越不同

Open Now

Now Closed

首先，佢價錢已經算貴，俾啲咁嘅嘢食人，生菜包啲肉碎調味好差，撈檬連啲汁都唔係正宗嗰隻，嗰啲芽菜仲要係好硬，預你撈落湯嗰啲，點樣攞嚟撈檬食呀。仲有，好心假期係最多客架啦，仲要剩係得一個廚師喺度煮，樓面仲要淨係得動作好慢嘅兩個侍應，未有好多客之前啲嘢食已經好遲先到，之後多咗客，其他食客要等至少半個鐘先會有嘢食。最衰係個待應最後仲要呃我地話泊車要有信用卡底單先可以claim，赤柱廣場大把選擇啦，態度勁差，一定唔會再去。

張櫈有雀屎，好彩我望下先，差啲坐落去搞到身都有。食野的地方竟然可以有雀屎(室內)有沒搞錯吖….服務態度好差！好差！好差！想落單時明明佢沒野做，但永遠話「later 」。三點幾落單，四點半先有第一份正餐。法餐都食完走埋，除非好得閒，又想feel下比人輕視，晾埋一邊，可以試！

今日3：00到赤柱，因周边已沒有午餐，見这越式餐廳tea set$68/78, 飲品另加$18以上，還可接受，所以叫了春卷檬和漢堡飽，欲品是青檸梳打和滴滴咖啡，春卷檬味道還可以，但少得可憐，漢堡包只得一片煙肉和一片蕃茄，咖啡水唏唏咁，無味，青檸梳打好似只有梳打水，沒有青檸味。我知市道很差，但如果做好啲，貴少少都有機會再來，呢两個 tea set食咗$224, 真係肉赤😰

點左香茅豬扒河粉，味道強差人意，第一次食到沒有香茅味的香茅豬扒，屋村樓下間茶餐廳都做得好過佢，湯河完全沒有越南應該有嘅湯河味道，還有點了漢堡包，牛肉極度鹹，薯條味道正路，不會有下次。呢個價錢應該做好啲，我去到嗰日過左午市，餐廳沒有什麼人，可以慢慢坐慢慢涼冷氣，服務態度不錯。

次次入赤柱都係食西餐食到悶雖然哩間越南餐廳無咩人都入去試下叫再個咕嚕魚同煎豬腩肉拼扎肉野飲就青檸蘇打同凍越南咖啡全部都好好味尤其煎豬腩肉超香口，勁惹味青檸蘇打夠清香越南咖啡濃郁香滑招呼又好好，有個鬼佬(無惡意) 好nice, 見有啲英文我地好似唔係好明，嘗試用廣東話講，好得意最後見啲野食唔錯，加個春卷個鬼佬好nice咁比碟仔我地方便食個春卷唔使講，香脆可口所以真係唔明點解有人比負評，隔離餐廳啲打打黎架？🤔

趁假日入去赤柱行下，去到剛剛lunch時間，揀左呢間餐廳，諗住越南餐廳，食越式豬扒飯應該吾會差得去邊，點知中晒伏。豬扒又乾又無味，最伏嘅係啲飯完全吾熱，直頭可以用個凍字形容。莫非啲飯係長期打開飯煲嘅？結果只食左1/3就停左無食🤮絕對吾會有下次！

今日下午係赤柱行完，見赤柱廣場呢間餐廳既菜式幾得意，同朋友一於試下。蒜香炒牛柳粒飯，都幾惹味。套餐有得加$58有個拼盆，有燒牛舌，茄子，豬腩肉，呢個都幾香幾好味！

因為工作需要前往赤柱，第一次食此餐廳係比佢既裝修吸引。我一入去掃安心出行，我朋友掛住玩手機，只係行入舖一兩步，馬上俾樓面女侍應喝停 小姐！小姐！，態度不友善。樓面餐廳女職員態度差。明明餐廳無人食，吾俾揀位。問佢套餐係咪有茶同咖啡跟，佢話: 你中意啦! 。 但對待外國人就友善。我一入嚟5分鐘內已經叫野食 但遲入座同外賣都有得食先 我個餐足足等左35至40分鐘先有得食，最後廚房職員行出嚟同我講吾好意思，我乜都無講，亦無話可說。各位趕時間既食客千萬不要中伏！

今日難得出門行下，去左赤柱享受陽光與海風….4-5pm 有啲肚餓就入左去呢間餐廳食下午茶，無影相因為真係唔值得留念…我哋兩個人嗌左兩個下午茶set, 一個越式香茅豬扒河， 一個雞翼河，另外加左cheese sticks 同米紙卷，野飲就叫左凍檸茶同熱咖啡…個湯完全係味精湯，正常越式河個湯係清ge, 佢係濁嘅，完全無牛骨味…. 嗌兩碗粉，一碗多河粉，另一碗得3啖….塊香茅豬扒已經比鬆肉粉醃到無晒肉的質感…. 隻雞翼就炸到乾水…Cheese Stick 唔熱， 米紙卷入面d 菜唔新鮮同埋個汁唔好味….凍檸茶叫做正常，係無咩茶味杯熱咖啡就真係慘過飲即沖咖啡….成餐使左$302，我哋兩個一致認為以後都唔會再幫襯😞如果去到赤柱，去邊間都好，記住唔好去呢間，you deserve better😉

