維港冰室

Open Now

Now Closed

一直會在外面食早餐的我、嘗遍各區大大小小，新新舊舊的餐廳。第一次在這裡晚膳，真心推介！食物大碟又好味（忘記影小菜）伙記有人情味，會主動介紹食品（充滿笑容）這一點真係香港難求「我只試過銅鑼灣未試灣仔店！現在早歺行遠啲都會過嚟食！我強烈推薦大家試吓。今時今日係要有呢啲服務態度才能留人在港消費。比起灣仔「紅X」好出幾憶倍，紅「X」不是灣仔多寫字樓執咗好耐，見佢晚市往往－，兩台就知。人家食方便不是「欣賞」我強調我不是打手、只是這個店令我想執筆讚揚一下、請加油繼續keep 住這個精神、一定越做越好👍🏻我會再來的香港除了食品質數、服務也很重要。要留客不要只「怨」及數算！肯改、明天一定更好

由呢間茶餐廳啱啱開鋪，只收現金嘅時候長期幫襯到今日，戴誇張耳環嗰個上年紀女人啲服務從來冇好過，仲有個靚妹啲服務態度都差到無倫，睇在啲嘢食OK都繼續幫襯到今日。平時入座，明明見到啲位置俾啲客擺嘢擺喺度個位窄到入唔到, 都仲叫客人夾硬迫入去，當時並非繁忙時間，明明仲有其他吉位冇人坐，都唔明呢啲咁嘅侍應咩心態？明明有位置比客人坐得舒舒服服，點解要難為啲客？係唔想做定係點？當你坐咗喺啲吉位到，又話要清潔又乜乜勿勿，就係唔俾你坐，要你搬去佢想你坐嘅位，明明吉位附近仲有大把客人喺度食緊嘢！清乜嘢潔 ？你老闆請你返嚟係服務客人，唔係趕客 ！再咁落去，呢間茶餐廳唔會再有回頭客！

同家人行完工展會，餓餓地，就喺銅鑼灣搵野食，見到有間維港冰室夠多人，伏極有限。入到去，職員幾有禮貌咁安排左細枱。睇左餐牌，揀左炸魚柳配薯角同星洲炒米，等左唔洗十分鐘就上菜，先上魚柳有驚喜，炸魚柳好大塊，薯角份量足，又有沙律菜，比好多餐廳好，食落知係即做，唔係做定嘅。轉頭上埋星米，呢個就唔合格，油多色差唔乾身，但配料足，味道唔得，食唔晒。呢度啲職員都有禮，唔會黑口黑面，加上食物水準可以，但中餐就要改進吓先得。總體西式餐有水準抵食，中餐就可以唔諗。

冰室位置就在謝斐道大街，周圍兩旁都是各種餐廳。這家冰室食物飲料款式很多樣化，選擇也很多，總有一款能符合你心意。這家冰室居然有酸菜魚，立馬點了個酸菜魚開開胃，魚肉很嫩又不會太辣,湯底不會很濃郁過咸，有木耳跟菇，清清的，一口接一口，魚肉不嫌多。喜歡無骨海南雞，適合我這種懶人不用吐骨，雖然叫了半只，但份量卻很多，沾上旁邊的醉辣醬，簡直不要太爽，如果醬汁再多一點就更好，畢竟雞給的份量很足。另外的香鍋麻辣雞外皮香脆，辣度剛好，很下飯，裡面的料子也很多，有油麥菜，蓮藕和薯條等等。配上很大杯的忌廉朱古力，不會很甜上面的忌廉軟呼呼的，拍照要快，要不然很快化掉。另一杯龍鳳檸樂混合了檸檬清香和醃漬咸檸檬的咸香，酸酸甜甜又加上一點點咸，和可樂毫不違和的融和在一起。最後的啫啫排骨煲裡面的肉多得很，排骨還不錯，很容易脫骨夠味，但叉燒有點過硬柴掉了，如果嫩一點就更好了。現在因為冬天也有羊腩煲，不過只在晚上供應想吃的朋友們記得留意，不要像我錯過了吃羊腩煲。

今日和啊妹行過銅鑼灣，去左一間叫做維港冰室嘅茶餐廳食早餐 ，估唔倒第一次到咁正嘅早餐，通常啲茶餐廳食來食去都係沙爹牛麵之類之類，非常普通，但未見過咁豐富嘅早餐牛肉同埋炸魚都整得幾好味，炸魚整到金黃色啱啱好外脆內軟，滑蛋整到半生熟好掂，上面仲加左白松露 醬，好有心思，仲加埋一條好大嘅德國腸，平常茶餐廳淨係加一條腸仔就算，仲有火腿同埋沙律，沙律上面重有三文魚碎粒真係特別正，佢哋自製嘅餐包，餐包唔軟唔硬，都好味，加埋餐飲，40幾蚊真係好抵。

