百好名宴

Open Now

Now Closed

新年初三有開嘅酒樓，我同屋企人諗住趁早飲早茶。酒樓可能因為新年，人不算很多，不用等位。但d姐姐一見你揾野就以為你派利是🧧，唔係好搞得掂🙈。欣賞佢嘅係佢果張點心紙，好有心思。每道菜式都寫有關於新年嘅好意頭，例如發財燒賣黃、包你發財系列。抱著拿個好意頭嘅心願，也點了相關的點心。🥟🥟🍜食物上枱温的，普普通通。味道一般。茶也是還好。位比較多，可選位來坐。最後點了8樣野，埋數$499。新年來講差不多。

噚日（19-1-2025 Sun）亞叔出殯，完成後食解穢酒，堂妹佢哋訂咗舊年我爸爸嘅解穢酒嘅呢間（食評係20242024年1月14日刊登嘅呢篇：https://www.openrice.com/zh/hongkong/review/blue-%E9%A0%90%E5%85%88%E6%95%B4%E5%AE%9A%E5%98%85%E8%A7%A3%E7%A9%A2%E9%85%92-e5239749），又要舊地重臨。我哋全部坐低後，菜色自動送上，同我爸嗰餐嘅都一樣，係個羹唔同，唔記得好似係魚肚羹，味道唔太鹹。而其他嘅都差唔多，不過今次燒腩仔好咗，皮脆唔係硬。炒飯就有啲乾得滯。今次食評慳水慳力，而我又冇影相。環境：俾咗一間房，梗係闊落，但靠窗嗰邊冷氣唔夠，叫咗開大啲都冇分別。4.5分

荃灣算係多野揀多野食既地區之一, 因為今次有一班人食飯關係, 所以就想揀酒樓食啦最後係揀左呢間試下, 叫左個餐, 不過整體黎講係失望... 之前先叫左個拼盤食, 之後個餐都有個拼盤, 份量係ok, 不過燒鵝肥到係無肉食到落口...我都明白燒鵝係比較肥, 但成個拼盤都無舊正常d既肉食落口....蒸魚ok, 肉質一般啦, 食落去又未算好滑既口感, 條魚都算係正常尺寸龍蝦伊麵(ok)伊麵份量係正常, 龍蝦算係有肉可以食下既. 肉質正常, 爽口又未至於既地步.炒飯(ok)服務方面, 上菜要揀位置上, 有專登拉開左個吉位, 都係要係人與人之間上...另外, 個碟可能比較大, 上菜阿姐放個碟上張台個時, 掃左幾舊拼盤既叉燒落台布... 上完就走左... 呢個有D嬲...而且呢間冷氣唔夠, 食到出汗... 本身間酒樓都唔多人食,坐左一半範圍而已, 不過冷氣都係唔夠...>>>總結<<<食完一次已經唔想再下次. 價錢又唔算好抵, 當然對質素要求高D, 不過唔達標...

大家好！今日我要講下📢📢荃灣百好名宴。嗰度真係非常離譜！九人或以上就可以三選二，點兩個菜，我哋就叫咗片皮鴨同乳鴿，個片皮鴨佢話要連埋個鴨殼就要加十蚊，仲要唔幫你刮嗰啲肉落嚟！ 所以我哋咪唔要片皮鴨，要咗沙薑雞。但轉頭佢又話冇沙薑雞，好心佢就喺個餐牌刪咗佢啦，真係好離譜😡😡！但關於嗰啲乳鴿仲離譜呀！收到菜之後，佢竟然唔幫你剪開乳鴿一件件，畀個剪刀你，仲要一啲都唔利，剪到我哋隻手好攰！佢仲話如果幫我哋剪埋，要收正價喎 ，你哋覺得合唔合理？真係非常唔推介食呢間嘢囉 ！記住，係百好名宴餐廳，如果你哋要聚會，一定唔可以嚟！如果唔係真係會哭住走😭😭！

叫左個雀局套餐 同佢講7點上菜 職員不斷游說我地6點上菜 6點我地食唔落 所以都係叫佢7點上菜 我6點9果時經過食野間房 d野食已經上齊哂 7點埋台食野 d野都已經唔熱 d野食唔好食都預左 d野唔熱真係搞唔掂 真係唔再幫襯

今晚朋友約咗喺荃灣嘅百好名宴晚飯聚舊，呢間酒樓喺南豐中心五樓，老實講，商場環境真係麻麻，我平時甚少去呢啲地方揾食。首先酒樓地方頗大，街坊酒樓格局，朋友係呢度熟客，所以由部長親自招待，服務好好我哋有六個人，点咗個片皮鴨，上湯焗龍蝦，燒雞，蒸魚套餐，蒜蓉炒豆苖，雜菜煲，同送嘅甜品薑汁千層糕，相當豐富整體而言，食物不過不失，服務因為熟客，待遇亦好，以價錢嚟講，是經濟抵食的街坊酒樓。

前日(12-1-2024 Fri) 晏晝,爸爸出完殯去食晏,爸爸嘅解穢酒就係喺呢喥,我哋預頂嘅菜色係:1. 唔知咩羹見到唔少料,都正常唔鹹唔淡.3分2. 甜豆雞柳正常冇問題.3分3-4. 齋菜, 紅燒豆腐鹹淡同口感都適中.3分5. 生炒排骨呢個都唔錯.4分6. 燒腩仔好彩唔係太肥,但皮都有啲硬.3分7. 蒸斑蒸得啱啱好,唔會好嚡.5分8. 白切雞唔蘸薑蔥食都夠味.5分9. 楊州炒飯粒粒分明,唔太油,OK 嘅.4分10. 陳皮紅豆沙唔太甜,陳皮份量啱啱好,唔會太出.4分美中不足嘅係全部菜都只係暖暖地,其實我哋比預訂時間早半個鐘到,估唔到咁早整好晒.環境:俾間房我哋,有私隠,亦唔會影響到其他客人,唔錯.價錢:最後係開咗兩圍，好似叫咗4支碑酒1罐汽水，共$5,762.00.

