素食新一代 (Closed)

之前從openrice得知有這間素食快餐店, 一早已心郁郁想試下. 本來老公想食日本野, 去到爭鮮見到條龍咁長, 即刻提議去食素. 老公去到門口, 似唔多like, 不過地方真係有D迫既. 不過都等左一陣就有得坐喇. 見台台都係食兩送飯套餐, 當然我們也不例外啦. 是日有五款送菜1) 姜炒娃娃菜(2) 黑椒漢堡(3) 牛肉碎炒暑仔(4) 枝竹炆冬瓜(5) 芙蓉煎蛋我們第一次來. 本來以為每個餐只可以選兩個送, 但見其他客人每人都叫三四個送, 就大膽地問下, 原來係無規定的. 你叫一份餐都可以叫齊五個送的. 最啱我三心兩意的人. 而且每個餐仲包大大碗湯和飯. (之後我又發現原來可以改要粥的)吃完之後, 真係好飽. 味道中上. 價錢夠平. 難怪個場咁爆啦. 老公同我食完都好滿意. 仲話以後去開荃灣都會黎食喇.

星期六, 難得正常時間收工. 約了齋妹係荃灣. 佢就即時建議, 話要帶我去她常去的其中一間齋鋪. 當我到達荃灣, 大家會合後, 便商場穿商場, 商場穿商場的來到荃昌中心. 一個有不少小食肆的舊式商場.小小店, 是家庭式經營, 只能坐十多人的店, 相信於平日學生們放Lunch時, 一定擠得滿滿的. 說真香港既素食人士應真不少, 而且按我統計, 荃灣 同 灣仔 係最多素食店林立的地區.這兒的食物選擇都幾多. 由他們daily轉款的三餸飯, 粉麵米線. 同我所叫的碟頭飯, 小菜類. 一張雙面既Menu, 一面是套餐, 另一面是排得密密麻麻的散叫菜牌. 果然是乜都有得食.齋妹要一個魚蛋米, 我就要了一個粟米漢堡扒飯. 再每人一杯豆漿.豆漿, 其實是失望的, 又了凍豆漿的我們. 飲落去, 雪味重, 水味重, 豆味輕. 是一杯頗失敗的凍豆漿. 應該要熱的, 因為熱的是直接由廚房整出來, 而且用碗上. 感覺良好一點.米粉, 份量非常之大, 成個碗都係米粉. 不過素魚蛋就好似少左d. 味道方面其實可以. 普通的清淡湯河. 加上淡淡味的素魚蛋, 而且米粉煮得剛好有韌度. 不是一夾散的東東. 非常美味不算

考試前夕,幾乎都不想外出但總不能廢寢忘餐男友亦很窩心地來到荃灣陪我吃晚飯一直有留意素食新一代,這晚來到二話不說就坐下我點了晚餐,只選了兩款菜,店員很貼心地提醒我說可以選更多男友點了菜遠牛肉飯,另一店員亦有提醒說這個飯比較單調後來我這眼闊肚窄的人又加了一碟酸齋拚齋鴨腎晚餐 : 我選了芙蓉煎蛋和節瓜粉絲,套餐還配一碗白飯和一碗冬瓜湯。芙蓉煎蛋完全不油膩,但略嫌太乾身。節瓜粉絲大部分都是節瓜,粉絲寥寥可數,而且粉絲煮得太腍,口感欠奉,但勝在不咸,健康之選。冬瓜湯正常水準,冬瓜不少。菜遠牛肉飯 : 吃了男友一件牛肉,口感不錯,味道不俗,而且還真的有幾分像真的牛肉齋鹵味 : 酸齋略嫌不夠酸,但我是個超愛酸味的人,所以可能是我問題。齋鴨腎不錯,但我這個不細心的人這時才知道男友是不吃齋鴨腎的,結果要我獨自把它吃完,很濟...整頓飯給我的感覺就是很溫馨,很家的感覺。吃得飽飽後,又要「上路」了

吃素比吃肉容易消化， 所以飯後比較容易覺得餓...因此一般素食店就好醒咁重手D落油炒餸，素食新一代就犯了該毛病；我們選的豆腐油鎚煲和担担麵明顯是油太多和芶芡太濃稠，兩味餸亦芶了相同的鼓油芡汁，不過吃不出有味精。另外，該店的無味精靚湯和聽說是自家製的淡豆漿挽回不少分數。筆者有打包的習慣，問老闆拿一個發泡膠盒，老闆亦大方免費提供，是良心小店。 （＾ω＾）★

前日同左同事去左呢間店到食晏,叫左碟羅漢齋炒麵,d羅漢齋好清甜,d麵炒得好脆,而且冇乜油,味而且好足料,而且送豆漿,整體上係ok的,而且都幾抵食,抵食之處仲有小店o既人情味,依家真係好少ga啦.

