好好運快餐店 (Closed)

作為foodie youtuber嘅我，睇到米紙介紹呢度一定要黎食!12點前黎唔駛排隊，重有卡位坐點了招牌沙嗲牛肉麵餐，有招牌沙嗲牛再加兩樣餸，上到黎好大碗喔～牛肉好淋，牛肉份量比想像中還要多😁沙嗲好濃，有少少甜味，好香花生味，食食下成個湯都好夠沙嗲味，襯埋好耐冇食嘅米通真係一絕米通係長米通，裡面有湯汁越食越正!福飲唔駛加2-3蚊，一定要點凍飲，抵哂!另一碗係沙嗲牛，配雪菜肉絲加煎蛋，雪菜肉絲系室溫嘅，蛋好好食，下次一定叫炒蛋。沙嗲牛肉三文包又係超正! 比沙嗲牛肉麵更濃郁😄 份量夠多，每一啖都係享受! 大推食呢個!專登黎食覺得值得黎，我甚至覺得係全港no.1 沙嗲牛肉麵喔！

教你點搵路入去好過話你知邊樣好食首先你搵到半島大廈然後入去 向右邊行 入個到門仔望右邊之後會見到幾棵花既擺設推呢度啡色大門就到左架啦野食方面嗌左個沙嗲牛肉煎雙蛋飯受得重口味先好嗌個沙嗲汁勁濃都係食番沙嗲牛肉湯麵好啲

如果問去荔枝角要吃什麼美食，好多人必定講沙嗲牛肉麵。原因便是這家快餐店。今日中午來朝聖。門口隱蔽，要入大廈大堂轉右邊小卷才找到。坐低點了沙嗲牛麵，可加兩味餸，我選了煎蛋和紅腸。麵是公仔麵無得轉出前一丁。加一杯凍啡共52元。不貴。排隊都好多人，幸好我一枝公好快有位，要搭枱。試食牛肉有少少筋，但都可接受。紅腸厚切幾滿足。但沙嗲湯和紅腸太鹹。個人喜歡沙嗲有加花生醬，會較濃同香，但呢間無。麵正常。好坦白講，唔值得特登來食。而且茶餐廳服務一般。我是搭枱的，伙記和同枱其他食客講坐左好耐希望可以埋單。雖然語氣客氣，食客亦有配合離開，但我真係覺得唔算好服務。叫做試過便算。

早排同朋友傾開邊度嘅沙嗲牛好食😗😗最後大家都嚴選咗荔枝角嘅好好運，當日即時係平日午餐時間都已經勁多人，嚟到梗係要試吓佢嘅沙嗲牛麵啦🤤沙嗲汁帶有香濃花生味，配上滑蛋出前一丁麵已經好滿足🤤🤤果然世一沙嗲牛

好好運被稱為神級沙爹牛肉麵店，食客早餐同午餐都可以食到，不過兩個時段價錢唔同。好好運嘅新店位於青山道半島大廈地下，但位置並唔係聽落去咁易搵，最好嘅方法係行入去問半島大廈Reception😂😂😂💁🏻‍♀️好好運嘅沙爹牛肉充滿花生香🥜，偏向較甜，唔係傳統果種沙爹，唔會好辣。阿薯鍾意呢種甜甜哋有花生香嘅😋😋😋。好好運選用大光麵，煮得幾好，唔會腍，硬度剛剛好。大光麵好掛汁，食落去每啖都有濃濃嘅沙爹汁。牛肉數量好多下，應該有8/9塊，有咬口但又唔會好難咬開。總括而言，好好運嘅沙爹牛每個部分都處理得宜，配合得好好，難怪可以成為神級沙爹牛肉麵😇另外果兩款餸，太陽蛋同紅腸唔會因為唔係main dish就hea做比食客。太陽蛋半生熟，邊邊位燶燶哋☺️，紅腸好厚表皮脆脆哋。但阿薯覺得紅腸有啲太厚，食落有啲濟，比較鍾意薄薄哋果款。涷奶茶正正常常，無特別，食沙爹牛配涷飲係絕配🥰。🌝食完之後上網check返，一個沙爹牛有大約700卡路里😨😨，令人震驚🤣🤣，不過好食嘅食物通常係高脂多油嘅🤓。想唔好咁肥，要忍痛😂轉米線/米粉之類，沙爹醬同湯盡量點到即止。 至於另外兩款餸，揀雪菜肉絲/榨菜肉絲最好，蛋就要太陽蛋，因為炒蛋

