勝利小廚 (Closed)

🐥🍗海南雞脾飯（$69)其實呢間 #勝利小廚 喺旺角何文田都算幾出名，呢間不一樣嘅茶餐廳，竟然有泰國菜食，而呢個海南雞飯都算係招牌。本身呢個海南雞飯係$59，而我就加咗$10轉左雞脾，成件事好似正左雞油飯好香，大食既朋友仲可以喺order時免費多飯，海南雞髀非常之嫩滑，點埋醬汁都幾好食茶餐廳黎講算唔錯啦，不過價錢就貴左少少。題外話：聽講有啲食客話，食物好似做得退步左，服務態度又差，我覺得整體既服務態度真係一般嘅，食物味道都唔係神級，還可以啦，之前未食過不敢評論，但整體我覺得都可以試吓嘅。

Hello👋🏻👋🏻勝利小廚的海南雞飯 🐤🐥🍚應該5年多沒嚟何文田勝利道的勝利小廚食海南雞飯了，味道應該跟之前有點唔同，但又唔知點講可能太耐冇嚟啦～今日終於嚟食番，只可以講食得出是新鮮雞，沒有雪味，肉質嫩滑，不點醬汁都好夠味。😁😁 雞油飯都不錯，不油膩帶微香，米飯柔軟😉😉可惜已經不覺得有什麼驚喜了😂😂 失去了昔日掛念的感覺，可能我已不再愛你了😏😏😏再見了“勝利”小廚，哈哈哈~

食物平平無奇，但侍應服務態度認真惡劣。雖然唔想第一次嘅食評寫呢d，但真係無辦法。餐廳座位迫，已經背貼背，侍應為左慳嗰兩步，係我們背後攝黎攝去，一餐飯比人踢十幾二十次，真係有夠煩。煩都唔緊要，攝就唔該小心d, 個侍應阿叔一腳踢走左我女張櫈，我個女成個飛左落地！好彩我女都有6歲，只係踎左係地下，無跌親。既然無跌親，諗住快快趣食完走，點知一大陣煙味吹過黎，上至斬雞阿姐，下至侍應，個個係正門口煲煙，仲要向住門口食，唔係個個想食二手煙囉～望住佢希望佢行開食，佢睥返你，吹多兩口煙入黎！然後一餐飯都未食完，成車垃圾拎出黎係你後面行過，又臭又滴水，真係野食食左落去都想嘔返出黎！

偶爾會嚟食飯，覺得幾年前還好些少，近來就多數遇上不滿意之處。這裡咖哩還穩定，但最近一次點這裡招牌菜海南雞(選脾或奕)的例牌就頗失望。先問侍應有冇脾，話冇（雖然見到窗前掛滿一整排雞，但就是沒有雞脾給你），唯有點雞奕。上枱，只數到3條中奕(如圖)，卻帶著5段奕尖(🤔?)，沒有上臂，價錢接近$70。問侍應，佢似乎覺得好正常。吃到一半時，似聽到鄰桌兩位先生亦表示食物中有衛生問題，見侍應過來看過但沒見到餐廳承諾為他更換。加上繁忙時帶位有時說話粗魯、侍應偶爾會有點脾氣，餐牌價錢偏貴，餐廳環境亦不適宜久坐，客人一般要坐圓凳、搭枱。個人覺得不值得推介。

生平第一次寫食評很久沒有光顧勝利小廚今天再去，叫了一個鹵水鴨飯上碟d鴨已經碎曬一條條鴨皮都沒有，叫個亞姨黎問佢就話係咁㗎啦，啱啱出黎熱呀嘛賣相嘔心之餘味道又差！！期間冷氣機滴水...滴中頭同彈到落d飯亞姨都無動於衷...側側博最終碟飯成碟唔想食，係我地好人唔要求更換，但保證以後不會再光顧！ ！

又到左日日諗下午午餐食咩好既時間…聽朋友講勝利道有間幾出名既海南雞飯…所以就走左去試下午餐時間去到都幾多人…舖頭唔算大…都要等左一陣位其實呢間係咩都有得叫既小菜店…不過行入去果時個個人枱面都係一碟碟既海南雞飯…似去左專門店咁海南雞飯配油飯 - 油飯唔算太油…都有香味但味道偏淡雞就有胸有脾(淨脾要加十蚊)…雞肉都嫩…配上海南雞醬都有風味…雞份量就正常套餐送中湯…係算無咩味精既青紅蘿蔔合掌瓜…唔錯唔錯比起一啲海南雞專門店唔算特別好食…不過小廚仲有好多其他選擇…唔一定食雞

至從北角店結業後都沒有食了，之前見到旺角原來有分店，所以今晚一定再去一次！一去到門口，有位職員大喝一句：「第陣！」之後唔使五秒又叫我去坐，感覺已經不太好，同北角之前職員都唔同哂，就連專收錢的夫婦都不見。不過⋯⋯都算吧，畢竟人事異動，又唔係大餐廳，算吧！叫咗個招牌海南雞飯同我最喜愛的鍋貼小棠菜。點知⋯⋯個飯一嚟都突咗一下，同回憶嘅不一樣，啲油飯色水一撻撻，味道都變了。食埋小棠菜仲心傷好似食炸漿咁，個餡薄過紙！仲要無味道！總括今晚係完成失望，唯有過隔離買杯珠飲吧！

