Venchi (又一城)

Open Now

Now Closed

Mini迷你裝Gelato(可選2種口味)HK $63Venchi 嘅雪糕向來都受歡迎，不過小編都係第一次試😜最近Venchi聯乘本地老字號公和荳品廠，推出咗香港限定嘅豆腐花意式雪糕！小編就試咗豆腐花同鐵觀音兩款口味。雪糕可以揀用杯或筒，每一球雪糕店員都會用嗰勺係咁攪伴啲雪糕，直到雪糕變到有拉絲嘅質地。豆腐花同鐵觀音兩款口味都好濃郁，豆腐花味好香荳味，鐵觀音濃味得嚟帶有小許回甘。食落質地綿滑，而且口感厚實👍🏻咁啱小編去嘅分店巧遇到 @siulungbao 嘅插畫Postcards ❤️ Venchi#missyan_雪糕#missyan_茶#missyan_甜品

Venchi 雪糕新口味公和豆腐花突然想食甜品，經過Venchi 門口，見到今期有新口味推出，係同本地品牌公和，推出豆腐花口味😍即刻好想試吓，雙球梗係配返冇得輸既開心果味啦😙 豆腐花味都偏甜，真係好似食緊公和咁🤪不過豆味唔算太濃，點都好，支持本地製作😋另外重點野要講多次😂開心果味真係好好食😚Nuts味好重，好香濃😛 張Post card 都好靚架😌

朱古力雪糕濃郁香滑,可以感受到濃郁朱古力味。而開心果雪糕則散發一股濃郁醇厚嘅開心果香氣,為整個雪糕帶來層次感。質地方面,兩種雪糕都十分綿密滑順,入口即融,令人回味無窮。配料亦相當新鮮可口,飽滿豐富。作為一個清涼消暑嘅甜品,呢款朱古力同開心果雪糕絕對令人一試難忘。

自從上次海港城Venchi食過純素黃金杏仁焦糖朱古力味之後念念不忘。 因為唔係常設囗味，每次行過venchi都會睇吓有冇。 今日又一城venchi有純素巧克力雪葩！試新野！ 當然無失望，話晒朱古力係佢本科😜 朱古力配橘子類最夾，所以選了柑橘雪葩配合 🤤好好味呀，識食一定係一啖有曬朱古力+柑橘🥰 喜歡venchi久唔久就有新口味，仲好照顧純素客人 🌱 不過今日買chcoclate bar嘅時候，只係得返一款純素🥹 希望 可以入返多啲純素朱古力啦🙏🏻🙏🏻🙏🏻🙏🏻

又到左夏天食雪糕既季節，今日經過我最愛既Gelato老店，所以就買左2球食😋🩵甜品：Mini迷你裝（2種口味）$59本身想+$15要手工果仁脆筒，但售貨員告知部機壞咗，唯有下次再試，Gelato我揀咗最新出嘅綜合莓果芝士蛋糕味&榛子雲石巧克力，莓果芝士蛋糕味好有特色，好似食緊cheese cake咁，榛子雲石巧克力就有d咬口，有小小似金莎😛🌟九龍塘分店係有得堂食㗎🍦

之前去rosewood 間venchi 雖然賣69蚊 但起馬有張櫈比你坐住食，員工好nice 唔會西面但呢間Venchi分店雪糕份量又小、員工唔好客明明只係街邊鋪，但賣成59蚊一啲service 都無離晒大譜。呢間咩垃圾公司黎咖？

本人係雪糕愛好者，入左雪糕群組，大家都介紹Venchi 雪糕出色。Hkd 69蚊 兩球，唔算大球，但食完足以滿足。今次選擇左開心果味 同 粟子味。開心果味好濃郁，但比想像中甜，食頭兩啖會好驚喜，但之後開始慢慢漏（本人飲台飲要3分甜，豆漿習慣無糖）粟子味就混雜左少少奶味，甜度竟然比開心果低，個人覺得係岩岩好👍🏾 唔係好多地方會出粟子味，之前試過H記粟子味只屬一般，但Venchi粟子味絕對會介紹比鐘意粟子既朋友🤤雪糕非常creamy軟滑，質地比較易溶，但係價錢上少貴～

雪糕仲比我發現咗有意大利雪糕就返唔到轉頭了，雖然價錢貴好多但係口感同埋味道真係冇得輸！呢一間嘅雪糕，最鍾意就係開心果味，開心果味十分濃，就好似食緊真嘅開心果咁樣😚😚而且雪糕嘅質地係好滑嘅配埋好濃嘅開心果味真係超級好的組合😋

呢一間嘅意大利雪糕開咗都幾多分店下，個人覺得每一間分店嘅味道都係差唔多 😂所以我每次都係食開心果味同埋榛子朱古力🍫榛子朱古力就好似食緊Nutella 個款醬，完全就係一模一樣！另外開心果就係好濃嘅開心果😌

Would like to indulge myself in venchi’s gelato world because their gelato is definitely one of the best in town! Tried their pistachio and 75% dark chocolate flavours for 120g, both of them are rich in flavour and smooth in texture. I love the crunchy texture of chocolate and nutty pistachio flavour.Remember to get buy one get one free voucher at Chope with designated credit card as it saves a lot!