今朝特登黎試下佢只在早餐先有得堂食嘅沙嗲牛肉，其他時段只可以外賣(1kg），餐廳只開日頭。我地由後門入，其實真係幾隱蔽 入到去企企理理，d座位又唔會好逼。朋友話早餐食沙嗲牛米通拼紅腸雞蛋就好夠飽，跟熱飲$40（凍飲加$1）。如果大食d可以加埋$9嘅多士(果占/奶醬）。兩碗麵唔駛5分鐘就送到，熱辣辣、大大碗個太陽蛋煎到鬼火咁靚、兩件紅腸仲比平時嘅厚2倍犀利！跟餐嘅熱奶茶都好正，茶奶比例啱啱好，夠香 而名物沙嗲牛肉好濃味，肉大大舊，其實都幾重口味，所以加埋滑嘟嘟嘅米通，好match 紅腸啖啖肉食一件都已經好滿足。而d配菜都煮得好用心，粟米粒青豆同紅蘿蔔粒都好爽口，唔會煮到稔晒，好好食雖然沙嗲牛肉都好好食，不過令我地讚不絕口嘅係d配角，仲有服務好好所有嘅一切加埋令到個早餐變得好美好係一個good morning

睇咗網上介紹先知呢間食店，佢嘅沙嗲牛肉公仔麵據稱係全港最好，有冇咁巴閉？一於試試佢。去到青山道個門口，有個地圖指示點入，原來要喺隔籬座商業大廈個大堂嘅橫邊嗰個偏廳入面嗰度冇標示嘅後門推開先見到，唔識路最好問吓人，我都摸咗一大輪先搵到。我喺青山道入已經算易，如果喺永康街仲大鑊！要搵啱個貨車卸貨區再搵啱條路先入到去個偏廳，真係唔係咁易㗎葉師傅。Ok，開啱道門入到餐廳，同一般工廠飯堂格局冇乜兩樣，迫迫夾密質質嘅佈置，唔係俾你嘆茶嘅地方。坐位由店小二指揮，必須搭枱，好彩我個位都唔算差。每張枱有塊隔板隔住，唔使同對面你眼望我眼，又幾體貼。既然冒名而來，當然要會一會佢嘅馳名沙牛麵。一般快餐常餐就冇沙牛麵嘅，一係單點，一係就叫佢個沙牛麵餐，盛惠52大元。除咗主角沙嗲牛，仲可以選兩味配搭，我就揀咗餐肉同煎蛋。聽講呢度啲奶茶唔掂，無謂博，要咗個安全系數甚高嘅熱朱古力。雖然安全，但有時都瀨嘢，有啲豆泥餐廳好慳唔慳，開粉都專登𢳂少半殼粉，搞到杯嘢淡過滾水，咁做生意通常都捱唔得幾耐。碗麵係正嘅，麵質夠淋，唔似出面啲茶記淥到半生熟咬落腎腎地。沙嗲汁又真係夠濃夠味，就算浸晒湯都仍然唔會水汪汪，反而碗湯變成汁，不過

喺沙嗲牛關注組，見到好多人介紹聲稱好好運嘅沙嗲牛係世一，咁即刻過去幫襯下啦首先間餐廳比較難搵，不過問下大廈接待員，都會願意好有禮貌指俾你聽間餐廳其實喺邊度入去。好喇，品評下食物先...嗌咗個沙嗲牛米通餐，嘩個沙嗲牛話係世一真係嚴重過譽咗喎！先唔好講其他，個沙嗲牛係喊到一個點...我晏晝食完，成個下晝要不停飲水，完全唔掂喎大佬！真係要搵嘢讚嘅，就係個紅腸同午餐肉，煎得夠脆囉🙄🙄餐飲嗌咗紅豆冰，紅豆係硬嘅，所以連杯嘢飲都係唔掂😩😩

印象中好似第二/第三次黎食沙嗲牛肉嚟呢度都係為咗食沙嗲牛肉唔可以話特別好食只係呢一區裡面算係最出色的沙嗲牛肉呢度的沙嗲牛肉走濃味路線如果唔食濃味的你可能會唔鍾意今日爭幾分鐘食唔到早餐叫左一個沙嗲牛肉餐蛋米通同沙嗲牛肉腸蛋麵我每次黎都會叫米通 因為唔係到到有但今次又唔記得走三色豆😵‍💫餐肉煎得不錯係香港人的comfort food雖然每次食完都會覺得口渴因為佢真係略咸 但最後都係會隔一排黎食😆可能咁先係香港味

