越南屋

Open Now

Now Closed

千祈唔好嗌佢外賣撈檬， 唔畀汁嘅!叫呢間嘢外賣，嗌咗烤牛肉撈檬， 脆皮雞扒飯， 牛油雞翼， 軟殼蟹紙米卷， 嘢食味道ok既，不過牛油雞翼真係冇乜蒜蓉牛油味， 脆皮雞扒飯完全食唔到係越式， 可能我錯expectation, assume 咗佢係越南嘢啦。不過最離譜呢，你撈檬唔俾個汁， 你叫人點食呀大佬， 送外賣嗰個又走咗，就算喺度都企喺度啦，我而家要乾哽你啲撈檬， 我真係非常非常之好唔開心先寫呢篇食評囉， 希望你以後送外賣之前都check清楚， 唔好再整蠱人啦！

本日為2021年1月13日，我用foodpanda叫咗呢間餐廳嘅外賣，食物送到後發現有所缺漏，而飲品亦全數倒晒出嚟，得返3份1杯。我立刻打電話去餐廳，職員沒有提供任何協助，只係一而再再而三咁將責任推卸落foodpanda。話出餐時已經出齊食物，係車手嘅問題。我再問佢可唔可以補返食物，佢哋亦表示唔係餐廳嘅問題，叫我自己打去foodpanda問。你諗吓天寒地凍又肚餓，食物唔齊我已經嬲到跳晒掣，仲要我自己去搵foodpanda求助？唔係掛？仲有，聽電話個餐廳職員態度奇差，無show到同情心同主動協助客人之外，仲cut我線。係，係佢主動cut我線。請問咁樣係待客之道嗎？食物質素好壞我唔評論，但職員態道咁差，食客會回頭再光顧嗎？

一年不會去一次的大埔，聞說區內黃店人龍特別多，確實目睹了其他店舖水靜河飛。廣福大道一間週末人流尚可，坐低點了蓄茄蟹膏湯濛，扎肉兩片，怪怪肉丸一大粒，蝦一小隻開半，以為好孤寒？獨特油豆腐無數粒，湯底清，無味精，加紫蘇葉兩大扎，淡淡蟹膏香，飲到底，可惜濛粉浸太耐易淋。粉麵餐有水準，上餐特快，可是食飯就要等等。點了古法炆豬腩飯，一小碗炆豬腩，與其他飯款比較，餸份量偏少，但豬肉入味，似老抽加冰糖，肥瘦相間，肥香瘦硬。整體好食，但唔知點解星期六日同公眾假期要加一，雖然現時午市唔平，但$5X堪可媲美港島價了。

💛💛💛越南屋💛💛💛一家人去大埔，到下午茶時間要搵啲輕食食吓。之前已經食過呢間越南屋，知道佢既分量係點，好啱下午茶時候食。去之前我仲以為依啲時間有下午茶餐，坐低先知原來都係單點，所以唔算抵。原因係佢份量唔多，麵嘅份量方面偏向係一個女仔食啱啱好，男仔食就有少少唔夠。我哋總共買咗三碗麵，分別係鮮茄湯豬頸肉河粉 $55 (轉湯另+ $3)豬頸肉燒得幾香，不過偏薄，食落冇乜嘢肉汁🤧。蕃茄湯都還可以，唔算係好濃嘅蕃茄湯。不過勝在唔係好鹹，真係食到有蕃茄味，好fresh😂！鮮茄牛腩河 $55竟然裡面有西芹紅蘿蔔，多左樣餸食。牛腩幾好食，煮到好淋，仲要好入味。每一塊既大細適中，份量都唔少，唔會剩係得兩舊肉就要餸晒成碗面。三碗入面，如果只計肉方面，牛腩最好🐂🤤。豬扒湯檬 $50豬扒方面都唔算乾，還可以，但唔會有驚為天人既味道🤨。可能因為浸左落啲湯度，所以唔會係好脆嘅炸豬扒😖。我最鍾意嘅係上面有啲生洋蔥，食落好開胃，好清新。三碗入面，清湯最岩我胃口。檬粉唔算好食，下次我會嗌返河粉。嘢飲方面要加$12先有特飲。我哋今次嗌咗凍越式蜂蜜柚子茶同椰汁三色冰🤤！凍越式蜂蜜柚子茶唔夠柚子，椰汁三色冰好飲。環境方面好有

好少入大埔既我，一落車即刻搵附近有咩黃店，咁岩同行個位好喜愛越南野，就揀左食呢間言簡意賅既越南屋！炭燒豬頸肉湯河 $55個豬頸肉燒得幾香，even浸住d湯都唔會話淋哂/淡哂～個湯底咸度岩岩好，唔會好重口，最後飲哂成碗湯🤣脆皮雞扒撈檬 $50個雞炸到好脆，個雞皮一咬落去脆卜卜有聲好治癒～同埋份量都好多下，奇怪點解夾極都仲有😂個汁用玻璃樽裝住一大壺想倒幾多就落幾多，唔係比一細碗你限住落，讚喔！另外值得讚既係每張枱都有好大枝搓手液，坐得都唔會逼👍🏻

