勝利小廚 (Closed)

一入去，坐低連 menu 都未睇，阿姐就企喺隔離等落單，想點？好嘞，叫人落單，個阿叔鞋口鞋面咁，唔知以為我殺咗佢全家囉。海南雞飯，一啲都唔好味，又唔香，飯又唔熱。煎餃唔知乜鬼菜，OK 脆卜卜，不過愈食愈油，凍咗啲油簡直嚇死人，要去咗層脆皮先食到。勝利小炒王，魷魚好重味，腰果蝦米都好脆，顯得肉粒勁無味。食食吓有人搭枱，竟然有例湯送，大家都係海南雞飯啫！不過見到湯水啲色就無胃口，算，唔計較咁多。TB 哥哥收錢嗰吓先勉強一笑，辛苦晒！見到黎諾懿買外賣，甄文達嚟堂食，忍唔住諗，因為多名人幫襯所以服務態度就咁差嗎？真心佢哋仲寸過澳牛，人哋澳牛就有鐵漢柔情丫，Lee 度？乜都無囉。

聽聞勝利小廚海南雞飯出名,所以附近上堂便來試試。正常茶餐廳格局及衛生情況,但侍應的態度實在負分因冷氣機漏水問題,我們要求換位, 白衫侍應阿叔以無禮,囂張的態度拒絕,話叫我友人講過D就唔會被滴到,聽到真係嬲到震,若非餐飲到左否則會即時離場食物方面,叫了豬脾飯同海南雞飯,講真真係平平無奇, 比佢好食的店真係有好多! 但受氣方面真係勁過澳牛同金華!

走到勝利道，遇到《勝利小廚》，一間很有地道感的餐廳，其中有不有東南亞美食，於是就點了這個泰式豬髀飯。全是皮及肉，很方便。不論是皮或肉都很軟，味道也不錯，很易入口。

今天放假跟朋友到處晃，晃著晃著就走到去何文田勝利道吃勝利小廚～.這家的海南雞還是一樣好吃，重點在醬汁跟油飯～如果兩人同行又飯量不多的，我建議是點半隻雞再另外單點油飯～那會比較便宜，而且有一定有雞腿肉～（當然如果是飯桶的...就另當別論囉..😂）.然後我再加點了炸蝦餅，這家的蝦餅是圓滾滾，不是平常比較常見到扁身的，但是兩個女生吃就有點多，如果可以點半份或是兩顆就好了～.#香港 #hk #hkig #吃貨 #🍴 #覓食 #勝利小廚 #丸茶手作 #海南雞飯 #珍珠奶茶 #台灣

放學成日經過勝利道,成日聽海南雞飯好食啊！今日見有時間就試下你間馳名海南雞飯啦！只能說名過於實啦🙇🏻‍♀️, 雞滑但淡如無味. 說好的油飯呢？只不過係一碟黃色的飯。食之無味 棄之可惜。 我和朋友係豉油撈飯咁食完間午餐～～自何文田站開通, 勝利道既餐廳不斷被媒體吹捧。但有名有實的卻是寥寥可數啦🤷🏻‍♀️

馳名海南雞飯，反正特登過黎食，緊係要食雞脾啦😍。海南雞飯食唔少，呢到確實雞肉比較嫩，唔鞋口雞皮唔肥，油飯也夠香，並不是浪得虛名。朋友食豬脾飯，肉炆得好淋，入口好重膠質，原汁原味，都很不錯。飲埋個唔落味精老火湯，大滿足。

其實都好耐冇黎過， 嘅然行過咪入去試下囉， 下晝三點零鐘大把位， 都係叫返出名嘅雞飯啦， 食落都幾失望， 個飯煮得太軟， 有色又但係冇油香， 海南雞都失哂水準， 睇黎要抖一排先會再黎

我住咗何文田超過20年，勝利小廚對於我哋屋企來講係其中一個飯堂，屋企冇煮飯，又會買盒雞飯同海南雞一家人食。星期日菲傭放假？去買一隻海南雞同一盒油飯。 以前喺呢度買飯食飯通常都唔使排隊等位，在某年某月某日突然之間勝利小廚出咗名，多咗好多其他區來嘅食客，亦都好多人將呢間鋪頭嘅海南雞飯同全香港其他食店比較，令到勝利道多咗好多人，呢條街係一條食街，不過食店唔係間間都可以長此做落去......勝利小廚係其中一間喺勝利道屹立不到嘅食店。舊年搬咗屋離開咗何文田區，因為要返返呢區嘅銀行做啲手續，又有機會喺呢區食飯我心裏面有三個選擇1. 勝利小廚 食 海南雞飯2. 龍德樓 食 煲仔飯、燉湯3. 李錦基 食 越南生牛肉粉既然最想食海南雞飯，先一去睇吓勝利小廚有冇位，無位先食其他餐廳~對於我來講，勝利小廚除咗食物好，其實係冇其他配套，所以當你有個心理準備知道要去一間茶餐廳地方食嘢，都係本着一個快快食完一餐嘅心態去。所以我同其他冒名而去嘅食客心態唔同勝利小廚，只係一間我落街食嘅茶餐廳店面嘅左邊有個透明嘅玻璃窗可以見到廚房，令人最印象深刻嘅係咁多年來都係泰國人女廚師斬雞。六點幾，唔使等位入到去，我只係認得收銀個

