海港酒家 (Closed)

今日有午餐孖寶：豉椒班腩炒河加唐生菜，跟住再嗌咗擂沙煎堆 ，蝦餃同潮州粉果蝦餃做特價只係8蚊八角樣樣嘢都幾好食班腩好似龍躉炒河咁食完好飽位置好舒適好闊落任坐唔趕人

品質愈來愈差，著黑衫的所謂經理叫極都唔應，明明見到都可以扮見唔到，員工態度極差，只招呼熟客，食品質素欠佳，其中一樣黑色沙薑腳雞都係第一次見，好經典，咁都比得人食？

一向喜歡海港，價錢公道味道好，今日湊仔返唱遊班，隔離新開咗間海港，嘆返個一盅兩件先，點心嚟到都冇令我失望，同其他分店一樣有水準，第一次食蟲草花野菌餃，味道不錯有新意；鮮蝦腐皮卷即煎夠脆口；反而個鮑汁鳳爪就只係正常平平無奇；黑椒牛仔骨夠入味夠嫩唔韌，呢度重點係唔同其他海港，可能地點較偏僻人流唔多，唔使等位可以輕鬆食個午餐

上次在這裏食過晚飯，發覺這裏的水準唔錯，今次專誠再嚟這間海港飲茶， 原來假期都有下午茶優惠，下午茶時段全部大中小點以小點計， 都幾超值。點心選擇都多，全部都即叫即蒸，質素都唔錯， 又可以多一間酒樓選擇飲茶和晚飯了。

Book 左檯，預定時間前已到左。點知門口部長將唯一大檯俾另一個walk in 。理由係人地坐起到等左陣。咁即係我地book 左都無用。咁不如同我講無得book 仲好。同佢理論多一陣，另一個同事出黎，態度超惡劣，解釋唔到後，聲大夾惡話有咩唔滿意就投訴。初頭唔肯俾個名我地，最後就扔低個名牌行開。佢地再叫經理出黎，話我地搞事。真係火都黎。之前已聽聞態度超差，今次親身經歷後唔會再試。好彩繁忙時間，最後一刻搵到翠園。

這間海港酒家, 新開張冇耐所以專程過來這邊試食晚飯。 這裏偏離地鐵站，所以我們驅車到翩匯坊，因為這裏消費可以有免費兩小時泊車。 適逢假日酒樓都差不多坐滿， 這裡小菜都有很多選擇。我們先order了一個冷盤小食， 這個烤麩麵筋煮得好入味配雲耳蟲草花味道唔錯。小菜選擇了春菜排骨煲，黑椒豬手煲， 話梅肉排，還有翡翠炒龍躉斑球， 每樣味道都做得唔錯，我最喜歡這個翡翠炒龍躉斑球，班球非常新鮮，烹調火候剛剛好。 不過上菜就比較遲，可能因為新店廚房處理人手不夠， 希望遲些會有改善。

今晚突然好想食蒸魚，openrice search完，見海港有得食，所以就捉咗我老公去去海港食。我哋叫咗個晚飯孖寶 - 清蒸東星班仔+海港醬燒雞清蒸東星班仔 - 一條大約1斤多d，估唔到係酒樓都食到不錯嘅魚，非常好食！😋😋😋海港醬燒雞 - 皮係脆卜卜，肉亦算係嫩口，不錯😋😋😋我哋再加多咗個椒鹽鮮魷 - 真係用新鮮魷魚椒鹽㗎！非常鮮甜！入口又唔韌！😋😋😋今晚三個餸整體都好食，我哋兩個食晒所有嘢。飽到呢。。。下次一定再去食過😋

閒日中午去飲茶，店內只有七成滿，但都要客人門口等位或搭台食嘢。店內無論侍應或者經理都服務態度極度惡劣極度差！一個二個一d笑容都冇！問侍應要碟辣椒醬話叫我自己去拎，我問距係邊到拎，個侍應當聽唔到走咗去！唔想撈就唔好撈，食嘢幫襯仲要受d阿姐氣！未試過去一間酒樓無論d侍應或者經理都全部態度咁差嘅！d侍應或者經理無論對我地或對其他台客人我都見到d服務態度好差，對客人態度極度不耐煩。缺人手都唔好請d咁差嘅員工，做壞自己品牌！

