Victoria Restaurant

Open Now

Now Closed

這間餐廳已光顧了數次，感覺良好，午餐抵食之餘是好食，豬扒不老，推介黑椒汁好食，前菜的西湯也很好飲，非常足料。餐廳環境比較暗，但整體是舒適的，服務質素不錯，職員都是有禮的

喺太子行街，本身諗住食日本嘢。但係見到呢一間舖頭喺同一條街有兩間餐廳，就好奇究竟呢間餐廳係咪真係咁好味。抱住一試心態就入咗去啦。果不其然，食物質素真係唔錯喎。我同老公一齊嗌咗兩個dinner set， $200唔使又找，而且食完係帶着幸福嘅心情離開嘅。首先，一嚟就飲個餐湯先，我哋嗌咗一紅一白。兩個餐湯都唔錯。白汁三文魚天使麵個白汁唔錯，啲麵除咗有三文魚之外，仲有細細粒嘅青椒，令到個口感非常好，仲有啲菇喺入邊。整體好好味。蒜香牛肉意粉呢個蒜香牛肉意粉真係不得了，實在太惹味啦。本身我食緊我個白汁天使麵，都爭住食隔離嗰碟蒜香意粉。佢炒得好惹味，食到我舔舔脷你哋一定要試吓呢個意粉，好正，好滿足紅莓汁 唔係好多餐廳會有紅莓汁飲，我就覺得幾醒胃環境都唔錯

而家既西餐愈黎愈貴，普通叫個意粉都收你百幾蚊，有啲仲唔包餐飲🥶🥶太子呢間西餐出名抵食👍🏻👍🏻套餐主食連前菜、餐湯加餐飲都只係$60-$100，仲要味道唔錯，性價比高！前菜餐湯都係正常發揮🫡馬來咖喱燴牛肋肉，咖喱味濃加上炆到牛肋肉好淋，易入口，配飯一流！😋😋肉眼扒配意粉，肉眼扒肉質以呢個價錢黎講算唔錯，黑椒汁唔會太咸，配上去味道岩岩好。一百蚊樓下可以食到呢個質素既西餐，講真真係好抵黎，服務態度又正常，成個環境都舒適既！

都好一段時間無去太子附近食野，原來都幾多BAR同西餐選擇，而且性價比都幾高。呢間西餐廳格調幾好，以食扒來說，$120-$160左右就可以舒舒服服鋸扒～當晚最有驚喜嘅係豬鞍扒，完全無expect過呢個價錢可以有呢個水準。🐷香烤西班牙黑毛豬鞍扒$128- 豬鞍扒好厚切，肥瘦均勻，底面2層超一般地香脆但又保留到入面juicy、軟香肉質，好好食！- 旁邊配菜嘅配菜如薯仔都幾用心，食落去外皮脆，入面軟香。🌟原隻德國脆皮鹹豬手$168- 豬手大大份，外皮燒到好脆香，入面啖啖軟嫩香口嘅肉，大滿足。醬料方面有兩款，一款係蘋果醬，另一款類似salad醬好creamy。-個人比較鍾意點沙律醬，甜甜酸酸酸的更能突出肉本身嘅軟嫩口感同香味。- 餐湯都唔馬虎，忌廉湯內竟然都幾多海鮮粒，有青口、三文魚肉等，幾濃香。有機會再來鋸扒！

