心裡有素 (Closed)

今日食素食自助餐🍠🥬下午茶2點3開始，60分鐘，$68一位😗.炸物：炸杏鮑菇不錯🍄酥脆香口，咕嚕”肉”係合桃嚟，酸酸甜甜好得意前菜：滷豆腐幾滑，涼拌蓮藕/涼皮唔會好辣又惹味蛋：當日有茶葉蛋同黑松露蒸蛋🥚本人不嬲都大愛茶葉蛋，平時又無乜地方有得賣澱粉類：有蕃薯，粟米，粥，炒麵，一定食得飽，我最鐘意食伊麵🍠🌽蔬菜：有好多唔同嘅菜菜，包括白菜仔，菜心，椰菜花等等，感到健康，我最鐘意食苦瓜🥦甜品：除咗生果，仲有蛋卷，椰汁糕同蛋糕仔🍎🍊飲品：熱飲有陳皮茶，化痰止咳，凍飲有充滿維他命C嘅菠蘿特飲🍍

成日都同大家食肉今次決定帶大家黎食素仲要係不含五辛佢地係一間有愛心既素食已經派左12000個飯盒不過有啲可惜既係佢地做到今個月月底就唔做啦希望大家可以係4月底前支持下佢地佢地啲素食幾好食架我幾鐘意佢地既炸菇同茄子涼拌粉皮黑松露三色蒸水蛋有十五年陳皮薑茶菇湯甜品有驚喜蛋菜糕+椰汁糕 滑捋捋 正😋😋最正係有貓山王榴蓮雪糕食超級推推推另外如果做左會員仲有醇糖燉奶同焦糖布甸#foodie_aki #yum_yum

今晚準時6點到達，只得三枱客人仲有幾張吉枱但員工叫我地兩人同其他人搭枱，首先一開始冇講要搭枱，收晒錢先講，因為同行者唔想搭枱，員工話地方細要搭枱，而我地唔想搭枱既原因就係因為枱細，同陌生人坐咁近一齊食真係覺得咁樣係好咩？有冇諗過另外被搭枱既客人既感受？佢地都唔想我地搭落黎，然後要求退錢離開，員工再三拒絕話出左單退唔到，唔係每個客都鐘意搭枱，係收錢前講明比客知，客人覺得ok先比錢咁樣會好好多，地方細係土地問題，你地同我地都改變唔到，但可以改變既係處理手法星期六晚市$150算中等價位，但食物質素真係唔配$150，同款蔬菜做三款餸欠缺新意（舉例我食果晚係炸茄子，炒茄子，茄子煲仔飯…），伊麵又痴埋一大舊令客人難夾導致夾到碎晒，其他餸既賣相都唔好..睇番openrice d comment..原來d野食十年如一日都係一樣…食左半個鐘已經走左..4月尾結業唔係冇原因都唔知百幾個好評係點黎…

今日媽咪話想食清淡少少，於是提出食素食，見到廣華街附近呢間素食自助餐好似幾抵食，所以一試。風格比較平民，同埋真係自助式，自助區嘅範圍唔算大，不過對於我哋來講嘢食都足夠，選擇幾多，有蔬菜類、湯、沙律、炸物、炒粉炒麵、同埋幾款蛋。冷盤方面有蒟蒻麵、涼拌粉皮，口感都好好，食完會想再食。基本上大部份嘅食物自己都有試，全部嘅味道都好好，蔬菜類，例如西蘭花椰菜花，萵筍都係好爽脆，唔會煮到林晒，同埋每一款嘅味道都唔同，調味料唔會一式一樣。另外佢嘅炒飯同埋炒麵都好好味，仲有一款係乾炒伊麵，好入味，而且會煮到好濕，炒飯亦都係，好足料。值得一讚係佢嘅茶葉蛋真係做得非常出色，比坊間食開好多都更加入味！另外佢仲有一款蒸蛋，口感好滑，好有蛋香！ 佢哋refill嘅速度都好快，另外唔會重複出同一堆嘅食物，有時都會有新嘅食物放出黎，整體都抵食！

