Victoria Restaurant

Open Now

Now Closed

同FD花墟買花，FD話不如試下她之前一直有幫襯啲西餐廳，咁試試。餐廳裝修得唔錯，幾有特色，晚市提供套餐，百幾已經可以食到牛扒羊架等餐。凍檸茶同可樂，凍檸茶茶底好香濃，飲落好清甜。餐湯揀咗羅宋湯，蒜蓉麵包焗得好香口，食落脆啵啵。羅宋湯，料好豐富，飲落好濃郁，唔錯。烤紐西蘭草飼羊扒配紅酒燒汁同薯菜，一份有3件羊扒，今日揀咗7成熟，切落仲見到少少紅色。羊扒燒得啱啱好，食落肥瘦相間，曝晒汁水。羊味唔算好重，超好味。配菜都好豐富，有胡羅蔔仔，薯仔同脆玉瓜，都係微微煎過，好味。原隻德國脆皮鹹豬手，哩個真係不得了，豬手好大一隻，焗得皮好脆，送咗上來都O晒嘴。鋪頭仲好貼心問洗唔洗幫切埋，咁一定要幫手切啦。切完豬手大大件都有7-8件，皮真係焗得勁脆，食落一D都唔覺得肥膩。豬手預先做過處理，好夠味，套餐搭配埋2款醬汁，點落味道更加豐富，最後同FD食到勁飽都沒食晒啲豬手。FD一直都有話，哩間餐廳都係街坊幫襯，食完真係可以理解，150HKD可以食到出面300幾啲質素，我係附近住都一定會幫襯啦。以後行開花墟，都一定會再encore哩間餐廳！

昨晚同朋友嚟到太子据扒，呢間西餐廳有質素抵食！值得向大家推薦一下！「Victoria Restaurant」 係位於太子花園街，經常有好多人排隊，餐廳環境舒服，仲有靚靚西餐廳嘅裝置，播放英文快歌，感覺好high class！晚餐Menu 都係set dinner，包一個餐湯，如果想再豐富啲，仲可以追加煙三文魚田園沙律，仲有好多滋味小食可以揀，今次大飽口福喇！帝王蟹棒·雞柳·明太子天使麵香氣十足嘅明太子天使麵，配搭上creamy醬汁，再夾雜着雞柳肉，口感非常豐富！仲有好長嘅帝王蟹棒，帶有淡淡香甜味，每一啖都好飽滿，而且帶有綿密緊實口感！烤美國黑安格斯西冷牛扒 配 紅酒燒汁薯菜點咗一份五成熟，烤得剛剛好，都將肉汁鎖上，沒有出血水，處理得好好！再點上紅酒燒汁，可以令肉汁嘅鮮甜味升華！小食篇帕馬火腿·蜜瓜巴馬火腿肉質柔軟、甘甜芳香，配搭上香甜嘅蜜瓜，係一個開胃又好食嘅凍盤小食！脆香雞翼·水牛城辣汁·薯角超級脆皮雞翼，炸至金黃色，再配搭上水牛城辣汁，十分惹味！而且個汁係酸酸哋，唔係好辣，Like！芝士焗瑞典香草肉丸·薯蓉 經典小食瑞典肉丸，焗到熱呼呼，仲有好香芝士奶味，底下仲有幼滑厚實又好味嘅薯

今晚食呢間餐廳真係一定要同大家推介♥️先嚟有靚仔哥哥😍又好禮貌又溫柔🫶🏻🤣🤣講返個主食先😆今晚嗌咗兩個dinner set一個嗌咗黑松露海鮮飯 另一個嗌咗烤羊假配薯菜海鮮飯都幾重黑松露味 食落又唔會好似其他舖頭d西班牙燴飯咁有生米感今晚最鍾意嘅嘢嚟啦~ 一定要推介俾大家嘅係個羊架！！😍🤤🤤五成熟~煮得啱啱好入面嫩滑多汁 又唔會有血水 肥瘦分布都啱啱好 正啊😻呢個下次嚟食 都真係一定要encore😽😽😽另外估唔到嘅係佢配薯菜 係真係配咗焗薯俾我唔使次次出去都食薯條🫠其實真係好熱氣🙈野飲都嗌左兩杯特飲~一定係好飲嘅熱情果檸檬梳打另外 鍾意試新嘢嘅我 梗係嗌個特別d㗎喇🤡嗌咗個藍柑青檸梳打😆一嚟到大家異口同聲話 :好靚啊😽~我自己都幾鍾意，但係又有d唔識形容呢個味道就留返大家自己嚟試啦🤪🤪已經好滿足啦🥰最後都係仲嗌咗個伯爵茶蛋糕share🤫幾特別 食得好似有減糖棉花糖夾層嘅感覺唔知呢個金舌頭試得啱唔啱 錯咗大家再話我知🤪😂一餐飯完美嘅結束 一定要有甜品☺️🫶🏻

