VeryFoodCourt (Closed)

偶然之下發現呢度開左個foodcourt, 因中午時間剛過去，座位許多但很多餐盤都未有人執拾， 地上盡是油脂與垃圾， 低成本的foodcourt清潔員工應該很少吧！ 好不容易揾了個較乾淨的圓形卡位坐， 兩個人來說是十分寬敞舒適， 慢慢坐都沒有人趕， 可以悠閒一下。 我唔餓只叫左個Tea set, 有豬扒牛角包配薯角， 仲有綠豆沙。 薯角炸得香脆不油膩， 牛角包暖暖的烤得酥脆， 內裡豬扒大大件無骨亦無筋， 仲有好多洋蔥添， 雖然牛角包好有可能唔係自家製， 但呢個價錢呢個質素都真係好抵食， 唔好忘記仲有個綠豆沙添！ 食完薯角同牛角豬扒包咁熱氣， 吃番個綠豆沙清熱真係岩岩好。 $27食到堅飽， 仲坐左好耐， 抵晒。

今天同事帶我去咗一個好特別的地方，係一個food court，同事介紹下我吃了西餐可以自選salad、前菜、一個主食、加飲品，二人餐120元我揀了以下食品1.華多夫沙律、蘋果加上nuts ,開胃2.巴哈馬火腿牛角包，超級美味3. 焗薯杯茶是優質的茶包、抵吃

這個 food court 絕對是打工仔的美食天堂，價錢合理的同時，又有多間餐廳選擇，而且快捷便利，最適合打工仔一族於午餐時分來忙裡偷閒。這次選擇了吃 紅廚房。焗飯可自由配搭，1餸+1汁+飯/意粉/薯蓉+熱飲 也只是$38，超級便宜！選了煙三文魚豬頸肉忌廉汁焗飯。份量頗大，而且有不少的三文魚和豬頸肉，加了一些芝士才加以烤焗，吃下去還有一點拉絲，只是略嫌忌廉汁太少。午餐時間光顧這裡的大部分人都是上班一族，相信都是為求廉價物美的一餐，也不會要求太高級的食物質素。以這個價錢能吃到不錯又飽肚的一餐，的確很抵食～

今日LUNCH TIME去左荔枝角既一個小小的FOOD COURT到食野雖然係到返左工都一段時間但係今日第一次食呢個FOOD COURT初頭未食之前 我仲覺得個FOOD COURT 同其他FOOD COURT 一樣 食物質素都係麻麻地所以我就我初頭都無咩期望不過我同朋友食個兩個麵都唔差喎真係比我想像中好食得多 最緊要係 價錢平民化我就叫左呢個 越式香茅豬扒河粉幾正 同埋好抵食香茅豬扒好大塊仲要送多碟油菜 再加埋COFFEE 加加埋埋都係38蚊!個刻係到諗 佢地賺到D咩><!!!

荔枝角雖然話係一個工業區，但係食野方面既洗費絕對唔平，仲有啲貴。不過，行遠少少，去到近長沙灣個頭，就會有一個又大又多選擇，最重要係價錢合理既food court。 今次，我就簡左呢個A+ cafe 食啦， 點左一個黑椒雞扒香腸飯，加上例湯。 分量方面絕對有保證，雞扒總共有兩大塊，每塊都煎都尚算嫩滑，唔會好明顯覺得係好老身。 不過，略略覺得味道太重，醬汁味太濃，對於食野較清淡的我顯然不太合適。 必須一提的是佢個例湯係苦瓜湯，真係真材實料，好鬼好鬼苦。 苦瓜亦落得好多，食到我啲老人文出晒黎。 PS 價錢平 位多 多選擇 各位返工仔女絕對應該一試

