心裡有素 (Closed)

素食自助餐環境雖小，但食物品質好，老闆好好客， 會每枱都會喧寒下睇睇周圍有咩食先凍盤，有鹵水豆腐，青瓜等。 麻辣薯粉有驚喜，夠辣夠麻又煙韌。炸物，天婦羅茄子，炸到外脆內軟小菜類，有雜菌炒菜，西蘭花紅蘿蔔，炒豆芽，薯仔粒，魚香茄子等。乾扁四季豆好惹味， 蓮藕炒雜菜，蓮藕夠爽夠清甜。其他素食，仲有茶葉蛋，炒花生苗，凍桂花蕃茄。 茶葉蛋好入味，忍唔住食完再食。另外有一部分，餐廳職員會送上枱例如係煲仔飯， 桂花年糕， 芋頭西米露。反式沙芋剛炸好便送上枱，夠熱，外皮夠脆夠甜。老闆話每晚九點過後，淨低的食物會捐出去做善事，已經捐咗一萬多盒飯盒了。