Via Tokyo (Closed)

星期日行尖沙咀, 突然想食抹茶雪糕 , 就諗起呢間舖。好耐之前喺銅鑼灣間分店食過, 今次就試下尖沙咀呢間啦。抹茶同喺銅鑼灣嗰間一樣, 味道濃香而且好滑 。食落口感一流。不過啲丸仔就粉團咁樣, 就咁食冇咩味道。叫咗抹茶同牛奶雪糕兩溝。抹茶濃香苦苦地, 溝埋牛奶雪糕甜甜地。 都幾好食不過成個雪糕有啲太大, 唔係幾食得曬 。最尾就夾硬食埋佢 ....如果可以出啲mini版: 平啲又細杯啲咁就會岩我多啲。總括而言, 食抹茶雪糕嚟呢度食就一定唔會失望。環境舒服又好食!

[ 白玉雪糕 ]劣評 👎🏻👎🏻👎🏻 見櫃檯擺左好多鮮奶，心諗雪糕應該好有奶香，點知係雪糕車味 😐 質素同價錢嚴重不符.[ 蕨餅抹茶雪糕 ]Via Tokyo嘅抹茶雪糕無問題，但個蕨餅真係令人震驚，好難想像點可以咁劣 😐 好似咬緊一舊生粉

有次喺對面食飯見到呢間Via Tokyo門口都排曬長龍，今日終於俾我試到啦！我同我女朋友糾結左好耐，究竟要食牛奶味定係綠茶味，終於我地兩樣都揀左我本身係綠茶迷，不過今次我竟然愛上左白色嘅牛奶味，估唔到會有驚喜！牛奶味（白色）嘅口感又滑又香濃，真係會令人上癮！加埋水果真係一流！之後點左個綠茶味芝士蛋糕，味道係唔錯，不過食完有啲滯，屬於大胃王嘅我被KO左一半最後點多杯抹茶，都幾好飲，不過唔係好知上面嘅圖案係啲咩

近年坊間多左好多抹茶產品即使唔係日本店都會搵到抹茶嘅productsVia Tokyo 其實係香港都有一段時間比起一開頭要排成個鐘先入到去食而家嘅人流終於正常番等幾張枱/ 好彩即刻高入得..之前食過cwb分店一次今次去左tst 買take awayOrder左抹茶紅豆白玉雪糕雪糕好香抹茶味唔會太甜又會帶少少回甘👍🏼👍🏼雪糕質感係少少偏硬身好過軟雪糕好多唔會咁易溶同食落dense d咁.配料有紅豆同白玉紅豆份量岩岩好白玉就係一粒無味嘅糯米所以一定要同雪糕一齊食唔係就會痴住個口咁

商家佬就是要賺到盡，一杯雪糕加條脆餅，或欮餅、丸子、紅豆，即升價廿元，豈有此理？我定能堅持，只吃淨雪糕，吃雪糕只為吃雪糕，到Via Tokyo只為抹茶、焙茶，不作他選。抹茶雪糕保持濃香，微甘，不苦，可能logon的sweet cha cha比這兒更幼滑😏，但這兒的抹茶卻更為濃郁。雪糕中可能還見氣泡，細微冰粒，但其綠茶卻是挺濃，甚至吃完有點嘴角油膩感，可能也是奶的因素吧，焙茶亦感到茶味香濃，有種中式鐵觀音以至普洱的韻味。

食完飯口痕同左男朋友去食甜品, 剩係係門口都已經扑左好多人, 最後夭都等左二十分鐘先有位鋪裹面既裝修好日本風,以木為主, 比人感覺好舒服放鬆~一去到就叫左個最多款既蕨餅抹茶牛奶雪糕,本身仲擔心會太大過食唔晒, 但食落又啱啱好, 個雪糕好滑好香牛奶味,至於比較特別既就係培茶味, 佢比抹茶再香d濃d一,呢隻味都係第一次見,味道好特別,值得一試