今日收工過左旺角呢頭，同屋企人試左呢間西餐廳，cP值極高好想推介比大家。我地一人order左一個dinner set ,有餐湯，主菜同飲品。食得好滿足。餐湯雖然係普通紅湯但佢整得非常之不普通。超級多料之餘真美味，無味精。主菜我哋點左烤美國黑安格斯西冷牛扒扒身厚身，新鮮多汁，牛脂味好重，肉質爽口彈牙！薯菜都唔唔會令你失望。蔬菜新鮮，翠玉瓜，甘荀爽甜，薯仔原個分半上😋另外一個主菜大虎蝦紐西蘭草飼牛柳。大虎蝦非常新鮮爽甜，食隻蝦都覺得值回票價😇牛柳起厚身，烹調得非常好，肉質鮮嫩。餐飲熱朱古力特濃朱古力味，熱辣辣，天氣咁凍飲落去好爽。

晚上嚟到太子食晚餐見Dinner Menu幾吸引就揀左呢間先上餐湯，揀左羅宋湯羅宋湯配左塊法包蕃茄湯底幾濃，入面仲有少少蔬菜主食揀左烤美國黑安格斯西冷牛扒配薯菜西冷牛扒五成熟，牛扒中間都keep到粉紅薯菜係烤開半嘅去皮薯仔同蔬菜另外叫左烤大虎蝦紐西蘭牛柳配薯菜烤大虎蝦預先破開左半邊，方便刀叉切肉質烤得啱啱好，有微微炭香味紐西蘭牛柳肉質幾軟淋，配黑淑汁好好味餐飲就叫左凍檸茶糖水分開上，茶底偏淡整體食物性價比高餐廳環境舒服，值得一試

同一條街有兩間分店，好受街坊歡迎。平民價西餐廳，環境舒服，播放英文快歌，店員都好友善，dinner set都係百零蚊左右。好抵食，份量又足夠。羅宋湯羅宋湯香濃，酸酸甜甜有少少辣味，好足料，啖啖都係菜蔬。蒜蓉飽好香脆。忌廉湯忌廉湯有少少粟米火腿粒，唔會太鹹太濃，兩款湯都唔錯。大虎蝦• 烤紐西蘭草飼牛柳 $158牛柳叫做左七成熟，好厚身，啱啱好，容易咬開，保留肉汁。配黑椒汁，好惹味。虎蝦新鮮。另外薯菜都出色，有用蒜蓉炒香過。原隻德國脆皮鹹豬手 $168份量超大夠三個人食，即叫即焗嘅豬手，熱辣辣。唔會太鹹，配兩款醬汁，紅酒燒汁&蜜糖芥茉醬。中間近根位d肉好嫩，皮好香脆，值得一試。凍朱古力味道正常，唔會太甜。熱檸蜜好體貼，額外配蜂蜜自己加。

街坊港式西餐🫶太子花墟頭段近運動場道 有好多街坊餐廳 價錢實際 今晚阿媽懶得煮飯 於是去食番餐 又唔駛就住荷包叫😜-🥣是日餐湯蘑菇忌廉湯比較淡 羅宋湯足料夠味-🍖烤紐西蘭草飼羊扒 $148烤羊鞍架竟然有三大件😍 肥瘦適中 有油脂甘香 我要求七成熟 肉地依然軟嫩又冇羊肉羶 唔跟薄荷醬 一樣夠味 烤薯仔🥔好好味-🐥香烤原隻法國春雞扒 $128雞皮上灑上烤香草 香味好吸引 再淋黑椒汁 雞皮連肉一齊食最正 雞扒唔乾唔嚡 意粉彈牙 整體嚟講 呢個係水準之作 -🌹玫瑰荔枝梳打 +$12🍏青蘋果薄荷梳打 +$12用跟餐價錢追加 抵飲好多 水果梳打好大杯 賣相唔錯但係味道淡 水果味/薄荷味都唔突出

路過太子花園街，又到了中午12：00，我們想食西餐，看見有一間Victoria restaurant，入到餐廳，已經坐咗八成人。我們order咗倆個set lunch另加一個沙律菜。.我們都係鍾意飲羅宋湯、 配上蒜蓉包，湯味道好濃沃，菜料都幾多，正😋😋😋。額外加了燒牛肉芝士沙律配意大利陳醋汁：賣相相當唔錯，一口咬落啲牛肉嗰度唔韌、鬆軟、有牛味，蔬菜好新鮮配上呢個陳醋汁係絕配，分量都幾多。😋😋😋😋😋。馬來亞咖哩燴會牛肋肉意粉：牛肋肉軟硬適中，有牛味，咖哩汁都幾濃，辣味適中唔太辣，軟硬適中有咬口😋😋😋😋😋。烤美國黑毛豬扒薯菜配上紅酒汁：豬扒鬆軟、脆口、肉汁juicy，薯條大條、外脆內軟，唔錯😋😋😋😋😋😋。餐茶咖啡和熱檸蜜:咖啡又香又滑,無乜苦澀味😋😋😋。熱檸蜜，甜度恰到好處，而家天氣乾燥，至啱飲。😋😋😋。總結：性價比高。食物質素高、好味道、份量多、價錢親民，侍應態度有禮及殷勤。我会介紹朋友去食。

