Video
Exit L6/ P1, Tsim Sha Tsui / East Tsim Sha Tsui MTR Station
continue reading
Opening Hours
Mon - Fri
12:00 - 19:30
Sat
12:00 - 18:30
Sun
Closed
Above information is for reference only. Please check details with the restaurant.
話實餐廳係瑜伽中心旁邊令人感覺不是正宗餐廳好似小賣部,普通人唔知道唔可以為食素食｡格局有啲怪怪地，可能空氣質素要攪攪佢，或店主原意member only 所以美容，運動，餐廳炒埋一碟｡其他我冇試過，但朋友帶我來餐廳開餐，食品真係喜出望外， 齋睇擺盤,見到大厨真係用心製作食品，以客為本。湯水係本人首選,湯料足充足，飲落口好有住家feel，好飲👍。呢餐牌 設計方便，配合到亞洲人口味將韓式粉絲等入饌， 菜單亦多溫熱食物， 但食品溫度唔夠熱，有待改善｡
continue reading
自從去了大陸工作後就沒帶寫吃評正式番香港工作了約了一位舊同學吃飯，沒見四年左右變了素吃者。主要因為健康問題，所以我也陪她選了一間素店。不是菇扒，是鷹咀豆，個素肉，比較林身，我不太喜歡，但薯條很脆，評7/10. share 一半都ok. "決"麵，不過好辣，我的朋友吃不下，我還可以因為大陸的這個是BB辣。不是所有人能接受到。個酸味還可以，最好多花生呢。評：6/10 這個炒麵，我一點都不喜歡，太dry...好淡，但素吃朋友說很好味，我評5/10.這個湯是我最欣賞的，未試過好似有肉味甘 評8/10,我飲清湯呢 。食物總括 so far so good. 環境是奇怪我，不過我去的時間沒有太多人走來走去，我和朋友傾左計成 2小時，無人趕走。只不過久不久有人會來做yoga,出出入入，但是不嘈雜的。
continue reading
今天同事有約，就自己上網找找公司附近有冇素食餐廳可試試。然後就在OpenRice 找到了這間餐廳，心想由yoga studio 開的應該都不錯，便選擇了這一間。點食物比較麻煩，要先到餐廳那邊看menu,，再到reception 那邊付款。服務很一般，食物選擇比較少，如果期望想食到比較多新鮮蔬菜的話，會覺得有點失望。想了很久，叫了一份素食早晨全餐，和一杯latte。早餐有茄汁豆、兩條素腸、一塊素漢堡扒、炒蛋、炒什菇和兩片多士。加工食物比較多，炒蛋和漢堡扒比較油，與期望食到較健康的午餐有所不同，感覺似在茶餐廳會吃到的早餐。Latte比較甜，咖啡味不濃，像即溶咖啡的味道。整體質素普通，價錢有點昂貴。
continue reading
餐牌非常之色彩鮮艷感覺一啲都唔似素食餐廳是連埋瑜伽中心在一起的同朋友約好咗一齊去high tea佢就叫咗杯薑茶我就叫咗個熱朱古力唔會太甜，非常之健康同埋好大杯都幾抵飲架另外我哋叫咗個芝士牛油果焗法包多士餡料非常豐富無諗到原來素食都可食到咁滿足味道很好仲有一碗湯送來到見到清幽幽但........味道不是睇落咁清會想追飲真係不得了飲下先知原來有好多豆係個碗底我好少會食豆類既湯渣但呢碗野我連渣都食埋🤤🤤
continue reading