好多次喺尖沙咀晚飯完都行過黎viatokyo望望，想食埋甜品先番屋企，但等位嘅人都多，只好買雪糕筒拎走，堂食沒有我的份兒。是日喺附近食完韓國野，仲係好空虛，未見飽肚，加上時間尚早，終於成功食到了。黎到嘅時候都有一大班人等緊位，不過我見係等大枱，所以最終等左十分鐘左右就入座。尖沙咀店比起銅鑼灣已經多啲位，當然都稱唔上係闊落。佢地嘅雪糕出名就係人都知，特別係抹茶控相信都試過。餐牌供應雪糕為主，有抹茶、牛乳、焙茶，仲有重新回歸嘅皇室奶茶味，另外仲有沙冰、抹茶卷、抹茶蛋糕、飲品等。設最低消費，每人要惠顧一款甜品/飲品。我記得之前都食過佢地嘅草莓牛奶沙冰，嗰陣印象都唔係話特別好但點解我今次都係食冰呢，全因為見到有人分享過黑芝麻沙冰，好想食好耐。為滿足低消，本來打算再點一份穩陣嘅抹茶雪糕，起碼試過，亦都鐘意佢地嘅抹茶、焙茶雪糕。但見到餐牌上有兩款萬聖節限定嘅甜品，供應至31/10，包括係刨冰同芭菲，一見到限定，我同忍唔住喇，刨冰嘅圖片好可愛，所以掙扎完都係點左冰品。一向都鐘意食冰品，任務不難完成，味道還可以，可是賣相太強差人意。如果講到冰，都係花錢喺銅鑼灣嘅氷屋比較划算。而且每人點一份沙冰，人均已

甜品係女仔們另一大個胃！一行六人，全女班底，又適逢慶祝生日，當然要食豪d同食盡距啦！白玉抹茶雪糕餡蜜，有紅豆，栗子，抹茶啫喱同白玉，配料夠哂多！宇治抹茶芝士蛋糕，芝士同抹茶比例差唔多甘，兩個味道都有！蕨餅抹茶雪糕，蕨餅真係好正！焙茶LATTE，茶味重過奶味，配上甜品係一流！紅豆糯米滋抹茶牛奶蛋糕，紅豆偏甜！糯米滋細細粒，煙un煙un既feel！都係抹茶重過牛奶！黃豆粉白玉抹茶雪糕，白玉係至愛配黃豆粉，都幾夾！

吃完炸雞後，我跟朋友又想念Via Tokyo的雪糕，而且炸雞與它的距離很近，所謂這麼近城隍廟，怎會不去求簽這麼浪費機會。隨著萬聖節快將來臨，Via Tokyo也推出南瓜相關甜品，取代上期的芝麻雪糕。看見南瓜甜品我非常雀躍，本身我就喜歡吃南瓜。萬聖節芭菲五顏六色，三款雪糕各有風味，而各式甜品如朱古力曲奇，白朱古力，布朗尼蛋糕及脆脆配料讓我想起萬聖節tricks or treats遊戲。最驚喜的絕對是焦糖雪糕，雪糕甜而不膩，加上混合脆脆後，猶如拖肥糖般的味道口感，相當新穎。焦糖雪糕搭配南瓜忌廉互不搶戲，也吃到淡淡的南瓜香，反而抹茶雪糕配紫薯忌廉不太適合，抹茶雪糕茶味太過濃厚，蓋過紫薯的味道，我都嚐不出紫薯味。雲呢拿雪糕挺滑溜的，不過與底層的朱古力乳酪不太相襯，朱古力乳酪偏酸，朋友覺得怪怪的，在她心目中應該是香甜的，並不是這麼重酸，她接受不了朱古力乳酪。至於抹茶雪糕沙冰雪糕挺身度高，我們擺放了好一會都沒有融化，維持原狀。雪糕抹茶雖甘香，但其濃度不及銅鑼灣店，可能我們在銅鑼灣店吃慣它的抹茶味吧。沙冰也不會迅速化作冰水，就算融掉依然嚐到它百分百的抹茶味。

夏日炎炎，最好就係食番杯透心涼既沙冰❄️個人認為，via tokyo既培茶比抹茶出色，唔單止雪糕濃郁幼滑，杯沙冰亦打得好fine完全唔會食到一粒粒既情況，而且飲到最後一啖個味都完全唔淡到，真係好真材實料🤤題外話：依我成日食晒兩間分店既經驗，個人認為尖沙嘴平均份量比較足，銅鑼灣雪糕嚴重空心既情況相當嚴重