過了一段日子，再次來食，一樣好味，少有食到這麼好食的雞！只是在飯市時段可能真的太忙，都不能對他們的員工態度有太大期望了，我見食物就真的無問題！價錢也公度！他們的豬肶和鴨，真的美味難忘，還有蚝仔疍和一款叫蜜椒豬肉，正！

本來上次已經想一試，但當時我帶住小狗喺狗袋入面，所以被喝走。明白呢間餐廳係不準攜帶寵物，所以無問題，只係感覺店員好惡。今次同是帶住小狗，所以打算買外賣試一試海南雞。我只係剛踏入門口想跟店員講我想買外賣，點知俾佢喝令要我岀門口，話要買外賣就自己岀去睇外賣紙，仲要有另一個店員幫口鬧，真係o左咀...雖然openrice已經見到呢間餐廳嘅食物大不如前，喊樣多過笑樣，但對未試過佢食物嘅我黎講，員工惡劣嘅服務態度已經足夠令我唔會再去。

勝利小廚, 好幾年前已經食過. 當時係勝利小廚附近何文田區返工, 記得每次LUNCH時間路經, 門口都排長龍. 有一次早左食LUNCH, 行過見無人排, 就走左入去食.入到去見到差不多枱枱都係食海南雞飯, 就跟住叫, 之後就算無再係果區返工, 都周不時過去食, 仲有介紹俾朋友.不過近幾年水準每況越下, 已經少左去食. 當天剛巧路過, 即管入去睇下能否回味一番.海南雞飯餐跟例湯例湯: 估計青紅蘿蔔豬骨湯，但只飲到少少青蘿蔔味，極少渣，好咸，俾杯水我飲好過海南雞: 雞無雞味, 有皮雞較易入口，無皮的較乾好鞋，肉少少硬油飯勁硬, 油過多好失望,唯一安慰係醬料味道依然保持水準, 可以醬料不是主角, 睇尼係最後一次幫襯....

今晚我們去咗何文田勝利道嘅「勝利小廚」食晚飯！我們叫咗海南鷄、泰式滷豬脾、鐵板蠔仔蛋同梅菜滑豆腐蒸魚腩！海南鷄嘅肉質好嫩滑，唔會好「嚡」！泰式滷豬脾炆得好腍好入味，肉質相當鬆軟，豬皮嘅口感非常軟滑彈牙，滷水汁嘅味道亦好濃郁！鐵板蠔仔蛋嘅蠔仔極之肥美肉厚，鷄蛋非常厚身嫩滑，蛋味亦好香濃，而且份量十足！梅菜滑豆腐蒸魚腩嘅魚腩肉質相當新鮮嫩滑，豆腐好軟滑，梅菜嘅味道亦好香甜！鷄油飯嘅色澤都幾鮮黃，而且椰汁味亦幾香濃！

以前有來食過，今日朋友同狗狗在附近看醫生就再黎試！大不如前，雞肉略乾好瘦，咬落去雖然有雞味但算乾左多，唯有點秘制醬汁後，好D！海南雞飯，油飯也是重點，可惜這個只有雞油香，但没有蒜和薑的味道！下次想食海南雞還是九龍城食

今晚有要事來到何文田區和兩位朋友來個早晚餐。一直聽過不同朋友提及勝利道，許志安亦唱過流淚行勝利道，今日就來朝朝聖！勝利道的勝利小廚是朋友推介的，看過食評反應一般，但抱住怎樣也要一試的態度還是選了這家餐廳。坐下來才驚覺這是一家泰菜館！三人行點了一份海南雞飯套餐($56)一份鹵水鴨飯套餐($54)兩份餐都包一杯飲品，友人點了凍檸茶我點了熱檸水。海南雞飯和鹵水鴨均尚可 海南雞好吃但還是九龍城的泰國菜館令人回味。 友人亦再來了一份鐵板壕仔蛋和蜜椒豬脾骨！哇哇哇！一吃之下不得了！！蛋很滑很滑 蓬蓬的！友人和我一口接一口吃的不亦樂乎！壕仔亦煮得剛好 大大的一隻壕仔 吃著也覺得欣喜。 至於蜜椒豬脾骨更是令我們三一吃難忘！那醬汁有很濃厚的蜜糖味道烤得剛好豬脾骨沒有很乾！友人連續吃了兩根！唯一美中不足就是一碟只有四根，價錢$96。 最後埋單每人$100 😁 如果經過勝利道推薦一試啊！

由於今日去還神，所以中午我們去咗何文田勝利道嘅「勝利小廚」買咗海南鷄外賣自取去拜神！海南鷄嘅鷄皮唔會好肥膩，色澤都幾黃，肉質好嫩滑，鷄味亦幾鮮味濃郁同無乜雪藏味！不愧係招牌海南鷄！店員嘅服務還可以啦，唔可以有好大嘅期望！