URBAN Cafe (麗新商業中心)

Open Now

Now Closed

📍 URBAN Cafe (麗新商業中心) (荔枝角)荔枝角長沙灣道680號麗新商業中心1樓1）牛油果雞胸藜麥沙律牛油果的滑順口感和濃郁的味道，與嫩煎雞胸肉和營養豐富的藜麥完美搭配。這道沙拉不僅口感豐富，還提供了均衡的營養，是一道健康又令人滿足的選擇。2）水牛城雞翼水牛城的雞翅通常配上辣椒醬、外脆內軟 個辣醬唔算好辣 整體好香口好好食3）安格斯封門牛柳伴黑松露燒汁 七成熟安格斯封門牛柳搭配黑松露燒汁，成個配搭好match更能提升其風味。安格斯牛肉嫩滑多汁而黑松露燒汁的香氣和濃郁的味道能夠與牛肉的蓬鬆口感相結合4）日式蟹肉甲蘿燒長通粉日式蟹肉甲蘿燒長通粉是一道結合了新鮮的蟹肉和甲蘿燒的獨特風味，搭配著彈牙的長通粉，絕對能夠滿足你對美食的渴望是絕對值得一試的料理😍5）自家製生日水果窩夫🧇由於我生日既關係，我既朋友就會我點了呢款水果窩夫仲有兩個雪糕球rim🍦

首先食物質素感覺退步左，意粉類好硬，以為只係自己嗰個係咁點知旁邊有枱客都係咁，佢問職員可唔可以換過一個或者轉其他，但職員話唔可以換。所有聽到的人頓時很無語。係地下見到一些髒物，甚至見到有貓貓身上有便便漬，見到有其他客人同咗職員講但得個講字，沒有見到相關清潔。職員亦感覺很不太友善，都幾凶神惡煞下，尤其個主管。個個都食到一肚子氣，走嘅時候個個都好掃興。由以前平日去要等位到依家假期都坐唔滿，已經高下立見。事出必有因，希望店主能多多接納意見，提升各方面的質素。

♡ 再訪高質貓貓cafe ｜Urban Cafe ♡-我每次想起貓貓Cafe 必定諗起嘅就係urban cafe🐱 價錢親民 有2小時 可以慢慢同貓貓玩🫶以往都係喺旺角分店玩開今次嚟到荔枝角嘅分店 ～ 呢度嘅環境好整潔 而且空間感十足 😍 過嚟慢活一下真係好舒服😌員工服務態度又好好 真係有好好嘅體驗～- ♡ 夏威夷薄餅 🍕 ♡ $98薄餅底酥脆，入面有菠蘿、羅勒蕃茄醬、水牛芝士、車打芝士、煙肉🥓，芝士仲做到拉絲添😍-♡ 日式蟹肉甲羅燒長通粉 ♡ $138 長通粉爽滑有嚼勁，配上蟹肉甲羅燒，味道鮮美濃郁。甲羅燒仲要勁大嚿😍撈埋落意粉度，蟹肉嘅鮮甜同長通粉嘅麵完美融合，每一口都帶來滿滿的滿足感🫶-♡ 貓貓小食 ♡ $18我地簡左乾糧 ～ 😌呢度仲有濕糧供應 價錢$58 要留意濕量限量架‼️一開小食成班貓貓🐱衝哂黎☺️打卡一流呀👍❥#⇢店鋪資料：URBAN Cafe (麗新商業中心) (荔枝角)荔枝角長沙灣道680號麗新商業中心1樓## 🔍尋找同區美食📍➾ #礦泥黃X荔枝角-#hkig #hk #hkfoodie #hkgirl #foodie #hkfood #foodstagram

不嬲我都好鐘意貓貓🥹不過因為屋企人有鼻敏感所以唔養得🐱但係都無阻我對貓貓嘅熱情🔥今日去咗一間我好鐘意嘅貓貓cafe，我之前去過觀塘分店，覺得好乾淨同埋好多貓貓。今次就去荔枝角分店，平日夜晚唔算太多人，貫徹佢一個嘅風格，環境都係好闊落，裝修預咗好多俾貓貓活動同休息嘅地方💫全部貓貓好活潑好健康，店員都好有心機打理啲貓貓，幫佢哋剪指甲同佢地玩🥳當然啦cafe嘢食都好重要嘅🌸🍕夏威夷薄餅餅底尚算香脆厚度適中，餅面鋪咗一層芝士、煙肉同菠蘿，以貓cafe嚟講啲食物都幾好食。🍝煙三文魚卡邦尼扁意 意粉有咬口，汁夠creamy，而且都幾多蘑菇。🧁Tiramisu 甜品叫Tiramisu，整體唔太甜，口感算滑，同埋側邊有啲煙煙韌韌嘅mochi幾特別。🍯熱蜂蜜柚子菜 🍹凍古早冬瓜茶 正常味道幾好飲。呢度最好嘅係佢無收入場費，只係收食物錢，所以一定滿足到各位愛貓人士。提醒大家，要遵守cafe 嘅規則，溫柔啲對貓貓，同埋唔好俾貓貓食我哋嘅食物💕