今日係舊歷七月初一,我同2個朋友黎呢度食左餐齋飯~我地黎左好幾次喇~今次食左3款:火腩油搥豆腐煲 - 我地都好鐘意食呢個,不過呢味菜係油d既,因為d油搥(其實係炸左既東菇)既關係清抄雜菜 - 夠清又唔會冇味豉汁排骨麵 - 乾麵黎既,可以改轉濕抄架,不過今次5記得叫佢濕抄~不過d排骨真係好好味!雖然d名都係肉類名但佢地全都係齋啦~聽講多數係用豆類製品,東菇等加d調味料製成既~我好鐘意黎呢度食餐便飯架~份量又足又好好味,價錢都唔貴~抵呀!可惜地方細啦,希望佢有得擴建~

　　素食新一代，一間位於荃灣十多年的素食店，還記得小時候跟隨媽媽到荃灣的佛堂前，總會在這個只能容納十多人的家庭式食店先享用晚餐；近年，由於已經很小去佛堂的關係，亦很少到荃灣作客，所以也有兩年左右沒有灰此用過餐，今天到來作客，也許是一個懷念，也許是一個緣份。步入食店，周遭的裝修，擺設，以致餐牌的款式，也如十年前的相同，一份童年的感覺湧出心頭。　　這裡的晚餐套飯，由以往只有四款增加多一款，我敢說，吃過多間素食店，這一間的套飯，是最足料，最多"食送"的。不過，今晚的選擇不太合適，所以與家人選擇了三人套餐。同時，點了在兩三年前曾經在這裡吃過的担担麵，那份味道，記憶猶新。三人餐的內容如下：餐前飲品及湯soup of the day 木瓜湯：沒有味精的靚湯，能夠吃出一番清甜的木瓜味道。豆漿：據說是新一代自製的，味道不錯，不太甜。主菜豆腐油鎚煲：豆腐很多，素油鎚是由冬姑加上炸粉走油而成的。非常抵食，唯獨是油太過多。粟米漢堡扒：粟米汁配白飯，絕配之選；素扒用上素黃金扒，味道不會太鹹，又不會太油，非常好。金姑西蘭花：西蘭花炒得很好，而且亦很靚，非常好！新一代素食還送上素翅及糖水（蕃薯糖水），兩款食品都

星期六的下午，我同男朋友一起去荃灣行街，我鍾意食齋，於是選了荃灣這家素食小店。下午兩點半來到，食客都幾多。這一日套餐的菜單為：1. 薑蓉炒菜心 2. 蕃茄素肉排 3. 免治牛肉薯仔 4. 枝竹炆蘿蔔 5. 芙蓉煎蛋湯：木瓜湯 我地點左一個套餐 << 點左薑蓉炒菜心. 蕃茄素肉排. 枝竹炆蘿蔔. 芙蓉煎蛋>>仲有一個白飯同一個湯都係 $26...食唔夠, 仲可以添飯同湯嫁...另外仲點左一個小菜 < 豉汁鰻魚 > $40....食完, 我仲添左一碗湯, 仲問佢可唔可以比多d湯渣, 跟住佢真係比左成湯碗湯渣我..... 薑蓉炒菜心 : 炒得好好, 冇渣, 又唔油 蕃茄素肉排: 蕃茄好好味, 素肉排好似扎肉, 食落似雞肉..chopstick: 枝竹炆蘿蔔 : 好入味, 不過唔夠淋... 芙蓉煎蛋 : 唔係整定, 熱辣辣同有蛋汁, 唔錯.... 豉汁鰻魚 : 好大碟, 幾好食, 但我自己鍾意淡味D, 但我男朋友就好LIKE ...仲有D大白菜墊底,GOOD......食到嘔, 都係$66..

同fd行開荃灣, 見到呢間舖仔, 一直都唔多起眼, 感覺野食麻麻不過, 有一次因為太餓, 同埋想省錢, 就決定試一試佢個tea佢有4個set 可選擇, 我個fd 選擇食點心+素翅, 我則食雲吞麵+湯點心 - 炸雲吞味道ok, 煎蘿蔔糕則有點油素翅 - 味道不錯, 淸淸淡淡的, 又唔會太"結"湯 - 好有家庭feel 的湯, 是我覺得最好的食物麵 - 出奇的大碗, 麵煑得不淋不硬, 雲吞是菜+菇, 皮又唔會太厚......湯底又淸, 合我口味d食物overall 好家庭feel, 同味道遠比舖頭裝潢感覺得好

