越南屋

Open Now

Now Closed

見好耐冇食過越南嘢，知道大埔哩間小店嘅廚師全部都係越南人，所以專登去試下🤓小店門口裝修好簡約，要行上一條短短嘅樓梯入店內😛Lunch time去嘅時候唔算太多人，一個人去都唔使搭枱😎佢餐牌都幾多選擇，有已經配好哂嘅飯麵套餐，仲有自選套餐，最後揀咗個越式雞飯試下🤪.🐽越式雞飯🐽佢嘅雞好濃雞味🐥肉質夠嫰滑，配菜又好開胃，可以中和雞肉嘅油膩感😝不過佢嘅份量十足，如果大家胃口唔大嘅話記得叫少飯，唔好做大嘥鬼呀👻.總括嚟講覺得唔錯，份量好多好抵食，而且雞飯嘅質素都唔差，會再去試下其他嘢🥰.題外話：留意到佢餐牌上有幾款食品都有素食標記，所以素食者都可以去試下架🌱

行完街好餓叫左個二人套餐A，比起散嗌其實價錢只係平少少，好睇你啱唔啱食套餐入面嘅選擇我要左個炭燒豬頸肉湯檬，好多片肉！燒得啱啱好個皮有啲脆肉係好腍，湯底唔濃但好甜。檬粉都有好多，食到後尾差啲食唔落其他嘢。上湯浸通菜個湯係一樣嘅，但菜好新鮮，亦冇煮到熟得滯，啱啱好香矛豬扒飯又係好大塊豬扒，炸得好靚！香矛雞翼不得了，好邪惡～外脆內軟，上菜一陣忍唔住食左隻，一啖咬落去出哂煙好新鮮！小店果然係充滿驚喜！好耐冇食過咁令人滿意又好抵食嘅越南菜 💛

今次又黎食越南野啦,對東南亞美食真係情有獨鐘,唔知點解咁鐘意東南亞ge調味,唔通上世係東南亞人?舖頭環境細細,店員好細心,本身我地四個人黎食坐四人枱,第二枱客人走左之後就主動幫我地調張六人枱,可以坐得舒服啲,今日有啲餓,嗌左個雞飯,個飯份量唔細,味道都唔錯,不過就油左少少,有少少多餘油脂流左出黎,不過都可以接受ge越南野黎講價錢都幾親民,算係平價越南美食下次再黎試下檬粉個啲都好,仲有其他小食都未試,睇相都幾吸引

唔係第一次食越南屋, 網上外賣平台過一次, 印象碗粉冇咩特別, 今次堂食就唔同啦~ 好正呀🤤越南餐廳既賣點就係搭配好多, 配湯檬湯河唔夠仲可以叫小食拼盤🍴而今次叫左兩個二人套餐A再加小食, 原來係可以多到打包埋聽日做lunch既😂想食飯既可以考慮二人套餐B👇🏻開始講野食, 之前聽講廚師真係越南人, 食完今餐信啦, 真係好味過出面既越南餐廳😛<熟牛肉湯河>朋友麻麻地生野所以叫左個熟牛肉, 牛肉煎過再落湯, 肉質唔會咬到強化咀嚼肌但因為煎過所以個湯比生牛肉湯河油膩少少🤏🏻<生牛肉湯河>牛肉湯好濃呀! 浸完熱湯生牛肉都熟啦, 加上湯冇咁油, 生熟牛肉揀我一定勸朋友食生牛肉💁🏻‍♀️<豬頸肉湯檬>越式豬頸肉真係好香而且肥肉較少唔黐牙, 湯冇牛肉湯咁濃味, 但豬頸肉湯檬對我黎講係越南餐廳經典必叫👐🏻<蕃茄蟹膏湯檬>唔係講笑‼️好正‼️本身睇餐牌見到既人唔係好愛蟹膏既話唔會嗌, 因為感覺冇咩餸😂但係佢好豐富呀~有豆卜札肉仲有蝦🦐札肉真嘅要讚因為咬落有少少類似軟骨墨魚口感既東西係入面, 而且切得厚肉質好紮實, 唔會食左好似冇食過咁😋至於湯有啲