荔枝角區其實真係有幾多野食。向呢頭打滾左咁年，都未真係全部食過。而呢間food court都開左好一段時間，但有沙律嘅呢間店，keep住都係最旺場嘅一間。原因係抵食又好味😌揀一個main+side dish+沙律，再加埋杯餐飲都係60元。真係抵到無朋友😁你唔揀side dish的話，可以揀多個沙律。每樣都有成4,5款你揀，你一定揀到你嘅心頭好☺️小小貼士，如果兩個人一起食，記住叫兩人餐。份量同兩個一人餐一樣，但每人可以平幾蚊雞😁今日我就揀左炸魚加兩種沙律😌炸魚勁大條，個槳又唔會話太厚。魚肉唔會干真真。青瓜吞拿魚蕃茄洋蔥沙律，所有蔬菜都夠爽脆！即係夠新鮮👍🏻煙三文魚通粉沙律 - 我本身好中意食通粉沙律。呢度唧通粉整得幾好味。味道剛好。又有飽肚嘅感覺😁

呢間FOOD COURT單單係門面上完全睇唔出係一個FOODCOURT, 但一入到去食物種類凡多, 而我就最喜愛呢間魚鱻魚湯料理, 一睇到個名, 就知道呢間係由魚做主食材既餐廳, 我係到好後期先知道"鱻"字原來係讀"鮮"音. 另外提一提, 呢到係先買餐飛, 然後去已選既餐廳攞餐, 我好欣賞呢個FOODCOURT設有自助點餐機, 可以唔洗另外排隊去買餐飛, 不過點餐機係只接受8達通付款.繁忙時間魚鱻既人流極多, 等餐可能要等一段時間, 建議最好都係非繁忙時間黎比較好.今次點既係午餐B餐, 個餐包括有椒絲蒸盲曹魚+鮮魚湯米粉+凍檸茶,  重點係呢個餐既價錢只係$46元!!! 咁既價錢有一整條魚實在係物超所值, 要知道在外面食既魚料理好多都偏貴, 本來以咁既價錢我都唔係太抱有期望, 始終一分錢一分貨, 不過食完後一試難忘, 魚湯好鮮甜, 我差唔多飲完一整碗之後都無口乾既感覺, 味道偏淡無味精, 而且一D腥咪都無! 而魚呢就食得出可能係雪藏魚, 當然無新鮮魚咁肉質鮮嫩, 但係重點係我都食唔出魚腥咪, 單單點上魚豉油已經非常可口, 對於平日唔多返屋企食飯既打工仔, 魚鱻確係一個好選擇, 可以食得

Very food court經常都會來食, 一來集合幾間不同菜式食肆, 款式多任君選, 二來地點近公司.食左咁多次Very food court, 今次觸動我寫食評係因為一粒墨魚丸, 一粒估計含有墨汁的黑色墨魚丸.入到Very food court, 行左一圈睇左幾間食肆的餐牌, 最後選擇左大觀既香茅豬扒墨魚丸湯濛粉+熱咖啡$42.由於本人極討厭芽菜, 所以一俾完錢拎左飛仔就即走去大觀同廚房講要走芽菜, 跟住就企埋一邊等拎野食.唔駛好耐就叫到我個number了, 埋去一睇, 咦!粒墨魚丸黑色既, 一直食同認識的墨魚丸都是白雪雪的, 黑色都係第一次.坐底起筷當然第一時間試下粒真*墨魚丸, , 估計因為墨魚汁的關係, 味道比白色的香濃, 亦多左墨魚汁味, 全粒黑色之餘亦明顯見到夾著不少白色墨魚粒，丸身彈牙嚼感豐富.豬扒,濛粉, 咖啡就不過不失

