聰嫂‧原素 (Moved) New Location

認識聰嫂的大名，都是因為她的甜品賣到街知巷聞，但最近她竟然轉型開素食店，原來聰嫂茹素了已經廿多年，之前都一直想開間素食店，只不過甜品店生意太忙，直到最近找到人幫忙打理甜品店，現在才可以抽身做素食。.餐廳走親民路線，小菜平均幾十蚊一碟，餐廳的煮法忠於食材原味本質，變相減去各種人工化味道，令追求健康的大家外出食飯又多個選擇。.椒鹽脆茄子 $61第一次食茄子有與別不同嘅口感，外脆內軟，炸到金黃後沈上椒鹽 鹹鹹地好香口.椒鹽素鮮魷 $63菇、豆類仿制，造型花過心思，有介花，口感十足真嘅，仲好Q彈，有d似魚蛋；無魷魚鮮味，但有菇香.蕃茄芝士素豬扒焗飯 $50炒飯底蛋香，濕潤，茄味鮮，見到大粒鮮茄，芝士味濃仲拉到絲，素豬扒係炸過嘅麵筋，造型好似，口感厚實實在，有陣豆香，比平日食真豬扒少左種飽滯.芝士芥末素吉列豬扒漢堡配薯條 $45最特別中間用自調嘅芥末沙律醬，第一口有點小攻鼻，跟住散發出奶香，香滑，夾埋芝士同脆口素豬唔乾.有d菜係menu無 神秘menu 聰嫂個仔構思,佢會推界客人都可以問下 （遲d有機會加入menu)黑松露九層塔雜菌百合豆腐紅黃椒素肉片煲 $68黑松露味超濃，同菇菌特別夾，落左金

食過兩次，都覺得聰嫂原嫂好值得再黎😎😎店員親切有禮，即使好忙都絕無黑面，仲會耐心介紹同推介添！👍🏻👍🏻👍🏻燉湯無得輸、而且時不時換，跟返季節調整，十足日本人既「不時不食」😄而且好多湯料，味道好濃，但又唔咸。菇味好出色👏🏻👏🏻👏🏻食物足料、味道剛好，素食好多時都好重口味，或者用好多色素扮肉食，但聰嫂原素唔係呢個路線，係將蔬菜既原汁原味發揮到極致😌😊😋好質「素」！💕💕繼續加油！

素鹹魚素肉茄子煲 HKD 60非常推薦的一味菜式。當上菜時，已經聞到一陣魚香茄子味。唔但止聞落似，連食落既味道都非常似。不過依道菜味道較咸，所以適合配白飯一齊食。鬆化芋頭魚 HKD 45依家出面都好少見到依道菜。依到既炸得好香脆，亦有香濃既芋頭味。而且食落唔會太油膩。黑松露醬野菌炒飯 HKD55上菜時，已經聞到濃濃既黑松露醬味道。飯炒得非常乾身，粒粒分明。再加上飯入面有唔同既蔬菜粒，食落爽口。整體：非常推薦的一間素食餐廳，因為價錢合理，而且食物質素良好。唯一扣分的地方，就是餐廳內的餐具及餐桌比較有油。

一講起食齋我就不其然打個冷震，好怕食果啲油淋淋既傳統齋。但朋友極力推薦呢度，夠平民又好食，咁都抱住試一試既心態黎啦。一行五位，book左都要等，係好熱鬧既！環境完全冇特別啦，茶餐廳格局。望一望餐牌，揀左五個餸。（唔係好記得菜名，請見諒）1. 蔥油炒飯乾身，唔油膩，蔥油好香2. 茄子粉絲煲粉絲又係好乾身，茄子入味3. 咕嚕肉一般用猴頭菇扮肉，還好4. 椒鹽茄子呢個係認真讚，茄子去左皮已經有誠意，仲要粉漿夠薄夠脆，冇諗過茄子可以有呢個效果5. 虎皮尖椒炒雜菌呢個係全晚highlight！個菇係好脆，睇得出係經過烘乾再炸，好出色！尖椒就一貫辣！