在大埔街頭走著走著，感到又累又餓，故隨心地走進一間外表平民化的越南菜餐廳。.「蕃茄蟹膏湯檬」$50🍽：之前一直想試試蟹膏湯檬，感覺味道會很鮮甜，及有較多的蟹膏在內。但這碗湯檬的味道十分清淡，蕃茄味及蟹膏味都欠缺。當中能吃到少許的蟹膏，另有札肉、豆卜在內。味道一般，不會想再吃第二次。.「生牛肉湯河」$50🍽：同樣地在越南餐廳常見的粉麵，上菜時的牛肉保持著半熟狀態，味道鮮嫩，但整體來說，就是一碗普通的湯河。

尋日喺大埔返到附近有啲肚餓， 雖然都就嚟食得飯， 但就忍唔住自己食咗先。行行下行到去大埔墟見到呢一間越南餐廳喺側邊， 於是入去試一試。 見佢叫個海南雞飯餐都唔算太貴， 忍唔住變咗做正餐海南雞飯都算幾滑，d雞 煮到緊緊熟 唔會太老， 有幾個酸瓜 同埋白蘿蔔 吊下味都幾開心。 飯嘅份量都唔少， 食到好飽飽肥by the way , 我咁啱先坐嗰個位就係招財貓隔離， 佢望住我食飯， 對於作為貓奴嘅我嚟講 ，都幾得意， 好開心， 香港人要多多支持小店

想係大埔搵一間黃店食，見到呢間平平地就入去試試啦。一入到去見到樓面無咩黃既擺設，店員全部都以普通話溝通，所以唔係好知道係唔係真係黃（呢一點大家自己ＦＣ下啦），但係聽到廚房係講越南話既，咁應該都算係比較正式既越南菜黎既。講番個飯，不過不失啦，始終佢唔係Ｄ　ＦＡＮＣＹ既餐廳，價錢比較平，所以ＣＰ值都算唔錯。留意一下個飯唔係白飯，而係有加香料既油飯，所以好香口。豬扒都唔錯，唔會好似茶記果Ｄ又油又肥，呢個食完都覺得唔會增肥既飯。佢後面個配菜都幾好味，有青瓜、蘿蔔、花生，都算係幾多而又幾好味。ＯＶＥＲＡＬＬ，就係可以話幾好味既快餐咁啦，好岩一個人快食！

叫外賣漏左野，打去問佢點算，叫我自己落去拎。之後居然話本身都係送比我，漏左叫我算數。唔係送架！我叫個餐本身就貴D！態度極差再講食物，份量少到喊！我叫撈曚，個汁難食到爆，豬頸肉無味！永不再幫襯！

唔講唔知原來大埔舊墟附近有一間越南黃店💛越南屋嘅廚師全部都係越南人，平時經過都見到有人排隊，所以今日我同男朋友就嚟試吓佢😛🌿越式海鮮湯檬 $60越式海鮮湯檬用咗蕃茄湯底，酸酸甜甜幾開胃，好啱女仔食！湯檬入面有青口、蝦、魷魚同豆腐，全部都幾新鮮，份量亦足夠。🌿越式特別牛河 $60越式特別牛河湯底清甜，相比一般嘅越南牛河唔算濃郁。牛河材料有牛丸、生牛肉、牛展同埋金錢肚，味道正常。🌿越南滴漏咖啡 $30 (跟餐另加$22)出於好奇，我哋叫咗呢個咖啡試吓🙈 越南滴漏咖啡其實即係凍咖啡加煉奶，味道好香濃，飲完之後會好醒神！咖啡會裝喺一個滴漏容器入面，之後慢慢滴落裝有煉奶嘅杯入邊，幾分鐘後當咖啡完全滴落杯入邊就可以將佢倒入冰杯㗎啦。喺香港其他餐廳比較少機會可以品嚐到呢種有特色咖啡，幾有趣！🌿越式拼盤A $99凍食嘅扎肉新鮮好味，感覺就好似自助餐嘅凍肉盤🤤春卷、蝦餅、香茅雞翼都係即炸，所以都係熱辣辣，春卷皮煙煙韌韌，口感豐富。不過呢個拼盤唔太抵食，份量偏少，但價錢比主食仲貴，下次未必會再叫。🌿小結：越南屋食物新鮮，味道算唔錯，都幾有越南風味。呢度一個主食$50起跳，小食或小菜由$32至$99不等，以

本來點順化湯檬（豬手、牛𦟌、扎肉，香辣湯底）可惜湯底還未準備好，唯有改清湯。湯底清香鮮甜，檬粉內有芽菜，香葉、香葱增添香氣。豬手燜得夠稔又唔會爛溶溶，牛𦟌好香，如果係厚切就完美，扎肉不過不失。

