係凍呀！慢煮，煮到凍呀！ 好叻呀。好似我係超市買番黎即食咁。 雖然係肉嫩，係無乜雞味，無乜調味。再講條魚！ 個炸魚果皮啲油到呢，根本就唔識炸野，低級錯誤，炸油都唔識逼番出黎，又唔識隔油離晒譜。作為連鎖店，啲食物同旺角果間差太遠，都唔明呢間店點管理！ 幾年內都唔會返轉頭再試，如果大家都食urban , 真係坐火車多兩個站去moko 食。