到左又一城仔仔就想食雪糕，就咁啱經過Venchi，望落幾好就入去想一試，一入店諗住幾好，講真呢間野啲味真係好少，得個5種味道，就問左下介紹，結果係十問九唔答，態度仲要差到爆，最後仔仔就叫左幾個味道，除左coconut好味少少，士多啤梨同橘子味真係一啲都唔好食，相比其他雪糕店真係唔太好，整體黎講味道真係唔太好，絶對唔會食第2次。另外，有幾個人買完直接喺入面食完先出去，我買左2個cones準備企喺到食就話唔得，呢種店嘅服務態度真係唔建議買。

每次行大型shopping mall都會見到Venchi既影子😋，次次經過都會入去買番杯mini cup既 gelato 🍨黎食，平時食開75%特濃黑巧克力🍫(減50%糖分) ，貪佢既可可豆味勁香之餘😌仲唔會太甜😊，75%既特濃黑朱古力仲有少少回甘👍🏻🍨今次就想試下轉下新口味🙈，揀左💲55既 Mini size (2種𝑓𝑙𝑎𝑣𝑜𝑟𝑠) 一種揀左雲呢拿口味🍦，另一個揀左牛奶朱古力碎片🍼，唔好以為mini size就好細杯😂，店員次次都會將個杯D gelato "ut" 到勁實😳同堆到勁高身🥳，一個人食完成杯係已經會飽飽地架喇🤩。雲呢拿口味雖然見唔到有雲呢拿籽係 gelato入面，但都勁香香草味😋同口感非常之綿密，入口即溶完全唔會有沙冰口感🧊。🍼牛奶朱古力碎片雲呢拿口味既牛奶味勁濃🥹，比起雲呢拿口味既口感仲要再細再幼滑再綿密D🤤，入面仲有好多一塊塊細細片既牛奶朱古力碎片🍫，D朱古力碎片好有口感因為雪凍左佢係脆身既。

▪️ 皮埃蒙特榛子（7.5/10）+ 75%特濃黑巧克力 減50%糖分（7.5/10）+ 意式手工脆筒（7/10）💲59 Mini (2種口味) + 15其實本身想試呢間既純開心果味，不過依家好似得返開心果抹茶🥺見到皮埃蒙特榛子係新推出口味，可能純素同埋雪芭既關係，賣相有啲醜唔算好綿密，不過入口堅果味十足😳而75%既特濃黑巧克力，會比較有意式雪糕既黏感，減埋50%糖份，朱古力味果然超級濃，可惜自己一個食會有少少寡🫣加左個開心果朱古力筒，雖則有啲開心果碎，但味道唔重下次未必會加🤪另外頂頭嗰塊朱古力，係可以自己揀白或者黑朱古力架🍫🔎 整體評分（7.5/10）

嗰日經過朗豪坊底層 比佢個朱古力檣吸引左！估唔到venchi除左意大利雪糕好食 佢地嘅朱古力都超正！ 食過佢地嘅減糖同冇減糖朱古力 減左糖相對冇咁滑身🙈但食落唔甜 想食得健康啲 又想食朱古力 未嘗係一個好方法😎

最鍾意食雪糕🍦🍨𝐺𝑒𝑙𝑎𝑡𝑜 意式雪糕💓💓口感比較綿密 實在同黏牛奶同忌廉含量比美式雪糕低但含糖量較高 ꒰⌯͒•̩̩̩́ ᴗ •̩̩̩̀⌯͒꒱有得揀𝑐𝑜𝑛𝑒🍦或者杯裝🍨𝑀𝐼𝑁𝐼 𝑠𝑖𝑧𝑒 ➪ 2𝑓𝑙𝑎𝑣𝑜𝑟𝑠 - $55💚開心果味最鍾意食, 好香濃嘅開心果味開心果味好出, 有少少碎果仁口感唔錯, 好幼滑🥰甜到啱啱好🖤特濃黑朱古力味🍫75%超級濃郁好香可可豆味不會太甜苦濃的黑朱古力回甘嘅口感😎🧡血橙味帶少少酸, 橙味清新🍊無藥水味💊甜度啱啱好😆📍 𝐕𝐞𝐧𝐜𝐡𝐢 (九龍塘）🐰: 3.8/5