🐱其實我同男朋友都係鏟屎官🐈🐈😛 之前只係去過貓舍睇貓貓，貓貓cafe就其實係冇去過。上次見到朋友去呢間Cafe提過下想去貓貓cafe，男朋友就即刻book咗😍🥰 做得好👍🐱餐廳環境好靚，設施同裝修都係好貓貓friendly🐱 我都想喺度做貓🐱🐱🐱而且職員對貓貓都好有愛心，認得晒佢哋嘅名，入去餐廳需要着鞋套，同埋清潔雙手👍👍🍽軟殼蟹千島薄餅🍕😋軟殼蟹好大隻，仲要係有蟹肉嘅，裹上薄薄嘅一塵粉，再炸過之後呈現金黃色，賣相好吸引。薄餅係厚批，上面鋪滿晒拉絲嘅芝士、仲有蟹籽🐈 加上千島醬。為咗想快啲玩貓貓，所以食得好快🤣🤣 🍽墨魚汁軟殼蟹意大利飯冇錯，又係軟殼蟹！因為真係好鍾意食軟殼蟹😍 呢個墨汁好高質，首先個汁好濃郁，又夠鹹香，意大利飯都唔會過硬，好掛汁。每一啖都充滿住墨汁味，加上有洋蔥粒，口感更豐富，又食得出洋蔥嘅鮮甜味。最後，軟殼蟹都唔會失望。🍹 香橙蜂蜜梳打香橙蜂蜜甜度啱啱好，加上仲有爆珠，突然之間覺得抵飲咗😋😋 原本想飲凍朱古力嘅，不過唔想貓貓誤食，所以就轉左飲梳打🫣 🐈我同男朋友用最快嘅速度食完啲嘢就玩貓貓啦🤭🤭 係咁chur 佢食快啲🤭🤭貓貓品種都算多，我見有布偶貓、暹羅貓、家貓

話說約咗男朋友去食壽司郎，但佢冇早啲嚟攞飛等位，於是乎上咗去發現有間鏟屎官天堂嘅貓貓Cafe。本身本着玩貓嘅心態，估唔到嘢食都幾好食。同男朋友二人行，牛叫左油果雞胸藜麥沙律、美國豬胺架伴(蘋果醬)、香煎海鱸魚柳伴藏紅花忌廉。真係要讚吓佢個蘋果醬，甜甜地同個豬好挾，過豬都唔會鞋口！海鱸魚超級大塊，從大過隻貓嘅面積，同埋好好奇隻貓貓係冇興趣嘅🤣🤣🤣鋪頭其實都平均一人可以同兩隻貓貓玩，都幾開心，而且玩完個身又唔太大貓味！

荔枝角這個地方，可能不是很多人會想到的美食聖地，但其實這裡也有不少值得一試的餐廳。其中一間就是位於麗新商業中心的urban cafe，一家以貓狗為主題的動物友善餐廳。這裡不僅有超過40隻可愛的貓咪陪你用餐，還有提供多國菜、西式糕點和特飲等豐富的選擇。北京烤鴨薄餅這道菜是我最期待的，因為我很喜歡吃烤鴨。這裡的烤鴨肉質嫩滑多汁，配上甜酸的秘製醬汁，味道很開胃又惹味。薄餅也很軟熟，份量也很足夠，有4塊薄餅和4片烤鴨，上面仲鋪咗青瓜絲可以為薄餅解膩。墨魚汁軟殼蟹意大利飯我沒想到這裡的意大利飯會做得這麼好。意大利飯的米粒彈牙而不黏稠，墨魚汁的顏色和味道都很濃郁，有淡淡的海鮮香氣。軟殼蟹也很新鮮和香脆，有原隻軟殼蟹一大碗濃稠嘅意大利飯，可以吃得很飽。檸檬茶（凍）檸檬茶嘅酸甜，剛好中和整餐飯所帶嘅油膩感。