星期二的晚上，姐姐要出席宴會，不能陪伴哥哥，於是哥哥要獨個兒找東西吃......選了荃灣這家素食小店。晚上六點半來到，食客不多，包括我在內只有四位。這一晚套餐的菜單為：1. 三絲炒芽菜2. 茄子豆腐3. 免治肉薯仔4. 枝竹冬瓜油5. 芙蓉煎蛋湯：番茄南瓜湯其實今次不是第一次光顧，但總是記不起最多可選多少款，菜牌說兩款、老闆娘說三款，那我就選了1、3、4。但後來有食客選了四款，還將例湯改了豆漿，看這裡的食評甚至還有食客曾點了全部五款......下次大家光顧吃套餐的話要知道怎樣選啊=P菜的味道較清淡，不濃味亦不油膩，就像吃家常一樣。例湯用料足，除了番茄和南瓜外，還有黃豆和紅蘿蔔，個人認為番茄味太重，蓋過了南瓜的味道，整碗湯的酸味過了頭。吃了一碗飯和添了一栗米粥，栗米粥有焦味，而且還有黑色一顆顆的，應該是煮糊了。

午餐$26,晚餐$27,有5款餸可選,你可以要哂又得,要一兩樣又得, 飯同粥任食,可要湯或豆漿, 又無加一,幾好呀! 但地方略嫌細了一點, 所以人多的時候要食得快d!齋鹵味都做得好,尤其是齋雞粒,脆脆哋,好正,細盒$10,大盒$20,點心$3有交易:蘿蔔糕,乾/濕腐皮卷,炸雲吞,咸水角等等,不過就凍咗d,家族經營小本生意,一家人都好齊心,而且都好nice,好老實

話過要食哂荃豐中心至荃昌中心2/F o個一層的所有食店ga la, 依家距離目標漸近, 今次連平時唔會有興趣的素食都食埋la.只可以說有時未試過的永遠不能知道它的好金牌炒飯: 好少有的炒飯會係咁少油ga, 連減肥的我吃下都唔會有罪惡感, 飯粒分明, 不油不膩, 用料豐富, 有蛋, 菜絲, 冬菇粒, 素肉同素魚蛋. 素肉的味道不俗ar, 我重來食素肉都唔會期望仿真度高的, 要咁高不如真係食肉, 就係素肉先會比到我唔同的味蕾感受. 全個飯味道淡淡的, 不錯lei~~~什錦炒年糕: Wow 我真係影得好吸引ar~~~ 年糕從來都係我的至愛, 愛它那"煙un"的口感, 可以放在咀裡細嚼, 這裡的年糕軟硬度剛好ar, 只係唔係太入味la, 但口感搭救, hehe~~~ 又係好足料, 有白菜, 草菇, 紅蘿蔔......送熱豆漿, 真係自己磨ga, 有豆味的, 超滿足; 木瓜湯媽咪係超讚, 但我冇飲.同埋依一間真係温情小店, 老闆同伙計都好好人ga~~~~~~~先係推介食物, 然後我地要o左兩個都係豆漿, 佢就送埋湯比我地話真係好好飲ga, 試o下la. 之後外賣又主動提議要上海粗麵, 唔係返到

我有時都會去食套飯, 午餐$24，晚餐$26，有兩碟(食送)、湯同飯或粟米粥, 老闆娘好好人, 俾好大碟(食送), 仲飯粥湯任添!食物好好味! 雖然我不太喜歡'扮肉'的素食, 但此店會將'假肉'煮到令我都唔抗拒, 可能係因為廚師非常用心煮食吧!心水推介: 粟米班塊, 雲吞, 蕃茄煮任何食物,豆漿

辣椒女要到荃灣拿衣服，見近近，便再到這裏食；這裏地方都幾細，但價錢很平，所以都幾多fans來開飯。上次叫了個人套餐，菜比較凍，所以今次叫小菜試試。我們叫了黑椒漢堡扒和金菇牛肉粉絲煲。黑椒漢堡扒- 外形就唔多似，但口感都有點像，加上黑椒汁，都算幾開胃。金菇牛肉粉絲煲- 金菇幾新鮮，牛肉都幾似樣，可惜味道唔多似，而且個獻太傑，味道太濃，都算幾差。未食完已經看到有人客在門外等位，而且大部份都係熟客，小小的店真係不可少看。

辣椒女有事要到荃灣一行，晚飯當然就決定在荃灣食啦！今晚想清清，所以選擇了這間清淡的素食店，原本想叫套餐，但辣椒女就話想試晚餐，所以便叫了兩個晚餐，食物有四種選擇，可以選兩種，包括有(1)炒菜心、(2)百花釀青椒、(3)冬瓜支竹、(4)椰菜花腰花，及金銀菜湯。我就選了3和4，她就選了2和3。百花釀青椒- 百花煎完很有口感，青椒很爽口。冬瓜支竹- 冬瓜煮得唔會好腍，醬汁味道煮得幾香濃，支竹就幾腍，也很入味。椰菜花腰花- 椰菜花很有口感，味道比較淡口。金銀菜湯- 飲得出清甜的菜味，但淡口；想清清腸胃最好。相信食物一早已煮起很多，當你決定好叫那一種時，就拿給客人；也因為這樣，食物來到時，已經唔多夠熱(暖暖)，食多一陣已經完全變凍了，這是我最不喜歡的。所以食了差不多一半時，便沒有再食了。如食物可以再煮熱一點才拿給客人，相信會好一點！