UURO

Open Now

Now Closed

呢個係我呢世人食過最難食嘅西班牙炒飯完全得一浸燶味，（燶味真係完全接受唔到）咩味都食唔到，軟硬度完全係好似食緊濕咗嘅飯啲姐姐服務態度又差，放低嘢食個陣，張枱都已經冇乜位，見到有吉嘅湯碗，（特登放喺邊位想方便收）都可以明見到都唔收，要出聲先肯拎走食Pizza問佢哋拎刀，啲態度好似得罪佢咁成班呀姐喺度大聲講大聲笑

Chef Ecy’s Dining Experience:🥰 Food | Ambience | Price | Easy Access | Corkage Fee | Wheelchair | Easy Parking | Cake Cutting Fee🙂 Service | Restroom Cleanliness 😠 Pet FriendlyThis restaurant is a casual Italian style restaurant located in Tseung Kwan O East Point City. They do have all day breakfast, pasta, pizza and some meal set. East Point City has a big parking lot with free parking for a certain spending. Lift is available and wheelchair has no problem.Ambience inside the restaurant is

食物正常，唔係話特別好食。龍蝦湯比想像中稀。追左侍應三次，等左超過40分鐘先肯望下張單，先發現廚房漏左成個餐，即係一開始只係hea我，完全冇問過廚房。發現漏單之後又話即刻煮返俾我，點知都係上左俾遲黎過我既客人先，又等多10至15分鐘，直到我話要cancel先肯上個意粉俾我，杯野飲仲要後上。以後唔會再幫襯。

聖誕節假期，約好親友在東港城早餐。來到這個熟悉的位置，雖然店名改變了，裝潢靚左，但餐牌仍是itamama的早餐。最重要係，價錢貴左。蘑菇熔岩芝士帕尼尼Panini加左價，但不會減少對Panini的偏愛。烤夾加熱的panini，外層香香脆脆的，但中間包包和芝士是軟綿綿。熱辣辣上枱，可以拉芝，配菇片的香氣，几乎攞滿分。 扣分位，係包爐遺留的黑色焦焦，留在panini表面。BLACK COFFEE     反正都係相同集團，無可奈何之下，唯有飲黑啡。黑啡跟上一手一樣～好苦，好難飲。

第一次黎食，唔會再有下次。個火腿通粉，d火腿絲🤦🏽‍♀️係碎幼絲 10條都唔知有冇，個湯又超級油、湯又少又偏咸要自己加啲水，加多個迷你麵包&熱飲，咁就收$38.00。#早餐火腿通粉+迷你芝士法包+ 熱飲 $38.00食物質素 有待改善，幾條咁既火腿碎幼絲，廚房都可以出餐，同個樓面講完，多謝哂！俾多左十條火腿碎幼絲。早餐唔夠火腿絲就停餐，唔好出d咁既餐出黎影響自己品牌啦。雖然通粉係差啲，但個芝士法包係新鮮好軟熟既。

夏威夷手工披薩：餅底偏硬，可能是烤製時間過長或溫度過高，可以嘗試縮短烤製時間或降低烤箱溫度，使餅底更加柔軟。可以多加入一些不同種類的芝士，如馬蘇里拉芝士、切達芝士等，以增加披薩的濃郁口感和拉絲效果。蒜香牛油大蝦寬條麵：麵條有口感和蛋味，但大蝦的鮮味可以進一步提升。

只係叫一人餐，坐落一陣後，見遲過自己入座的隔離兩枱，已經上了食物，同埋都坐咗好一陣，就追了其中一位侍應，她拿起我張單後，就走咗去，並無對我有任何回覆，心諗就唯有繼續再等。其後再等多好一會，食物依然未到，當下睇番電話落單紀錄，原來已經由入座到現家已經足25分鐘，就唯有再追問多一次，點知另一位侍應只用佢hand free ，重覆講我落咗咩食物，跟住就走開咗，我再追問佢時，佢只繼續同另一邊對話，完全無理過我⋯⋯⋯點解呢度啲侍應，客人追完再追單後，只想要求其答覆下嘅客人對話都無，仲可以冷對待客人到咁嘅地步⋯⋯⋯⋯

第一次光顧對早餐印象不錯，奈何第二次光顧晚餐極為失望。我哋叫左三成熟西冷，龍蝦汁龍蝦蜆肉意大利飯，長柄西蘭花，海鹽牛乳雪糕紅豆牛角酥，以及黑白心太軟。西蘭花及甜品尚算可接受，西冷與其話三成熟可以話係接近Blue rare. 喺擺盤上點燃香草無增香或幫助加熱。意大利飯質感更似西班牙海鮮飯，飯問題不大，但賣點龍蝦仍有蝦腸無清除。恐怕只有心太軟我先有可能再幫襯座位安排混亂就本身都知，未算好離譜，但綜合今次體驗嚟睇性格比認真麻麻