甚少去寵物餐廳的我這天跟愛貓的朋友去了間超多貓咪的餐廳共進晚餐，原來感覺也十分不錯喜歡貓貓的朋友真的要去朝聖一番。我們這夜晚餐的地點就在URBAN Cafe，這裏是一間佔地7000尺的寵物友善餐廳規模非常龐大，劃分成貓貓區域和寵物友善區域主人可帶著心愛的寶貝一起蒲Cafe。甫坐下第一時間當然要跟貓貓玩遊戲！目測餐廳內有十數隻不同品種的可愛貓咪陣容非常鼎盛。跟貓咪玩完打埋卡後回到食物方面！我們決定選上四人套餐來享用，率先上檯的是飲品、沙律及餐湯每人一套，而我們這天得到的餐湯是蘑菇忌廉湯，呷一口菌味十足濃稠度恰到好處，最重要是不會太重忌廉是我喜歡的蘑菇湯。飲品我選了凍檸茶而車爸爸則選喝蜂蜜生薑茶。精選沙律內除了有新鮮沙律菜之外還有我喜歡的菠蘿，所以我對於這個前菜是非常之滿意。而主菜可以在四款之中選擇兩款！第一客我們選了西班牙燒烤醬黑毛豬肋骨，這主菜份量不細絕對足夠四人享用。黑毛豬肋骨被滿滿香甜的燒烤醬包裹著吃下肉質很鬆化，伴菜方面也絕不欺場有炸薯條和烤雜菜，就算一碟滿滿的肉感覺也吃得非常舒服。另一款主菜我們選了夏威夷薄餅！內裏分別有水牛芝士、車打芝士、煙肉及菠蘿等食材，這個正正就是最簡單但

自從動畫能幹貓推出後，我哩位奴才日盼夜盼主子有朝一日變得識做家務🥲🤭但今日去完Urban Cafe之後，能幹貓嘅定義好似變得闊咗😂Urban Cafe 有3間分店，今次去左位於荔枝角佔地7,000尺嗰間，空間特大又淨潔，店內又有幾十隻貓🐱🐈店員幫手serve客陪坐。嗱～哩啲咪能幹囉，仲氹到人成支貓條凍乾餵曬比貓食喎！人類職員派到張枱比我地時，有隻布偶”沙律”，已經坐定係張枱到等我地喇，超可愛😍哩位陪坐貓咪亦都好敬業樂業，有9成時間都係我地枱度，最多都係去個洗手間番黎，又繼續陪坐。野食方面，叫左🇺🇸🐷美國豬鞍架伴青檸蘋果醬($168)，哩碟豬鞍架係小妹食過幾西餐廳中最好食嘅豬類main dish， 肉質爽而不柴，手起刀鋸時都有肉汁流出。🍋🍎青檸蘋果醬調配得相當特別，酸甜分明，襯托豬肉嚟食，分解油膩感非常開胃。而薯蓉亦有粒粒🥔薯仔，非常有心思！🐟🌺香煎海鱸魚柳伴藏紅花忌廉($168)，魚肉嫰滑唔腥，魚皮煎得香脆，亦有蔬菜伴碟，非常健康👍🏻🤭牛油果雞胸藜麥沙律🥗($128)份量十足，有齊我喜歡食嘅沙律菜都雞胸肉，配上藜麥增強飽腹感，啱曬減緊肥嘅我🥰原來餐廳仲有唔少特色飲品，奶昔、花茶、乳酪、

之前去過其他分店Urban Cafe新開呢間荔枝角分店環境行木系風格，畀人舒適乾淨嘅感覺，空間畀貓貓活動和休息都好大好充足。Cafe打掃得好乾淨，無異味，但喺人手好似不太足夠，上菜或者想搵店員都要耐啲時間。叫咗個二人套餐，食物就真係普通水準。其實意粉味道唔錯，配料足料，不過麵條過軟。炸物就應該喺急凍食品，算不上酥脆新鮮。餐湯味道比較平淡，罐頭湯嘅感覺。Pizza就麻麻，可以唔嗌。去貓貓Cafe主要都係睇貓貓，同佢哋玩，食物質素都咁上下! 記得網上提早幾日預約，唔係就有排等。週末真係比較多人，想靜靜地嘅平日去就應該更加好！

之前已經同朋友去過呢間貓Cafe幾次，佢哋喺全港都有唔少分店，荔枝角店環境寬闊，木系裝修配上可愛貓貓最啱約朋友一齊嚟今次叫咗個二人套餐 $348首先包咗兩份精選餐湯、兩份精選沙律餐湯係蕃茄湯，沙律菜都好新鮮，十分開胃主菜揀咗明太子紅蝦蝴蝶粉明太子醬汁小辣香口，紅蝦大大隻非常彈牙，另外呢度仲有平時比較少見嘅蝴蝶粉，賣相靚啲食落都幾有咬口安格斯牛肉手工漢堡配脆薯漢堡外皮香脆，漢堡肉大大嚿有肉味，加入多款蔬菜好Juicy，旁邊仲有啲脆薯好惹味水牛城雞翼 $78水牛城醬汁香口滿足，雞肉嫩滑，鍾意食雞翼嘅朋友仔不妨試下北京烤鴨薄餅 $118用咗北京烤鴨平時用嘅醬汁，整體感覺非常似食緊真嘅北京烤鴨，薄餅外皮香脆，值得一試

