青越亭 (華欣樓)

Open Now

Now Closed

今早路經此地，食份豐富早餐才開工，竟然這店有驚喜，不用等位，早餐經濟實惠及性價比高，平均早餐每人$30,早餐選擇亦多，用料亦算不錯，本人一定會不時再到嘗試其他款式，因為味道不錯，價廉物美又多選擇,服務員又好，地方環境亦好，必然再來

呢間餐廳其實同一般茶餐廳無分别，食物大至上一樣，只不過係裝修上好似一間越南餐廳，食物出品就一般，但最奇怪的是要加一服務費，我未去過一間茶餐廳要收加一服務費囉！員工係多但無人理你，要送船咁手先有人彩吓你！仲要係呢種形式餐廳，無招呼，無服務，点解要比加一服務費？

間野係我附近，開張咁耐幫襯過3次，唔係食到唔知食乜都唔會幫襯。真心食物質素唔係勁難食，但有進步空間，不過價錢算平平地，要求就唔好咁高啦。不過今次去幫襯真係比個店員激到我胃痛！事源係落單既時候，講好多次個阿姐都聽唔清楚，咁算啦，可能戴左口罩講野會難聽清楚d。咁繼續落單啦，個麵要扣底，佢態度都幾差下問我扣底係多麵定少麵，其實你唔識咩係扣底又唔洗咁差態度既，真係嚇親囉之後佢落完單就走，我嗌住佢叫佢覆下單，因為驚大家聽唔清楚會有誤會。佢個樣變哂面，好似有d唔耐煩咁，我話我驚你漏單姐。點知張單打出黎無啦啦多左一個餐，我地咪同佢講番清楚囉，點知佢竟然同我地爭論話係我地頭先有嗌到個餐搞到我即刻好炆憎明明佢覆單果陣都無果個餐，仲有話你落多左個餐咪改單囉，點解要同客人爭論先？叫佢改番張單，講咁多廢話做乜，行動仲實際啦！

📍#青越亭📍Viet Lime Cafe & Restaurant #VietLimeCafeandRestaurant.🇭🇰香港柴灣吉勝街2號華欣地下1號舖🇭🇰Shop 1, G/F, Wah Yan House, 2 Kut Shing Street, Chai Wan, HK.人均消費: HKD80.味道: 👅👅👅賣相: 👀👀👀價格: 💰💰💰環境: 🌹🌹🌹服務: 👨🏻👨🏻性價比: ⭐️⭐️⭐️回頭率: 🔆🔆🔆.突然想吃越南生牛肉湯河，近近的滿足一下肚皮！.Ⓜ️「越式生熟牛肉湯河粉」 HKD58HKD58真的好大碗！湯底雖然唔算好越南風味，但都挺不錯！牛肉味道可以，幾驚訝裡面有幾片牛腩，而且味道幾好！唯獨河粉有點偏厚，不太掛湯，感除了幾塊生牛肉，有點像潮式牛腩河.⭐️「青越炸蝦餅」 +HKD26材料十足的炸蝦餅！超厚口感不錯！蝦味好濃，炸起來挺惹味，午餐加HKD26好像有點貴，確實是值的！.⭐️「安南炸青卷」 +HKD18炸春卷比較特別！春卷皮炸到金黃色，好像網一樣咬起來特別脆，口感很好味道都不錯！春卷和蝦餅，我會推薦春卷！.是越南菜，感覺偏港式風味，但味道幾不錯！同區來講算是可以，午餐可以選

This Vietnamese restaurant is by far the worse of all the others Vietnamese establishments, The food is plain and dry,  all the Vietnamese dishes doesn't taste like any Vietnamese dishes at all, and i waited 30 minutes in the cold to get my order....Will not go lesson learned.

今日lunch time 叫青越亭外賣食，我同一位同事都叫咗泰式炒金邊粉，一食我哋同時大叫「好難食」！，碗嘢係完全無味道，連一啲酸/甜味都無！ 我哋從來未食過咗咁難食嘅金邊粉！ 其他同事叫湯粉，直情係變左撈面咁，明明分開上，但都可以湯仲少過啲粉...... 好失望！ 又貴又唔好食！

聽朋友說這裏的火車頭質素不錯，這天來到附近，便過來試一試。餐廳位於柴灣地鐵站附近，店舖面積不小，枱與枱之間的距離亦不會太接近。叫了一碗青越火車頭河粉（ $54 ） ，跟餐送一杯熱飲。河粉可以免費轉檬粉或越式河粉，有扎肉魚蛋片牛𦟌雙丸等五六餸，調味不錯，亦有些調味料如辣椒青檸放在小碟子中另上。另外跟餐可以加一些小食。今次選擇了安南炸春卷（加$18 ）。炸得金黃酥脆的外皮中捲着蘿蔔和粉絲，半碟上亦有一些酸蘿蔔絲，甚是開胃。

因為都唔想去太遠食飯，突然諗起好耐無去過這間店記得當初剛開業時，都有很多優惠套餐。今日再經過見到都有些新套餐，所以就再一試我們點了一個2人套餐煙3文魚沙律——ok炸蝦餅就柴左啲，同埋唔夠彈口，應該供應商問題咖哩牛腩，夠淋，味道偏咸了點，如果點飯或蒜蓉飽食都可以接受，淨食就偏咸，不過夠香濃和椰香因為食唔晒，唔想浪費，所以打包了一點，用水開稀煮來食麵👍👍👍香茅豬扒湯粉，湯味超級濃郁👍👍👍豬扒都算ok，不算太柴黛糖咖啡沙冰和牛油果沙冰👍👍👍到最後甜品喇，其實剛寫食評先發現原來有點品😂所以服務員無提醒，又無主動提出，完全唔掂囉。真需要認真改善😫😫😫還有重點其實人唔多，啲食物唔洗出得太快，食物保存唔到熱度，質素都會差點