聽朋友介紹來，果然冇錯，海南雞飯， 豬髀飯都非常好味，不過午餐是有些繁忙，會再來。有款窩貼小堂菜 也很好味 還有炸蝦餅 有些感覺像去了泰國味道都算可以海南雞的確係很好食 比起其他鋪頭都算數一數二

My secondary school was just nearby this hidden restaurant, it was one of my all time favourite for lunch in those days. The 'Hoinam' chicken is well-known, smooth, full of texture, and what I want to say is this is still the best Hoinam chicken I've ever tried in hk. Beside the chicken, the oil rice is also great for accompany the chicken. Anyway, what has been changed is price. The taste remains the same

老婆話要去何文田睇狗仔，橫掂都行開，順便食個飯，見到勝利小廚坐滿人，應該吾差點左個招牌海南雞飯雞肉好滑，，飯都多味，但醬汁得2款，阿姐湯今日湯無味，建議我揀餐茶，好老實老婆點左呢個鴨肉湯河，勁好味湯底好鮮甜，仲有好多菜墊底鴨肉好新鮮，吾會鞋烚烚好正，回味中

放lunch時間，這間舖頭的門口都會堆滿學生，幾經辛苦終於等到位入去。餐廳的風格都與一般的茶記一樣簡簡單單，環境尚可接受，不過坐得有點擠迫。入到去，即刻點了餐廳馳名的泰式海南雞飯，套餐價$49算偏貴。上檯時，雞飯配以一碟泰式辣醬和豉油，雞皮光亮厚實，雞肉嫩滑，沒有冰鮮味道。油飯味道不錯，但可以更香更重雞味，份量都比較多，女孩子會吃得很飽喔。套餐配以咖啡或茶，點了一杯熱咖啡，可以說只是普通一杯茶記咖啡，總而言之，這碟雞飯的水準中上，可以一試再試!

經過上次識黎勝利道搵食後，今次就試呢間普通既茶餐廳啦，因為朋友聽聞呢間既海南雞飯好食！除左簡單既餐牌外，四周既牆都貼有不同既小菜名。海南雞及豬脾碟頭飯各一，配飲品或例湯。有比較之下，個人覺得豬脾飯得分高d。海南雞無骨，肉質腍，尚算滑，腍到連雞皮都自動輕易甩開，略嫌無雞味，黃黃既雞油飯亦只係超微暖，而且有色卻無味，有D失望囉反而豬脾有驚喜超腍超入味，啖啖肉補充collagen，食埋伴菜既咸酸菜就更開胃

今日又專登去周圍食吓海南雞，搜尋到何文田有一間就去試吓，不過來這一區泊車就最麻煩，咪錶位又唔夠有太多車，這裏更加冇地鐵可以到，下次真係唔想來呢區食嘢這裏裝修都比較舊式，因為是午飯時間已經好多人等緊位，因為我一個人，大約等左5分鐘，好快就有位啦這裏其實都有其他小菜粉麵飯，不過話明專登嚟試吓食海南雞梗係要叫返一碟佢哋嘅無骨海南雞飯啦！今次來的海南雞是雞翼位置，是我最不喜歡的位置因為有骨，因為食無骨海南雞飯就係想佢無骨啖啖肉，因為人太多我都沒有叫侍應幫我更換了，下次要睇自己走亦雞飯都是由雞油煲成的，不過麻麻地，唔夠香，個飯都煮得淋得滯雞有雞味，雞味都係濃郁，雞肉都滑，不過最可惜嘅就係冇我最鍾意食嘅酸辣醬咁鍾意食海南雞嘅我今次就覺得呢間比較普通平民啲

這間勝利小廚愈開愈差，又貴又小雞，而家周圍都有海南雞比佢更好多得是，佢而家買成60蚊一個海南雞飯？d雞小到一打開笑左下，唔係為左賺錢可以咁丫？好心佢拆左門口個張蔡生個張野啦！n年前啦！🤦🏻‍♀️🤦🏻‍♀️以前食過真心覺得好味，近幾年

近10年未有幫襯勝利小廚，今天心血來潮，特地來一客海南雞飯。沒有指明要雞肶，上碟時雞肶和雞胸各佔一半，公道。餐廳供應的是泰式海南雞，配以甜醬油和酸辣醬，沒有雞湯。上菜時單看雞油飯已有中伏之感，飯粒的顏色分佈不平均，一撻一撻，近半飯粒全白。食落亦沒有雞油香，是沒有誠意之作，完全不合格。雞肉則算是香滑，偏咸但仍算是中上水準，但稱不上為”名店”。連凍飲加$2, 埋單要$61, 以地段來說絕對是貴。考慮到質數和一般茶記相去不遠，不考慮再光顧。