近排去咗荔枝角貓貓cafe，餐廳裏面有好多隻可愛貓貓，每隻貓都有名牌，可以方便大家知道貓貓嘅名，餐廳地方環境整潔，每位客人需要著鞋套及清潔雙手，才可入店內，而且空間感亦十分充足，另外可以向餐廳購買貓糧同貓貓互動，十分有趣二人餐$348套餐有餐湯、沙律、兩份主食同飲品(檸檬茶、可樂)明太子紅蝦蝴蝶粉紅蝦好大隻，肉身爽彈，蝦頭有膏，明太子同蝴蝶粉，味道好夾又惹味安格斯牛肉手工漢堡配脆薯安格斯牛肉食落好juicy，牛味香濃，加上有生菜、蕃茄、芝士等配料，味道更豐富水牛城雞翼$78雞翼肉質嫩滑，味道酸酸甜甜，又唔會好辣，十分香口北京烤鴨薄餅$118薄餅皮好香脆，餡料用咗煙鴨胸、青瓜、甜椒，加醬汁，味道甜甜地，同北京烤鴨非常似

呢日同朋友慶祝生日，朋友超鍾意貓貓，所以我就帶左佢黎荔枝角呢間貓cafe食dinner。之前我都去過其他分店，估唔到呢間店令我更驚喜，餐廳面積好大，而且裝修靚又衛生，仲有超多可愛又痴人既貓貓。食物方面都好高質。首先，我地點左牛油果雞胸藜麥沙律，健康又好食。主食方面，呢個安格斯封門牛柳，佢配上黑松露燒汁，好香，牛扒7成熟，口感嫩滑。仲有日式蟹肉甲羅燒長通粉，蟹肉好有鮮味。水牛城雞翼好惹味。慶祝生日所以點左呢個自家製生日水果窩夫。

🌟餐廳：URBAN Cafe📍地址：荔枝角長沙灣道680號麗新商業中心1樓💰價位：$51-100⏰營業時間：星期一至日12:00 - 22:00📱電話：90499929Happy Friday終於放假啦！！收工約埋閨蜜去貓貓cafe，忙咗成個星期終於可以唞吓，坐低食嘢傾吓偈，又可以玩貓貓，治癒感一流！晚飯時間去到，門口有唔少人排緊隊，好彩一早book咗位，着好鞋套就可以入餐廳。一入到門口就見到好多貓貓圍住客人，真係好得意，有好多唔同品種嘅貓貓，完全唔驚人，勁痴人！———————————————————🔹 餐湯係蘑菇忌廉湯，加入忌廉特別香濃幼滑，粒粒蘑菇增添口感。———————————————————🔹 沙律份量適中，爽脆清甜，加埋酸咪咪嘅醬汁好清新。———————————————————🔹 意式肉醬千層麵肉醬味道濃郁豐富，香甜又juicy，加埋邪惡芝士拉絲勁吸引！千層麵好有口感，煙韌得來好彈牙，相當出色。———————————————————🔹 西班牙燒烤醬黑毛豬肋骨豬肋骨焗製時間啱啱好，濃厚醬汁配以嫩滑豬肉，肉質好鬆軟，伴碟仲有金黃香脆炸薯條！———————————————————🔹

我同朋友都好鍾意貓貓，間唔中都會約埋一齊去貓Cafe，可以食嘢，又可以玩貓貓。今次就去咗位於荔枝角嘅Urban Cafe，身邊有唔少朋友都推介呢間貓Cafe，除咗嘢食唔錯之外，環境仲好乾淨，寬敞得黎又夠光猛。入場前先換上鞋套同埋消毒雙手，入到去見到超過20隻貓貓，全部都勁可愛，又係咁撩啲客人玩。今次揀咗個套餐，有齊餐湯、沙律、主食，仲包埋嘢飲。今日精選餐湯係蘑菇忌廉湯，味道香濃綿滑，飲落有粒粒蘑菇，加埋忌廉更加幼滑。精選沙律嘅沙律菜都幾新鮮爽脆，淋上酸甜醬汁特別開胃。煙三文魚溫泉蛋卡邦尼扁意粉扁意粉煮得啱啱好，食落去好彈牙，溫泉蛋吉開佢流出流心蛋黃，撈埋落個意粉度特別香滑，煙三文魚份量都幾多，肥美帶點煙熏香。夏威夷薄餅（羅勒番茄醬，水牛芝士，車打芝士，煙肉，菠蘿）薄餅底煙韌得黎都幾有咬口，唔會過厚，面頭有粒粒菠蘿同埋煙肉，都幾香脆，仲有兩款唔同嘅芝士，啖啖拉絲，啱晒我呢個芝士控！凍檸茶餐飲揀咗杯凍檸茶，大大杯都幾抵飲，茶味濃唔會澀。