海港酒家 (Closed)

完全貨不對辦！全店上下全不尊重客人承諾。市井待客態度，一人一句。上下職工圍攻食客，不問原由只求趕客。餐單臨時反價，要加高餐單價錢。推說公司指令。雖有文字訂枱及訂餐記錄。更有早更员工確認本人午市親身在店再次確實有關要求亦已安排枱號。✖店作風！惡相經理一人推番所有，原因只說不經她手，無從 稽考。靜市要客！旺市趕客！有市更揀客！全店员工，十人圍攻一客！海港一店，败在員工。可悲，可悲

完全貨不對辦！全店上下全不尊重客人承諾。市井待客態度，一人一句。上下職工圍攻食客，不問原由只求趕客。餐單臨時反價，要加高餐單價錢。推說公司指令。雖有文字訂枱及訂餐記錄。更有早更员工確認本人午市親身在店再次確實有關要求亦已安排枱號。❌店作風！惡相經理一人推番所有，原因只說不經她手，無從 稽考。靜市要客！旺市趕客！有市更揀客！全店员工，十人圍攻一客！海港一店，败在員工。可悲，可悲！

我們一家曾經來過這裏吃過晚餐覺得不錯選擇今日再一次下午茶食點心，叫返我喜歡的椒鹽豆腐磚，一嚟到簡直要講粗口，豆腐凍冰冰都不特止簡直係一啲都唔脆，係淋嘅，同埋豆腐仲有一陣臭味，當中的煎腸粉簡直係凍嘅一啲都唔熱，可以稱得上所有食物都不會熱辣辣攞出來，鹹水角係唔脆的，鳳爪凍冰冰，鳳爪啲汁係結嘅，個乾炒牛河只能夠講係可以進入口但係完全唔掂，如果稍為有啲要求嘅全部食物都可以唔食要立刻走人，提醒各位唔好喺呢度飲茶，唔知係唔係廚房換咗人一路食一路要講粗口🤬，仲有一樣最好笑嘅嘢係，你同啲職員講啲嘢好難食同埋唔熱嘅時候，佢哋好似當聽唔到咁，好似已經習慣咗啲食客一路食一路鬧，叫佢攞兜辣椒嚟竟然叫我自己去拿，咁唔使+1服務費啦，原來啲嘢係叫我自己去攞嘅，簡直令人憤怒😡

2021年10月30日 (星期六) 7:00pm 26°C 環境光亮整潔，餐具乾淨。 我喜歡瓷杯、瓷碟均印有紅色花卉圖案，秀麗典雅，散發一種淑女氣質 ❤_❤ 每個座位都各自提供公筷和私筷，衛生意識高，值得一讚！ 侍應收拾蟹殼和碟子的速度快，服務殷勤。 人數：5 人 HK$2XXX 家人於 2 天前經電話訂座 不用排隊 阿拉斯加長腳蟹 - 4斤7兩。阿拉斯加帝皇蟹一般生長於北太平洋一帶，肉質厚實，鮮嫩多汁，入口彈牙，含有豐富的蛋白質，微量元素等營養，是海鮮中的極品。廚師採用「原隻清蒸」，保持原汁原味，全身每個位置都是啖啖肉，肉質肥美鮮嫩，令人一試難忘！如果怕寒涼的話，可以點一些醋，回家再飲黑糖薑茶。【推介之選】❤❤❤ 黃金墨魚餅 - 金黃色賣相，外層脆卜卜，內層墨魚肉質煙靱。 蜜味欖角骨 - 酸酸甜甜，味道極為濃郁，惹味無比，拌飯一流。【推介之選】❤❤❤ 燒鱔 - 燒得香噴噴，鮮甜美味，而醬汁包圍每塊魚肉，齒頰留香。【推介之選】❤❤❤ 馳名蜜灸叉燒 - 肉質軟腍，容易咀嚼，不會乾靱。 薑汁炒芥蘭 - 竟然不硬，偏向軟身，吃了不會胃痛了，哈哈 ~ 楊枝金露糯米糍 - 獨特創新，甜美清香。