大家有冇食過唔熱微暖嘅生牛河？我食過，我昨日試過。見少少唔舒服，打算食碗熱粉，端上嚟竟然係一碗煙都冇嘅河粉，離譜到d河粉仲5層咁痴埋一舊舊，完全冇可能淥熟d生牛肉，最後成碗擺底俾錢走人，當跌左冇下次

食物味道ok，但係真係唔係好值，一個餐都差唔多80蚊，仲要收加一。其實收加一唔係問題，但係坐底無人理，無餐牌，要客人自己拎，食物落咗單之後20分鐘都未有。如果餐廳係要收加一，可唔可以合理d，俾番d服務黎睇，對得住個服務費？

星期日，瞓晏左約左朋友喺柴灣，黎到都下午2點多，又未食野，於是到柴灣站附近嘅青越亭醫下肚先。睇個店名都知係食越式食物為主。室內環境佈置算優雅。當我攞個餐牌一睇，點解下午茶餐咁似一般茶記🤔🤔？咁只好揀主餐牌。最後叫左兩碗兩碗越南湯粉，兩碗都轉金邊粉，再加一個小食。當上第一碗雞絲扎肉金邊粉時，發覺比錯左河粉，當然即時叫返落單職員黎，同佢講我哋轉左金邊粉，佢就答一句我同廚房講左，跟手臉黑晒就攞左碗粉態度認真麻麻。再過一陣，終於上返正確。1. 安南雞絲扎肉金邊粉($46)，扎肉好味，但雞絲好嚡，蘿蔔無味仲有點苦，而金邊粉亦好硬，好似無乜煮過咁2. 大叻牛丸金邊粉($48)，牛丸尚可，而蘿蔔同樣有苦味，而金邊粉亦好硬3. 香茅雞翼($25)，無香茅味，你可以當佢係一般炸雞翼，無乜分唔全餐唯一滿意係杯檬茶，茶底濃郁，夠茶香味

因為訂唔到附近間cafe walk in 又唔夠位，去第二到又唔夠時間，就是但入左呢間食。叫左個南瓜冬陰功海鮮焗飯，等左25分鐘，仲以為佢原個南瓜上所以咁耐，事實證明我太天真。終於上菜，只係一個兜裝住既焗飯。無所謂啦，外表既野…食落口，D汁根本無冬陰功味，無南瓜味。但最精彩都係D 所謂既魚塊。我一時衝動放左一舊入口，頂，咬唔開既???? 獲利回吐出黎，用刀切開黎見我啦，點知係咪包左塊膠黎炸!一切開，根本就係炸粉包空氣! 一滴魚都無喎! 68蚊喎! 炸瑞士山區空氣??? 成兜飯最入得口既，係個飯底，起碼係白飯!同行同事叫撈檬，落成半支sauce都話淡... 但口味呢D野各有所好啦，可能大家都想健康D呢...唯一值得提下既係個水吧，D 飲品名好有特色。但要入去堂食，又要加一，又要等，又難食，咁就絕對唔使再去啦。

柴灣無乜嘢好食大家都知，呢間近地鐵站，但一直都無試過，今次想食番啲清清地嘅嘢食，就嚟啦！上菜速度快，侍應又幾有禮貌，裝修幾骨致。木瓜沙律好正，酸酸甜甜，勁fresh，雖然有豆芽菜，但都無影響到整體味道嘅。另外就係香茅豬扒！真係好特別，一啲都唔油，食落有青檸嘅香味，好清新，仲有葱花配埋一齊，配搭起上嚟一啲都唔輸蝕。最後個set有個芋香鮮草芋圓，又比佢惊左下，係熱嘅，真係估佢唔到。啲芋圓幾有本身材料嘅味道，真材實料嘅最特別係個底唔係平時見開嗰啲西米，係薏米🤣咁熱食又幾啱嘅！

2019年10月20日晚上8點多進入餐廳當時餐廳人不算多待應叫隨便坐，坐低幾分鐘都未有人俾menu。叫左一個呀姐俾，又話唔得閒等陣，之後仲走左去，見佢做完野都冇拎menu黎。叫過第二個算。到叫野食，又係叫左好多次，一係扮聽唔到，一係扮忙，仲西口西面仲要叫不同人最後先有人幫手落單。水又唔主動俾，又係叫左幾次先有。態度差都算叫左個泰妃雞飯，好失望，雞肉鞋身，右邊個汁唔知點解澀口，最後冇點到個汁只點薑蓉。咁的質素$75一個飯真係唔值。埋單發現仲要加一服務費？！俾過d咩服務？憑咩值得收加一，咩都要三催四請先肯做。垃圾服務。真係冇下次

公司又有同事生日🎂喇！Lunch當然要一齊食飯慶祝下啦，公司附近有間食越南菜餐廳，啲食物抵食又大碗，而且仲有特色飲品。好彩食12:30，仲有行得快，唔洗等位就有位喇！遲多半個鐘就要排隊喇！因為附近工廠區都放午膳。我好快就揀左越式豬扒湯檬，仲揀左杯特飲：芝芝芒果，特飲跟餐只須半價就可以有得飲喇！出菜時間好快手，而且碗粉仲係好熱辣辣的，快得黎之餘一定唔係預先煮好左ge食物。一如既往都係大大碗粉，仲好細心將啲炸左豬扒分開裝上，咁就唔會令豬扒比啲湯浸淋啦。食完碗粉已經好飽，好彩杯飲品用左外賣杯裝，可以拎住返公司慢慢嘆。