🍳煎雙蛋素叉燒飯（$45)下午茶時間黎到聰嫂喺北角呢間素食店度食嘢，不過踩過界嘅同時，我就覺得素食店冇糖水舖做得咁好，佢好似淨係冇肉食，但係唔見得食物做得好食，亦唔覺得食物做得健康左。。呢個叉燒煎雙蛋碟頭飯，雙蛋煎得好鬼差，好老，完全無蛋汁流心效果😶 食煎蛋嘅精髓完全冇咗都已經有少少失望。而個齋叉燒好明顯係炸咗嘅麵筋，味道就冇乜叉燒味，只係勝在都幾香口，但係油淋淋。普普通通嘅一餐，唔洗專登黎食。

健康晚餐在北角少油少鹽好味道！小店只有十張桌！家庭式素菜！兩人叫左兩位燉湯一個雪裡紅炒四季豆一個素鮮魷煲一碟羅漢齊炒麵total $275 小店來說都算價錢合理！發現原來聰哥聰嫂有好多素友！支持人情味小店！like it!

作為素食者，已經來吃了數次，一個人午餐要快算是不錯的選擇，推介午餐的焗豬扒飯，白汁意粉也有意外驚喜。價錢也不算貴。但服務一直覺得不太好，連一張紙巾也欠奉，當茶記也無所謂了 ...另一奇怪的地方就是餐具放在櫃筒裏但拉開的方向經常是在其中一人坐的那邊！（咁搭檯的時候還要讓他人拿餐具...)今日4 點左右一個人來到，客人也不多，叫了個楊州炒飯連凍檸茶，差不多食完的時候（是差不多而已！），只不過喝了一口檸茶，一名侍應姐姐竟然突然過來把碟收了！！！我都反應唔切....  我唯有俾錢時同另一個人講...經過今次..打算blacklist 了

港式素食：例湯、𧐢餅好味；咖哩煲太咸。服務質素參差：有職員熱情推薦食品，並了解喜好及按人數計劃餐單；但差不多食完，有朋友仲夾緊嘢食時，店員已經收左其他朋友的碗筷；大家仲飲緊嘢時，店員已多次行過移動帳單提示埋單，最後更說「多謝xxx錢，請過去俾錢。」。當時店內仍有幾張空枱，以及無乜人等位，點解要咁趕呢？

好多人聽到個'素'字可能就已經驚左，不過呢間餐廳既野食唔係真係純素，見到啲相有雞蛋同埋芝士都知。所以大家想試下食素但又唔想一下子轉曬平時既口味都可以黎呢度試下。因為之前已經食過芝士焗豬扒飯，所以今次就試咖喱牛腩飯（唔記得咗影相所以有啲咖喱漬係啲飯上面）。 咖喱牛腩飯個咖喱都幾好食，係偏辣嘅甜咖喱唔係日式甜咖喱，我諗都幾啱港人口味。我覺得佢呢個飯嘅靈魂都係喺個咖喱上面。d素肉嘅口感都幾似真嘅肉嘅，但係味道我會覺得似豬肉多過牛腩（同埋食得出除咗形狀同冇面果層麵包糠之外個素肉其實都係焗豬扒飯嘅肉嚟嘅。講到個芝士焗豬扒飯，就係個肉味係似豬肉嘅，但口感就唔太似啦，比較薄同冇真豬排咁結實。不過做到咁樣已經好好。佢芝士係落重本，拉絲係絕對冇問題，其實唔係拉絲咁簡單，係成抽芝士。而且芝士嘅口感係煙韌。芝士係肉入，唔係講緊表面果d。除咗個河粉同事表示不予置評之外，另外一個炒烏冬同埋咖喱蛋飯都屬好評。

辟谷期间，请朋友吃聪嫂素食，他们真好，我不吃东西，占一个座位还让我陪着朋友们吃饭，帮她们点好了，然后看她们开心吃饭，好开心！萨迦月每天吃素功德无量!南无观世音菩萨!