逢星期六日 夜晚特意去銅鑼灣吃 看到店門口已經排了不少人 只好外賣 拿著雪糕 狼狽不堪地吃著🐶今次來到尖沙咀分店 不用排隊等待 立刻有位置了😭翻開menu 發現很多無嘗過的抹茶甜點 也有培茶的 還是最愛抹茶口味的啦 所以跟友人點了2道抹茶的 😻😻脆米白玉抹茶雪糕$51 脆米增加口感 抹茶雪糕依舊香滑 陣陣抹茶香味 抹茶忌廉刨冰$68 附上一個小碟子 盛者3顆白玉 煙un有富糯米想❤️刨冰份量大得驚人 一個女仔好難食得晒 但我係例外嘻嘻😆😆😆抹茶忌廉足以陪著整碗刨冰吃啊💁🏻💁🏻

在尖沙咀食完飯後見唔夠飽，經過這間雪糕甜品店，見到都幾多人食，所以就入去試下。我們三人叫了兩份抹茶雪糕加一件芝士蛋糕。每樣都好有抹茶味，雪糕又大杯，材料又夠多。芝士蛋糕都好好味，真係值得一試。

一直都冇機會試呢一間Via Tokyo ，今次咁岩朋友都喜歡食綠茶，晚飯過後就嚟咗食甜品。平日嘅夜晚都幾多人，等左5分鐘先有位。一睇個餐牌其實定價都幾高，最平都成＄40先有個雪糕，仲有每人最低消費一款甜品，而且有啲都幾大份，一個人又點食得晒呢本身想試埋培茶雪糕但係又要再加錢，所以就試咗牛肉同埋抹茶兩款啦。白玉雪糕($40):雪糕好挺身，牛奶味好香濃，同埋超級大杯，白玉都好煙un！蕨餅抹茶雪糕($53):呢杯又係超級大杯，而且都係好硬身，一入口覺得超級高質既抹茶，因為茶味好濃仲好甘香，又唔會好快溶，而蕨餅就普通，overall真係值呢個價錢，食完仲好飽添。

呢間專賣綠茶甜品嘅鋪頭，由開業我幫襯到而家，佢哋嘅綠茶甜品貴精不貴多，即使款式少，但樣樣都係非常好味，我鍾意佢嘅綠茶雪糕，係因為佢唔會太奶味重，綠茶味又唔會過分苦澀味，味道剛剛好，吃完不會覺得好膩（個人覺得冇某超市嘅綠茶雪糕咁漏，因為奶味太重）， 其實本身自己唔係太喜愛食綠茶嘅產品，但係呢間店既魔力可以令到你唔鍾意食綠茶都變成鍾意食，如果佢可以出多啲飲品類型嘅產品會更好，佢嘅綠茶蛋糕卷好吃，蛋糕皮非常柔軟配上中間綠茶cream，值得一試，試過不想食其他了另外佢嘅雪糕也非常之滑綠茶沙冰亦都會不會過甜，配上佢哋嘅雪糕簡直係一絕，下次會試埋佢嘅日式刨手

Takeaway Exclusive : 宇治抹茶焙茶芭菲(抹茶&ほうじ茶エスプーマパフェ，Matcha & Houjicha Espuma Parfait) ,這是外帶限定版，堂食Menu沒有的啊。先吃抹茶餅，鬆化得很，帶著抹茶香。白玉頗大粒，嚼勁十足，本身沒啥味道，混著抹茶軟雪糕同吃會更好。抹茶軟雪糕是這裡的鎮店之寶，不易溶化，抹茶味濃重帶餘韻，奶味不重甜度不高。差不多吃完抹茶軟雪糕時，就吃到焙茶軟雪糕了，可惜是次份量很少，吃不出味道來。最底層的是玄米脆粒，吃至這裡還以為會淋掉，但竟然粒粒還帶著微脆，只是略甜而已。這間食店已吃過無數次，抹茶軟雪糕的水準之高，每次吃也保持質素，於在下吃過的抹茶甜點當中，暫時未有可取締的出品可媲美。