Victoria Restaurant 餐廳嘅佈置都花心思，有水晶燈、貓畫、彩繪窗花。我哋叫咗兩個套餐，好豐富呀！1)烤紐西蘭草飼羊扒$148配黑椒汁，好大件的羊扒，7成熟，羊扒有一點點(羶)係正常。意大利粉彈牙，唔會(淋)晒。羅宋湯，材料多，係我鐘意嘅味道。好好飲。三文魚沙律菜凍咖啡2)大虎蝦•烤紐西蘭草飼牛柳$158配黑椒汁，7成熟，容易切開，肉質唔會(韌)，配菜嘅薯仔好食。三文魚沙律菜蜆肉蘑菇湯，多蜆肉，湯唔太(杰)身，好味。凍咖啡3)法式鵝肝多士(1件)•香草番茄莎莎$68💗加配有7折👉$48鵝肝夾埋脆脆多士加一點蕃茄莎莎，好滋味⋯⋯

今晚來到位於太子花園街嘅「Victoria Restaurant」，經常都見好多人排隊，同一條街竟然有2間分店，可見受歡迎程度😆餐廳面積不大但裝修都幾精緻，職員服務細心，會俾個籃你放袋。晚餐Menu統一係set dinner，包一個餐湯，再可以半價點飲品。還可以追加煙三交魚田園沙律。🥗煙三交魚田園沙律 $28煙三文魚份量都唔少，鍾意佢嘅沙律菜有雨衣金蘭比較少有，加上胡麻醬幾好食🥫羅宋湯配上香脆嘅牛油法包多士，味道唔錯🥩大虎蝦・烤紐西蘭草飼牛柳 $158賣相非常討好有晒擺盤，有點高級餐廳嘅感覺😆牛柳選咗medium rare，沒有落太多鹽醃製，味道相對淡口，食起來更能突出食材原味道。虎蝦亦都幾好味。🐟鹽燒鱸魚•黑松露鮮蕃茄汁 $108鱸魚表面燒得夠香脆，肉質依然保持鮮嫩，魚有鮮味。上有一大份黑松露醬，令鱸魚味道層次提升。再配合鮮蕃茄汁味道更佳。飲品點咗朱古力同檸檬茶。朱古力個玻璃杯勁靚，而總結：百幾蚊有個幾decent嘅西餐，無論服務、食材質素、賣相、味道，都有水準。絕對係性價比之選，難怪全場爆滿！建議先book位，否則可能要等好耐！

今日行過太子，發現食開嘅餐廳開多左間分店在對面，佢地話坐得舒服d就一於試下叫左個羊扒：7成熟好嫩滑，表面煎香唔太so味，薯菜都好夠味，唔無白烚或齋焗熟就算肉眼7成算厚身，有牛應有質感，唔係用梳打粉整到淋晒嘅肉質。蒜蓉汁唔會好結身，好香蒜味加左個蘋果蓉芝士蛋糕：其實就係芝士蛋糕面頭有蘋果蓉😂因為蘋果都幾清香，所以配合濃味芝士都幾夾。每張枱都會有個裝袋籃子，幾細心。侍應好有禮貌同勤力。水吧嘅職員勁快手，即叫即整勁快上枱

星期五晚收工之後去咗花墟睇花盆栽，買咗啲靚嘅盆栽🪴，然後附近搵嘢食，好多餐廳終於揀左呢一間餐廳係新開嘅分店入去試下啦！去到嘅時候剛剛坐滿座要排隊等咗10分鐘左右就到我哋。 我哋兩個叫咗帝王蟹棒天使麵、香草醬燒牛肉意粉、羅宋湯、忌廉湯，見到呢餐廳嘅裝飾都幾特別啲燈飾好靚係一啲吊燈形式，對面果間餐廳啲裝修同呢間一樣，分店就係對面兩間都爆場，餐廳內見到隔離左右都係一啲熟客 ，服務員都同佢哋打招呼好似經常都有去幫襯咁，應該好多都係街坊黎食。好快餐湯就到咗，當然我哋一齊都會互相試下兩個湯啦，羅宋湯個味道好濃沃，忌廉湯都好味😋唔會太稀或者 太傑 ，好快兩個主菜就到喇，蟹棒天使麵個蟹棒唔會太淋煎得啱啱好好味，不過天使麵啲醬汁多咗少少傑身左味道都可以，香草醬燒牛肉就啱啱好，鮮嫩唔會太熟，意粉爽口彈牙唔會太淋，牛肉燒得啱啱好好味😋 餐飲我哋叫咗檸水同凍奶茶，檸水嗰個玻璃杯好靚幾有特色。呢間餐廳雖然貴過隔離紅橋少少，但食物質素好啲，但價錢都算平所以有街坊都會經常黎開餐都好正常。