隊長有食過聰嫂甜品，我覺得都幾足料，聽聞聰嫂係茹素（我唔太肯定，如有誤導，勿插！），所以開左一間素食餐廳。收工要去炮台山買野，果頭都無咩食，沿路行左落北角，哦！原來聰嫂間素食餐廳係北角的，一於試下啦！晚市就得番小菜同炒粉麵，小菜其實都唔算平，平均都60幾蚊一個，加白飯仲要加$10，不過都試下啦，因為見隔離檯都幾大碟，我一個人吃的話，豆腐菜式可能會無甘滯，食得晒，於是叫左個沙拉脆豆腐，果然真係幾大碟，但個樣都幾靚，淋面的千島醬有撈過的，加左甜味無甘酸，不過就杰身左d，有點「漏」，至於個豆腐，好似漿粉多左，果層炸粉好厚，有點油膩，但豆腐就keep到滑溜，如果唔甘厚粉會好好多。佢小菜份量都好夠，同甜品一樣，不過如果素食呢邊都有埋甜品就perfect，因為食完雖然好飽，但甜品果個胃又好想啟動，想食埋聰嫂甜品，最近都要去番銅鑼灣，除非真係好想食啦，否則都唔會甘樣周圍去。

有時食得肉多都想食下素，我對素食都有興趣，基本上無咩野係吾食尼間又係叫聰嫂原來係同品牌內在裝修同聰嫂甜品差不多，也是簡樸格調。午餐時間食仲包埋熱飲☕️價錢也是大概$40至$60左右同平日茶記相約吧而且茶式都差吾多啊叫左個《番茄芝士焗素豬扒飯》$48因為豬扒要焗要耐心等等雖然話要20分鐘，但又比預期快焗完出來賣相一流仲似平時食開既焗豬啊仲要係炒飯底同埋芝士好多，岩晒我最不同既地方係佢兩塊素豬扒係炸的，雖然味道吾太似豬扒都好食既另外叫左個《窩蛋免治素牛肉飯》$42外貌其實都似但就多左菜，肉醬也似模似樣但味道就差太遠，麻麻地不過都幾健康清淡素食閒時食下也不錯的岩晒吾想食肉又想有茶記風味既你

南乳粗齋係我嘅最愛 。一般食肆的南乳齎不是太油，便是太鹹。又或者欠南乳香味。聽聞這間素食店的南乳齋不錯。 今日肚餓，便來試試。這裏的南乳齋煲材料很足，份量也不少。材料有不同的菇(例如冬菇、草菇、麼菇、秀珍菇等)、雪耳、雲耳、 粟米仔 、白菜仔、豆卜和粉絲。放在面前的時候已聞到很香的南乳味， 把一片菇往咀裏送。好熱！又很香~😅 味道剛好, 不會太鹹。 口腔滿是南乳香~ 唯一油可以少一點就好了~另一出名的是椒鹽魷魚。相信是由雞髀菇做的。外面有薄薄的粉漿加上椒鹽和胡椒粉。吃上去小小辣頗香口，亦無油淋淋。只是個人喜歡真魷魚多點。 點小菜奉送餐湯或飲品 (凍飲加兩蚊)。除小菜外，還有早餐、午餐和下午茶的選擇。素食的地方有即磨咖啡和港式奶茶提供，確實享受~地方不算大，但勝在簡潔乾淨 。價錢相宜，食物品質也好。

突然想食得清淡啲就諗起呢間聰嫂原素，自從上次食過素魷魚之後一直都念念不忘💛今次都叫咗沙爹芥蘭炒素魷魚，沙爹好濃味，素魷魚夠彈牙! 每次都諗究竟素魷魚係用咩做嘅呢.... 本來打算叫津白粉絲素爆醬丸煲，可惜已經售罄。唯有轉做沙爹粉絲金菇炒翠玉瓜，啲翠玉瓜竟然冇乜草青味，令本來唔太鍾意食嘅我都夾多兩下。小菜套餐淨係包例湯或飲品，白飯要另加$10。

很欣賞用天然食材作材料，價錢非常合理。most of the dishes are yum yum nice plc for meal among 3-4 people small restaurant which is always full of customers