論自助餐，算是品種較少，而疫情影響后已剩餘少數的提供素食自助餐店之一；論素食算不錯！論質素，甜品只有兩款，無素點心，飲品無味。論員工，有一員工在未開市前就不停講話，不緊要，問題是不應對著食品同人講話而不戴口罩，不衛生囉！

下午茶時段收我68蚊，居然連普通茶都無！全場得滾水和陳皮茶，凍飲果兩格本來已經見底，食到一半至有一格加番…就算係下午茶都唔好求其到連野飲都唔多款吖…所有野食都係得食淨少少果款，連後來嚟嘅客都嘈話無野食，廚房至去炒多個豆角之類出嚟，但已經唔關我事啦！因為我已經食咗半個鐘(佢限時60分鐘)打開第一個盒菜心面果幾條菜都已經係黃晒嘅，好評都係打手嚟架嗎？！食物質素好求其，食完即係口渴，味精太多啦！廚房師傅落味精太重手絕對無下次！

以前都遇過態度差的素食餐廳店員，但差到要我第一次寫食評非這間不可。當日下午去買外賣，比完錢後等左五分鐘都無人比個盒我，收錢個位亞姐就掛住講電話，係個玻璃後兩位亞姐就掛住傾計，要我問的時候，傾緊計其中一位亞姐就比個盒我去夾，選擇巳經唔多，唯有夾少少麵，菜，見有蛋就夾左兩隻，跟住收錢個個亞姐見到我夾左兩隻蛋，她就好大聲閙我夾兩隻蛋，我話你地都冇寫明唔可以夾多過一隻，跟住佢又話我，係我地幫你夾，唔係你自己夾，我咪話是你另一個同事比個盒，唔係我自己去攞，佢跟住還要繼續閙我，下次唔好夾兩隻蛋。第一，要限制外賣每人夾一隻蛋，點解唔寫明？第二，間間自助素食店外賣都是自己夾食物，點解衹有呢間咁特別？如是店員夾食物，她們就唔好掛住傾計。食物選擇又少，又凍，又要座到密麻麻，員工態度又差，真的不用錢都不會再去。

一入去就先比錢後入座，現金/八達通。地方極度淺窄，全場都係要搭枱，冇諗過呢到係咁茶記feel😳攞野食嘅位唔多，食第一轉嗰陣係有啲失望，因為覺得款式好少☹️ 但係突然見隔離位拎左啲我冇見過嘅野，原來係refill頭先冇嘅野。食食下有個阿姐周圍派新鮮出爐嘅咕嚕核桃，都幾搞笑🤣攞野食嘅位睇落係好少，但係原來係會轉唔同款，所以其實都好多野食🥰佢個粟米粥唔同粥舖嗰啲咁味精，係無添加嘅家的味道，我以前屋企煲都係呢個味，懷念懷念🥲$88咁多野食絕對抵食啦，喺旺角搵食閒閒地都要呢個價! 老闆同職員都好有人情味好親切，感覺到食客們嘅歡樂😊

平時食咁多肉，係時候要食返啲菜平衡下😆😆今次同朋友黎到呢間素食自助餐，餐廳價錢親民～整體質素唔錯，值得回訪🙌🏻🙌🏻🥬午市自助餐 $88/位✨-食物選擇多，可以任食超過40款小炒、涼拌、炸物、蒸物等～好多野食🤩🤩首先試下佢地既冷盤，包括有麻辣涼皮、冷麵、滷水豆腐、海帶等～麻辣涼皮口感煙韌，食完好開胃😋😋炸物就有炸南瓜、炸蕃薯、炸菇等，全部炸得香脆🔥～好好味！！之後就到熱食啦～包括西蘭花、蓮藕、茄子、苦瓜、薯仔、蕃茄炒蛋、豆角、生菜等！！餐廳會用電鍋裝住熱盤，可以keep住暖笠笠♨️♨️主食就有炒飯同炒麵，另外仲有幾款素湯🥣～味道都唔錯🤤🤤飲品方面，有羅漢果紅棗茶、黑桑葚山楂茶同鮮菠蘿蜜糖特飲🍹～估唔到仲有15年陳皮薑茶！全部真材實料，健康又美味👍🏻👍🏻