店舖細細間， 裝修簡簡單單，嘢食仲好抵食，份量多到食唔哂生牛肉湯河 📍$49牛肉薄片唔算太肥，牛味都算幾濃，連個湯都幾重牛肉味。有時簡簡單單嘅生牛肉湯河已經好足夠

蕃茄蟹膏湯檬小店裝修簡單，幾幅簡單嘅壁畫各有越南特色，小妹鍾意蕃茄，一家試一試啦。湯底有茄味，又有蟹膏味，很不錯😋最重要係飲完都唔頸渴，真材實料！配菜都算豐富：🍅半個，札肉3片，豆腐3粒，檬粉既份量都好多，食晒碗粉先發覺原來自己都飲左大半碗湯😂好味💛

最近口痕想食下越南菜，見到大埔有間望落幾抵既就捉埋朋友去食。舖頭唔算大，大概廿個位左右，星期五晚都幾多人。D野食望落唔貴，而且全部都好大份。食到超飽。我叫左炭燒豬頸肉湯河，朋友叫左香茅烤豬肉撈檬。我哋仲加左份越式蝦餅。二人套餐Menu二人套餐Menu單點Menu單點/飲品Menu越式蝦餅( 全份)。超大份！！我哋以為佢係好似某連鎖越南菜既蝦餅果種size，點知原來係咁大份。蝦餅超爽口彈牙，食落唔會成口油，超好食！推廌！炭燒豬頸肉湯河。望落都見到有超多豬頸肉，點知原來河粉都勁多，多到係平時食既1.5倍分量！豬頸肉好爽口，好正朋友既香茅烤豬肉撈檬，好多料，d肉幾腍，略嫌個汁唔太夠味。分量都唔少。呢間越南菜幾好食，分量超多，座位都幾好坐，幾抵食。

之前未試過 見佢近近地就嗌外賣試下 用熊貓嗌 拎到上樓拆開黎食先發現俾漏左杯凍檸茶同餐具 希望下次對齊單啦 香茅烤牛肉都幾香幾惹味 屋企人都話脆皮雞扒好食 河粉好滑 湯都好味 整體幾好

一直有同屋企人黎喱到食開，忍唔住要post下讚佢店舖細細，但都容納到廿十人左右，食物方面有好多選擇，幾乎任何選擇都可以揀湯粉定撈㩚，而且有好多小食可以揀，包括炸多春魚、炸豆腐、春卷等。豬頸肉撈㩚大家睇下，份量超多係本人十分喜愛既豬頸肉撈㩚，勁大塊豬頸肉，唔係得三四塊架，其他配料都好足極級推薦越南咖啡Amazing呀，真係見住佢一滴一滴 滴到停為止就可以飲喇，唔大杯既，而且會有少少咖啡粒粒，同平時飲既咖啡唔同味，有少少苦既，但又無嗅果隻咖啡香咁濃烈，推介值得一試而生牛肉河都好正架，個湯底好甜，而家牛肉都多既，真係值得一食

去朋友家玩，臨返到朋友家先去買外賣，佢揀咗呢間越南菜（因為唔係即刻食，撈檬係可以放耐啲都好味的食物）我要看車由熟路的佢去買，白膠袋微波爐透明膠盒，包裝乾淨企理，我同朋友都係食雞絲撈檬，每盒跟一個撈檬嘅醬汁，一份外賣餐具，一份份量不大，女士就剛好，男士應該會不夠飽，撈好食檬粉彈牙，雞絲幾滑，不會嚡，雞味幾香，配料（生菜、蘿蔔絲、花生碎、蔥油）同檬粉嘅比例幾好，唔會覺得配料不夠！醬汁份量剛好，掛麵能力ok，酸酸的不太鹹開胃，整體好味