上星期行行下見到一間閃閃生光嘅茶餐廳「維港冰室」最重要係有一個勁吸引眼球嘅飽餅櫃，匆匆吃過雞批，奶茶，印象唔錯，於是決定擇日重賽。餐廳新開張，所以裝修都新淨、地方也乾淨，燈光足，店員多，梗有一個系左梗，而且吾系西面人，客人食得更開心也更樂於消費。果然是香港人的港式茶餐廳，餐牌內，無論中西菜、小炒、鐵板餐、酸菜魚等，睇到我睇都花，可謂完全乎合國際化口味。點完菜，店員先送來一紅一中湯我喜歡紅湯「羅宋湯」料頭足，也夠酸；可惜兩碗湯溫度都爭啲。秘製古法羊腩煲$158 這個羊腩煲絕對拍得住洒樓出品，食材足料有支竹、冬菇、冬荀、馬蹄和生菜、當然還有主角羊腩肉，我喜歡羊肉仍保留少許羊騷，肉炆得夠稔亦入味，醬汁濃而不咸，加小許腐乳可令羊肉的肉味更富層次，更鮮香。整體來說味道和賣相也高質，如支竹煮稔啲就更高分。因為我們也在減飯中，只要求一個飯，否則這個濃汁送飯應該不得了。西蘭花炒魚塊 $99估唔到份量一啲都吾細，抵讚！魚塊仍然保留一片片，沒有炒到散晒，我喜歡吃到啖啖肉；因為打左個薄獻令西蘭花吃落有啲汁感，口感亦不硬，味道也不錯，不咸，合乎健康飲食口味。兩款主菜份量也十足，其實我吃左一半已經飽飽了。凍檸賓

新開張冇耐嘅茶記冰室，梗係要支持下😬 呢度地方寬闊，食物款式亦都好多😋 肥牛炒烏冬超正！份量好多，而且用傳統鐵板嘅形式去上菜，感覺特別有懷舊氣息，好正😭公司三文治份量亦都好大，有三大嚿，厚度係正常人都冇辦法一旦放晒落口嘅程度，真係超級抵食🥰🥰話說呢間餐廳最令我覺得值得推介嘅其中一個原因，就係佢有現今世代茶記越嚟越少見嘅檸檬咖啡！呢度啲檸檬都幾新鮮又大片，呢種凍檸啡酸酸甜甜嘅味道真係好令人懷念，而且非常罕有，絕對值得為咗你杯嘢飲而幫襯！🤩🥳

早上11點40分到餐廳，由於未到午飯時間所以當時餐廳大約4成滿客。我點左一個「一人麻辣套餐」既「麻辣香鍋牛」，張單既落單時間係11點46分。等左20分鐘，我見有另一枱遲過我入枱既客人都已經有野食，我就叫位伙記跟一跟。位伙記敷衍左我兩句就行開左，連扮野㩒下機或者去廚房望望都無。再等多10分鐘，即係前後等左30分鐘，忍唔住問另一位伙記。位伙記第一句就話「唔關佢事」。我叫佢搵經理問一問，個經理行過來回覆，係我前面仲有2張單，我份餐係「等左30分鐘都仲未開始煮」，亦即係白等。到最後我係無食到份餐就走左。其實本身對茶餐廳既服務唔會有太高要求，而我都知自己唔係叫「每日快餐」就一定要等少少。只係我無諗過去一間茶餐廳要等30分鐘都仲未開始煮；期間經理叫我轉食其他餐，既然佢咁講得即係佢都知道餐廳既爐位慢，好心係客人落單前都講聲唔好浪費人時間。

早餐食過好多次今次帶媽咪黎食下午茶叫左魚柳包、炸雞髀薯角、星洲炒米首先份量係超多魚柳包魚柳係熱辣辣仲砌左心型炸髀之前外賣食過已經覺得好食堂食就更加脆咁大隻髀佢可以炸到中間好多汁非常讚另外我叫薯角但黎左沙律我仔仔已經吉左落去同侍應講佢本來想成碟換但吉過，冇理由換比其他客/掉左去問佢可唔可以比幾條薯角我最後佢比左一份薯角我星洲炒米就唔太夠味配料多、炒得都好好如果濃多少少就更好

打波前要食野，去茶餐廳諗住快食，減知見到呢間有牛扒，我同fd 都想食扒，於是各點了一份牛，同一份雞。呢個餐仲有紅/白湯+自家製餐包，麵包係呢間推介，估唔到餐包有驚喜，麵包軟熟有牛油香。招牌黑椒牛柳 $128牛柳肉都juicy,點埋黑淑汁，5成既肉入口就可以輕易咬開👍🏻有肉味，都幾好食。茶餐廳價錢同質素，快快地想食個扒，都算唔錯。日式照燒鰻魚雞扒 $118鰻魚味比較咸，雞扒滑，如果唔想食小菜，叫個皇牌鐵板套餐都OK, 不過再揀我寧願貴$10 食牛扒喇。