平時去茶記食到好味沙嗲牛麵都唔易 😌 尼間人氣沙嗲牛麵被關注組排名第一位，雖然小店位置神神祕祕，但佢地既沙嗲牛出名夠濃郁夠重口味 ☺️ 星期六下午茶時間黎都等左陣，落單好快就有得食💕⁡🐻の試食‼️✨沙嗲牛肉+炒蛋紅腸麵 $52✨下午茶雞扒沙律 $37⁡大大碗沙嗲牛麵鋪上蔥花又夠多牛肉，炒蛋好靚仔，紅腸勁大舊好好咬口 😳 重點沙嗲牛真係好濃郁有花生味，仲用上特級大光麵，麵質軟硬適中，推‼️仲有不得不讚下午茶既雞扒，外皮煎得好薄脆，肉夠嫩又夠味，沙律份量足夠，抵食‼️

終於可以食到非常之出名嘅沙嗲牛肉米通啦😆之前次次嚟荔枝角都係星期日，周圍都冇嘢食🥹呢間聽聞好多人排隊，好彩今次下晝接近三點嚟到冇人排隊☺️講返嘢食先📝沙嗲牛肉米通套餐💰52可以選擇公仔麵米通米線等等另外好似普通茶餐廳特餐咁可以再選擇兩個餸我選擇咗火腿+熟蛋🤤味道方面🤤牛肉好淋 數量非常多 好入味煎熟蛋配沙嗲牛肉湯唔使講 超好食湯底方面加咗蒜所以好惹味但入面有三色豆 有啲啲奇怪😂😂有一兩粒米通偏硬未煮熟用匙羹食米通嗰陣連埋啲湯食可能會鹹咗少少整體份量算係好多 我同媽媽都食唔晒媽媽食沙嗲牛肉麵 煙肉炒蛋我地都加左紅豆冰少冰少甜因為係用冰杯好冰鎮 幾正 不過感覺沒有少到冰😂不過如果啲紅豆係自己煮就好了

好好運係食沙爹牛聞名，d人叫佢做世一沙爹牛😂😂😂 因為係附近番工，所以佢嘅沙爹牛已經食過好多次，係正既🙈🙈🙈係比出面茶餐廳既沙爹牛濃味😋😋😋 今日試佢嘅碟頭飯，叫咗個黑椒牛扒腸仔飯，佢既黑椒汁偏辣🥵🥵 不過好好食 牛扒係茶餐廳既標準牛扒 都好食 腸仔得一條 如果我兩條會開心d😢😢 呢間茶餐廳有個特別係凍飲唔洗+2 所以多數我都會叫凍飲 好抵😂😂 平時諗唔到食咩 好多時候都會去好好運食 雖然好多人排隊 不過排得好快👍🏻👍🏻

好好味嘅酸辣雞中翼米線位於荔枝角工廠區中，一間隱世小店，每逢中午時段，都會大排長龍，是日到訪買了個外賣午餐。馳名酸辣雞中翼米線 $50雞翼炸得香脆惹味，米線和湯分開，米線份量適中，湯裡面充滿酸菜、菇等配料，絕對唔馬虎，好味指數💯💯💯

這間位於荔枝角的茶餐廳，週末也大排長龍！我們就進去一試金牌沙嗲牛肉麵和馳名酸辣米通- ̗̀ ( ˶'ᵕ'˶) ̖́- 沙嗲牛肉麵味道十分濃郁，適合重口味之鬼😈 而沙嗲牛肉包味道一樣濃厚，但把沙嗲牛肉放在麵包𥚃就顯得有點太鹹。另外米通口感很煙靭，可是酸辣湯的味道不算特別出色，但有趣的是每碗贈送一隻雞腳🐥 😋 好味程度：7 / 10🫧 環境整潔：6 / 10🕯️ 整體氣氛：6 / 10🏃🏽‍♂️ 性價比率：6 / 10🧑🏻‍🍳 服務態度：7 / 10💰52 - 沙嗲牛肉麵餐💰50 - 酸辣豬扒米通💰34 - 下午茶餐 沙嗲牛肉包

今日終於同我朋友嚟食大名鼎鼎，沙嗲牛肉關注組第一名嘅好好運！叫左最出名嘅沙嗲牛+炒蛋太陽蛋公仔麵。個沙嗲牛真係名不虛傳，啲牛嫩得來又唔會好鬆散，食落去有口感，煙銀，又唔會好鞋好老，出色，沙嗲醬好入味，夠濃味。兩個字：完美！個公仔麵煮得岩岩好，唔淋，唔硬。