太子呢間餐廳性價比高，去到全場滿座😂 皆因價錢親民，食物又真係唔錯👍🏻 我地叫左一人一個set dinner🍱.🍖香烤西班牙黑毛豬鞍扒配薯菜$128呢個價錢真心ok，有埋湯同包，飲品就優惠價，豬鞍扒大大件，夠厚又唔硬，煎得好軟腍，好juicy，比想像中好食！.🥩烤美國黑安格斯西冷牛扒配薯菜安格斯牛扒都係大大塊，肉味濃郁，肉質軟，烤得幾香，旁伴沙律菜同薯仔🥔.🍲餐湯 - 羅宋湯及忌廉湯 配蒜蓉包羅宋湯好足料，酸酸甜甜既味道剛剛好；粟米忌廉湯好飲！好幼滑，我鍾意🤩 蒜蓉包好香，烤得好脆，唔錯.☕️ 凍咖啡 及 凍檸蜜呢度好在係飲品同調味分開上，咖啡、奶同糖漿分開上，等你可以調返自己口味；檸蜜唔係菜蜜，真係蜜糖，又係分開上，幾好👍🏻.呢度掛滿裝飾，而且仲有水晶燈，環境唔錯，不過幾多人，有興趣既朋友要預早啦

今日同朋友去花墟買花，行完就順便喺附近食埋晏先返屋企。喺花園街搵到間門面唔錯嘅西餐廳，見佢晏晝有 Lunch Set 供應，而且價錢好經濟，就一於試下。踏進店，餐廳地方不大，但裝修明亮簡潔，而且環境佈置得很雅致，令人感覺舒適自在。我哋每人點咗一個午餐，套餐包餐湯及熱飲，有羅宋湯或精選忌廉湯可供選擇。羅宋湯料多味濃，而忌廉湯亦黏稠滑溜，內有粒粒蜆肉，配埋蒜蓉包，Perfect！先嚐呢客極量芝士蕃茄焗吉列豬扒飯 ($68)，成品賣相好吸引，豬扒大大塊，食落非常脆口，外層炸漿厚薄適中，內裡肉質鮮嫩。焗飯水準亦唔錯，芝士味濃郁得嚟又唔會蓋過蕃茄嘅香味，加上粒粒分明嘅炒飯底，絕對令人吃得飽足。珍珠帶子•胡麻蕃茄汁天使麵 ($65)  珍珠帶子份量十足，入口非常爽嫩，完全沒有雪味。天使麵煮得啱啱好，不太軟也不太硬，撈埋啲醒胃惹味嘅胡麻蕃茄汁食，呢個配搭真係無得輸。跟餐飲品點咗柚子蜜同熱咖啡，柚子蜜好 fresh，帶淡淡柚子清香。熱咖啡交足功課，味道都幾香濃。

今日同好姊妹去行花園街同埋花墟，經過附近睇吓有啲咩食啦，就搵到呢一間響花園街嘅西餐廳，門口擺咗個餐牌見到啲價錢都OK就入去試吓啦！佢哋有唔同嘅Set dinner，可以揀意粉或者係扒類嗰啲，姊妹就叫咗烤紐西蘭草飼羊扒，而我就叫咗烤美國黑安格斯西冷牛扒，佢哋所有嘅主菜都配餐湯同埋可以另外半價加餐飲，我哋兩個都叫咗杯凍柚子蜜。（$14）我哋嗌咗一個羅宋湯，同埋一個忌廉湯，個湯碗好細個好得意，配上一塊脆嘅蒜蓉包，忌廉湯係黑松露什菌湯味道濃郁，羅宋湯唔會好酸幾好飲。紐西蘭羊扒（$148）有三舊咁多配上黑椒汁同埋薯菜，七成熟嘅羊架個size都幾大嚿配上香草調味啱啱好， 唔會有好羊嘅臊味。另外嗰個西冷牛扒（$158）好有肉味亦都好厚切份量啱啱好，配上意粉加黑椒汁，而且生熟程度啱啱好，配埋甜甜地嘅柚子蜜做結尾。呢度坐得好舒服，應該主要係做街坊生意，百零蚊有交易份量同味道都唔差，加上餐廳播d柔和音樂好適合情侶或者閨蜜嚟傾偈食飯 。