素食自助餐環境雖小，但食物品質好，老闆好好客， 會每枱都會喧寒下睇睇周圍有咩食先凍盤，有鹵水豆腐，青瓜等。 麻辣薯粉有驚喜，夠辣夠麻又煙韌。炸物，天婦羅茄子，炸到外脆內軟小菜類，有雜菌炒菜，西蘭花紅蘿蔔，炒豆芽，薯仔粒，魚香茄子等。乾扁四季豆好惹味， 蓮藕炒雜菜，蓮藕夠爽夠清甜。其他素食，仲有茶葉蛋，炒花生苗，凍桂花蕃茄。 茶葉蛋好入味，忍唔住食完再食。另外有一部分，餐廳職員會送上枱例如係煲仔飯， 桂花年糕， 芋頭西米露。反式沙芋剛炸好便送上枱，夠熱，外皮夠脆夠甜。老闆話每晚九點過後，淨低的食物會捐出去做善事，已經捐咗一萬多盒飯盒了。

媽咪生日快樂Part two前排媽咪同我講想食餐齋，清下腸胃，最好有粟米粥，因為依個係佢後生嗰陣時食齋必食item。我知依家素食唔係齋滷味羅漢齋咁簡單，都可以食得好豐富，所以早前上網搵左一輪，見到「心裡有素」評語都Okay, 就用Openrice App訂枱食下午自助餐。選擇依間既原因係任食之餘，菜式唔會過於新派又有傳統款式，今次我同媽咪都食得好開心，而且有樂悠卡既長者再減$10，超抵食，推薦粟米粥，欖菜炒飯，黑松露炒伊面，炸秋葵/ 海鮮菇，涼拌粉皮、涼拌蓮藕青瓜，全部都好好味，好有住家感覺，我食左最少4轉😌想提提茶葉蛋竟然煲得好入味，蛋又唔會好老，媽咪都讚👍🏻 仲有新會陳皮茶，見佢咁多好處，我飲左4碗😅午市選擇唔會太多，但我覺得岩岩好；今次1點入黎，有啲菜式已經清得七七八八，所以一係早啲黎：11:30am左右，或者等2:15pm下午茶，食物種類會齊啲；而晚市仲會有雪糕🍦！我好想試下！

首先食物撰擇唔多，沙律bar 係得一種沙律菜，粟米粒仲係罐頭嗰種，番茄仔，唔知點解火龍果又放係一齊，熱食選擇都唔多，大約係10-15種，收費係hkd138.00 呢個價勁覺得中伏！😤尤其係員工推介既：竹笙羮，嘩，粉多到呢, 吃左兩啖真係吃唔落口，伏！🫣地方細之餘，台同台中間幾乎完全行唔到，但仲要求四人枱(搭台喔)，某個員工仲要求同台既要跟佢要求坐，但目測係當時唔係所有枱都有人，另外，食物味道偏濃味(味精感覺好強），素食我都食唔少，呢間真係差咯，