搵地方食飯就梗喺搵啲啱口味架啦，而老婆喺講健康嘅人，又偏向素食，所以，就加多少少揀食肆嘅要求。姨仔早前極力推介間好嘢俾佢，當然要試試啦，就喺位處尖沙咀中心地庫下面一間瑜珈中心所附設嘅餐廳「Vegetarian Kitchen」，主打健康營養嘅料理。雖然星期日嚟到，個商場靜，間餐廳都靜，我諗除做瑜珈嘅客人之外，都喺靠口碑相傳，個位置咁隔涉，相信生客唔多。餐廳地方唔算好大，近門口有啲梳化位，適合坐低飲吓嘢。整體以簡潔為主，燈光亦調得光猛，予人有活力之感。而較搶眼，應該喺入少少一排色彩繽紛嘅卡位，唔單只望落醒神，比起茶記啲卡位闊落好多，所以，寧舍好坐。頭上有啲玻璃櫃，全喺瑜珈相關產品。牆邊嘅小型電視，部部播嘅嘢都唔同，我哋身邊嗰部正播緊黃淑儀嘅節目。瑜珈中心開嘅餐廳，梗喺以健康先行，食材自然講求有「營」，所以，老婆話揀咩食都非常放心。翻一轉餐牌，其實選擇真唔少，種類包括湯水系列、冷盤系列、全日精選系列、下午茶餐、健康推介、甜品、推介及多款健康特色飲品。所以，嚟午餐、下午茶或晚餐都無問題。仲有個座枱小餐牌，喺每日嘅精選套餐，5款主菜配沙律及一杯養生湯或生薑茶，全部定價$75，仲無加一，晌尖沙咀區而言，絕對喺好划算。田園沙律（跟餐）跟每日嘅精選套餐所送，份量唔少，而且，用料種類多兼新鮮，淋上胡麻醬，簡單得嚟好清爽。是日精選素湯（跟餐）部份主菜會奉送餐湯，無論寫喺是日精選素湯，還是養生湯，店員話其實都喺一樣。是日就喺合掌瓜，因為喺素湯，完全無肉，所以，就難免比較淡口，但勝在健康。生薑茶（跟餐）其中一位友人揀咗熱生薑茶，雖然無試到，亦無問友人覺得點，但睇見杯底都有幾多薑片，薑味自然有番咁上下。鮮奶咖啡 +$12難得見佢啲餐牌可以加錢要鮮奶咖啡，當然要試吓啦，可是跟期望嘅喺唔一樣。啲咖啡無打奶泡，只喺即磨咖啡，但飲到尾最奇怪加咗啲穀麥，所以，真喺稱唔上喺「Latte」，味道亦都麻煩哋。鮮牛油果黎麥沙律 $72主茶陸續登場，老婆就揀依道沙律，純因為牛油果嘅關係。嘩！唔喺講笑，雖然只喺沙律，無諗過咁大份，而且，用料絕對十足，跟上文介紹嘅田園沙律有啲似，沙律底都喺沙律菜、車厘茄、珍珠提、青瓜片、粟米、火龍果、士多啤梨……等，同樣配胡麻醬，但牛油果及黎麥鋪滿碟面，撈勻後，入口清新、清爽、富口感，加上啲牛油果夠熟，非常好食，老婆勁讚。日式素叉燒炒烏冬 $68以整個鑊仔盛載，比較平實、茶記款嘅一道菜式，同樣又喺份量十足。炒烏冬雖然無乜驚喜，至少食落唔油，算喺保持到健康，而素叉燒似似哋啲麵筋，軟腍帶點咬口感，整體叫做不過不失。新鮮藍莓意大利飯 $68呢個飯就有驚喜，賣相砌得靚靚仔仔，睇個菜名咪以為就咁得藍莓同意大利飯做成，原來更加咗好多材料，如露筍粒、松子仁、合桃，幾片士多啤梨做裝飾。啲飯粒煙韌有咬口，藍莓味鮮活突出，又唔會有啲古怪感，而且，混入多種食材令口感極有層次。雜菌藍莓薄餅 $75薄餅喺迷你批呎吋，份量比預期細少許，但就非常足料，批面放滿雜菌同藍莓，再鋪上莫沙里拉芝士。批底介乎薄批與厚批之間，唔算好出色，但口感仍算鬆軟，因為有超多雜菌及藍莓，食味不俗。學我老婆話齋，藍莓明目，多食無妨。小弟天生喜歡動感啲嘅運動，好似太極、瑜珈依啲咗靜態嘅運動真喺唔啱我，不過，Vegetarian Kitchen嘅出品真喺唔錯，唔止得個健康，味道、賣相都唔錯，翻兜機率高。加上招呼幾貼心，就好似點菜前，侍應哥仔晌遠處留意住我哋，既唔會騷擾我哋，我哋一舉手準備落單，佢就第一時間過嚟招呼。餐後，亦主動提供清水，更着意叫我哋慢慢坐。
continue reading