果日去食咗太間親民價西餐，點評一下燒紐西蘭草飼羊扒羊扒其實係由三份羊架組成，份量驟眼睇都幾多，即使將羊膏切走、肉嘅portion 都有返咁上下～ 外皮燒烤得幾香脆。我原本㨂左黑椒汁想平衡騷味、但原來都無咩騷味。 配薯菜食好似無配白飯🍚 咁好味。始終濃味嘅肉配白飯好味啲。不過，另一個set 我叫咗白飯～ 所以都無問題。烤大虎蝦紐西蘭牛柳 一次過可以食到虎蝦和牛柳的配搭，算係幾抵。牛柳因為燒完會乾少少，配甜甜酸酸的紅酒燒汁都幾好。柚子蜜 & 檸蜜飲品都幾算幾surprising, 雖然唔大杯，但檸蜜🍋🍯 比想像中好飲，可以自己倒蜜糖，感覺蜜糖嘅quality 有返感上下（心理作用）😂羅宋湯 & 忌廉湯配有一細塊蒜蓉包，點湯都幾好食。

嚟太子行完街，又係醫肚嘅時候呢間西餐未到Lunch Hour已經坐滿人見Lunch Set 款式都幾多選擇仲跟埋餐湯．飲品✨羅宋湯好耐冇飲過咁足料嘅羅宋湯喇，配埋蒜蓉法包✨煙三文魚田園沙律新鮮嘅生菜，配上羽衣甘藍，煙三文魚唔會太鹹，唔錯唔錯✨ 烤紐西蘭穀飼肉眼扒牛扒夠腍唔會靭，配上濃郁嘅黑椒汁，非常惹味加咗爽口翠玉瓜，又可以中和一下✨凍朱古力凍飲都好夠濃，唔會因為加冰溶咗而變淡總括今餐：抵食．有效率．性價比高

同朋友係太子行完街，突然好想食西餐同牛扒，上網搵到呢間係花墟附近既西餐廳，見佢地既晚市提供套餐，選擇豐富有意粉飯或扒類，而且價錢合理，百幾蚊已經落到樓，一個晚餐已經包餐湯，主菜仲可以追加飲品。另外餐廳裝修都幾有特色，走既係西式復古風。🔸 餐湯-忌廉湯🫕有紅白湯揀，我地就揀左白湯，忌廉湯夠濃，食材足料，另外仲有配一塊蒜蓉飽可以沾湯食。🔸 烤紐西蘭草飼羊扒配紅酒燒汁🐑🍷｜$148朋友揀左呢個羊扒，一份配有三塊羊扒，羊扒燒得啱啱好，肉質嫩滑多汁，肥瘦適中，入口都吾太羶，佢既配菜都超好食特別係個烤薯仔。🔸 紐西蘭牛柳配薯菜烤大虎蝦🐮🦐｜$158牛柳容易切開，有油脂甘香，肉都幾濃牛味有肉汁，配埋黑椒汁好正，烤大虎預先開左半邊，非常貼心，食落好方便。 虎蝦新鮮彈牙，配菜既脆玉瓜，多汁好味。🔸熱情果檸檬梳打🍹｜$32🔸藍柑青檸梳打🍹｜$32水果梳打都幾好大杯，賣相精緻，好清新。

呢間餐廳位於太子花園街附近,餐廳有2間唔同鋪頭,呢間係新裝修好既另一間分店,2間分店相差唔算太遠,餐廳門外好多人等位,呢間新分店裝修入面有好多唔同既畫同埋好歐陸FEEL,我地叫左一份牛扒餐,可以自選汁既味道有黑椒汁OR燒汁,我選左黑椒汁配薯菜,另外都可以選擇配飯或者意粉既,不過我想食薯條所以選左薯菜,入面有好多薯角,加埋牛扒啖啖肉,仲有餐湯可以選忌廉湯或者羅宋湯,忌廉湯香滑,CREAMY,仲有香脆可口既蒜蓉包配埋,另外一份叫左黑豚肉豬鞍,豬鞍扒好淋,加埋燒汁好香,飲品選左特飲藍柑桔檸檬,好有檸檬味幾特別,另一杯叫左咖啡可以自己加糖同奶。