這間新開的港式冰室位於銅鑼灣，鄰近地鐵站C出口十分便利。店內環境寬敞舒適，設計具備港式情懷。午市時段設有多款是日快餐，亦有全日早餐、常餐、炒粉麵、鐵板、小菜等。餐湯+自家製餐包是日為黑松露忌廉湯，濃稠又順滑，有一片片爽滑的菇片，帶陣陣松露及香草香氣；餐包外脆內軟塗上薄薄一層牛油。蒜蓉美國西冷牛扒 - $119大大塊西冷牛扒烤得略帶焦脆，切開保持著嫩軟多汁的粉嫩，油花雖少，但勝在牛味濃郁；洋蔥、紅蘿蔔、車厘茄及西蘭花等蔬菜平衡膩感；煙韌彈牙的意粉很掛汁，或可轉薯菜或飯。招牌黑椒牛柳 - $129黑椒可轉其他醬汁；兩條厚厚的牛柳酥嫩多汁，油花不多，但勝在肉筋非常少，咀嚼幾乎無阻力，牛味濃郁鮮美；原隻焗薯軟糯綿密夾著香甜的芝麻醬。西班牙咖啡 +$12香醇的咖啡有鮮奶的滑順，香甜的忌廉平衡咖啡豆的果酸，更有一球朱古力雪糕。凍檸檬茶 +$3檸檬香氣很突出，口感清爽清新。

約咗個 friend 嚟銅鑼灣買衫換季，shopping 完就順便喺附近食埋飯先返屋企。喺謝斐道搵到間新派冰室，門面光鮮，環境乾淨企理，今晚就一於喺呢度開餐。餐牌包羅萬有，由全日早餐、特色炒粉麵、西式燴飯、秘製馬來咖喱，以至皇牌鐵板套餐、精美小菜、小食類、出爐麵包等，一應俱全，滿足到唔同食客嘅需要。我哋點咗幾款小菜，全部都配有明火例湯及絲苗白飯，熱飲+$6、凍飲+$8、特飲+$10、維港特飲+$15。是日中湯為合掌瓜豬骨湯，味道清甜又滋潤。去骨水門海南雞 ($129/半隻)  碟海南雞賣相好吸引，色澤金黃，雞皮爽薄不肥，雞肉嫩滑富彈性，加上已經全部去晒骨，入口啖啖肉，食得出有雞味。豉汁蒸倉魚 ($99)  條倉魚好新鮮，蒸煮時間掌握得啱啱好，魚肉極之嫩滑，豆豉份量夠多，加上香濃惹味嘅豉汁，佐飯一流！香蔥韭黃蝦仁炒蛋 ($99) 雞蛋炒得好滑溜，火喉控制得很不錯，味道剛剛好；韭黃清爽又唔油膩，蝦仁大大隻，爽彈有鮮味。菜心炒牛肉 ($87)  牛肉分量十足，多到成座山咁，而且水準甚佳，唔單止厚身大片，肉質亦非常鬆軟，鑊氣十足。菜心選用了菜遠部分，入口翠綠清甜。另外點咗 2 個雞批，外皮酥香

🤩香鍋麻辣雞配白飯濃郁的口味和激辣的刺激。麻辣的香氣彌漫著整個鍋子，為雞肉注入了豐富的風味🤓🤓🤩星洲炒米粉添加了豐富的配料，蝦仁和蔬菜，增添了口感的豐富度。而那獨特的星洲醬料則帶來一種微辣且微甜的風味😃😃🤩咖喱牛腩飯牛腩燉得入味，肉質鮮嫩，配上香氣撲鼻的咖喱醬🤣🤩熱鮮檸柑橘蜜酸甜，解渴又提神❤️🤩熱招牌香滑奶茶順滑香濃的奶茶，甜度適中🤩蔥油瑞士雞翼撈公仔麵撈公仔麵彈牙有嚼勁，雞翼又好入味🥳🥳配火腿白松露炒蛋加菠蘿包白松露炒蛋好香，平時淨係比餐包，但依度有得食菠蘿包，都唔錯🤩蛋撻酥皮的香脆，口感豐富，傳統的港式甜點😄😄🤩菠蘿油鹹甜交融的滋味。熱辣辣，啱晒做早餐😝🥲

A new cha chaan teng opened close to my home and I decided to give it a try. It was very large with lots of space. They also seem to decorate the walls with Bearbrick. That was definitley different.Menu is in English and Chinese. There is no 10% service charge. When I was there, it was the start of afternoon tea.I ordered a Stir Fried Beef Rice Noodle ($55). A decent portion with generous large slices of beef. It wasn't too oily and wasn't salty at all. Interestingly I found some pieces of shred

我们去逛街，逛累了，刚好经过这家茶餐厅，我们两个大人一个小孩，进去坐下那个女服务员就叫我们把小孩手推车放在外面路边不能拿进来，这样都算了，男服务员态度是挺好的，那个女的服务员，看她不像老板娘但是说话语气嚣张，穿着服务员衣服像老板娘一样的态度，我们都还沒有吃完，就放在台上，她就过来问我们还吃不吃的？我们说还要的，她叫我们打包带走我都第一次出去吃饭被人赶着吃，赶着吃完走人的感觉。这种人的服务态度影衰晒香港。