又推介大埔美食喇! 要入返舊墟附近覓食! 今次再來到南盛街，行入少少有間唔顯眼的小食店!價錢唔算好平，但份量好足，兼最重要係好食! Menu野食都算多，既有主食，亦有小食選擇 越南美食就一定要食湯河/檬粉! 今次想食佢D炸物… 所以都點了炸蝦餅湯檬、炸香茅雞翼湯檬，另外點了4條越式春卷! 冷熱飲品另加$5 1. 炸蝦餅湯檬蝦餅新鮮炸，夠彈牙，唔厚粉，仲要係全份蝦餅! 比單點蝦餅抵食D 湯底雖然望落雖然清清地，但味道係淆得幾濃! 2. 香茅雞翼湯檬雞翼好香! 都係剛剛炸起，不過如果可另上雞翼就更好，否則就好快浸腍，食唔返佢個脆皮! 特別依碗多有多D金不換，所以多左種香草味係令湯底更濃! 如果芽菜及洋蔥多D就更好了 3. 越式春卷 炸得好鬆脆，涵料以素菜為主，所以唔會好肥膩! 配埋生菜食就再Fresh D 埋單$169 但都食到好多野…價錢算係咁!

特地去試一試良心食店，有驚喜。此小店雖然位於一間麻雀館旁，但走上幾級樓梯就到了一個截然不同的世界。店內裝修閒適，乾淨整潔，牆上掛了一些掛畫，感覺有點像去了旅行。Oh，可能是武漢肺炎後沒得外遊的錯覺吧！ 我們兩個人，看見隔離枱的女士吃得津津有味，就照樣點了個越南三寶飯，另外還點了個蕃茄蟹膏河粉和三色冰。三寶飯有炸豬扒、炸雞翼和扎肉，炸得外脆內嫩，調味剛剛好，好吃！ 另外蕃茄蟹湯河有鮮味，內有蝦、豆卜和扎肉，我問職員取了一些鮮辣椒🌶️粒加進湯內，湯就更好喝了！喝完沒有口渴。 三色冰就好有椰汁味，只是裡面的三色粒粒跟平時的不同，不是一條條的啫喱，而是一塊塊的綠色顆粒，咬落爽爽的，不是難吃，只是不習慣而已☺️ 看到隔離桌有人喝滴滴咖啡，有機會我會帶家人來試試。 整體來說，乾淨衛生，食物美味，推薦！

為食妹來到具爭議的小店，位於大埔舊街的一角，如果唔熟路都幾難搵的，但是呢間店冷氣特凍，像在炎炎夏日的綠洲，加了不少分。小妹來過幾次，有兩次朋友吃了凍檬肚痾，但係兩次我都無事，可能我吃的是熱湯🍲？！又或者朋友的腸胃較弱？！我們都沒有深究再次幫襯，因為附近都沒有同類型的特式湯粉麵食但係為食的同路人如果幫襯就要考慮一下食物的選擇了：）店內有粉麵飯全日餐，配港式飲品，加錢配椰汁冰龍眼冰滴滴咖啡等選擇，小妹只鍾愛COT ， 這種港式味道，別的地方找不到。小妹選擇了三式湯檬（豬扒、扎肉、雞翼）湯檬，朋友這次選擇了春卷凍檬。先點評熱湯清甜，無味精，配九層塔，洋蔥、芽菜已經好正，通常會加青檸辣椒簡直完美。未分顏色時小妹間中會光顧x棧，但係x棧呢間餐廳既質素已經每況愈下，首先服務員已經唔會提供紙巾，之後熱湯上九層塔已經轉為普通香蔥，甚至連洋蔥都無，作為一個食客未分陣營就再頭也不回了，在這個美食大千世界，唔好以為你減少少啲人睇唔到，係睇得好清楚！但值得高興😊的在這家越南屋找回一個熟悉的味道。另外配菜雞翼豬扒札肉不過不失，都是炸的，但沒有很厚粉，有香茅味道，豬扒很稔唔會乾柴👍🏻。朋友都喜歡食凍檬有齊女甘筍、

抵食之選！價錢平之餘 又比連鎖越店好味回頭率極高而家疫情間間食肆都生意慘淡餐廳竟然多人到要等位可想而知人氣高企！🍜炭燒豬頸肉湯麵湯底清甜 必加青檸指天椒為湯底另添一個層次豬頸肉份量好夠可惜略嚴切得較薄影響口感 唔夠爽彈🍜越式蝦餅撈檬蝦餅皮脆彈牙夠厚夠大件 份量遠超價錢抵！！！而撈檬配料豐富白蘿蔔+紅蘿蔔+青瓜+椰菜絲+花生碎不同配料嘅配搭 更湊爽脆嘅口感淋上酸甜湯汁 更加開胃大推喺夏天食！***飲品+$5