此店開了一段時間, 今日要來試一試 食物 : 夏威夷手工披薩 $98 (套餐) ~ 加咗$23改套餐, 有餐湯麵包及飲品, 餐湯及麵包都幾好味, 披薩味道都唔錯, 芝士味好香 龍蝦汁龍蝦鮮蜆意大利飯 $141(套餐) ~ 上菜幾靚, 打卡唔錯, 飯味道普通, 但唔會好硬, 海鮮都算新鮮, 龍蝦唔會好硬, 食落都好軟熟, 都可以 飲品 : 跟餐叫咗新蘇冷壓檸檬蜜, 唔駛加錢, 味道正正常常, 沒有實體檸檬的 環境 : 餐廳裝修幾靚, 坐得舒服 服務 : 職員有禮貌 價錢 : HK$262.9 (有加一服務費)

攞咗飛之後，門口個帶位阿姐完全冇按攞飛嘅號數帶枱，不停只安排二人枱入座，諗住未有四人枱，所以一路喺門口等。到最後有一個四人枱的客人走咗，但係門口帶位阿姐只叫後我們一個號碼的四位入座，但係這個號碼嘅四人已經走咗，最後好似迫於無奈先安排我們三人入去，入到唔俾我哋坐張四人枱，要安排我哋三人去一張六人枱搭枱，我哋問點解四人枱唔可以座？經理話繁忙時間冇辦法，最後仲要發惡嗱依家四人枱冇人座啦，你哋坐啦。完全係叫你走啦，四人枱只可以俾四人座，三個人必須搭枱，仲要發脾氣，呢間餐廳真係有趣！

早幾日行經將軍澳，搵間餐廳坐低食少少野，估唔到呢度又幾好食，環境都算好坐👍🏽👍🏽法式蒜蓉包岩岩出爐蒜蓉包十分鬆軟，蒜蓉味好濃郁個邊位仲要脆意大利蕃茄鮮野菌濃湯扁意粉蕃茄湯好濃郁仲有粒粒蕃茄亦都可以自己簡要意粉/通粉/即食麵

今晚晚飯唔煮去咗坑口UURO 食飯，可能開業唔算耐，裝修好新淨，而且餐廳菜式都好多元化同價錢好合理🙂我哋叫咗西班牙海鮮飯，海鮮有大蝦仁同大蜆，真才實料👍🏻 西班牙米煮得較淋，飯粒吸收了海鮮的精華，味道濃郁。香煎三文魚扒，煎到外皮香脆，內裡嫩滑多汁，因為本人唔食煙肉，所以同侍應講要走煙肉。最欣賞係用椰菜花做成米飯底，好有口感，因為切成細細粒，加上有冬菇片同調味，唔似食緊椰菜花，呢個係創新且健康的選擇，下次要再食多次呢個無米飯😋😋😋

係東港城行完搵間餐廳食，行過見到佢menu見到好平，即刻入去試下。牛面頰同菠菜三文魚意粉好食，pizza同焗千層面就好普通﹐個risotto唔多掂，有啲似湯飯。Overall呢講呢個價錢好扺食，環境都幾靚。

這家餐廳真是物超所值，位置方便易找。一踏入門口有新鮮出爐的麵包。早上開門就有豐富的早餐選擇，菜單多元，價格實惠，唔似其他餐廳剩係得沙嗲牛或者五香肉丁公仔麵。特別推薦堂食他們的蕃茄湯麵，濃郁可口，選擇用扁意粉更健康。另外，加$4即可享受到口感熱辣辣的蒜蓉包，還有特價$7的健康麥皮，佢哋啲檸檬水有得加檸檬汁，同牛奶冰室可能係同一集團，味道一樣，本人鍾意飲酸，所以有得加檸檬汁幾好。不過，魚柳和Panini稍嫌乾燥，可能因為外賣影響。食過午餐，鍾意飲他的朱古力，pizza好味，其他意粉飯一般般。總括而言，這家餐廳是budget 底既朋友不錯的選擇，值得一試。

好似嘔吐物或者湯飯的「意大利飯」！！第一次幫襯，相信亦都唔會有下一次，未見過水汪汪的意大利飯，完全冇意大利飯應有的Creamy及芝士味，呢間舖頭仲要係主打話食意大利嘢，一啲都唔專業