超高質素食自助餐🌱心裡有素(油麻地)@veggiemind.group🌱晚市素食自助餐🍽人均：$138 （長者$128，三歲以下小孩免費）🕰時間：19:00-20:30（自助限時90分鐘）推薦🥰素食自助餐聽落好特別，諗住食清清哋，但又唔想太悶，就心血來潮想帶媽媽去試吓素食自助餐😊90分鐘嘅任飲任食體驗，我同媽媽都非常滿意❤️雖然全部都係素食，仲要全店不含五辛，主打健康！但意外哋好食！極多素食款式選擇，食物不斷供應，一路食、一路有新款式上菜，勁高水準😋詳情食物可以睇圖，而咁多款熱食裡，我最愛類似天婦羅🍤嘅炸蕃薯、炸矮瓜、炸紅豆餅，甜炸芋頭🤤另外，炸薯仔🥔滑蛋🥚甜酸球都好好食，唔講真係唔覺得自己食緊全素🫢自助餐仲有皮蛋粟米粥、冬菇炆煲仔飯、炒麵等供應，澱粉類充足，唔會怕唔夠飽☺️☕️飲品都係任飲，我試過哂，全部都好好飲，包括熱辣辣陳皮茶、凍嘅就有鮮菠蘿蜜糖特飲+DHC維生素C、羅漢果紅棗茶、黑桑葚山楂茶🍹最最最驚喜嘅係——素食自助餐竟然有豐富嘅甜品供應‼️🍦牛乳同貓山王雪糕（有雪糕機即製，勁滑勁香‼️）💜凍芋頭西米露🥮山楂糕同黑芝麻糕🍪多款口味馬卡龍❤️❤️🍿仿爆谷嘅焦糖合桃❤️❤️‼️‼️食客加$20可做會員

平時食自助餐都會大魚大肉😂素食朋友又帶我食素今次佢話係自助餐 我都已經好期待 🫢好想知素食同普通自助餐有咩唔同.晚市成人每位$138食90分鐘✨有冷盤 前菜 炸物 熱食 炒飯 炒麵 粥 素湯 煲仔飯 健康飲品 糕點 雪糕 沙律 咁多款式令我驚嘆了😯冇諗過原來素食自助餐都可以咁多選擇既而且店員的服務好有熱誠會不停拎唔同既食物款式推介給你好多都係新鮮熱騰騰的 佢地都建議即食我呢d食肉瘦都接受到 所有食物都會係似似地肉味但又係素食 呢個感覺好奇妙~.見佢仲出埋打邊爐 下次又可以陪素食朋友黎再食過~.📍心裡有素📌油麻地廣華街38號地舖

有時初一十五我都會食素菜不過我嘅舌頭都總係有要求俾我發現到位於油麻地近旺角的新派素食店「 心裡有素 」標榜少糖少鹽食店全店不含五辛仲會推出高質性價比高素食自助餐享用時段包括有午餐、下午茶及晚餐價錢都只係介乎$58-$138/位成為VIP會員都只係$20/年仲可以獲取專屬優惠送原價$28/個的特色甜品30份實在太吸引了一入到去店員都好好人好Nice而且好多人好熱鬧有點擠擁不過勝在素菜款式多而且源源不絕地供應以下列這幾款令我記憶猶新溫泉蛋特別炮製嘅溫泉蛋有流心嘅口感而且擺盤都好靚一定要相機食先除此之外仲有滷水蛋任食沙律吧在餐廳最盡頭嘅位置有一個沙律吧可以隨意配搭自己喜歡的蔬菜沙律好似粟米、青瓜、蕃茄仔都係我最愛仲有千島醬拌埋蔬菜一齊食滷水豆腐估唔到每一件豆腐都滷得好入味重點係豆腐相當滑溜咕嚕肉酸酸美美嘅香味由店員親自招呼逐一夾上咬一啖原來裏面包着核桃仲有鮮甜多汁嘅菠蘿原來咁樣口味都幾match炸茄子不得不讚呢度嘅炸小食除咗有炸秋葵，炸魷魚鬚仲有我最鍾意嘅即叫即炸茄子咬一啖外脆內軟嘅口感食完一件又一件呢素翅好似碗仔翅嘅呢碗素翅味道又唔錯而且裏面好足料另外老火湯清清甜甜好醒胃對於食肉獸嘅我當然