今日4大長老過黎屋企就去最近既酒樓食晚飯，坐落就見到龍蝦鮑魚4人套餐$880。套餐有鹽燒鮑魚、上湯焗龍蝦伊麵、乳鴿、西蘭花、龍躉斑、燕窩燉奶等等即刻落左2sets。黎到每款野食熱辣辣，樣樣夠水準，特別係鹽燒鮑魚，六頭厚肉又惹味；龍蝦每人有半隻算多肉；乳鴿熱上夠味道。瑕疵係中途龍躉斑出菜時間比較長，樓面人數不夠要等一段時間先見到有人及上甜品燕窩燉奶用的器具有污漬，但不影響味道。總體而言，性價比高，野食好味道。

早兩晚突然想食龍蝦，啱啱經過呢間海港，見啲價錢又唔算貴，兩個人都入去食啦！點知食完一肚火😤以後都唔再幫襯！我哋叫咗一個西澳上湯龍蝦加伊麵，自己揀龍蝦，一斤二両重，明明揀嗰隻新鮮生猛，點知嚟到啲肉唔爽口，完全唔似新鮮龍蝦，似係冰鮮龍蝦😡最離奇係明明叫咗一隻龍蝦，但竟然有三條鬚，同一隻半龍蝦尾尾節部份🙄問個經理，支吾以對，問多兩問仲走咗去😑我哋屋企係水上人，食海鮮多過食豬肉！明明係一隻龍蝦，嚟到又多呢樣多嗰樣，一睇就知有問題啦！咁大間酒樓竟然咁樣呃人😤另外叫咗個花膠豆腐菌煲，味道係幾好味，但食食吓發現冇花膠嘅😳同個職員講，佢話哎呀，乜俾漏咗啊😐然後收咗我哋個煲，轉頭拎返個有花膠嘅俾我哋😑我哋嗰晚只係叫咗兩樣嘢，兩樣都有問題！叫人點會再有信心嚟食呀！😤

🍽幾百蚊嘅二人餐，有龍蝦又鮑魚又有其他餸，味道仲要唔差，都算係咁🙏🏻🙋🏼‍♀️上湯龍蝦 伊面底 🔅套餐龍蝦，偏細size，雖然係急凍貨，唔會好鮮味，但上湯汁調較得味道適中，亦唔會太鹹，而肉質都爽彈；伊麵口感正常，配上湯汁幾好味😋🙋🏼‍♀️蒜頭粉絲蒸扇貝🔅調味正常，有蒜香，唯一係肉質怪怪地，可能係急凍貨，亦無乜鮮味，幸好蒜香搭夠。🙋🏼‍♀️金蒜鮑魚🔅呢個超好味，金蒜炸得好香口，好惹味；鮑魚唔會炸得過火，口感爽彈，唔硬。如果可以食多一兩隻就好嘞😋😋🙋🏼‍♀️酸菜魚🔅呢個都好味，我覺得係中辣，唔太酸，幾惹味。魚塊係炸過，肉質幾挺身，唔係好滑果種，但一啲都唔「鞋」，仲要都有魚鮮甜味😋🙋🏼‍♀️豉椒炒芥菜 🔅調味適中，豉椒汁炒得好香，能中和芥菜的甘苦味，但略嫌多油。芥菜自己屋企比較少買來煮，因為聽聞係偏寒涼，但間中食下，又覺得佢獨有的甘苦味幾正😋

由於係屋企附近，屋企人想去飲茶都會嚟呢間，食咗咁耐都覺得佢早茶款式幾多，我哋通常都會嗌黑金流沙包、鮮蝦腸粉、同埋睇吓佢有啲咩新嘅嘢，大概每兩三個月都有一啲新品出👌👌價錢算係貼地，同屋企人嚟傾吓計食下野就啱啱好😌

外賣咕嚕黑豚肉，裡面好多細細粒類咕嚕肉，咬開成粒都係粉。計落得幾粒真係肉，以為叫咗咕嚕粉團 ＄90 一盒餸加料，原來中咗通脹再重臨btw雞飯啲薑蓉亦過鹹 ！！！！！！

難得放假，所以去將軍澳海旁行下。周圍都好多人，最後選擇到將軍澳海天滙的海港吃晚餐，點了個很豐富的二人餐。有椒鹽鮑魚，中式牛柳，上湯魚腐時蔬，蝦球伊麵和蒸沙巴龍躉仔，作為二人餐可說是非常豐富，份量亦很大，味道上也保持水準。只是餐廳很大，明顯服務人員不足，舉了手很久也沒人看到，乾等了很久。希望他們可以在假日增多人手。