太子不嬲都多餐廳，之前去開嘅酒吧餐廳應該執咗，所以係附近搵咗一間類似嘅餐廳。呢度面積雖然唔大，但好快就已經坐滿人。食物選擇唔少，晚市可以加錢改套餐。餐湯係羅宋湯，味道偏甜帶少少酸，配埋微暖香口嘅蒜蓉包，好開胃！主菜方面，叫咗鹽燒鱸魚 •黑松露鮮蕃茄汁 配薯菜，面頭有黑松露醬。鱸魚煎得香脆，魚肉唔腥又唔乾，個人鍾意配黑松露醬多過番茄醬，不過其實唔掂醬都好夠味！另外仲有個人推介嘅烤紐西蘭草飼羊扒 配薯菜，份量十足，羊扒5成熟，帶點羊臊味，仲啖啖肉添，好正！仲好juicy！旁邊嘅薯菜都好香口，不過就略嫌油膩咗少少，但整體上食物質素都係高性價比嘅！

以前已經試過Victoria, 西餐嚟講性價比真係好高, 最近行花墟見到新開咗分店. 即刻去捧場~ 午餐時分見到有人排隊, 睇嚟街坊都好鐘意, 最後等咗陣就有位🙆🏻🙆🏻🍛 海鮮法式龍蝦汁意大利飯 食西餐又少餓嘅時候我就一定會揀risotto! 😎😎飯粒粗身軟糯, 仲有龍蝦汁~ 食完咁大個飯都冇漏嘅感覺, 海鮮有埋青口, 鮑魚粒等. 勁抵食!🥩 烤紐西蘭穀飼西冷牛扒配薯菜牛肉厚身多汁, 7成熟都唔會韌, 薯菜又多~ 😍😍平價仲有餐湯同蒜蓉包冇加一, 餐湯我揀咗紅湯, 味濃料足, 抵食之選!~

太子Victoria Restaurant裝修得幾靚幾有格調，都幾多人幫襯！場面熱鬧。羅宋湯煲得好好飲，夠酸又夠香！熱辣辣幾暖胃，而且幾多料好入味。旁邊既蒜蓉包都幾脆身，蒜香味十足。幾頂癮！西班牙黑毛豬鞍非常厚身夠大件，賣相吸引！切開後肉質夠緊緻，豬味唔酥幾有肉香。大大塊性價比幾高，黑椒汁調味剛好唔會太咸，意粉質地夠爽身唔會淋哂。大虎蝦配烤紐西蘭草飼牛柳，牛柳厚厚的幾有彈性，切開後肉汁湧出，幾 juicy多汁，嫩嫩粉紅色幾有咬口帶肉香！虎蝦質地爽彈都幾鮮味，旁邊翠玉瓜，車尼茄幾清新好解膩。

餐廳🍴格局雖然唔大，但整體裝修都幾有特式，職員服務亦夠細心同有禮貌👍🏻Dinner Set🍽️ 餐湯：忌廉湯+法包片湯夠濃稠，味道夠creamy夠奶香，食材都幾足料，有蠔豉肉有蘑菇有薯仔粒櫻花蝦 •珍珠帶子忌廉汁天使麵 $88一上枱就勁濃郁既櫻花蝦味，鮮味十足，珍珠帶子係🔪切到適當既size黎烹調，咁樣更加入味，口感爽滑有彈性，忌廉汁非常奶香，每一條天使麵都索滿忌廉汁，好creamy好好味，呢個價錢呢個味道，絕對值得一試海鮮・黑松露牛肝菌汁意大利飯 $88海鮮種類同份量都好多下，有青口，八爪魚腳🐙，有魷魚有蟹柳，中意食菇菌味既必食，牛肝菌汁配上黑松露，香氣撲鼻，意大利飯比較濕潤，每一粒飯粒都有濃濃既菇菌香氣，超級惹味餐飲：凍朱古力 凍檸蜜（蜜糖另上，可自行加入份量）