今日同朋友去赤柱逛街係赤柱廣場見到一間越南菜餐廳就去一試啦餐廳內環境頗寬敞整齊乾淨前菜頭盤蝦片即炸熱辣辣，十分脆口又不油膩小食雞翼加上蔥粒十分惹味必食炸豬扒撈檬勁多蔥，芫茜，紅蘿蔔絲超足料豬扒肉質煙韌頗好吃！薄切西冷牛肉湯河西冷牛肉煮得剛剛好超好吃，煙韌感覺湯底令人想一飲再飲

由於屋企附近有小巴直達赤柱, 所以久不久都會衣帶狗仔去行下食下野。早排就試左呢間餐廳, 外面睇以為係西餐廳/酒吧, 睇真D Menu, 原來係食越南野😀見佢有半戶外位, 價錢睇落又合理,就坐低試試。叫左個招牌香茅豬扒湯河, 雞翼同越南春卷🍜香茅豬扒分開上,確保佢唔會被D湯浸淋, 食到最後一塊都保持到香脆👍🏻河粉質地夠滑, 唔清楚係咩野湯底, 但個湯頭白白地, 唔知係咪心理作用, 好似有少少奶味咁, 味道就見人見至, 個人覺得可以👌🏻重點係佢加左大量葱同芫荽，成件事就加左分。不過又好似爭咁啲越南香料既風味🧐雞翼炸得好香, 但唔會好乾爭爭,重係好有肉汁, 上面鋪既蔥亦有加分👍🏻春卷就好正常既味道, 我估都係入貨返來炸的😅

好多年無去赤柱，好多餐廳都轉晒，赤柱多數都係西餐，我決定就去左呢間醫肚，食越南野。又係叫左杯啤酒，chill一chill先，我地叫左椰青，越式鮮蝦米紙卷，蝦多士，雞翼，最值得講既係蝦多士，果個蝦煮到好惹味，再夾埋一舊多士一齊食，口感同味道都好正，另外，鮮蝦米紙卷👍🏻👍🏻👍🏻，材料充足，味道清清地，仲有一種清新既味道。雞翼就不過不失，算大隻。

赤柱或赤柱廣場大部份餐廳都以西餐為主，難得有一間東南亞菜“越不同”越南菜，而且方間的越南菜館亦越來越少，大部份都係泰國菜為主。疫情關係，午餐時段非常之少人，得三、四枱客，作為食客的，就覺得舒服，可以慢慢享受個午餐，不用太趕。外邊一看，餐廳裝修以西式為主，如果看不到餐廳名以為是西餐廳。除了精選午餐之外，主餐牌亦有很多選擇😋新鮮青檸梳打👍，跟午餐套餐加$15，唔跟餐的就收$48。雞翼套餐加$45，雖然幾好味，但$45三隻偏貴。雞翼都算大隻，味很香口😋。不過就無我喜歡的蒜蓉牛油雞翼😁😁選擇。薄切西冷牛肉湯河粉，牛味重但有些少‘’鞋”口😬，河粉方面就唔夠滑但都可接受，而湯底好味夠香，有越南風味。蒜香炒牛柳粒飯💯，都很有牛味，此餐如不配白飯改嘆啤酒都正😅。牛柳粒要親熱食，好味。不過，發覺灑在上面的椒絲、䓤花.....等，和雞翼的一樣😬😬。佢又係無越南菜常有的牛柳粒紅飯☹️越式鮮虾米紙卷，這款值得推介💯😋。必試，味道很清，料足，很好味👍食物的質素都幾好，只是唔夠地道越南菜，夾雜咗好多西餐。價錢方面，如果每人只order一個午餐都不算太貴，可能我哋(兩人)加咗d小食，人均要二百多些，感覺上就好似貴咗d

難得放假想去郊外，去咗赤柱到行返轉，下午茶時間有少少肚餓，去咗赤柱廣場度搵嘢食本身諗住去食間茶餐廳，點知等位等到唔耐煩，最後轉食越南野<招牌大廚炒飯$115>大廚炒飯其實係雞肉炒飯，個調味啱啱好，唔會太鹹味道又唔算話好特別，不過都叫健康炒飯<素食布里芝士草菇三文治配薯條$88>呢個埔里布里芝士草菇三文治係幾好食嘅，平時食素會覺得差左d野芝士同草菇的配搭又幾有層次，有滿足感<香茅豬扒配飯$88>豬扒少少乾同硬，香茅味都OK

A lovely place with refreshing food. Our bun has fresh condiments and the sauce is very special, not the ordinary sweet sauce. We like that the taste is nicely mastered, not the usual commercial savoury taste. Ice dripping coffee is a must to kill off the summer heat