原本諗住請朋食泰國菜慶祝生日，不過晚巿開返後都好多人外出食晚，我哋八點到餐廳要等位但係晚巿只可營業到晚上十點，所以最後揀咗呢間比較少人嘅酒樓。對上一次嚟已經年幾前，我哋一行四人，3大人1小朋友叫咗個4人餐，小朋友剩係食白飯。三人食份量滿意，味道亦幾好，價錢公道，不過成8:30先到，食個半鐘有啲趕。揀咗呢個餐，花膠珍菌千層腐皮無晒，轉咗南瓜炆海參。上湯焗蝦球伊麵，個汁都幾厚身，不過唔會太鹹，蝦肉都幾大隻爽口。西蘭花炒帶子，帶子唔係好大粒，不過都幾多，唔會片到好薄身，亦唔會好似平時咁每人得1-2粒。脆皮醬燒雞(半隻)，皮脆肉滑，好味。陳皮蒸大連鮑魚(八隻)，有啲細隻，但都新鮮彈牙。南瓜炆海參，南瓜炆唔淋，海參極少又細片。清蒸沙巴龍躉斑(約二斤)，蒸得啱啱好，好滑。每人一個蛋白燉燕窩做甜品，唔知真定假，舖上面嘅燕窩份量都好多吓。

最近唔知點解好鍾意食點心，海港下午茶真係性價比第一之選。下午茶兩點開始，大中小點全部計小點$16，下午茶放題，飽到嘔先至一人$100。今次兩個人，叫咗一碗叉燒米線，同埋貴妃雞飯。講真燒味真係一般，叉燒有筋，雞又俾咗雞背，冇乜肉。但係點心就真係幾好味。每次都必叫嘅中式甜薄撐，花生同埋椰絲多到瀉，係肥仔之選。另外仲叫咗鮑汁鳳爪，不過啲鳳爪好似煮得太耐，比較淋。估唔到仲有驚喜，係九個八嘅流心奶黃包。個包應該係新鮮蒸起，而流心亦都做得好好，唔會太甜，推介！

諗住生日去order隻長腳蟹慶祝，點知一路食一路鬧，網上比哂錢約咗6點9拎，6點7到咗，問佢有未，佢話未，正常，未夠鐘。到咗6點9都未叫我號碼，再問個譚仔阿姐都話未有。不過見到有袋外賣放咗3至4個字都無人拎，八卦睇下，號碼同我一樣，再問另外男性服務員，確定係我，頂，隻蟹放咗可能廿分鐘喇，算，生日就唔勞氣。拎咗就返屋企開餐。返屋企車程10分鐘，20分鐘內開餐，點知一食即刻媽媽聲。肉霉到粉，食開海鮮嘅人都知肉霉應該用已死嘅蟹蒸，想打返去問有無得換又無人聽電話，真係無下次。

今天去海港 吃 超值澳洲龍蝦🦞鮑魚海鮮 2 人餐，$268 加茶位，再加一。場內有很多張枱都點這個餐。$268 有 5 菜 1 湯水，份量夠，味道好吃，龍蝦不是小小的，也不是只有大大頭那種，龍蝦🦞肉彈牙，多肉。清蒸沙巴龍躉斑，也是小小的，2 人夠吃。燒鵝不錯。這個餐 3 個人吃也會夠吃。現在吃點心，2 人都要 $2xx 埋單，所以 $314.5 可以吃到 龍蝦🦞加伊麵，還有鮑魚，魚，真的超值。應該在疫情底下，才會有這麼超值的餐吧。

朋友話想飲茶，見近近地有呢間，就去試吓。因為限聚令得2人， 變相茶樓又坐得幾舒服。間隔好闊，坐得安心左，又可以慢慢同朋友傾計，坐左成3個鐘我地試左小籠包，菜苗餃，燒賣，呢啲正正常常，無咩驚喜。 有驚喜嘅係炸兩，粉包包住嘅油條仲好鬆脆 桑寄生蓮子蛋茶$15 就得，試左一碗，淡淡地。 咖啡糕都特價，$15 有成3大件，不過口感一般，又唔香咖啡味，唔推薦。 最好食係酥皮叉燒包，好足料，包又軟熟以上都係假日特價點心，埋單大概人均$100，都幾抵