投訴無門的管理，樓面阿姐態度極差，叫都冇回應，向穿黑衣制服反應問題，都係敷衍了事，可能等結業，消費者可親自品賞這惡劣的服務態度，難怪港人北上。日前媒體也有作街頭訪問，其指出的問題，舆我在這家所遇到的一模一樣，香港的服務業真的變差了嗎？

今日有6個外國客人來找老閭老闆叫我訂酒樓等客戶食中菜一心近近地就公司樓下。訂左12位，剛啱今日中秋午餐仍有商務12人餐，當時還覺很好彩。酒樓不算多人，佈置好光亮白色為主，但當我攞到位坐洗碗沖水開始熱。到老闆和客戶來到就叫經理起菜。蝦餃和燒賣味道都正常，就是不算大隻比較普通然後酒樓好快餸菜就上枱，當時我餐覺得效率不錯。金牌燒鵝 比較乾身最大問題大家都有點越食，就越覺得熱會出汗……熱茶已經不能飲忍唔住就問問經理，冷氣可否睇睇，經理就回我們中央冷氣無辦法即刻叫凍啤酒和汽水，等客戶好些……法國燴珍寶蝦球，我真的想不到為什麼菜式法國燴……我吃到蝦球就是像白汁味道，隻蝦應該冰鮮蝦都爽口。XQ脆爆珊瑚蚌片，比較出色蜜糖豆脆身，最多人食這款大家因為又熱食物又普通都無咩心情，食剩很多食物。甜糕我估紅糖紅棗，但死甜大家都沒太喜歡。今次之後都不會再來，又熱又焗什麼胃口都沒有。還被老闆怪罪

以「不予置評」給大家看這家百好名宴、店名好聽、服務差、傳菜員態度差、領班更不知所謂。點了乾炒牛河、芝士龍蝦伊麵、要兩小碟介醬都要不到、傳菜員說忘了拿、交帶另一個同事、等了半天等不到、我們實在等不下去了、自己過去拿、廚師要我們找傳菜員、傳菜員態度傲慢的說很忙、要我找樓面、搞到我實在忍不住、要她叫經理來、她要我們自已去找、真的豈有此理的傳菜員和樓面、最後自己去小吃推車自己拿、一肚子氣的匆匆離開、發誓下次不會再到荃灣地鐵站南豐中心五樓的「百好名宴」飲茶了、太差勁的粵菜茶樓。

最近與家人一起打算試半席晚市，首先來炸骨，口感食落是炸粉太多，是麵粉與蜜糖，食唔出有肉味。再來是 花膠海皇玉液羹，沒有花膠，只有大鍋佔80%是粉絲，有幾粒蝦仔。冇味道，很淡。炸雞，應該雪藏很耐，因為食到霉既，同好細隻。 相比稻香既$1 蚊雞比佢大2倍及好味好多。蒸魚我覺得不過不失啦。而整個食飯過程。 只有1%位置有人坐，大約4-5張枱有人食晚市，樓面人手太多，成日收碟要趕收工， 每台附近會有3-4個樓面監視你一食完立即拎走碟， 未食完都急趕想幫我們夾好，但我們都未食完碗中的食物，食到不舒服。最後仲急趕9:15叫我們埋單，9:30左右樓面不停執野，更與我們說他們趕住10:00關門，要收工。最後，勸告趕時間或追求食物質素，服務態度既人，食之前要諗清楚會唔會食這間。

是日去飲茶慶祝父親節 上演左一場經理賴帳 之前有一張點知紙上寫錯枱號 沒有即日處理到咗啦上點心有重覆的情況後 經理迫我們要重覆的食物並且點心不是我們也是我們諗左 我們不行就範就說個個都要取消咁生產掂做 問題是不是我們為何要食呢 佢又駛出不負責任的態度 差劣的經理令呢間百好一切都不好

經理不知所謂，鹹水角隔夜，韭菜角係炸嘅，話俾經理聽想換蒸嘢，佢話韭菜角梗係炸㗎啦，你又食炸的鹹水果！我話鹹水角係人都知咋，佢話你食之前又唔問，仲鬧人😡😡😡😡😡大家千祈唔好幫襯！

一早訂了枱 book左房，去到俾左個只係隔左層細移動板，隔離就有人既“獨立房” ，又吵又有煙味 隔離係咁爆粗，咁都要俾多800蚊，最後換了個外面的位置。 一席本來$3998，一開始即使沒有獨立房仍不讓人換餐單 ，獨立房每臺加800蚊，餸菜賣相不吸引，味道普通，上菜也好慢，30分鐘一碟餸，紅色領帶部長，非常臭寸，非常不耐煩，上菜“飛碟”，非常不建議人來吃飯，來吃飯只是受氣，亦只有四隻字形容 垃圾酒家盡量改善

很好笑下午大約2點叫左2個套餐已經好多野都無哂 五緊要 我地將叫點心紙咖野食轉反套餐 因為好多野食改左2 3次都無 無辦法就只要依個要求 個不知所謂咖經理話五得 仲叫我地為左一個點心放棄個套餐 幾個點心仲要丞半個鐘先同我地講無左依個點心 咩㗎人就會帶咩㗎團隊 問心 依個四眼經理 真系無能力 不會再黎依間野