今日同事話荔枝角附近有間food court，話門面看不出來的，說罷就去探個究竟。food court選擇好多，中西日韓樣樣齊。本來想吃壽司，但因為已2時多，他們落了場。我看到麻辣燙，心癢難當，可是太怕肥了，就叫收銀姐姐推介。收銀姐姐和經理都非常有趣，傾了一會我就點了個優惠下午茶，承惠23元的兩餸車仔麵加送飲品，外帶加2元，一個字，好鬼抵食。到了檔口，選了自己喜歡的米線，配了個麻辣酸菜，之後十五十六不知該選什麼，老闆推薦大腸，我就點了。期間，我偷看了一下其他餸，看到白蘿蔔煮得好通透，我心癢癢，不過想說還是別吃那麼多了。之後和老闆娘聊天問起送外賣的問題，她二話不說幫我們去問，在等她回來期間，老闆說請我們吃一塊白蘿蔔，一咬，口感像冬瓜，沒渣也很入味之後我跟老闆說我喜歡芫茜，他加得一碗滿滿的外賣時老闆娘將湯分開盛，這份細心值得加分。回到office，一吃停不了，腩汁味濃，大腸也很入味，我差點想把湯喝下去，唯獨米線有點太碎。總括而言，下次一定再來！

今日公司食飯，公司訂左打邊爐。一行12人book左7點，襯有時間去埋香工shopping。正！女人買野最開心。7點到達，原來日頭係food court，夜晚打邊爐。有任食$138加野飲仼飲！但係老闆話要單叫。我地揀左一個雞煲邊爐，一個第一次見既半蒸半洽煲。雞煲勁夠麻夠入味，八到主廚原來黎自四川，唔怪得咁正！鍾意食雞煲既一定一定要試！可以先有少辣開始，唔夠先加。一般打邊爐配料ok! 之但係有兩樣野必試，第一樣最緊要係鮮炸嚮玲，勁脆無油益味，食完係會想再食架，好邪惡😂😂另外老闆原來一早預訂哂海鮮，成枱都係添！抵讚！第二樣一定一定要食既係「黑松露墨魚滑」，店員教我地用半蒸半洽果個爐去蒸，墨魚丸型墨魚滑上面有黑松露，份量唔算少，仲要教埋我地蒸幾耐，放上去蒸嗰邊，冚蓋，等五分鐘，超香。好match喎呢兩樣野😋😋😋very very yummy yummy. 8粒只係$65。總結，臥虎藏龍！一間food court竟然有咁好食嘅hotpot，可以再黎，而且價錢公道。

Veryfoodcourt難得在office附近,就到了veryfoodcourt走走看看再選午餐，點了個日本餐，L3的燒汁牛肉飯套餐。賣相都算整整齊齊的，牛汁味道適中，不會太咸或太淡，湯就一般般，太咸了，附送有沙津及飲品。沙津不好吃，味道怪怪的。在荔枝角算是正常的便宜飯吧。

荔枝角工廈內的food court，讚乾淨環境舒服員工有禮貌食品質數因為第一次到此,好多野都想試啊Pati by Lassana 一人份量可自選一主菜,一配菜,一沙律:主菜 鴨胸 入味配菜 焗薯皮 一般 個人覺得太乾煙鴨胸沙律蜜桃汁 好鮮甜一定會再光顧

好多選擇, 我係Veryfood樓上番工,以前lunch附近得D茶餐聽,食到好悶, veryfood開左之後叉不多每日中午都係到食, 我極like"大官"個咖喱麵包鷄, 超好味又平 ,泰式咖喱,鷄滑汁香,所有材料係一大個脆面麵包內 , and 我推介韓國屋D韓式炒粉絲, 呢個炒粉絲唔油同係韓國食的叉不多, 令外係石頭鍋飯 , 好足料好多餸 !!!!!!

呢排整日要去荔枝角度做野，聽啲同事講話最近在永康街果度開左間新FOOD COURT埋同班同事一齊去試下囉初頭以為在工廠區開都唔會靚仔得去邊，點知入到去有驚喜，企企理理，唔知以為自己入左去商場啲FOOD COURT，環境就靚仔啦，最緊要都要啲野正先得嫁。於是就在大觀買左個無激素冇骨海南雞，冇骨啱曬我呢啲懶人啦，食落去，啲肉有咬口又唔似平時啲冰鮮雞咁梅梅地，唔知以為自己食新鮮雞。啲油飯又唔油，整係可以整碗食曬!重點真係搵舊雞骨都冇。以下再黎荔枝角，一定要再黎食，同試下佢其他野。