每年父親節都會一家人同爸爸補祝，當然係因為平啲同避人潮啦。今年都唔例外，揀咗位於將軍澳新開嘅海港酒家。訂咗夜晚七點，相對以前將軍澳中心位置呢度客人並唔多，可能因為地點離地鐵站遠，比較唔方便。酒樓樓底高，感覺乾淨，我哋一行七人5大人1小朋友1Bb，睇過吓套餐，最後都係自己揀餸菜，都幾大碟，味道唔錯。之後叫咗飯幾款甜品，埋單都係八百幾，當然小朋友唔係點食嘢。坐得舒服，唔太多人，服務唔錯，份量同味道又滿意，都幾抵吖。優惠孖寶A：清蒸大沙巴龍躉(2斤)配脆皮燒鵝皇(半隻)燒鵝唔錯，皮都算脆，肉好嫩，份量夠。魚夠晒大條又新鮮，啱啱熟，又夠滑。濃湯花膠浸菜芯苗，呢個一般，因為屋企人鐘意食菜所以叫，菜苗唔嫩。西蘭花如意帶子，帶子起片，都大塊，份量可以。一品醬燒雞，皮脆肉滑又香，好味。每次出去食飯爸爸都會飲啤酒。甜品：紅豆沙香芒糯米滋相思豆小白兔

滿心歡喜第一次黎飲茶，當時早上9點，見成間酒樓只開了半場，得十幾張枱可以坐，其實已經滿坐，出面又無人派飛和招迎，入到去那個短髮女部長態度惡劣，話無位，另外半場唔會開，她完全不勝任這職位，有枱唔開比客人坐！差！點解咁都升到部長？？海港集團應多培訓職員！不會再來這一間酒樓！！

星期六早上9:50去到海港攞位飮茶. 入面明明有好多位，但就唔到 10:00 都唔放人入去（入到去起碼只有7成滿）擺明等你要俾貴價錢食點心. （註：特價點心到10:00）以後不會再去這間垃圾酒樓飲茶.

假日飲茶，等位通常都要個多鐘，今天早上來到將軍澳翩滙坊的海港酒家，由於開張數月，人流不算多，等了15分鐘便可入坐。點心款式頗多選擇，價錢尚算合理。三人合共點了多款點心，包括香茜牛肉腸、蛋黃鹹肉糭、XO醬煎腸粉、潮式春菜煲、濃湯花膠煲螺頭和一鍋勝瓜海皇泡飯。原先因不用等位才來此處用膳，但現在反而有些意外驚喜，因為點心水準不錯，腸粉非常嫰滑，春菜煲冶味，花膠螺頭湯夠火候，唯一缺點是員工服務水準有待改善，埋單合共$276，都算合理。

本来很开心有海港开在新家附近，因为本人一直对这品牌下的餐厅有信心。所以这也是我给这家餐厅的第三次机会。之前有试晚餐和下午茶，都强差人意！但是不明白同一品牌下，食物的品质相差那么大，不好意思今天的早茶可以用“垃圾”来形容！最离谱是最普通的蒸凤爪居然是做得那么烂，一点口感都没有。材料不鲜鲜，味道极差，可以看出来，不是一家用心经营的餐厅！很失望，希望管理层能正视一下，不要做坏品牌！另外，服务员的态度不友善，和没有礼貌。员工之间的合作精神也非常差。问拿BB櫈，用眼神望一下你，说有咪俾你啰结果是我自己去搬櫈～～～

以前係常客，搬遷新址後，年十二首次幫趁，到達時人山人海，原來，新春期間，不能訂位，只能walk in , 久候終可獲安排入座，充滿期待，但發覺人手短缺，三番四次催促才來收拾枱面點叫套餐 ： 招牌燒鵝 + 大蚧（大約4斤半）+ 清蒸海斑，$21xx5個人，共$3000，頗貴，招呼差，食物水準不佳下次不會再去了

特登黎食長腳蟹，令人失望到爆，令家人都失望。破壞晒我地餐開年飯。長腳蟹用蛋白花雕蒸，花雕味好淡好淡，搞到兩頭唔到岸，唔好味，早知一開始就唔要。蛋白間直不知所謂，超薄, 有相為證，而且冇乜味，諗住係燉蛋嗰種，點知係好少蛋，同埋係實的的既水煮蛋咁，不過冇蛋白蟹蓋啲膏又少又臭，係好臭，唔係醒，臭，佢用啲蛋白鋪係個蓋同蟹膏，加上好淡既花雕味，加上蟹膏既臭味。 嘔之前係另一間海港食過，整出黎完全唔同樣，係好好食，所以先帶屋企人黎。服務差、冇人理，可能新年人多，其他餸正常ok, 不過我唔會再來。