平日 12 點黎食越南野 , 唔洗等位第 1 次黎 , 門面唔係好起眼 ~ 🤔餐牌 :香茅豬扒飯 ($49)豬扒切好曬 ~ 好方便食 ~ 份量合理 , 夠入味 ! 肉質尚可 ! 鼓油味道正常 ~ 不過因為豬扒夠味 , 所以都唔洗點落鼓油 ~ 雞絲 + 炭燒豬頸肉 + 炸豆腐湯河 ( $67)呢碗其實係炭燒豬頸肉湯河 + $ 8 配一份雞絲 + $ 8  配一份炸豆腐平時食越式粉麵會揀金邊粉 , 不過呢間食店冇金邊粉 ~ 所以揀左河粉記住問店員拎青檸同辣椒 ~ 個湯帶 d 酸辣更加好味 !上菜時個湯係暖同熱之間 , 唔係熱到出曬煙個種 湯河份量都幾多 , 正常食量女仔食唔曬 , 男仔應該岩岩好 ~雞絲 - 肉質偏鞋 , 食唔到雞味 , 份量正常炸豆腐 - 有 4 粒 , 佢唔係黃金豆腐 ( 即係中間係軟滑豆腐個種) 就咁食只有豆味同有 dd 乾 , 如果配埋酸辣醬應該惹味 d ~炭燒豬頸肉大概有 10 - 12 片 , 係超薄切 , 個人認為唔夠口感 😫炭燒味唔係好覺 , 食落有少少甜味 , 亦都夠底味 , 唔錯唔錯凍檸茶 (+ $5)  唔夠甜 ~埋單 $121 , 2 個人食到好飽

I went there with the family of four including my two children. We ordered a few dishes including a simple Phoa Soup noodles, a shared platter including sliced pork, tofu, and fried spring rolls, rice rolls and vegetables (morning glory).I liked the noodle soup best. Simple dish but the broth was just right and the few leaves of green gave it just the right typical Vietnamese Phoa taste.The shared platter was ok. I’m not a huge fan of pork so I left that to my wife. The tofu tasted more like a m

今日又入左黎大埔搵食.左兜右兜下我地行左黎呢間.雖然表面上係冬天, 但天氣真係同夏天冇分別, 所以想食撈檬開心下~LUNCH 冇SET, 不過叫湯粉可加錢點餐飲. 計埋AROUND 53-55, 都係HAPPY PRICE黎~我就叫左脆皮雞扒撈檬. $48+5.雞扒的確好脆~不過賣相就唔知點解散左, 所以唔知佢係咪一整塊黎~不過份量都算多, 唔會食哂D 肉淨返D 粉咁~畀朋友試完都話好食左有進步... 佢都見到多人過以前..朋友叫左. 香茅豬扒湯河~ $48+5其實我覺得叫得湯粉既話, 份肉應該要分開上.. 浸住咪淋哂影響口感咯?!唔知係要特別REQUEST 定點.但我覺得作為店家, 應該唔好懶, 分開上先合理~

雖然住喺大埔都有10年時間但其實一直都好少喺大埔開餐早排行經過近大埔街市呢間餐廳門外面又幾香喎 晚飯時段唔使等位就即管試吓! 坐低之後叫咗咖哩豬扒飯同香茅雞扒飯以為最易岀事嘅會係啲豬扒/雞扒炸到乾晒點知又炸很幾好喎 肉質算腍仲有啲juicy👍🏻咖哩味道唔辣 係比較重椰香味個種 但係最失望係 碟飯完全唔熱😅 啲餸都只係暖暖哋 真係好食都冇用🤮

2個人分別點左:豬頸肉撈檬, 順化湯河, 越式蒸粉卷同牛油雞翼豬頸肉撈檬: 豬頸肉同檬粉量都算正常, 但係一般撈檬O既配料花生, 蔥真係寥寥可數, 撈檬個汁好明顯比其他越南鋪淡, 豬頸肉好乾唔爽身,撈檬個汁同檬粉撈埋之後, 唔知點解D檬粉會食到有魚露味 (3/ 10)順化湯河:湯底好明顯落左大量魚露, 成個湯得陣魚露味(唔知係咪順化湯河O既特色!!??), 牛展, 豬手, 扎肉味道可以接受, 河粉唔會碌得過籠, 又於個湯太咸, 食完成碗野都無乜點飲個湯都超頸渴(4/10)越式蒸粉卷:個粉皮好厚, 可以話仲厚過急凍心D腸粉, 餡料份量正常, 上枱前已經幫你落左魚露, 如果你食開越式蒸粉卷係點撈檬個汁, 真係要落單果陣特別要求返先得(5/10)牛油雞翼:雖然上枱果陣係夠晒熱, 但好明顯唔係生炸, 應該係預先出左水先, 有單先落炸爐度炸,整體得個咸字, 無牛油香味,  (2/ 10)