Video
Read full review
2023-03-31
691 views
睇咗網上介紹先知呢間食店，佢嘅沙嗲牛肉公仔麵據稱係全港最好，有冇咁巴閉？一於試試佢。去到青山道個門口，有個地圖指示點入，原來要喺隔籬座商業大廈個大堂嘅橫邊嗰個偏廳入面嗰度冇標示嘅後門推開先見到，唔識路最好問吓人，我都摸咗一大輪先搵到。我喺青山道入已經算易，如果喺永康街仲大鑊！要搵啱個貨車卸貨區再搵啱條路先入到去個偏廳，真係唔係咁易㗎葉師傅。Ok，開啱道門入到餐廳，同一般工廠飯堂格局冇乜兩樣，迫迫夾密質質嘅佈置，唔係俾你嘆茶嘅地方。坐位由店小二指揮，必須搭枱，好彩我個位都唔算差。每張枱有塊隔板隔住，唔使同對面你眼望我眼，又幾體貼。既然冒名而來，當然要會一會佢嘅馳名沙牛麵。一般快餐常餐就冇沙牛麵嘅，一係單點，一係就叫佢個沙牛麵餐，盛惠52大元。除咗主角沙嗲牛，仲可以選兩味配搭，我就揀咗餐肉同煎蛋。聽講呢度啲奶茶唔掂，無謂博，要咗個安全系數甚高嘅熱朱古力。雖然安全，但有時都瀨嘢，有啲豆泥餐廳好慳唔慳，開粉都專登𢳂少半殼粉，搞到杯嘢淡過滾水，咁做生意通常都捱唔得幾耐。碗麵係正嘅，麵質夠淋，唔似出面啲茶記淥到半生熟咬落腎腎地。沙嗲汁又真係夠濃夠味，就算浸晒湯都仍然唔會水汪汪，反而碗湯變成汁，不過
去到青山道個門口，有個地圖指示點入，原來要喺隔籬座商業大廈個大堂嘅橫邊嗰個偏廳入面嗰度冇標示嘅後門推開先見到，唔識路最好問吓人，我都摸咗一大輪先搵到。我喺青山道入已經算易，如果喺永康街仲大鑊！要搵啱個貨車卸貨區再搵啱條路先入到去個偏廳，真係唔係咁易㗎葉師傅。
Ok，開啱道門入到餐廳，同一般工廠飯堂格局冇乜兩樣，迫迫夾密質質嘅佈置，唔係俾你嘆茶嘅地方。坐位由店小二指揮，必須搭枱，好彩我個位都唔算差。每張枱有塊隔板隔住，唔使同對面你眼望我眼，又幾體貼。
既然冒名而來，當然要會一會佢嘅馳名沙牛麵。一般快餐常餐就冇沙牛麵嘅，一係單點，一係就叫佢個沙牛麵餐，盛惠52大元。除咗主角沙嗲牛，仲可以選兩味配搭，我就揀咗餐肉同煎蛋。聽講呢度啲奶茶唔掂，無謂博，要咗個安全系數甚高嘅熱朱古力。雖然安全，但有時都瀨嘢，有啲豆泥餐廳好慳唔慳，開粉都專登𢳂少半殼粉，搞到杯嘢淡過滾水，咁做生意通常都捱唔得幾耐。
碗麵係正嘅，麵質夠淋，唔似出面啲茶記淥到半生熟咬落腎腎地。沙嗲汁又真係夠濃夠味，就算浸晒湯都仍然唔會水汪汪，反而碗湯變成汁，不過略嫌唔夠香。有啲人話鹹，其實就唔係鹹，只係濃，啲人可能將杰同鹹混淆咗，杰要飲水，飲水就條件反射當係鹹，味覺失調。牛肉有質感，有咬口，都有好多塊。餐肉兩大塊厚切，煎到脆皮。原來咁好肉，早知唔要煎蛋要第樣。
整體嚟計食物質素係好，係唔係第一唔敢講，總之就滿意。價錢以咁嘅份量質素又唔算貴，而家是但一間茶記常餐都四十幾，仲要啲嘢唔掂。呢度俾多幾蚊但水準有保證，佢都唔想做壞招牌，寧願加價都唔會將貨就價。
之但係我平時嘆茶起碼坐個幾兩個鐘，上吓網睇吓書，他他條條慢慢嘆。呢度就滾水淥腳坐多過廿分鐘都周身唔聚財，咁趕急嘅地方唔會係我首選，除非真係好掛住佢嘅食物，唔介意專程搭車搭船過嚟廿分鐘速食佢碗沙牛麵然後趙完鬆先會再嚟試。
Post
